தமிழக அரசியல் கட்சிகளுக்குள் நீடிக்கும் குழப்பம்

 தமிழக சட்டசபைத் தேர்தலுக்கு இன்னமும் ஏழு மாதங்கள்  இருக்கின்ற நிலையில்  அரசியல் களம் சூடு பிடித்துள்ளது.  முதலமைச்சர் ஸ்டாலினும், எதிர்க் கட்சித் தலைவர் எடப்பாடியும்  தேர்தல் பரப்புரையை ஆரம்பித்துள்ளனர். தோழமைக் கட்சிகள்  கொடுக்கும் நெருக்கடிகளைச் சமாளித்து ச்டாலினின் பயணம் தொடர்கிறது.

ஆனால், எடப்பாடியின் நிலை முதலுக்கே மோசமாக  உள்ளது. அண்ணா திராவிட முன்னேற்றக் கழகத்தின் மூத்த தலைவர்கலில்  ஒருவரான செங்கோட்டையன் , எடப்பாடிக்கு எதிராகக் களம் இறங்கி உள்ளார். அண்ணா திராவிட முன்னேற்ற்க் கழகத்தை எம்ஜிஆர் ஆரம்பித்தபோது  திராவிட முன்னேற்றக் கழகத்தில் இருந்து வெளியேறியவர்களில் செங்கோட்டையனும் ஒருவர்.  ஓ.பன்னீர்ச்செல்வம், தினகரன், சசிகலா ஆகியோரை கட்சியில் இருந்து வெளியேற்றிய எடப்பாடி  செங்கோட்டையன் மீதும் கைவைத்துள்ளார். கட்சி ஒற்றுமையாக  இருக்க வேண்டும்.  பிரிந்தவர்களை மீண்டும் கட்சியில் சேர்க்க வேண்டும் என செங்கோட்டையன் மனம் திறந்து சொன்னதால் எடப்பாடி அவரைத் தூக்கி எறிந்தார்.

அண்ணா திராவிட முன்னேற்றக் கழகத்தை நம்பி தமிழ்கத்தில் கால் வைக்கிறது பாரதீய ஜனதா. ஆனால், அண்ணா திராவிட முன்னேற்றக் கழகம் பல  பிரிவாகச் சிதறி உள்ளது. இதனை பாரதீய ஜனதா ரசிக்கவில்லை.

செப்டம்பர் மாதம் துவங்கியது முதலே அதிமுக மற்றும் அதிமுக-பாஜக கூட்டணிக்குள் பல மாற்றங்கள் நடந்து வருகிறது. மூப்பனார் நினைவு தின நிகழ்ச்சிக்கு பிறகு தேசிய ஜனநாயகக் கூட்டணியில் இருந்து விலகுவதாக ஓபிஎஸ், டிடிவி தினகரன் ஆகியோர் அறிவித்தனர். கூட்டணி பற்றி டிசம்பரில் சொல்வதாக  பிரேமலதா அறிவித்துள்ளார். இதனால் அதிமுக பாரதீய ஜனதாக் கூட்டணி பின்னடைவைச் சந்தித்துள்ளது.  செங்கோட்டையனுக்கு ஆதரவாக அண்ணா திராவிட முன்னேற்றக் கழக  பொறுப்பாளர்கள், நிர்வாகிகள் சுமார் ஆயிர்ம் பேர் இராஜினாமாக் கடிதங்களை கொடுத்துள்ளனர்.

எட‌ப்பாடியை முதலமைச்சராக்க தினகரனும், அண்ணாமலையும் விரும்ம்பவில்லை என்பதை பகிரங்கமாக அறிவித்துவிட்டனர்.

செங்கோட்டையனின் கட்சி பதவி பறிக்கப்பட்ட நிலையில், இரண்டு நாட்களுக்கு முன் பாஜக மாநில தலைவர் நயினார் நாகேந்திரனால் தான் தாங்கள் கூட்டணியில் இருந்து விலகுவதாக தெரிவித்த டிடிவி தினகரன், செய்தியாளர்களை சந்தித்த போது, இபிஎஸ்.,ஐ முதல்வர் வேட்பாளராக ஏற்க முடியாது. அதனால் தான் கூட்டணியில் இருந்து விலகுவதாக தெரிவித்தார். ஓபிஎஸ்.,ம் இதையே தெரிவித்தார். இதைத் தொடர்ந்து ஓபிஎஸ், டிடிவி தினகரன் ஆகியோர் செங்கோட்டையனை சந்திக்க உள்ளதாகவும், செங்கோட்டையன் - சசிகலாவை சந்திக்க உள்ளதாகவும் தகவல்கள் வெளியாகின.

ஆனால் யாரும் எதிர்பாராத விதமாக   மீண்டும் செய்தியாளர்களை சந்தித்த செங்கோட்டையன், டில்லி சென்று அமித்ஷாவை சந்தித்து விட்டு வந்ததாக தெரிவித்தார். அதிமுக ஒன்றிணைவது தொடர்பாக அவரிடம் பேசியதாக கூறினார். இதனால் அதிமுக ஒன்றிணைவது பற்றி, அமித்ஷாவிடம் எதற்காக பேச வேண்டும் என்ற கேள்வி எழுந்துள்ளது. இதற்கிடையில், தானும் அமித்ஷாவை சந்தித்ததாக அதிமுக முன்னாள் சபாநாயகர் தம்பிதுரையும் தெரிவித்துள்ளார். இதனால், அதிமுக.,விற்குள் என்ன தான் நடக்கிறது என்ற கேள்வி எழுந்துள்ளது.

எடப்பாடி பழனிச்சாமி பிரசாரம் செய்யும் இடங்களில் அதிமுக.,வின் செல்வாக்கு அதிகரித்து வருவதாக சமீபத்தில் ஒரு தகவல் வெளியானது. இது திமுக.,வை மட்டுமல்ல அரசியல் களத்தில் உள்ள பலரையும் அதிர்ச்சிக்கு உள்ளாக்கியது. இதே நிலை தொடர்ந்தால் எளிதாக வெற்றி பெற்று, இபிஎஸ் முதல்வராகி விடுவார் என்பதால் அதை தடுப்பதற்காக கூட்டணியிலும், அதிமுக.,விற்குள்ளும் குழப்பங்கள் ஏற்படுத்தப்படுவதாக சொல்லப்படுகிறது. அரசியல் வட்டாரங்களில் இது பற்றி விசாரித்த போது, ஓபிஎஸ், டிடிவி தினகரன், செங்கோட்டையன் ஆகியோர் இபிஎஸ் முதல்வராவதை விரும்பவில்லை என சொல்லப்படுகிறது.

ஆனால் இவர்களை சமாதானப்படுத்தி, கூட்டணியை பலப்படுத்த பாஜக முயற்சி வருகிறதாம். இருந்தாலும் கூட்டணியில் தொடர தாங்கள் தயாராக இருப்பதாகவும், அப்படி தொடர வேண்டும் என்றால் இபிஎஸ் தவிர வேறு யாரை வேண்டுமானாலும் முதல்வர் வேட்பாளராக அறிவிக்க வேண்டும் என பாஜக.,விடம் ஓபிஎஸ், டிடிவி தினகரன் போன்றவர்கள் நிபந்தனை விதித்து வருவதாகவும் சொல்லப்படுகிறது. வலுவான ஒரு கட்சியின் பொதுச் செயலாளராகவும் இருக்கும் ஒருவரை முதல்வர் வேட்பாளராக அறிவித்த பிறகு எப்படி மாற்றுவது? அப்படியே மாற்றினாலும் வேறு யாரை முதல்வர் வேட்பாளராக அறிவிப்பது என பாஜக குழப்பத்தில் உள்ளதாம்

இபிஎஸ்.,ஐ முதல்வர் வேட்பாளர் இடத்தில் இருந்து மாற்ற வேண்டும் என்பதை நோக்கி தான் எதிர்ப்பு குரல்கள் கட்சிக்குள்ளேயே எழுவதால், இதை பாஜக தலைமையும், அதிமுக தலைமையும் எப்படி கையாள போகிறது? இபிஎஸ்.,க்கு தான் இது நெருக்கடியை தருவதால், அவர் இந்த பிரச்சனையை எப்படி கையாண்டு, தேர்தலில் வெற்றி பெறப் போகிறார் என்பது தமிழக அரசியல் நிகழ்வுகளை இன்னும் சுவாரஸ்யமாக்கி உள்ளது.

