Monday, August 25, 2025

காலையில் பலி மாலையில் விபத்து மதுரையில் கர்ஜித்த சிங்கம்


 காலையில் பலி மாலையில் விபத்து

மதுரையில் கர்ஜித்த சிங்கம் 

நடிகர் விஜய் தலைமையிலான தமிழக வெற்றிக் கழகம்  தனது இரண்டாவது மாநில மாநாட்டை மதுரை, பரபத்தி பகுதியில் உள்ள 506 ஏக்கர் பரப்பளவில்  நேற்று வியாழக்கிழமை பிரம்மாண்டமாக நடத்தி முடித்தது.

  மாலை 4 மணிக்கு தொடங்குவதாக அறிவிக்கப்பட்டிருந்த மாநாடு,  இலட்சக்கணக்கான மக்கள் கூடியதால் முன்கூட்டியே 3 மணிக்கே தொடங்கியது.

மாநாட்டு அரங்கம் முழுவதும் தொண்டர்களாலும்,  ரசிகர்களாலும் நிரம்பி வழிந்தது.

மாநாட்டுக்காக  பதாகையைக் கட்டிய இளைஞர் ஒருவர் மின்சாரம் தாக்கி உயிரிழந்தார்.

சுமார் 100 அடிஉயரமான கொடிக்கம்பம் நிலை நாட்டப்பட்ட போது கிறேன்  கேபிள் அறுந்ததால் கொடிக்கம்பம் விழுந்து கார்  ஒன்று  சேதமாகியது. கொடிக் கம்பத்துக்கு அருகே இருந்தவர்கள் சிதறி ஓடியதால் பெரும் ஆபத்து விலகியது.

விக்ரவாண்டியில் நடைபெற்ற முதலாவது   மாநில மாநாட்டில் கலந்துகொண்ட  நான்கு  இளைஞர்கள் பலியானார்கள். அப்போது விஜய் நேரில் செல்லவில்லை என்ற விமர்சனம் எழுந்தது.விக்ரவாண்டியைப் போன்று அசம்பாவிதம் எதுவும் நடகக்கூடாது என்பதில்  ஏற்பாட்டாளர்கள்  மிகுந்த அவதானத்துடன் இருந்தார்கள். ஆஅனால், அவர்களையும் மீறி அசம்பாவிதங்கள் நடந்துள்ளன.

தமிழகம் மட்டுமல்லாது இந்தியாவே வியந்து பார்க்கும் வகையில் மாநாடு நடை பெற்றது.  அதிக வெப்பம்,  கட்டுக்கடங்காத கூட்டம் ஆகியவற்றால் சுமார் 60 பேர் மயங்கி விழுந்தார்கள்.  இருவர் மாரடைப்பால் மரணமானார்கள்.

 விஜயின் வருகைக்காக சுமார்  2  இலட்சத்துக்கும் அதிகமான மக்கள் காத்திருந்தார்கள்.

விஜயைக் கண்டதும்  ஆரவார கோஷம் வானைப் பிளந்தது. விஷேடமாக அமைக்கப்பட்ட  நடைபாதையில் கையை அசைத்தபடி விஜய் நடந்தார். விஜயைப் பார்த்த பின்னர் கூட்ட  மெது மெதுவாகக் கலையத் தொடங்கியது.

விஜயி  பேச்சைக் கேட்க அரசியல் ஆய்வாளர்கள் ஆவலாக  இருந்தார்கள். விஜய் பேசத் தொடங்கியதும் அவர் மீதிருந்த  திப்பு  ஒட்டுமொத்தமாகச் சரிந்து விட்டது.

முதல்வரை அங்கிள் என்றார் 

 பிரதமர் மோடியை நரேந்திர மோடிஜீ என்றார்.

விஜய்  பேசிய ஒரு சில சொற்களால் அங்கிருந்த  பெண்கள்  முகம் சுழித்தார்கள்.

விஜயின் முக்கிய எதிரி திமுகதான்.

பாரதீயா ஜனதா, அதிமுக ஆகிய கட்சிகளை ஒப்புக்கு திட்டினார்.

கமலையும், சீமானையும் கண்டபடி விமர்சித்தார். ரஜினியையும்  லேசகச் சீண்டிப்பார்த்தார்.

காமராஜரும், அண்ணாவும்  தனது அர்சியல் வழிகாட்டிகள் என விஜய் சொன்னார். காமராஜர் மீதும் அண்ணாவின் மீதும் மதிப்பும் மரியாதையும் வைத்திருப்பவர்கள் விஜய்க்கு வாக்களிக்க மாட்டார்கள்.

