Saturday, July 12, 2014

சாதிக்குமா ஜேர்மனி?

தென் அமெரிக்காவில் நடந்த உலகக்கிண்ணப்போட்டிகளில் தென் அமெரிக்க‌ நாடுகளே சம்பியனாகின. ஜேர்மனி புதிய வரலாறு படைக்குமா? 

தங்க' விருதுகளை தட்டிச் செல்லும் வீரர்கள் யார்?





உலக கோப்பை கால்பந்து தொடரின் இறுதியில்,சிறந்த விளையாட்டு வீரருக்கு தங்க பந்து, சிறந்த கீப்பருக்கு தங்க கையுறை விருதுகள் வழங்கப்படுவது வழக்கம். இதற்கான போட்டியாளர்கள் பெயர் பட்டியலில் பிரேசிலின் நெய்மர், அர்ஜென்டினாவின் மெஸ்சி, ஜெர்மனியின் முல்லர் போன்றவர்களின் பெயர்கள் இடம் பெற்றுள்ளன.
 உலக கோப்பை கால்பந்து போட்டி கடந்த மாதம் 12ம்தேதி துவங்கி, இம்மாதம் 13ம்தேதிவரை நடைபெறுகிறது. இதில் பல பிரிவுகளின் கீழ் பரிசுகள் வழங்கப்படும். சிறப்பான கோல் கீப்பருக்கு தங்க கையுறை, அதிக கோல் போட்ட வீரர்களுக்கு தங்க காலணி என பல பரிசுகள் உண்டு. அதில் ஒன்றுதான் தங்க பந்து, விருது.

 தங்க பந்து விருதை பெற இந்த தொடரில் சிறப்பாக செயல்பட்ட வீரர்கள் தேர்ந்தெடுக்கப்பட உள்ளனர். அனைத்து நாடுகளும் தங்கள் நாட்டு வீரர்களில் சிறப்பாக செயல்பட்டோரின் பெயர் பட்டியலை அனுப்புமாறு ஃபிஃபா கேட்டுக்கொண்டிருந்தது. இதையடுத்து பல நாட்டு கால்பந்தாட்ட சங்கங்களும் தங்கள் முன்னணி வீரர்கள் பெயர்களை அனுப்பியுள்ளன.

 

அதில் மொத்தம் 10 வீரர்கள் பெயர் பட்டியல் இறுதி செய்யப்பட்டுள்ளது. இந்த வீரர்களில் சிறப்பாக செயல்பட்டவர்களில் ஒருவர் தேர்வு செய்யப்பட்டு இறுதி போட்டிக்கு பிறகு பரிசு வழங்கப்படும்.


 ஜெர்மனியில் இருந்து தாமஸ் முல்லர், டோனி குரூஸ், மேட்ஸ் ஹும்மல்ஸ், பிலிப் லாம் ஆகியோர் பெயர்கள் பரிந்துரைக்கப்பட்டுள்ளது.
 அர்ஜென்டினாவில் இருந்து, ஏஞ்சல் டி மரியா, சேவியர் மாஸ்கரனோ, லியோனல் மெஸ்சி ஆகியோர் பெயர்கள் பரிந்துரைக்கப்பட்டுள்ளன.
 

பிரேசிலில் இருந்து நெய்மர், நெதர்லாந்தில் அர்ஜென் ரோபன், கொலம்பியாவின் ஜேம்ஸ் ரோட்ரிகுயஸ் ஆகியோர் பெயர்கள் 10 பேர்கொண்ட இறுதி பெயர் பட்டியலில் இடம் பெற்றுள்ளது. இவர்களில் ஒழுக்கம், திறமை உள்ளிட்ட பல பிரிவுகளின்கீழ், வெற்றி வீரர் தேர்வு செய்யப்பட்டு பரிசு வழங்கப்படும்.


  
சிறப்பாக கீப்பிங் செய்ததற்காக அளிக்கப்படும் தங்க கையுறை விருதுக்கு, கோஸ்டரிகா அணியின் கெய்லோர் நவாஸ், ஜெர்மனியின் மனுவேல் நேயுர், அர்ஜென்டினாவின் செர்ஜியோ வரானே ஆகியோர் பெயர்கள் பரிசீலிக்கப்பட்டுவருகின்றது.


  
சிறந்த இளம் வீரர்கள் விருதுக்கான பட்டியலில் நெதர்லாந்தின் மெபிஸ் டீபே, பிரான்ஸ் நாட்டின் பைர் பவுல் போக்பா மற்றும் ரபேல் வரானே ஆகியோர் பெயர்கள் இறுதி செய்யப்பட்டுள்ளன. இந்த விருதுக்கு தேர்வாக வேண்டுமானால் 1993, ஜனவரி 1ம்தேதிக்கு பிறகு பிறந்திருக்க வேண்டும் என்பது விதிமுறை.