ராமதாஸ், அவரதுமகன் அன்புமணி ஆகியோருக்கிடையேயான பிரச்சனை பூதகரமாக வெடித்துச் சிதறி உள்ளது.சொல்லுக் கேட்காத மகன் அன்புமணியை கட்சியில் இருந்து ராமதாஸ் நீக்கிவிட்டார்.

கட்சி விரோத நடவடிக்கைகளில் ஈடுபட்டதாக, அன்புமணி ராமதாஸ் மீது ஒழுங்கு நடவடிக்கைக் குழு அனுப்பிய 16 குற்றச்சாட்டுகளுக்கு அவர் எந்தப் பதிலும் அளிக்காத காரணத்தால், இந்த நடவடிக்கை எடுக்கப்பட்டதாக ராமதாஸ் செய்தியாளர்களிடம் தெரிவித்தார்.

அன்புமணியின் ஆதரவாளர்களுக்கு எச்சரிக்கை விடுத்த ராமதாஸ், "அன்புமணி உடன் நிர்வாகிகள் யாரும் தொடர்பு வைத்துக்கொள்ளக் கூடாது.

மீறினால், அவர்கள் மீதும் கடுமையான நடவடிக்கை எடுக்கப்படும்" என்று தெரிவித்தார். அதே சமயம், அன்புமணியுடன் இணைந்து செயல்பட்டு வரும் சிலரை மன்னித்து ஏற்றுக்க்கொள்ள தயாராக இருப்பதாகவும் அவர் கூறினார்.

மேலும், அன்புமணியின் செயல்பாடுகள் குறித்துப் பேசிய ராமதாஸ், "மூத்த தலைவர்கள் அறிவுரை கூறியும் அதை அன்புமணி கேட்கவில்லை.

அவர் தனியாகக் கட்சி தொடங்கிக் கொள்ளலாம் என்று மூன்று முறை அவரிடம் கூறியுள்ளேன்" என்றும் தெரிவித்தார்.

45 ஆண்டுகளாக உழைத்து, மிகவும் கஷ்டப்பட்டு பாமகவை உருவாக்கியதாகவும், ஆனால் அன்புமணிக்கு அதில் நம்பிக்கை இல்லை என்றும் அவர் வேதனை தெரிவித்தார். 

ஒரு காலத்தில் தமிழக அரசியலைத் தீர்மானித்த ராமதாஸ் இன்று கட்சியக் காப்பாற்றவேண்டிய இக்கட்டான நிலைக்குத் தள்ளபட்டுள்ளார்.

 

ரமணி

14/9/25 

 

அன்புமணிக்கு எச்சரிக்கை விடுத்த ராமதாஸ்

 பாட்டாளி மக்கள் கட்சியின்  சித்திரை முழுநிலவு வன்னிய இளைஞர் மாநாடு மே 11 ஆம் திகதி மாமல்லபுரத்தை அடுத்த திருவிடந்தையில்  நடந்தது.  12 ஆண்டுகளுக்குப் பிறகு நடைபெறும் மாந்நடு என்பதாலும் ராமதாஸ் , அவருடைய மகன் அன்புமணி ஆகியோருக்கிடையே வெடித்த போதல் என்பதாலும் பெரும் எதிர்பார்ப்பை உருவாக்கியது.

அன்புமணி ராமதாஸ் நிர்வாகத் தலைமையில் நடைபெறும் முதல் மாநாடு என்பதால்  பிரமாண்டமான ஏற்பாடுகள் நடைபெற்றன.

 

க‌டந்த 2013 ஆம் ஆண்டு நடைபெற்ற மாநாட்டின் போது வெடித்த வன்முறையில் 4 பேர் உயிரிழந்தனர். ஆகையால் தமிழக அரசு மிகுந்தகட்டுப்பாடுகளை விதித்தது.

கட்சியின் கடந்தகாலம், எதிர்காலம் என்பனவற்றைப்பற்றிய எதிர்பார்புடன் சென்றவர்கள் ஏமாற்றமடைந்தனர். மகன் அன்புமணியின் மீதான  கோபத்தை வெளிப்படுத்தினார் ராமதாஸ்.

" வன்னியர்களுக்கு 10.5 சதவீத இடஒதுக்கீட்டை வழங்கக் கோரி போராட்டம் அறிவிக்கப்படும்.   இதுவரை நடந்திராத போராட்டமாக இருக்கும். அந்தப் போராட்டத்துக்காக எவ்வளவு பெரிய தியாகத்தையும் செய்வதற்கு தயாராக இருக்கிறோம்" எனக் கூறினார்.

தொடர்ந்து அவர் பேசுகையில்,

  "நாமும் ஒருநாள் தமிழ்நாட்டை ஆள வேண்டும் என்ற எண்ணம் இருந்தால் என் பேச்சைக் கேளுங்கள். நான் ஆளப் போவதில்லை. எனக்கு அந்த ஆசையும்  இல்லை. ஆசை இருந்திருந்தால் ஆளுநராக இருந்திருப்பேன்; பலமுறை அமைச்சராக இருந்திருப்பேன்;  த மிழ்நாட்டையும் ஆண்டிருப்பேன். ஆனால், மக்களுக்காக வாழ்கிறேன்."

  "நமக்குத் தேவை உங்களின் ஒரு  வாக்கு தான். இவ்வளவு நாள் என் பேச்சைக் கேட்டீர்கள். இடையில் மறந்துவிட்டீர்கள்."

  "முன்பு யானை சின்னத்தில் தனியாக நின்று நான்கு தொகுதிகளில் வெற்றி பெற்றோம். இன்று கூட்டணியில் சேர்ந்து 5 தொகுதிகளில் வெற்றி பெற்றுள்ளோம். இதைப் பார்த்து நமக்கு கோபம் வரவில்லையா?"

 "சிலர் எங்கே கூட்டணி என்று கேட்கிறார்கள். அதை நான் பார்த்துக் கொள்கிறேன். கூட்டணியை முடிவு செய்வேன். அதைப் பற்றி நீ ஒன்றும் கவலைப்பட வேண்டாம். சீட் வேண்டும்,  எம்.எல்.ஏ வேண்டும் என்றால் உழைக்கலாம்."

  "அந்தக் கூட்டணி...இந்தக் கூட்டணி.. கட்சிக்குள்ளேயே கூட்டணி.. கட்சிக்குள்ளேயே கூட்டு. இதெல்லாம் நடக்காது. உன்னை திருத்திக் கொள். இந்தக் கட்சியில் நீ பொறுப்பில் இருக்கவே முடியாது. அது யாராக இருந்தாலும் சொல்கிறேன்."

"இன்னும் 2 மாதம் கடந்தால் எனக்கு 87 வயது. வயதாகிவிட்டது எனக் கூறி ஏமாற்றப் பார்க்காதீர்கள். இந்தக் கட்சி ஒரு தனி மனிதனின் சொத்து அல்ல." எனப் பொரிந்து தள்ளிவிட்டார் ராமதாச்.

 ராமதாஸின் பேச்சைக்கேட்டபடி அன்புமணி அசட்டுச் சிரிப்புடன் அமர்ந்திருந்தார்.  அடங்கி இருந்த குடும்பப் பிரச்சனையை மாநாட்டில்  வெளிப்படுத்திவிட்டார்.