காமராஜருக்கு  காங்கிரஸ் கட்சி இருக்க்கிறது.  அண்ணாவை திமுகவும், அதிமுகவும் பங்கு போட்டுள்ளன.

எம்.ஜி.ஆரையும், மதுரையின் மைந்த விஜயகாந்தையும் நினைவு படுத்தினார்.

அதிமுகவை விட்டு  எம்.ஜி.ஆரின் விசுவாசிகள்  வெளியேற மாட்டார்கள். விஜயகாந்துக்கு என தனியாக ஒரு கட்சி இருக்கிறது.

எந்தக் கட்சியுடனும் கூட்டணி இல்லை. தமிழகத்தின் 234  தொகுதிகளிலும் தவெக போட்டியிடும் சகல தொகுதிகளிலும் விஜய்தான் வேட்பாளர் என்றார்.

அதிமுகவுடனும், பாரதீய ஜனதாவுடனும்  நடைபெற்ற பேச்சு வர்த்தை தோல்வியடைந்ததை சாதுரியமாக மறைத்துவிட்டார்  விஜய்.

அரசியல் ரீதியாகவும் ,கொள்கை ரீதியாகவும் விஜயை எதிர்க்கும் தமிழக அரசியல் கட்சிகள் அனைத்தும் விஜயிக் குறி வைத்துள்ளன. ஆகையால் விஜய் நினைப்பது போல் இலகுவாக வெற்றியடைய முடியாது. விஜய் போட்டியிடும் தொகுதியில் கணிசமான வாக்குகளைப் பெறலாம். விஜய் எதிர்பார்ப்பது போல் 234 தொகுதிகளிலும் தவெகவுக்கு யாரும் வாக்களிக்க மாட்டார்கள்.

 

தமிழக வெற்றிக் கழகம் ஒரு வலிமையான அரசியல் சக்தி என்பதை நிரூபிக்கவும், தொண்டர்களை அணிதிரட்டவும் இந்த மாநாடு ஒரு முக்கிய சக்தியை வெளிப்படுத்தும் களமாக பார்க்கப்படுகிறது.

 

தவெகவின் ஐந்து கொள்கைத் தலைவர்கள் தவிர தற்போது புதிதாதக மறைந்த முதல்வர்களான அண்ணாதுரை , எம்ஜிஆர் ஆகியோரது படங்களும் இடம் பிடித்துள்ளன. இதில் அண்ணாதுரை திமுகவை நிறுவியவர். எம்ஜிஆர் அதிமுகவின் நிறுவனர் என்பது சுவாரஸ்யமானது.

மாநாட்டு வளாகத்தில் மிகப் பெரிய அளவில் பல்வேறு வசதிகள் ஏற்பாடுகள் செய்யப்படன.. 70க்கும் மேற்பட்ட எல்இடி திரைகள் , 200 சிசிடிவி கமராக்கள்,பெண்களுக்கு தனி இடங்கள், குடிநீர், கழிப்பறைகள் ,தாய்ப்பால் கொடுக்கும் அறைகள் உள்ளிட்ட சிறப்பு வசதிகள் என்பன அமைக்கப்பட்டன.

தனக்கு இருக்கும் செல்வாக்கை விஜய் வெளிப்படுத்திவிட்டார். இந்த மக்கள் கூட்டம் வாக்காக மாறுமா என்பதை அறிவதற்கு 2026 ஆம் ஆண்டு வரை காத்திருக்க வேண்டி உள்ளது.

     

மக்கள் அலையால் குலுங்கியது மதுரை சாதித்துக் காட்டினார் விஜய்


  

மக்கள் அலையால் குலுங்கியது மதுரை

 சாதித்துக் காட்டினார் விஜய்

தமிழ்க வெற்றிக் கழகத்தின் இரண்டாவது  மாநில மாநாடு மதுரை பாரபத்தி பகுதியில்  கடந்த வியாழக்கிழமை  இலட்சக் கணக்கான தொண்டர்களின் 506 ஏக்கர் நிலப்பரப்பில் அமைக்கப்பட்ட பிரமாண்டமான திடலில் நடைபெற்றது.  இலட்சக்கணக்கான தொண்டர்கள் கூடி இருந்த இந்த கூட்டத்தில் விஜய் வழக்கம் போல் தீம் சாங் வெளியிட்டு, ரேம்ப் வாக் சென்று தனது உரையை துவக்கினார். விஜய் பேசுகையில், தங்களின் கொள்கை எதிரி பாஜக என்றும், அரசியல் எதிரி திமுக தான் என்றும் மீண்டும் வலியுறுத்தி பேசினார். பாஜக மற்றும் திமுக.,வை மீண்டும் கடுமையாக தாக்கி பேசினார் விஜய். பாஜக., உடன் கண்டிப்பாக கூட்டணி கிடையாது என்றும் விஜய் அறிவித்து விட்டார்.

