குழந்தைகள் தடகளத்தில் சம்பியனான ஷார்ஜா

 அபுதாபி  தடகள சங்கம் நடத்திய குழந்தைகளுக்கான தடகள விழாவில் ஷார்ஜா கிளப் பங்கேற்று 24 பதக்கங்களை வென்றது. விழாவில் பங்கேற்ற ஷார்ஜா மகளிர் தடகளக் கழகத்தைச் சேர்ந்த வீராங்கனைகளின் பட்டியலில் 19 வீராங்கனைகள் இடம் பெற்றிருந்தனர்  6தங்கப்பதக்கங்களை சார்ஜா குழந்தைகள்  வென்றனர்.

உயரம் தாண்டுதல் போட்டியில் மரியா ஃபஹத், 50 மீற்ற‌ர் ஓட்டத்தில் பாத்திமா ஜாசிம், நீளம் தாண்டுதல் போட்டியில் மைதா கலீத், 500 மீற்ற‌ர் ஓட்டத்தில் ஹம்தா ஜாசிம், குண்டு எறிதலில் முதலிடம் பிடித்து சிறப்பான ஆட்டத்தை வெளிப்படுத்திய சாரா அல்-பர்தான் ஆகியோர் வெற்றி பெற்றனர். 

கழகத்தின் இளையோர் அணியும் 15 இரண்டாம் இடங்களைப் பெற்று பாராட்டத்தக்கது. ரீம் முகமது உயரம் தாண்டுதல் மற்றும் நீளம் தாண்டுதல் ஆகியவற்றில் இரண்டு வெள்ளி வென்றார், ஷாலுவி ரெய்லி 50 மீற்ற‌ர் ,நீளம் தாண்டுதல் ஆகியவற்றில் வென்றார். ரீம் எமத் குண்டு எறிதல் , சுத்தியல் எறிதலில்   இரண்டு  வெள்ளிப் பதக்கங்களை வென்றார்.

50 மீ ஓட்டத்தில் மரியா ஃபஹ்த் மற்றும் 500 மீ ஓட்டத்தில் ஃபுவாகி ஹமிட் ஆகியோர் வெள்ளிப் பதக்கங்களை வென்றனர், அதே போல் நீளம் தாண்டுதல் போட்டியில் தீமா முகமது ஆகியோரின் சிறந்த செயல்திறன் இருந்தது. மைதா காலித் 50 மீட்டரில் வென்றார், மேரா ஜாசிம் 500 மீ , ரஹாஃப் அல்-ஹுசானி சுத்தியல் எறிதலில் வென்றார்.

 சுத்தியல் எறிதலில் மரியம் பத்ர், ஒன்று   4x50 மீ தொடர் ஓட்ட அணிக்கு ஒன்று. 4x50 மீட்டர் தொடர் ஓட்ட அணிக்கு மூன்று வெண்கலப் பதக்கங்களும், 50 மீட்டர் ஓட்டத்தில் டீமா முகமது மற்றும் குண்டு எறிதலில் ரஹாஃப் அல்-ஹுசானி தலா ஒரு பதக்கமும் பெற்றனர்.

டெல்லியை வீழ்த்தியதால் நம்பிக்கையுடன் இருக்கிறது கொல்கட்டா

ஷார்ஜாவில் நடைபெற்ற  ஐபிஎல் போட்டியில் கொல்ட்டா நைட் ரைடர்ஸ் அபாரமாக ஆடி டெல்லி க‌ப்பிடல்ஸ் அணியை வீழ்த்தியது, இதன் மூலம் 10 புள்ளிகளுடன் கொல்ட்டாதா அணி 4ம் இடத்துக்கு முன்னேறியுள்ளது.கொல்ட்டா அணி 5-வது வெற்றியை பெற்றது.

14-வது ஐ.பி.எல். கிரிக்கெட் தொடரில்  சார்ஜாவில் நடந்த 41-வது லீக் ஆட்டத்தில்   கொல்ட்டாதா நைட் ரைடர்ஸ் அணி, டெல்லி க‌ப்பிட்டல்சை எதிர்கொண்டது. டெல்லி அணியில் பிரித்வி ஷா நீக்கப்பட்டு ஸ்டீவன் சுமித் வாய்ப்பு பெற்றார். நாணயச் சுழற்சியில் ஜெயித்த கொல்ட்டாதா க‌ப்டன் மோர்கன் பந்துவீச்சை தேர்வு செய்தார்.