மாநாடு தொடர்பாக  அடுத்த நாள் திங்கள்கிழமை  அறிக்கை ஒன்றை வெளியிட்ட பாட்டாளி மக்கள் கட்சியின் செயல் தலைவர் அன்புமணி, தமிழ்நாடு அரசியல் களத்தில் இந்த மாநாடு மிகப் பெரிய மாற்றத்தை ஏற்படுத்தியுள்ளதாக குறிப்பிட்டார். அறிக்கையில் தன்னை பா.ம.க-வின் தலைவர் என அன்புமணி குறிப்பிட்டுள்ளார். கடந்த ஏப்ரல் 10 ஆம்  திக‌தியன்று தலைவர் பதவியில் இருந்து அன்புமணியை நீக்கி, அவரை செயல் தலைவராக மருத்துவர் ராமதாஸ் அறிவித்தார். கட்சியின் மாநாடு நெருங்கிக் கொண்டிருந்த நேரத்தில் ராமதாஸின் இந்த அறிவிப்பு, அரசியல் களத்தில் பேசுபொருளாக மாறியது. இப்போது அன்புமணி தலைவர் என அறிக்கை விட்டிருந்தார்.

  தனது  மூத்த மகள் காந்திமதியின் மகன் முகுந்தன் பரசுராமனுக்கு ராமதாஸ் கட்சிக்குள் முக்கிய பதவி கொடுத்ததை அன்புமணியால் ஜீரணிக்க முடியவில்லை.

இம்மாநாட்டுக்காக  அன்புமணி ராமதாஸ் வீடியோ பாடல் ஒன்றை வெளியிட்டு இருந்தார். அதில், ஒரு இடத்தில் மட்டுமே ராமதாஸின் புகைப்படம் இடம்பெற்றிருந்தது. "அண்ணன் அன்புமணி அழைக்கிறார்" என்று  பாடல் முழுவதும் அன்புமணியில் அழைப்பு இருந்தது.

 ராமதாஸ், தனியாக வீடியோ ஒன்றை வெளியிட்டுள்ளார். அதில், அன்புமணியின் படம் ஒரு இடத்தில் கூட இடம்பெறாத நிலையில், "ஐயா அழைக்கிறார்" என்றே அந்த பாடல் தொடங்குகிறது. அண்ணனா? ஐயாவா யாருக்குப் பின்னால் நிறப்து எஅந்த் தெரியாமல் கட்சியில் உள்ளவர்கள்  குழம்பிப்போய் உள்ளனர்.

ராமதாஸ்,  பேரன் பரசுராமன் ஆகிய இருவரும் ஒரு பக்கமாக நிற்கிறார்கள். அன்புமணியும் அவருடையா மகள்களும் இன்னொரு பக்கமாக நிற்கிறார்கள். குடும்பப்பிரச்சனையால் கட்சிக்கு என்ன நடக்குமோ என்ற பதற்றத்தில் அடுத்த தலைவர்களும், தொண்டர்களும் இருக்கிறார்கள்.

  தகப்பனுக்கும் மகனுக்கும் இடையேயான மோதல் கடந்த டிசம்பரில் ஆரம்பமானது. பிரச்சனைகள் அனைத்தும்  முடிந்து விட்டதாக ஜி.கே. மணி  உள்ளிட்டவர்கள் கூறினார்கள்.  ஆனால், பிரச்சனை கைமீறிப் போய்விட்டதை ராமதாஸின்  பேச்சு வெளிப்படுத்தியது.

 பாரதீய ஜனதாவுடன்  கூட்டணி சேர வேணும் என அன்புமணி விரும்புகிறார். அப்போதுதான்  எம்பி பதவியில் தொடரலாம் அமைச்சராகலாம் என்பது அவரது கனவு.அண்ணா திரவிட முன்னேற்றக் கழகத்தின் தயவிலேதான் அன்புமணி எம்பியாக  இருக்கிறார்.

ராமதாஸ் இன் எதிர்  பார்ப்பு வேறுவகையாக  இருக்கிறது. திரவிட முன்னேற்றக் கழகத்துடன் சேர்வதற்கு ராமதாஸ் முயற்சி செய்கிறார்.

தமிழக அரசியலைத் தீர்மானிக்கும் சக்தியாக ஒரு காலத்தில் இருந்த பாட்டாளி இப்போது பொலிவிழந்துள்ளது. அவசரம் இல்லாது ஆறுதலாகப் பேசும் கட்சியா பாட்டாளி மக்கள் கட்சி  மாறிவிட்டது.

தமிழக அரசின் மசோதாக்களுக்கு ஆளுநர் ரவி  ஒப்புதல் அளிக்காமல் கிடப்பில் போட்டதை எதிர்த்து உச்ச நீதிமன்றத்தில் தமிழக அரசு சார்பில் கடந்த 2023-ம் ஆண்டு வழக்கு தொடரப்பட்டது. இந்த வழக்கை விசாரித்த நீதிபதிகள் ஜே.பி.பர்திவாலா, ஆர்.மகாதேவன் அமர்வு கடந்த ஏப்ரல் 8‍ம் திக‌தி முக்கிய தீர்ப்பு வழங்கியது‘மாநில அரசின் மசோதா குறித்து ஒரு மாதத்துக்குள் ஆளுநர் முடிவு எடுக்க வேண்டும். மாநில ஆளுநர்கள் அனுப்பும் மசோதாக்கள் குறித்து 3 மாதங்களுக்குள் குடியரசுத் தலைவர் முடிவு எடுக்க வேண்டும். ஒருவேளை, தாமதம் ஏற்பட்டால் அதற்கான காரணத்தை தெளிவுபடுத்த வேண்டும்’ என்று தீர்ப்பில் தெரிவிக்கப்பட்டது. ஆளுநரால் கிடப்பில் போடப்பட்ட மசோதாக்களுக்கு நீதிமன்றம் உயிர் கொடுத்தது.ஆளுநரின் கையெழுத்து இல்லாமலே அவற்றை நடைமுறைப் படுத்தியது நீதிமன்றம்.

இந்தத் தீர்ப்பு இந்திய அரசியலில் பெரும் தாக்கத்தை  ஏற்படுத்தியுள்ளது.  ஆளுநரின் அதிகாரத்தின் மூலம் மாநிலங்களை முடக்கும் பாரதிய ஜனதாவுக்கு சாட்டையடி விழுந்துள்ளது. ஆளுநர் பதவி விலக வேண்டும் என்ற கருத்து பரவலாக எழுந்தது. இதுவரை அமைதியாக இருந்த பாரதீய ஜனதா இந்திய ஜனதிபதி மின் மூலம் நீதிமன்றத்திடம் கேள்வி எழுப்பி உள்ளது.

  இந்த தீர்ப்பு தொடர்பாக  ஜனாதிபதி திரவுபதி முர்மு 14 கேள்விகளை எழுப்பியுள்ளார். இதுதொடர்பாக விளக்கம் கோரி உச்ச நீதிமன்றத்துக்கு அவர் கடிதம் அனுப்பியுள்ளார். அதில் அவர் கூறியுள்ளதாவது:

அரசியலமைப்பு சட்டம் 143 (1)-வது பிரிவு வழங்கியுள்ள சிறப்பு அதிகாரத்தின்படி, 14 கேள்விகளை உச்ச நீதிமன்றத்தின் பார்வைக்கு கொண்டு வந்து, அதுகுறித்து தனது கருத்துகளை தெரிவிக்குமாறு கோருகிறேன்.