 4 மணிக்கு தொடங்குவதாக அறிவிக்கப்பட்டிருந்த மாநாடு, ரசிகர்களின் பெரும் கூட்டம் காரணமாக முன்கூட்டியே 3 மணிக்கே தொடங்கியது.

  நடிகர் விஜயின் பெற்றோர்களான எஸ்..சந்திரசேகர்  ஷோபா ஆகியோருக்கும் மேடையில் இடம் ஒதுக்கப்பட்டிருந்தது. விஜயின் மனைவியும் மகனும் மாநாட்டில் பங்கு பற்றவில்லை.

243 தொகுதிகளிலும் தான்  போட்டியிடுவதாக நினைத்து வாக்களிக்குமாரு வேண்டுகோள் விடுத்தார்.  இதன்  மூலம்  கூட்டணி இல்லை என்பதை சூசகமாகத் தெரிவித்துள்ளார் விஜய்.

25  நிமிடங்கள் விஜய் பேசினார். வழக்கம் போல் திமுகவை கடுமையாக விமர்சித்தார்.பாஜக்வையும்  அவர் விட்டு வைக்கவில்லை. எட்ப்பாடி, ரஜினி ஆகியோரையும் சாதுவாக சாடினார்.

பெரியார், அண்ணா, காமராஜர், அம்பேத்கார், விஜயகாந்த்  ஆகியோரையும்  துணைக்கு அழைத்திருந்தார். பெரியாரின் கொள்கையைக் கடைப்பிடிக்கும் விஜய்யின் தொண்டர்கள் மேடையில் யாகம் செய்தார்கள். அவர்கள் செய்த யாகம் வினோதமானது.  மழை வரக்கூடாது என விஜயின் ரசிகர்கள் யாகம் செய்தார்கள். மழை வேண்டி மக்களும், விவசாயிகளும் யாகம் செய்வது வழமையான சங்கதி.  அஜித்தின் கடவுட்  விஜயின் மாநாட்டுத் திடலில் காட்சிப் படுத்தப்பட்டிருந்தது.

மதுரையில்  நின்றுகொண்டு  விஜயகாந்தை   புகழ்ந்து பேசினார்., "மதுரை என்றால் நினைவுக்கு வருவது அலங்காநல்லூர் ஜல்லிக்கட்டுதான். நமது வைகை ஆறுதான். அழகர் ஆற்றில் இறங்கும் வைபவம், மதுரை மீனாட்சி அம்மன்.இந்த மண்ணோட உண்மையான குணம் உணர்வுப்பூர்வமான மண். இந்த மண்ணில் வாழும் மக்களும் உணர்வுப்பூர்வமான ஆட்கள் தான்"


"இந்த மண்ணில் கால் வைத்த பிறகு ஒருவரை பற்றி தான் மனதில் ஓடிக் கொண்டு இருந்தது. சினிமானாலும், அரசியல் என்றாலும் சரி நமக்கு பிடித்தது எம்ஜிஆர்.அவரோடு பழக எனக்கு வாய்ப்பு கிடைக்கவில்லை அவரை போன்ற குணம் கொண்ட விஜயகாந்த்துடன் பழகும் நிறைய வாய்ப்பு கிடைத்தது. அவர் மதுரை மண்ணை சேர்ந்தவர் தான். அவரை மறக்க முடியுமா?." என்றார்.

  திமுகவை தாக்கிப் பேசிய விஜயின் பேச்சுகு அவரது தொண்டர்கள் ஆரவாரம் செய்தார்கள். ஒரு சில இடங்கலில் அவரது பேச்சு எல்லை மீறியது. இவ்ஜய் பேசிய சில கீழ்த்தரமான சொற்களால்   பெண்கள்  முகம் சுழித்தார்கள்.