முதலில் துடுப்பெடுத்தாடிய டெல்லி 20 ஓவர் முடிவில்   9 விக்கெட்டுக்கு 127 ஓட்டங்கள் எடுத்தது. கொல்கட்டா அணி 18.2 ஓவர்களில் 7 விக்கெட்களை இழந்து  130 ஓட்டங்கள் கள் சேர்த்து 3 விக்கெட் வித்தியாசத்தில் வெற்றி பெற்றது

டெல்லி அணியில், ஷிகர் தவானும், ஸ்டீவன் சுமித்தும் தொடக்க ஆட்டக்காரர்களாக களம் புகுந்தனர்.    முதல் விக்கெட்டுக்கு 35 ஓட்டங்கள் எடுத்தனர். தவான் 24 ஓட்டங்கள் எடுத்தபோது பிடி கொடுத்து ஆட்டமிழந்தார்.

அடுத்து வந்ததுடுப்பாட்ட வீரர்கள் வேகம் குறைந்த  மந்தமான  ஆடுகளத்தில் திணறினர். மறுசீரமைப்பு செய்யப்பட்ட இந்த சார்ஜா ஆடுகளத்தில் சுனில் நரினும், வருண் சக்ரவர்த்தியும் தங்களது சுழல் ஜாலத்தால் டெல்லியின் ஓட்ட வேகத்துக்கு முட்டுக்கட்டை போட்டனர். நரினின் சுழலை கணிக்க முடியாமல் ஸ்ரேயாஸ் அய்யர் (1  ) விக்கெற்றைப் பறிகொடுத்தார். ஸ்டீவன் ஸ்மித்  39 ஓட்டங்கள் (34 பந்து, 4 பவுண்டரி) எடுத்த நிலையில் வெளியேறினார். மத்திய வரிசையில் க‌ப்டன் ரிஷாப் பண்டை தவிர்த்து வேறு யாரும் இரட்டை இலக்கத்தை தொடவில்லை. 20 ஓவர் முடிவில் டெல்லி அணி 9 விக்கெட்களை இழந்து 127 ஓட்டங்கள் அடித்தது. 39 ஓட்டங்கள் எடுத்த  ரிஷாப் பண்ட்      கடைசி ஓவரில் ரன்-அவுட் ஆனார். கொல்கத்தா தரப்பில் சுனில் நரின், வெங்கடேஷ் அய்யர், லோக்கி பெர்குசன்  ஆகியோர் தலா 2 விக்கெட்டுகளை வீழ்த்தினர்.

127 என்ற இலகுவான வெற்றி இலக்குடன் களம் இறங்கிய கொல்கட்டா சுலபமாக வெற்றி பெறவில்லை. கொல்ட்டாவின் தொடக்க ஆட்டக்காரர்கள் வெங்கடேஷ் அய்யர் (14 ), சுப்மான் கில் (30 ) ஓரளவு நன்றாக ஆடினர். அதன் பிறகு திரிபாதி (9  ), க‌ப்டன் மோர்கன் (0), தினேஷ் கார்த்திக் (12  ) ஆகியோரேமாற்றினார்கள்.  5 விக்கெற்களை இழந்து 96 ஓட்டங்களை இழந்து தவித்த நிலையில், நிதிஷ் ராணாவுடன், சுனில் நரின் இணைந்தார். 16-வது ஓவரில் ரபடாவின் பந்துவீச்சில் நரின் 2 சிக்சரும், ஒரு பவுண்டரியும் ஓடவிட்டு நெருக்கடியை தணித்தார். நரின் 21 ஓட்டங்க‌ளில் (10 பந்து) ஆட்டமிழந்தார். இறுதியில் ராணா பந்தை பவுண்டரிக்கு விரட்டியடித்து வெற்றிக்கனியை பறித்தார்.

கொல்ட்டாதா அணி 18.2 ஓவர்களில் 7 விக்கெட்களை இழந்து 130 ஓட்டங்கள் சேர்த்து 3 விக்கெட் வித்தியாசத்தில் வெற்றி பெற்றது. நிதிஷ் ராணா 36 ஓட்டங்களுடன் (27 பந்து, 2 பவுண்டரி, 2 சிக்சர்) களத்தில் இருந்தார். டெல்லி தரப்பில் அவேஷ்கான் 3 விக்கெட்டும், அஸ்வின், ரபடா, நோர்டியா, லலித் யாதவ் தலா ஒரு விக்கெட்டையும் வீழ்த்தினர். ஆல்-ரவுண்டராக அசத்திய சுனில் நரின் ஆட்டநாயகன் விருதை தட்டிச் சென்றார்.

11-வது ஆட்டத்தில் ஆடி 5-வது வெற்றியை ருசித்த கொல்கத்தா அணி அடுத்த சுற்று வாய்ப்பை தக்க வைத்துக் கொண்டது. டெல்லி அணிக்கு இது 3-வது தோல்வியாகும். சென்னையுடன் முதலிடத்துக்கு போட்டியிட்ட டெல்லி பின் தங்கி விட்டது.