. இந்திய அரசியலமைப்பு சட்டம் 200-வது பிரிவின்படி, மாநில ஆளுநரிடம் ஒரு சட்டமசோதா சமர்ப்பிக்கப்படும்போது அவருக்கு உள்ள சட்டரீதியான வாய்ப்புகள் என்னென்ன?,

 ஒரு மசோதாவை தாக்கல் செய்யும்போது, மாநில அமைச்சரவை வழங்கும் ஆலோசனைகளுக்கு ஆளுநர் கட்டுப்பட்டவரா?,

 அரசியலமைப்பு வழங்கி உள்ள விருப்பு உரிமையை ஆளுநர் பயன்படுத்துவது நியாயமானதா?,

  அரசியலமைப்பு சட்டத்தின் 361-வது பிரிவு, ஆளுநரின் நடவடிக்கைகள் தொடர்பான நீதிமன்ற மறுஆய்வுக்கு தடையாக உள்ளதா?,

 அரசியலமைப்பு சட்டத்தின்படி ஆளுநரின் செயல்பாடுகளுக்கு எவ்வித காலக்கெடுவும் நிர்ணயம் செய்யப்படவில்லை. அப்படி இருக்க, நீதிமன்ற உத்தரவு மூலம் ஆளுநருக்கு காலக்கெடு நிர்ணயிக்க முடியுமா? போன்ற 14 கேள்விகளை ஜனாதிபதி எழுப்பி உள்ளார்.

அவர் எழுப்பிய 14 கேள்விகளுக்கு பதில் அளிக்க 5 நீதிபதிகள் கொண்டஅரசியல் சாசன அமர்வை அமைக்க வேண்டும். அந்த அமர்வுதான் குடியரசுத் தலைவரின் கேள்விகளுக்கு விளக்கம் அளிக்கும் என  சட்டம் தெரிந்தவர்கள் தெரிவித்தனர்.

 

ரமணி

18/5/25

  

குழப்பத்தில் தமிழக அரசியல் கட்சிகள்

 

தமிழக சட்ட சபைத் தேர்தல் 2026 ஆம் ஆண்டு நடைபெற உள்ளது. ஆட்சியைத் தக்க வைப்பதர்கு திராவிட முன்னேற்றக் கழகம்  புதிய  புதிய திட்டங்களுடன் காய் நகர்த்துகிறது.ஆட்சியில் பங்கு  வேண்டும், அமைச்சரவியில் இடம்  வேண்டும், துணை முதல்வர் பதவி வேண்டும் என அடம் பிடித்த விடுதலைச் சிறுத்தைகளும், தமிழக காங்கிரஸும் இப்போதைக்கு அமைதியாக  இருக்கின்றன. இவற்றி  எல்லாம் காதில்  வேங்கிக் கொள்ளாத முதல்வர் ஸ்டாலின் தனது  திட்டங்களை  முன்னெடுத்து வருகிறார்.

அண்ணா திராவிட முன்னேற்றக் கழகத்தின் தோல்விகளுக்கு பாரதீய ஜனதாக் கட்சிதான் காரணம் எனக் கண்டுபிடித்த எடப்பாடி  அந்தக் கட்சியுடன்  ஒட்டும் இல்லை உறவும் இல்லை என அறிவித்தார்.

பாட்டாளி  மக்கள் மட்சித் தலைவர்பதவியில் இருந்த மகன் அன்புமணியைத் தூக்கு எறிந்துவிட்டு  இன்று முதல் நான் தான்  தலைவர் என அறிவித்தார் டாக்டர் ராமதாஸ். தகப்பனுக்கு எதிராகப் போர்க்கொடி தூக்கிய அன்புமணி இன்னமும்  நானே தலைவர் என சொல்கிறார்.  தகப்பனுக்கும், மகனுக்கும் இடையே சிக்கித் தவிக்கிறார்கள் கட்சியின் அடுத்த கட்டத் தலைவர்கள்.

தனது மகனை அரசியல் அரியணையில் ஏற்றி அழகு பார்த்தார் வைகோ.  வைகோவின் மகன் துரைக்கும் , கட்சியின் மூத்த தலைவர் மல்லை சத்தியவுக்கும் இடையிலான உட்பூசல் சந்திக்கு வந்துள்ளது. 

தமிழக அரசிலயைத் தாண்டி இந்திய அளவில் பெரிதும் எதிர்பார்க்கப்பட்ட  அண்ணா திராவிட முன்னேற்றக் கழகக் கூட்டணி மீண்டும்  உருவாகி உள்ளது. 

தமிழகத்தில் நடந்த தேர்தல்களில் பாரதீய ஜனதாவுடன்  கூட்டணி சேர்ந்ததனால் தோல்வியடைந்ததாக வாக்கு மூலம் வழங்கிய எடப்பாடியார் கூட்டணியை முறித்துக் கொண்டார்.  அண்ணா திராவிட முன்னேற்றக் கழகம் இல்லை என்றால் தமிழகத்தில் கால்  ஊன்ற முடியாது எனத் தெரிந்துகொண்ட பாரதீய ஜனதாத் தலைவர்கள் எடப்பாடிஅயிச் சமாதானப் படுத்த முயன்றார்கள். தனது நிலைப் பாட்டில் எடப்பாடி உறுதியாக இருந்தார்.

பாரதீய ஜனதாவுடன் கூட்டணி சேரமாட்டேன் என எடப்பாடி சத்தியப் பிரமாணம் செய்தார்.

அண்ணா திராவிட முன்னேறக் கழகத்துடன்   கூட்டணி சேர்ந்தால் கட்சியை விட்டு வெளியேறப் போவதாக அண்ணாமலை   ஆவேசத்துடன் தெரிவித்தார்.

இரண்டு பேரின் வாய்ச் சவடால்களும் காற்றில் கரைந்து விட்டன.

2026 தமிழக சட்டமன்றத் தேர்தலுக்கு முன்னதாக, பாஜக மற்றும் அதிமுக கூட்டணியை மீண்டும் தொடங்குவதாக மத்திய உள்துறை அமைச்சர் அமித்ஷா  கடந்த  வெள்ளிக்கிழமை   முறைப்படி அறிவித்தார்.

அதிமுக  இல்லை என்றால் தமிழ்கத்தில் தாமரை மலராது என்பதை உணர்ந்துகொண்ட அமித்ஷா  கூட்டணியை உறுதி செய்தார்.

  2026 தேர்தலில் தேசிய ஜனநாயகக் கூட்டணி சார்பாக முதலமைச்சர் வேட்பாளராக அதிமுக பொதுச் செயலாளரும் முன்னாள் முதலமைச்சருமான எடப்பாடி பழனிசாமி இருப்பார் என அமித்ஷா கூறியுள்ளார்.

அமித்ஷாவின் அருகே எடப்பாடி அமைதியாக  இருந்தார்.  அமித்ஷாவின் இன்னொரு பக்கத்தில்  ஒன்றுமே தெரியாததுபோல அப்பாவியாக அண்ணாமலை அமர்ந்திருந்தார்.

அந்த பத்திரிகையாளர்கள் சந்திப்பில் அமித்ஷா மட்டும் பேசினார். எடப்பாடி பொம்மைபோல    இருந்தார். பாரதீய ஜனதாக் கூட்டணியில் இருந்து அண்ணா திராவிட முன்னேற்றக் கழகம் வெளியேறியதற்கு அண்ணாமலையில் நடவடிக்கைகளும் காரணம்.

அதிமுகவுடன் கூட்டணி சேர்வதற்காக அண்ணாமலை பலிக்கடா ஆக்கப்பட்டுள்ளார். தமிழக பாரதீய ஜனதாத் தலைவர் பதவியில் இருந்து அண்ணாமலை தூக்கி எறியப்பட்டார். தமிழக பாரதீய ஜனதாவின்  புதிய தலைவராக நயினார் நாகேந்திரன் டெரிவு செய்யப்பட்டார்.பாரதீய ஜனதாவுடன் எடப்பாடி கூட்டணி சேர்ந்ததை அதிமுகவின் மூத்த தலைவர்கள் ரசிக்கவில்லை. தொகுதிக்குள் ராஜாவாக வலம் வந்த நான் தோற்றது   பாரதீய ஜனதாவால்தான்   என மேடைக்கு மேடை வாக்கு மூலமளித்த ஜெயக்குமார்  அதிர்ச்சியடைந்துள்ளார்.  ஏனைய வர்களும்  மெளனமாக இருக்கின்றனர். கூட்டனி மேடையில் எடப்பாடியைத் தவிர வேறு யாரும் காணப்படவில்லை.