முதலமைச்சர் ஸ்டாலினை அங்கிள், சித்தப்பா  எனப் பேசியதை கட்சிசார்பற்றவர்கள் கடுமையாகச் சாடியுள்ளனர். துப்புரவுப் பணியாளர்களின்  போராட்டம்  ற்றி விஜய் எதுவும் பேசவில்லை.அம்புலன்ஸ் சாரதியை எடப்பாடி மிரட்டியதை தமிழக அரசியல் தலைவர்கள் அனைவரும்  கண்டித்தார்கள். விஜய் அதுபற்றி வாயைத் திறக்கவில்லை.

திமுகவையும் சீமானையும் கடுமையாகச் சாடிய விஜய் , அவர்களின் எதிர்ப்பு வாக்கைக் குறி வைக்கிறார்.

அதீத வெயில் காரணமாக   மாநாட்டில் பங்கேற்ற பலருக்கும் உடநலக்குறைவு ஏற்பட்டிருந்தது. பலருக்கும் மாநாட்டு திடலிலேயே அமைக்கப்பட்டிருந்த முதலுதவி மையத்தில் சிகிச்சை அளிக்கப்பட்டது. இருப்பினும், சிலருக்கு முதலுதவி மட்டும் போதுமானதாக இல்லை. இதையடுத்து சுமார் 10க்கும் மேற்பட்டோர் மருத்துவமனையில் அனுமதிக்கப்பட்டனர். அந்தளவுக்கு   மதுரையில் வெப்பம் மிக மோசமாகவே இருந்தது. ஒருவர் மாரடைப்பால்  இறந்துவிட்டார்.

மாநாடு ஆரம்பமாவதற்கு  முன்னர்  மின்சாரம் தாக்கி  இளைஞர்  ஒருவர் மரணமானார். 100 அடி கொடிக்கம்பம் நிறுத்தப்பட்ட போது கிறேன் அறுந்து  விழுந்தது.  உயிர்ச் சேதம் எதுவும்  ஏற்படவில்லை. அங்கு நின்ற கார் ஒன்று பலத்த சேதமடைந்தது.

பாரதீய ஜனதாவையும், அதிமுகவையும்  ஓரம் கட்டி, திமுக எதிர் தவெக என நிலைநாட்ட விஜய் முயற்சிக்கிறார்.

கடந்த காலங்களில் திமுக எதிர்ப்பு வாக்குகளை, அதிமுகவும் , சீமானும் பங்கு போட்டன. தனைத் தன்பக்கம் இழுக்க விஜய்  திட்டம் போடுகிறார். 

  திமுக எதிர்ப்பு வாக்குகளையும்,   சிறுபான்மையினர் வாக்குகளை குறிவைத்து விஜய்யின் அரசியல்  நடவடிக்கை  இருப்பதாக அரசியல்   விமர்சகர்கள் கணிப்புகளை கூறுகிறார்கள்.

வழக்கமாக, திமுகவின் எதிர்ப்பு வாக்குகளின் ஒரு பகுதி பாஜகவுக்கம், பாஜகவின் எதிர்ப்பு வாக்குகளின் ஒரு பகுதி திமுகவுக்கும் செல்லும் நிலையில், இந்த இரு எதிர்ப்பு வாக்குகளில் விஜய் எவ்வளவு பெறப்போகிறார்? என்பதும் மிகப்பெரிய ஆர்வமாக உள்ளது.

அதேசமயம், விஜய்தான் முதலமைச்சர் வேட்பாளர் என அவர்களது தரப்பில் அதிகாரபூர்வமாக கூறிவிட்டதால், இனி அதிமுகவும் தவெக கூட்டணிக்கு வர ஆர்வம் காட்டாது. அந்தவகையில், நாம் தமிழர், பாமக, தேமுதிக மற்றும் , கூட்டணிக்குள் இருக்கும் கட்சிகளுக்கு வலையை விரிக்க துவங்கியிருக்கிறது தவெக.

கடந்த முறை விஜய் நடத்தியிருந்த முதலாம் மாநாட்டில் திமுகவை மட்டுமே பிரதானமாக குறி வைத்து விஜய் பேசியிருந்தார்.

இந்த முறை  எடப்பாடி,ரஜினி, சீமான் ஆகியோருடன்  மோடியையும்  தாக்கிப் பேசினார்.

இலட்சக் கணக்காகத் திரண்ட மக்கள் வெள்ளம் வாக்காக மாறுமா என்பதை அறிய 2026 வரை காத்திருக்க  வேண்டும்.