 நன்றி தட்ஸ் தமிழ்

Friday, July 11, 2014

இறுதிப் போட்டியில் மோதும் அர்ஜென்டினா, ஜெர்மனி

24 ஆண்டுகள் கழித்து மீண்டும் இறுதிப் போட்டியில் மோதும் அர்ஜென்டினா, ஜெர்மனி

 ஃபீஃபா கால்பந்து உலகக் கோப்பை இறுதிப் போட்டி பற்றிய சில சுவாரஸ்யமான விஷயங்களை தெரிந்து கொள்ளுங்கள். ஃபீஃபா கால்பந்து உலகக் கோப்பை போட்டிகள் பிரேசிலில் நடைபெற்று வருகிறது. இதில் அரையிறுதிப் போட்டியில் ரசிகர்களுக்கு பிடித்த பிரேசில் அணி தோல்வி அடைந்தது. வரும் 13ம் தேதி நடக்கும் இறுதிப் போட்டியில் அர்ஜென்டினா மற்றும் ஜெர்மனி ஆகிய அணிகள் மோதுகின்றன. இந்நிலையில் கால்பந்து இறுதிப் போட்டி பற்றி சில விஷயங்களை தெரிந்து கொள்ளுங்கள்.


  இந்த உலகக் கோப்பையில் அர்ஜென்டினா தான் விளையாடிய 6 போட்டிகளிலும் வெற்றி பெற்றுள்ளது. ஆனால் ஜெர்மனி அணி ஒரு போட்டியை டிரா செய்துள்ளது.

 
எஸ்டடியோ டோ மரகானா ஸ்டேடியத்தில் இறுதிப் போட்டி நடக்கிறது. 1950ம் ஆண்டிற்கு பிறகு தற்போது தான் மரகானாவில் இறுதிப் போட்டி நடக்கிறது. அந்த ஸ்டேடியத்தில் 76 ஆயிரத்து 935 பேர் அமரலாம்.

 இறுதிப் போட்டியில் வெற்றி பெறும் அணிக்கு ரூ. 210 கோடியும், தோல்வி அடையும் அணிக்கு ரூ. 150 கோடியும் பரிசாக வழங்கப்படும்.


 

இறுதிப் போட்டியில் அர்ஜென்டினா, ஜெர்மனி அணிகள் மோதுவது இது மூன்றாவது முறை ஆகும். 1986ம் ஆண்டு நடந்த இறுதிப் போட்டியில் 3-2 என்ற கோல் கணக்கில் ஜெர்மனியை அர்ஜென்டினா தோற்கடித்தது. 1990ம் ஆண்டு நடந்த இறுதிப் போட்டியில் 1-0 என்ற கோல் கணக்கில் அர்ஜென்டினாவை ஜெர்மனி தோற்கடித்தது.



1954, 1974 மற்றும் 1990 என ஜெர்மனி மூன்று முறை உலகக் கோப்பையை வென்றுள்ளது. 1978 மற்றும் 1986 என இரண்டு முறை உலகக் கோப்பையை வென்றுள்ளது அர்ஜென்டினா.
 
உலகக் கோப்பை இறுதிப் போட்டியில் விளையாடுவது இது அர்ஜென்டினாவுக்கு 5வது முறை, ஜெர்மனிக்கு 8வது முறை ஆகும்.
   
இந்த போட்டியில் ஜெர்மனி வெற்றி பெற்றால் பிரேசில்(5 - 1958, 1962, 1970, 1994, 2002), இத்தாலியை(4 - 1934 as hosts, 1938, 1982, 2006) அடுத்து அதிக முறை உலகக் கோப்பையை வென்ற அணி என்ற பெருமையை பெறும்.
 24
ஆண்டுகள் கழித்து அர்ஜென்டினா அணி உலகக் கோப்பை இறுதிப் போட்டியில் விளையாடுகிறது.

  


வெளிநாட்டு பயிற்சியாளரை கொண்ட எந்த ஒரு அணியும் இதுவரை உலகக் கோப்பையை வென்றது இல்லை. அர்ஜென்டினா(சபெல்லா) மற்றும் ஜெர்மனி(ஜோக்கிம்) அணிகளின் பயிற்சியாளர்கள் அந்தந்த நாடுகளைச் சேர்ந்தவர்கள் தான் என்பது குறிப்பிடத்தக்கது.

 
நன்றி தட்ஸ் தமிழ்