அதிமுக தலைவர்களை வழிக்குக் கொண்டுவரும் பாரிய பொறுப்பு எடப்பாடியின் தலையில்  சுமத்தப்பட்டுள்ளது.

 பாமக பொதுக்குழுவில், பொதுக்குழு உறுப்பினர்களால் தலைவராக தேர்ந்தெடுக்கப்பட்டவன் நான். தேர்தல் ஆணையமும் அதை அங்கீரித்திருக்கிறது என்று டாக்டர் அன்புமணி  தெரிவித்ததால் சமாதனப் பேச்சு வார்த்தை நடத்தியவர்கள் கையைப் பிசைந்துகொண்டிருக்கிறார்கள்.

அன்புமணி வெளியிட்ட அறிக்கையில்

பாட்டாளி மக்கள் கட்சியால் உருவாக்கப்பட்ட கொள்கை விதிகளின் படி பாட்டாளி மக்கள் கட்சியின் தலைவரை கட்சியின் பொதுக்குழு உறுப்பினர்கள் தான் தேர்வு செய்ய முடியும். அதனடிப்படையில் 2022 ஆம் ஆண்டு மே மாதம் 28 திக‌தி சென்னையில் நடைபெற்ற பொதுக்குழு கூட்டத்தில் சமூகநீதிக் காவலர் மருத்துவர் அய்யாவின் வாழ்த்துகளுடனும் உங்களின் ஆதரவுடனும் கட்சியின் தலைவராக தேர்ந்தெடுக்கப்பட்டவன் நான்.

அதை இந்திய தேர்தல் ஆணையமும் அங்கீகரித்திருக்கிறது. கட்சியின் தலைவராக நான் முறைப்படி பொதுக்குழு உறுப்பினர்களால் தேர்ந்தெடுக்கப்பட்டு, அதை தேர்தல் ஆணையமும் அங்கீகரித்திருக்கும் நிலையில், பாட்டாளி மக்கள் கட்சியின் தலைவராக நான் தொடர்ந்து செயல்படுவேன். எந்த நோக்கத்திற்காக கட்சியின் தலைவராக நான் தேர்ந்தெடுக்கப்பட்டேனோ, எந்த நோக்கத்திற்காக மருத்துவர் அய்யா பாட்டாளி மக்கள் கட்சியை தொடங்கினாரோ, அந்த நோக்கத்தை நோக்கி உங்களின் ஆதரவுடன் இன்னும் தீவிரமாக பயணிக்க நான் உறுதி பூண்டிருக்கிறேன் எனக் குறிப்பிடப்பட்டுள்ளது.

இதனால் , டாக்டர் ராமதாஸுக்கு பெரும் சவாலாக மாறியுள்ளது. இப்போது கட்சித் தலைவர் நீக்கத்திற்கு அவர் அவசர பொதுக்குழுவைக் கூட்டியாக வேண்டும். ஆனால் பொதுக் குழுவில் அன்புமணிக்கே ஆதரவு அதிகம் என்று கூறப்படுகிறது. எனவேதான் அவசர பொதுக்குழுவை டாக்டர் ராமதாஸ் கூட்டாமல் இருப்பதாக சொல்லப்படுகிறது.

தலைவர் பதவியை  தான் விட்டுக் கொடுத்து விட மாட்டேன் என்பதை அவர் மறைமுகமாக உணர்த்துவதாக கருதப்படுகிறது. டாக்டர் ராமதாஸ் சமரசத்திற்கு வராவிட்டால் கட்சி உடைவதையும் தவிர்க்க முடியாது என்றே சொல்கிறார்கள். அப்படி ஒரு சூழல் ஏற்பட்டால் தேர்தல் ஆணையம் பாமகவின் சின்னத்தை முடக்கி விடும் வாய்ப்புகளும் அதிகம்.

இரு தலைவர்களுக்கும் இடையே சமரசம் ஏற்படுத்த மூத்த தலைவர்கள் முயன்று வருகின்றனர். ஆனால் யாருக்கும் டாக்டர் ராமதாஸ் பிடி கொடுக்கவில்லை என்று சொல்கிறார்கள்.

துரை வைகோவுக்கும், மல்லை சத்யாவுக்கும் இடையே மோதல் முற்றியுள்ள நிலையில், மல்லை சத்யாவுக்கு எதிராக திருச்சியில் தீர்மானம் நிறைவேற்றப்பட்டுள்ளது. இந்நிலையில், கட்சியின் கட்டுப்பாட்டை மீறி யாரும் செயல்படக் கூடாது என நிர்வாகிகளுக்கு வைகோ அறிவுறுத்தி உள்ளார்.

மதிமுக பொதுச் செயலாளர் வைகோவின் மகன் துரை வைகோவுக்கு கட்சியின் முதன்மை செயலாளர் பதவி வழங்கப்பட்டதை தொடர்ந்து, கட்சியின் முக்கிய நிர்வாகிகள், மாவட்ட செயலாளர்கள் பலர் அதிருப்தியால் கட்சியில் இருந்து வெளியேறினர். இந்நிலையில், துரை வைகோ பொறுப்பேற்ற நாள் முதல் அவரது ஆதரவாளர்கள் மல்லை சத்யாவுக்கு எதிராக செயல்பட்டு வருவதாகவும், கட்சி நிகழ்ச்சிகளில் அவரது பெயரை பேனர், போஸ்டர்களில் பயன்படுத்தக் கூடாது என கட்டுப்பாடுகள் போட்டுள்ளதாக வும் கூறப்படுகிறது.

தொடர்ந்து, இதுபோன்ற நிகழ்வுகள் அடிக்கடி நிகழ்ந்ததால், துரை வைகோவுக்கும், மல்லை சத்யாவுக்கு இடையே கருத்து வேறுபாடு ஏற்பட்டது. பின்னர், அதுமோதலாக உருவெடுத்து, தற்போது உச்ச கட்டத்தை அடைந்துள்ளது. சில தினங்களுக்கு முன்புதிருச்சியில் நடைபெற்ற நிர்வாகிகள் கூட்டத்தில் மல்லை சத்யாவை கட்சியில் இருந்து நீக்க வேண்டும் என, துரை வைகோ ஆதரவாளர்கள் தீர்மானத்தை நிறைவேற்றினர்.

இந்த சூழ்நிலையில், கடந்த 12‍ம் திக‌தி சென்னை தாயகத்தில் கட்சியின் பொதுக்குழு கூட்டம் நடைபெற்றது. அப்போது, நிர்வாகிகள் நியமனத்தில் முறைகேடு நடந்திருப்பதாக சிலர் குற்றம்சாட்டி, நிர்வாகிகள் ஒருவருக்கொருவர் வைகோ முன்னிலையில் வார்த்தை மோதலில் ஈடுபட்டனர். அப்போது கூட்டத்தில் இருந்து துரை வைகோ கோபமாக வெளியேறினார்.

இந்நிலையில், துரை வைகோ ஆதரவாளர் சத்யகுமரன், ‘மதிமுகவில் 30 ஆண்டுகள் அல்ல, 300 ஆண்டுகள் உழைத்திருந்தாலும், ஈ.வெ.ரா., அண்ணா, வைகோ, துரை வைகோ மட்டுமே மதிமுகவின் அடுத்த பரிணாமம். இதை ஏற்பவர்கள் இருக்கலாம். மறுப்பவர்கள் உடனே வெளியேறலாம். இது துரை வைகோ காலம்,’ என அறிக்கை வெளியிட்டார்.