 

 

Tuesday, August 19, 2025

அமெரிக்க ஓபனில் மூத்த வீராங்கனையான வீனஸ்


 

  இரண்டு வருட இடைவெளிக்குப் பிறகு அமெரிக்க ஓபனில் கிராண்ட்ஸ்லாம் டென்னிஸுக்குத் திரும்பும் வீனஸ் வில்லியம்ஸ் , புதன்கிழமை 45 வயதில் ஃப்ளஷிங் மெடோஸில் ஒற்றையர் பிரிவில் 

சர்வதேச டென்னிஸ் கூட்டமைப்பின் கூற்றுப்படி, 1981 ஆம் ஆண்டு ரெனீ ரிச்சர்ட்ஸ் 47 வயதாக இருந்த பிறகு, இந்தப் போட்டியில் ஒற்றையர் பிரிவில் நுழைந்த மிக வயதான வீராங்கனையாக  வீனஸ் ர் இருப்பார்.

அடுத்த வாரம் நடைபெறும் கலப்பு இரட்டையர் போட்டிக்காக வில்லியம்ஸுக்கு ஏற்கனவே அமெரிக்க டென்னிஸ் சங்கத்தால் வைல்ட் கார்டு நுழைவு வழங்கப்பட்டது. ஒற்றையர் போட்டிகள் ஆகஸ்ட் 24 அன்று நியூயார்க்கில் தொடங்குகின்றன.

2000 , 2001 ஆம் ஆண்டுகளில் நடந்த அமெரிக்க ஓபன் உட்பட ஏழு முக்கிய ஒற்றையர் சம்பியன்ஷிப்களுக்கு அவர் சொந்தக்காரர் - மகளிர் இரட்டையர் பிரிவில் மேலும் 14 சம்பியன்ஷிப்கள், அனைத்தும் அவரது தங்கை செரீனாவுடன் வென்றது, மேலும் கலப்பு இரட்டையர் பிரிவில் இரண்டு. 2022 அமெரிக்க ஓபனில் விளையாடிய பிறகு செரீனா 23 ஸ்லாம் ஒற்றையர் கோப்பைகளுடன் ஓய்வு பெற்றார்.

மூத்த வீராங்கனையான  வீனஸ் வில்லியம்ஸ் கடைசியாக கிராண்ட்ஸ்லாம் போட்டியில் 2023 அமெரிக்க ஓபனில் பங்கேற்று முதல் சுற்றில் தோல்வியடைந்தார். 2019 முதல் அவர் அங்கு ஒற்றையர் போட்டியில் வெற்றி பெறவில்லை.

  கிளெர்வி நுகௌனோவ், ஜூலியட்டா பரேஜா, கேட்டி மெக்னலி, வலேரி குளோஸ்மேன், அலிசா அஹ்ன், ஓய்வு பெறுவதற்கு முன்பு தனது கடைசி கிராண்ட்ஸ்லாம் போட்டியில் விளையாடும் பிரான்சின் கரோலின் கார்சியா , அவுஸ்திரேலியாவின் டாலியா கிப்சன் ஆகியோரும்  மகளிர் பிரிவில்  வைல்ட் கார்ட் பெற்றுள்ளனர்

Monday, August 18, 2025

ஓய்வு பெறுகிறார் அமெரிக்க ஜிம்னாஸ்டிக் அதிகாரி

அமெரிக்க  ஜிம்னாஸ்டிக்ஸின் தலைமை நிர்வாக அதிகாரி

லியுங் தனக்கு  ஓய்வு தேவை என்கிறார். .

அமெரிக்க ஜிம்னாஸ்டிக்ஸ் தலைமை அதிகாரியாக  நியமிக்கப்படுவதற்கு முன்பு NBA இன் துணைத் தலைவராக இருந்த லியுங், லாரி நாசர் துஷ்பிரயோக ஊழலின் வீழ்ச்சியின் மத்தியில் மார்ச் 2019 இல் பொறுப்பேற்றார். நிறுவனத்தின் நிதி, நம்பகத்தன்மை ,உள் கலாச்சாரம் சீர்குலைந்த நேரத்தில் அவர் அந்த அமைப்பை வழிநடத்தினார். கையில் ஆறு வாரங்கள் மட்டுமே பணம் இருந்ததாலும், பொதுமக்களின் பெரும் அவநம்பிக்கையுடன் போராடுவதாலும், லியுங் தனது வேலையை முடிக்க வேண்டிய கட்டாயத்தில் உள்ளார்.

லியுங் ,  USAG  தலைவர் கேத்ரின் கார்சன்  ஆகிய இருவரும்    விசாரணைகளில் கலந்து கொண்டு அணியின் முன்னாள் மருத்துவர் நாசரால் துஷ்பிரயோகம் செய்யப்பட்ட பெண்களின் அனுபவங்களைக் கேட்டன‌ர்.

லியுங்கின் தலைமை கவனிக்கப்படாமல் போகவில்லை. ஒலிம்பிக் சாம்பியன் சிமோன் பைல்ஸ், அதன் விளையாட்டு வீரர்களைப் பாதுகாக்க அவர்கள் மீண்டும் மீண்டும் இயலாமைக்கு அவர்களை அழைத்த பல ஆண்டுகளுக்குப் பிறகு, நம்பிக்கையை மீட்டெடுக்க அமைப்பின் பணியை ஒப்புக்கொண்டார். இதற்கிடையில், முன்னாள் ஜிம்னாஸ்ட் டொமினிக் மோசியானு - உடல் ரீதியாகவும் உணர்ச்சி ரீதியாகவும் துஷ்பிரயோகம் செய்யும் பயிற்சியாளர்களை வெளிப்படையாக விமர்சித்த பிறகு USA ஜிம்னாஸ்டிக்ஸிலிருந்து நீண்ட காலமாக அந்நியப்பட்டவர் - இந்த ஆண்டு தேசிய அரங்கிற்குத் திரும்பினார், மேலும் சமீபத்தில் Xfinity Champs விருதுகளில் ஜோர்டான் சிலிஸ் , ஜேட் கேரி ஆகியோருடன்  இணைந்தார்.

அடுத்த ஒலிம்பிக் போட்டிகள் அமெரிக்காவில்  நடைபெறவிருந்தாலும், லியுங் இன்னும் விலக வேண்டிய நேரம் இது என்று உணர்கிறார். கடந்த சில மாதங்கள் அவரது தனிப்பட்ட வாழ்க்கையில் சவாலானவை, அவர் விலகி மீட்டமைக்க வேண்டிய அவசியத்தை வலுப்படுத்துகிறது. 

ஸ்டாலினின் பக்கம் சாயும் தலைவர்கள் கூட்டணிக் கணக்கு மாறுமா?


 

 தமிழக சட்ட சபைக்கான தேர்தல் பரப்புரையை முதலமைச்சர் ஸ்டாலினும், எதிர்க்கட்சித்தலைவர்  எடப்பாடியும் ஆரம்பித்து விட்டனர். பலமான  கூட்டணியுடன் ஸ்டாலின் வலம் வருகிறார்.    கூட்டனிக் கட்சிகள் எவஏஏஇனதுன் ஆதரவு இல்லாமல் தனி ஆளாக எடப்பாடி பரப்புரையைத் தொடங்கிவிட்டார்.

சீமான், பிரேமலதா, ஓ.பன்னீர்ச்செல்வம் ஆகிய மூன்று தலைவர்களும் ஸ்டாலினைச் சந்தித்தது தமிழக அரசியலில்  பேசு பொருளாகி உள்ளது. ராமதாஸ்  உடல் நலம் விசாரித்துள்ளார். யாருடனும் கூட்டணி இல்லை என்பதில் சீமான் உறுதியாக இருக்கிறார். ஆகியால் சீமானின் சந்திப்பு பேசப்படவில்லை.

பாரதீய ஜனதாவால் ஓரம் கட்டப்பட்ட பன்னீரும்  எடப்பாடியின்  கூட்டனியில் இருக்கும்  பிரேமலதாவும் ஸ்டாலினைச் சந்தித்ததால் பல விதமான யூகங்கள் உருவெடுத்துள்ளன.

சீமான், ஒபிஎஸ், பிரேமலதா விஜயகாந்த் ஆகியோர் நேரில் சந்தித்துள்ளனர். பாமக நிறுவனர் டாக்டர் ராமதாஸ் போனில் பேசி உள்ளார். ஆனால் இவர்கள் அனைவருமே, மருத்துவமனையில் சிகிச்சை முடிந்து திரும்பி இருக்கும் முதல்வரிடம் நலம் விசாரித்தோம் என ஒரே மாதிரி சொல்லி வருகிறார்கள்.