இதற்குப் பதிலடி கொடுத்த மல்லை சத்யா, ‘மதிமுகவில் 32 ஆண்டுகள் உழைத்ததற்கு வெகுமானமாக புற்றுநோய், பகட்டு வேஷம், நம்பிக்கை துரோகி, பத்தினி வேஷம், வெளியேறுங்கள் என்ற விருதுகளை எனக்கு தந்துள்ளனர். எனக்கு அரசியல் அங்கீகாரம் வழங்கிய வைகோவுக்கு காலம் முழுவதும் நன்றியோடு இருப்பேன். என் விசுவாசம், நம்பகத்தன்மையை வைகோ அறிவார்.

ஒருசிலர் எனக்கு எதிராக தீர்மானம் கொண்டு வரலாம். ஆனால், வைகோவின் இதயத்தில் இருந்து என்னை நீக்க எந்த சக்தியாலும் முடியாது. நம்பி கெட்டான் சத்யா என்று வேண்டுமானால் அரசியல் உலகம் என்னை சொல்லலாம். ஆனால் நம்பிக்கை துரோகம் செய்தான் மல்லை சத்யா என்று ஒரு போதும் வரக்கூடாது என்ற உறுதியோடு மதிமுகவில் பயணிக்கிறேன். சமூக வலைதளங்களில் என் படம், பெயர் போட்டு பதிவிடுபவர்க ளுக்கு நானே பதில் கொடுக்கிறேன். இந்த விவகாரத்தில் யாரும் தலையிட வேண்டாம்,’ என சமூக வலைதளத்தில் பதிவிட்டுள்ளார்.

வைகோ அறிக்கை: இதற்கிடையே, திருச்சியில் மல்லை சத்யாவுக்கு எதிராக நிறை வேற்றப்பட்ட தீர்மானத்தைக் கண்டித்து வைகோ அறிக்கை வெளியிட்டுள்ளார். அதில், ‘மதிமுக நிர்வாகக்குழு கூட்டம் ஏப்.20-ம் தேதி நடைபெறும் என அறிவிக்கப்பட்டுள்ளது. இந்நிலையில், சில மாவட்ட கழகங்கள் கூட்டத்தை கூட்டி தீர்மானங்கள் நிறை வேற்றி உள்ளனர். கட்சியின் கட்டுப்பாட்டுக்கு எதிராக இத்தகைய கூட்டங்கள் நடத்துவது, தீர்மானங்கள் நிறைவேற்றுவது கூடாது’ என குறிப்பிட்டுள்ளார்.

கட்சித் தலைவர்களின்  குழறுபடிகளால் தொண்டர்கள் திகைத்து நிற்கிறார்கள். தேர்தலுக்கு ஒரு வருடம்  இருப்பதாக் பிரச்சனைகள் அனைத்தும் தீர்ர்க்கப்பட்டு விடும் என அவர்கள் நம்புகிறார்கள். 

சந்திக்கு வந்த குடும்பச் சண்டை மகனின் பதவியை பறித்த தந்தை

 

 அரசியல் என்றாலே அங்கே வரிசுக்கு தனி மரியாதை இருக்கும் வரிசு அரச்யல் என விமர்சகர்கள்   பெரிதாக கூப்பாடு போட்டாலும். வரிசு அரசியலை அடுத்த கட்ட தலைவர்களும், தொண்டர்களும் சிரமேல் தூக்கிக் கொண்டாடுகிறார்கள்.

வாரிசுக்காக  இரண்டாம் கட்டத் தலைவர்கள் தூக்கி எறியப்பட்ட சம்பவங்களும், நின்று பிடிக்க முடியாமல்  கட்சியை விட்டே  ஓடிஒ போன சம்பவங்களும்  அரசியல் அரங்கில்  நிறையவே உள்ளன. மகனிடம்  இருந்த தலமைப் பதவியைப் பரித்து  தன்னை  மீண்டும் தலைவராக்கிய அதிர்ச்சியான  அரசியல் தமிழகத்தில் நடைபெற்றுள்ளது.

பாட்டாளி மக்கள் கட்சியின் தலைவரான அன்புமணியிடம்  இருந்த தலைமைப் பதவிடை  தகப்பனான‌ டாக்டர் ராமதாஸ்  பிடுங்கி எடுத்துள்ளார்.

பாமக நிறுவனரான நானே இனி கட்சித் தலைவர் பதவியையும் வகிக்கப் போகிறேன். கட்சியின் செயல் தலைவராக டாக்டர் அன்புமணி செயல்படுவார். கெளரவத் தலைவராக ஜி.கே.மணி தொடர்கிறார் என்று பாமக நிறுவனர் டாக்டர் ராமதாஸ் அறிவித்துள்ளார். இது பெரும்  இந்திய அரசியலில் பரபரப்பை ஏற்படுத்தியுள்ளது.  ஒரு கட்சிக்கு மூன்று தலைவர்களா என்ற கேள்வியஒயும் எழுப்பி உள்ளது.

பாமக தலைவராக கடந்த 2022ம் ஆண்டு வரை ஜி.கே.மணி செயல்பட்டு வந்தார். டாக்டர் ராமதாஸும், ஜி.கே.மணியும் இணைந்து பல கூட்டணிகளை உருவாக்கியுள்ளனர். சிறப்பாகவும் செயல்பட்டுள்ளனர். இந்த நிலையில் 2022ம் ஆண்டு பாமக தலைவராக, அதுவரை இளைஞர் அணித் தலைவராக செயல்பட்டு வந்த டாக்டர் அன்புமணி ராமதாஸ் நியமிக்கப்பட்டார். கெளரவத் தலைவராக ஜி.கே.மணி மாற்றப்பட்டார்.

 சில மாதங்களுக்கு முன்பு புதுச்சேரியில் நடந்த கட்சியின் பொதுக்குழுக் கூட்டத்தின்போது இளைஞர் சங்க தலைவராக முகுந்தன் பரசுராமனை நியமிப்பதாக டாக்டர் ராமதாஸ் அறிவித்தார். இவர் டாக்டர் ராமதாஸின் மகள் வழிப் பேரன் ஆவார். இதற்கு அன்புமணி ராமதாஸ் மேடையிலேயே பகிரங்கமாக எதிர்ப்பு தெரிவித்தார். இருவருக்கும் இடையே கடும் வாதமும் மூண்டது. அப்போது இது நான் உருவாக்கிய கட்சி. நான் சொல்வதைக் கேட்க விரும்பாதவர்கள், யாராக இருந்தாலும் வெளியேறி விடுங்கள் என்று கோபமாக கூறினார்.

தகப்பனின்  கோபத்தால் ஒந்தளித்த அன்புமணி தனது அலுவலகம் பனையூரில் இருப்பதாகவும் தன்னை விரும்புவர்கள் அங்கு வந்து சந்திக்கலாம் எனவும் தெரிவித்து விட்டு  வெளியேறிபனார்.   அரசியல் காரணமாக தகப்பனும் மகனும்  பிரிந்திருப்பதை விரும்பாத கட்சியின் மூத்த தலைவர்கள்  இருஅவ்ரையும் சமாதானமாக்கினார்கள்.தகப்பனின் தைலாபுர வீட்டுக்கு அன்புமணி சென்றார். இறுக்கமான முகத்துடன் அன்புமணியை ஏறெடுத்தும் பார்க்காமல் ராமதாஸ். இருந்தார்.  பிரச்சனை முற்றுப் பெற்ரு விட்டதாக அனைவரும் நினைத்தனர். இப்போ அது பூதாகரமாக விஸ்வரூபம் எடுத்துள்ளது.

மகனிடம் இருந்த தலைமைப் பதவியைப் பரித்ததற்கு  பல காரணங்கள்  உண்டு அதனைத் தெரிவிப்பேன் என ராமதாஸ் தெரிவித்தார்.