தமிழக அரசியல் கட்சிகள் அனைத்தும் திமுக பக்கம் செல்வது திமுக.,விற்கும், திமுக கூட்டணிக்கும் மிகப் பெரிய பலமாக இருப்பதாக தோன்றும். இப்போது தமிழக அரசியல் களத்தில் அதிமுக, பாஜக தனித்து விடப்பட்டது. இவர்கள் கூட்டணியில் தமிழ் மாநில காங்கிரஸ் மட்டும்  உள்ளது.

பிரேமலதாவும் பன்னீரும் திமுகவின்  பக்கம் சென்றுவிட்டால்   வெற்றி இப்போத்த்ர்ர்  உறுதியாகி விடும்.

திமுக கூட்டணிக்கு அனைத்து கட்சிகளும் சென்றால் அது நிச்சயம் திமுக.,வை ஒரு ஆபத்தான, நெருக்கடியான நிலையில் தான் கொண்டு போய் நிறுத்தும். காரணம், கூட்டணி சேர்ப்பது பெரிய விஷயம் அல்ல. கூட்டணியில் இருக்கும் அனைத்து கட்சிகளுக்கும் தேர்தலில் தொகுதிகல் ஒதுக்கப்பட வேண்டும்.

 திமுக தனிப் பெரும்பான்மையும் வெற்றி பெற்று, மீண்டும் ஆட்சி அமைக்க வேண்டும் என்றால் 234 தொகுதிகளில் திமுக மட்டுமே 180 முதல் 190 வரையிலான தொகுதிகளில் போட்டியிட வேண்டும். மீதமுள்ள 44 தொகுதிகளை தான் கூட்டணி கட்சிகளுக்கு பிரித்து கொடுக்க முடியும். 2016 தேர்தலில் திமுக சின்னத்தில் போட்டியிட சம்மதித்த மதிமுக, விசிக போன்ற கட்சிகள் 2024ஆம் ஆண்டு நடைபெற்ற் நாடாலுமன்றத் தேர்தலில்  திமுக சின்னத்தில் போட்டியிட மறுத்து விட்டன.

இதனால் திருமாவலவனுன் கட்சியும், வைகோவின் கட்சியும் சொந்த சின்னத்தில்   போட்டியிடும் வாய்ப்பு உள்ளது. கட்சியின் சின்னமும் அங்கீகாரமும்  உறுதிப்படுத்தப்பட வேண்டிய நிலை அவர்களுக்கு உள்ளது.

அவர்கள் இருவருகே  குறைந்த பட்சம் தலா 10 தொகுதிகளை எதிர் பார்க்கிறார்கள். கொம்யூனிஸ்ட் கட்சிகளும் அதிக தொகுதிகளை எதிர் பார்க்கிறார்கள். மீதமுள்ள   தொகுதிகளை தான் பாமக, தேமுதிக, ஓபிஎஸ் ஆகியோருக்கு கொடுக்க முடியும். அவர்கள் கேட்கும் தொகுதிகளை ஒதுக்க திமுக தலைமை மறுத்தால் கூட்டணியில் சேர மாட்டார்கள் அல்லது தொகுதிகள் குறைக்கப்படும் கட்சி கூட்டணியிலிருந்து வெளியேறும்.

திமுகவில் இருந்து வெளியேறும் கட்சிகள் அதிமுகவில் சேர வாய்ப்பு இல்லை. அவர்கள்  விஜயின்  கட்சியையே தேர்ந்தெடுப்பார்கள். தொகுதி பங்கீடு உள்ளிட்ட அனைத்தும் சுமூகமாக முடிந்து, தேர்தலில் போட்டியிட்டாலும் திமுக மட்டும் 150 இடங்களுக்கும் மேலான இடங்களில் வெற்றி பெற வேண்டும். அப்படி நடந்தால் மட்டுமே தனிப்பெரும்பான்மையுடன் ஆட்சி அமைக்க முடியும். இது நடக்கா விட்டால், ஆட்சியை காப்பாற்ற கூட்டணி கட்சிகள் சொல்லும் எந்த ஒரு நிபந்தனைக்கும் கட்டுப்பட்டு நடக்க வேண்டிய இக்கட்டான நிலைக்கு திமுக தள்ளப்படும்.

இதற்கிடையில் ஜய்யின் தவெக கட்சி மதுரையில் ஆகஸ்ட் 25ம் திக‌தி நடத்த திட்டமிட்டுள்ள மாநாட்டிற்கு  பொலிஸ் அனுமதி  இதுவரை அனுமதி வழங்கப்படாததால் அடுத்த கட்டமாகநீதிமன்ரம் செல்ல விஜய் தரப்பு தீர்மானித்துள்ளது.

மாநாடு தொடர்பாக 20க்கும் மேற்பட்ட கேள்விகளை  பொலிஸ் எழுப்பியிருப்பதாக தெரிகிறது. மேலும் விநாயகர் சதுர்த்தி ஓகஸ்ட் 27ம் திக‌தி வருவதால் பாதுகாப்புக்கு போதுமான கா பொலிஸார்  தேவை என்பதால் மாநாட்டுத் திகதியை மாற்றியமைக்க முடியுமா என்று   கோரிக்கை வைத்திருப்பதாகவும் தெரிகிறது.

கடந்த ஆண்டு விக்கிரவாண்டியில் முதல் மாநில மாநாட்டை பிரம்மாண்டமாகவும், வெற்றிகரமாகவும் நடத்தி முடித்து விட்டது தவெக. அந்த மாநாட்டில் விஜய் பேசிய பேச்சும், மாநாட்டிற்கு திரண்ட இளைஞர்கள் கூட்டமும் பல மாதங்களாக தமிழக அரசியலில் பேசு பொருளாக இருந்து வந்தது. இப்போது அடுத்த கட்டமாக தனது 2வது மாநில மாநாட்டை மதுரையில் நடத்த விஜய் திட்டமிட்டுள்ளார். மாநாட்டிற்கான வேலைகள் படுதீவிரமாக கடந்த 15 நாட்களுக்கும் மேலாக நடந்து வருகிறது. 

விக்கிரவாண்டி மாநாட்டின் போது பல்வேறு காரணங்களை சுட்டிக்காட்டி முதலில்   மாநாட்டிற்கு அனுமதி மறுத்தனர். இதனால் விஜய் கட்சி மாநாட்டு தேதியை கடைசி நேரத்தில் மாற்றி,  பொலிஸார் விதித்த நிபந்தனைகளின் படி ஏற்பாடு செய்து, ஒரு வழியாக மாநாட்டை நடத்தினார்கள். அதனால் இந்த முறையும் அப்படி எந்த சிக்கலும் வந்து விடக் கூடாது என்பதில் விஜய் மிக தெளிவாகவும், உறுதியாகவும் இருப்பதால் மாநாட்டில் ஒவ்வொரு ஏற்பாடும் மிக கவனமுடன் செய்யப்பட்டு வருகிறது.

மாநாட்டிற்கு 12 முதல் 15 லட்சம் பேர் வரை வருவார்கள் என எதிர்பார்க்கப்படுகிறது. அப்படி வந்தால் அது திமுக.,விற்கு நெருக்கடியாக இருக்கும். இதனால் மாநாட்டை நடத்த விடாமல் செய்வதற்காக தான் அனுமதி வழங்க போலீசார் இழுத்தடிப்பதாக தவெக தரப்பில் குற்றம்சாட்டப்படுகிறது. ஆனால் மாநாட்டிற்கு அனுமதி அளிக்க மறுப்பு தெரிவித்தாலும், தொடர்ந்து அனுமதி தர தாமதப்படுத்தினாலும், கோர்ட் உத்தரவுடன் மாநாடு நடந்தாலும் அது பொலிஸார் மீதான மக்களுக்கு அதிருப்தி ஏற்படும். கெட்ட பெயரும் வந்து விடும். பொலிஸார் மீதான அதிருப்தியும், கோபமும் திமுக மீது திரும்பவும் வாய்ப்புள்ளது.

விஜய்க்கு மக்களிடம் இருக்கும் செல்வாக்கை தடுக்கவும் வேண்டும், அதே சமயம் மக்களின் அதிருப்தி தங்கள் பக்கம் திரும்பாமலும் இருக்க வேண்டும். அதோடு சமீப காலமாக தமிழகத்தில் நடக்கும் அடுத்தடுத்த மரண சம்பவங்களால் மக்களுக்கு போலீசார் மீது இருக்கும் அதிருப்தியும் அதிகமாகி விடக் கூடாது. இதற்கு திமுக., கட்சியும், தமிழக அரசும் அடுத்து என்ன செய்ய போகிறது?  இந்த நெருக்கடியான சூழலை திமுக எப்படி கையாள போகிறது என்பதை பொறுத்திருந்து பார்க்கலாம்.

 

ரமணி

17/8/25