 அன்புமணியின் தலைமையில் கட்சி  பல தோல்விகளைச் சந்தித்தது. வாக்கௌ வங்கி கடுமையாக வீழ்ச்சியடைந்துள்ளது. பாரதீய ஜனதாவுடன் மிக நெருக்கமாக இருக்கும் அன்புமணி பாரதீய ஜனதாக் கூட்டணியில் தொடர விரும்புகிறார். அரசியலில் மிகவும் அனுபவம் உள்ள ராமதாஸின் பார்வை வேறு விதமாக  உள்ளது. அதிமுகவுடன்  கூட்டணி சேர ராமதாஸ் ஆசைப்படுகிறார். அதிமுகவின் அனுரசணையில் எம்பியாக இருக்கிறார் அன்புமணி. தனக்கு அமைச்சரவையில் இடம் கிடைக்கும் என கனவுகண்டு காலத்தைக் க்டத்துகிறார்.  நாடா ளுமன்றத்துக்கு  அன்புமணி செல்வதில்லை என்ற விபரம் தற்போது வெளியாகி உள்ளது.

தமிழகத்துக்காக நாடாளுமன்றத்தில்  தமிழ் அம்பிக்க குரல் கொடுக்கும்  போது அங்கு  அன்புமணி  தென்படுவதில்லை. மக்களுக்காகச் சேவை செய்யச் சென்ற அவர் பதவியைக் கெட்டியாகப் பிடித்துக் கொண்டிருக்கிறார்.

 வன்னியர் சமூகத்துக்காக‌ வன்னியர் சங்கத்தில் தீவிரமாக களமாடி வந்தவர் டாக்டர் ராமதாஸ். அவரது அயராத உழைப்பு, கடுமையான முயற்சிகள், கிராமம் கிராமமாக சென்று அவர் மேற்கொண்ட திண்ணைப் பிரச்சாரத்தால் அவருக்குக் கிடைத்த செல்வாக்கு அளப்பறியது. மறைந்த முன்னாள் முதல்வர் எம்ஜிஆருக்கே கடும் சவாலாக திகழ்ந்தவர் டாக்டர் ராமதாஸ்.

பின்னாளில், பாட்டாளி மக்கள் கட்சி உருவானது. வட மாவட்டங்களில் மிகப்பெரிய சக்தியாக பாமக ஒரு காலத்தில் திகழ்ந்தது. இப்போதும் வட மாவட்ட முக்கிய அரசியல் சக்தியாக பாமக இருந்தாலும் கூட முக்கியமான வெற்றிகளை பெற அது தவறி வருகிறது. இதற்கு காரணம் பாமகவின் செயல்பாடுகளில் காணப்படும் ஒரு விதமான தொய்வு. பாமகவின் நிறுவனரான டாக்டர் ராமதாஸ் பல்வேறு தலைவர்களை தனது கட்சியின் தலைமைப் பொறுப்பில் ஈடுபடுத்தி செயல்பட வைத்தார்

 கருணாநிதியும், ஜெயலலிதாவும் ராமதாஸுடன் முதலில் பேசி   தொகுதிகளை அறிவித்த பின்னரே எஆனிய கட்சிகளுடன்  பேச்சு வார்த்தி நடத்துவார்கள்.  அந்த நிலை இப்போது  மாரிவிட்டது. தொடர் தோல்விகள் தொண்டர்களிடையே சலிப்பை ஏறப்ப‌டுத்தியுள்ளது. ஜி.கே.மணி காலம் வரை பாமகவின் செயல்பாடுகள் சற்று சிறப்பாக இருந்தது என்று சொல்ல வேண்டும். அதன் பிறகு 2022 ஆம் ஆண்டு பாமகவின் புதிய தலைவராக டாக்டர் அன்புமணி ராமதாஸ் நியமிக்கப்பட்டார். அன்புமணியின் வரவுக்கு பின்னர் பாமகவின் செயல்பாடுகள் அதன் போக்கில் பல மாற்றங்கள் காணமுடிந்தது. ஒரு ஜாதி கட்சியாக மட்டுமே அறியப்பட்ட பாமகவை அடுத்த தளத்திற்கு கொண்டு செல்லும் முயற்சியில் டாக்டர் அன்புமணி ராமதாஸ் தீவிரம் காட்டினார். அதற்கு ஏற்ப அவர் செயல்பாடுகளில் முன்னெடுத்தார். வெறும் ஜாதி கட்சியாக மட்டும் இருக்கக் கூடாது என்பது அவரது எண்ணமாக இருந்தது. அதற்கு காரணம் அவர் அரசியல் செய்தது டெல்லியில், டாக்டர் ராமதாஸின் அரசியல் தமிழ்நாட்டில். எனவே அவரவர் சூழலுக்கு ஏற்ற அரசியலை அவர்கள் செய்ய முனைந்தனர். இதன் காரணமாக இருவருக்குள்ளும் பல்வேறு முட்டல் மோதல்கள் வெடித்தன.

கூட்டணி கட்சிகளை உள்துறை அமைச்சர் அமித்ஷா இன்று சந்திக்க உள்ள நிலையில், பாமகவில் உச்சக்கட்ட பரபரப்பு நிலவி கொண்டிருக்கிறது.. பாமகவின் தலைவர் பதவியில் இருந்து அன்புமணியை நீக்கி, தன்னை தானே தலைவராக ராமதாஸ் அறிவித்துக் கொண்டுள்ளார்.. இது பாமக தொண்டர்களையும் சேர்த்து குழப்பி வருகிறது.. டாக்டர் ராமதாஸின் இந்த முடிவுக்கு என்ன காரணம்? அமித்ஷா வரும்போது இப்படியொரு முடிவை வெளிப்படுத்தும் நோக்கம் என்ன? என்ற கேள்விடும் எழுந்துள்ளது.

கடந்த முறை அதிமுகவுடன் வலிமையாக கூட்டணி வைத்தும்கூட, பாமகவால் பெரிதாக வெற்றி பெற முடியவில்லை. அப்படியிருக்கும்போது, எம்பி தேர்தலில் பாஜகவுடன் கூட்டணி வைத்து எப்படி வெற்றி பெற முடியும்? என்பதே இந்த அதிருப்தியாளர்களின் சந்தேகமாக எழுந்தது. சாதிவாரி கணக்கெடுப்பை பாமக வலியுறுத்தியபோது, அதை காங்கிரஸ் ஏற்றுக்கொண்டது. ஆனால், பாஜக அமைதி காப்பது ஏன்? பாஜகவின் நிலைப்பாடு தெரியாதபட்சத்தில், எப்படி அந்த கட்சியுடன் கூட்டணி வைப்பது எனத் தொண்டர்கள்  கேள்வி எழுப்பி உள்ளனர்.

 அதாவது கட்சி சார்ந்த அனைத்து விஷயங்களையும் அன்புமணியும், செளமியா அன்புமணியும் சேர்ந்து எடுக்கிறார்களாம்.. இது தொடர்பாக தன்னை ஆலோசிப்பதில்லை என்றும், இதனால் தான் தனிமைப்படுத்தப்பட்டதாகவும் ராமதாஸ் உணர்ந்ததாக கூறப்படுகிறது.

தமிழ்நாட்டு அரசியலைப் பொறுத்தவரை முக்கிய கட்சியான அதிமுக பலவீனப்பட்டு நிற்கிறது. இந்த நிலையில் பாமகவும் பலவீனப்பட்டால் அல்லது பிளவுபட்டால் அது அக்கட்சிக்கு நல்லதல்ல என்று தொண்டர்கள் கவலைப்படுகிறார்கள். அன்புமணியும், ராமதாஸும் வெளிப்படையாக பேசி தீர்வு காண வேண்டும். இல்லாவிட்டால் பிளவு வரைக்கும் போய் விட்டால் பல வருடங்களாக கடுமையாக உழைத்து செங்கல் செங்கல்லாக பார்த்துப் பார்த்து உருவாக்கிய பாமகவின் கோட்டை தகர்வதை யாராலும் தடுக்க

    

வாரிசு அரசியலால் பாமகவில் பூகம்பம்

 

 வாரிசு அரசியலால் பாமகவில் பூகம்பம்

ராமதாஸ் பிடிவாதம் அன்புமணி வெளிநடப்பு

 தமிழகத்தின்  மிகப் பிரமாதமான சாதிக் கட்சியாக இருந்த பாட்டாளி மக்கள் கட்சி இன்று தேடுவாரற்ற கட்சியாக இருக்கிறது.  கருணாநிதியும்,  ஜெயலலிதாவும்  பாட்டாளி மக்கள் கட்சியுடன் தேர்தல்  கூட்டணி வைப்பதற்கு முக்கியத்துவம் கொடுத்தனர்.முதலில் ராமதாஸை அழைத்துப் பேசி  அவர் விரும்பிய தொகுதிகளைக் கொடுத்த பின்னரே மற்றைய கட்சிகளுடன் கூட்டணிப் பேச்சு வார்த்தை நடத்துவார்கள். அந்த நிலை இன்று இல்லை. ராமதாஸ் கேட்டதை எடப்பாடி கொடுப்பதில்லை. ராமதாஸுடன்  கூட்டணி வைக்க ஸ்டாலின் விரும்பவில்லை.

ராமதாஸ், அன்புமணி ஆகிய இருவருக்கும் இடையே நீறு பூத்த நெருப்பாக  இருந்த மோதல்  பகிரங்கமாகிவிட்டது.

விழுப்புரம் மாவட்டம் பட்டானூரில் கடந்த சில தினங்களுக்கு முன்னர் பாமகவின் புத்தாண்டு சிறப்பு பொதுக்குழு கூட்டம் நடைபெற்றது.  இதில் பாட்டாளி மக்கள் கட்சி நிறுவன தலைவர் டாக்டர் ராமதாஸ், தலைவர் டாக்டர் அன்புமணி ராமதாஸ் ஆகியோர் கலந்துகொண்டனர். அப்போது பொதுக்குழு கூட்டத்தில் டாக்டர் ராமதாஸ் பேசியபோது, முகுந்தன் என்பவரை மாநில இளைஞர் சங்க தலைவராக நியமிக்கப்பதாக அறிவித்தார்.

அப்போது டாக்டர் ராமதாஸுக்கு அருகே அமர்ந்திருந்த அன்புணி ராமதாஸ் குறுக்கிட்டு மைக்கை கையில் எடுத்து, கட்சிக்கு வந்து 4 மாதங்களே ஆன முகுந்தனுக்கு பதவியா? அவருக்கு எல்லாம் என்ன அனுபவம் இருக்கிறது என மேடையிலேயே பகிரங்கமாக எதிர்த்துப் பேசியதால் பரபரப்பு ஏற்பட்டது.

இதனை சற்றும் எதிர்பார்க்காத டாக்டர் ராமதாஸ் ஆவேசமாகி, இது நான் உருவாக்கிய கட்சி. இங்கு நான் சொல்வதைத்தான் எல்லோரும் கேட்க வேண்டும். நான் சொல்பவர்கள் தான் கட்சியில் இருக்க வேண்டும். நான் சொல்வதை கேட்கவில்லை என்றால் கட்சியை விட்ட போங்க என்று கூறினார். இதனால் ஆத்திரமடைந்த டாக்டர் அன்புமணி, மேடையிலேயே நான் பனையூரில் கட்சி அலுவலகம் அமைத்துள்ளேன். விருப்பம் உள்ளவர்கள் அங்கு வந்து என்னை சந்திக்கலாம் என்று கூறி மைக்கை  வீசிவிட்டு கோபத்துடன்  மண்டபத்தை விட்டு வெளியேறினார்.

இந்த சம்பவம் கட்சி வட்டாரத்தில் பெரும் பரபரப்பை ஏற்படுத்தியது. அதன்பின்னர் திண்டிவனம் தைலாபுரம் தோட்டத்தில் பாமக நிறுவனர் ராமதாஸை பாமக தலைவர் அன்புமணி கடந்த 29ம் திக‌தி நேரில் சந்தித்து பேசினார்.

இருவரும் ஒரே இடத்தில் இருந்த போதும் அன்புமணியின் பக்கம் அராமதாஸ் ஏறெடுத்தும்  பார்க்கவில்லை. அவருடைய கோபம் இன்னமும் தணியவில்லை.

 அதன்பின்னர் செய்தியாளர்களை சந்தித்த அன்புமணி பேசுகையில், பாமக ஒரு ஜனநாயக அமைப்பு.   பாமகவின் உட்கட்சிப் பிரச்சினை. பொதுக்குழுவில் காரசார விவாதம் நடப்பது சகஜமானது. எல்லாக் கட்சியிலும் நடப்பது போலத்தான்   நடந்தது என்றார் அன்புமணி.இளைஞர் சங்க தலைவராக முகுந்தன் அறிவிக்கப்பட்ட விவகாரம் தொடர்பாக செய்தியாளர்கள் திரும்பத் திரும்ப கேட்டதற்கு, அது எங்களது உட்கட்சிப் பிரச்சினை. அதுகுறித்து நீங்கள் கவலைப்படத் தேவையில்லை என்று மட்டும் கூறி விட்டுக் கிளம்பினார் அன்புமணி ராமதாஸ்.

அதன்பின்னர், தாத்தா டாக்டர் ராமதாஸை, தனது குடும்பத்தோடு போய் பார்த்த முகுந்தன், தாத்தா எனக்கு இப்போது எந்தப் பொறுப்பும் வேண்டாம். மாமாவுக்கு (டாக்டர் அன்புமணி) ஆட்சேபனை இருப்பதால் நான் எந்தப் பொறுப்பையும் வகிக்க விரும்பவில்லை. ஊடகப் பிரிவு பொறுப்பும் கூட வேண்டாம். வெறும் தொண்டனாக இருந்து கொள்கிறேன். சிறிது காலத்திற்குப் பிறகு நீங்கள் ஏதாவது பொறுப்பு கொடுத்தால் அதை ஏற்க நான் தயார். இப்போது எதுவும் வேண்டாம் என்று கூறிவிட்டார்.

இந்நிலையில், பாமக இளைஞரணி தலைவராக முகுந்தன் நியமிக்கப்பட்டுள்ளதாக அக்கட்சியின் நிறுவனர் ராமதாஸ் திட்டவட்டமாக அறிவித்துள்ளார். பாமக பொதுக்குழுவில் அறிவித்தபடி முகுந்தனிடம் நியமன கடிதத்தை வழங்கிவிட்டதாகவும் தற்போது அவர் தெரிவித்துள்ளார். மேலும் பொதுக்குழுவில் ஏற்பட்ட பிரச்சினை சரியாகி விட்டதாகவும் அவர் தெரிவித்துள்ளார்.

 அண்ணா திராவிட முன்னேற்றக கழகத்துடன் கூட்டணி சேர ராமதாஸ் விரும்பினார். ஆனால்,   பாரதீய ஜனதாவின் பக்கம் அன்புமணி  கையைக் காட்டினார். இதனால்  இருவருக்கும் இடையே மனக் கசப்பு நீடித்தது. இருவரும் பெரிது படுத்தாமல் காலத்தைக் கடத்தினர். வாரிசு அரசியல் என ஏனைய கட்சிகளைக் குற்றம் சாட்டிக்கொண்டு தனது வாரிசுக்கு முன்னுரிமை கொடுத்ததை அன்புமணி பகிரங்கமாகக் கண்டித்தார்.

வயது முதிர்வு காரணமாக் கட்சியை அன்புமணியிடம் ஒப்படைத்து விட்டு ராமதாஸ் ஒதுங்கினார்.ராமதாஸைப் போன்று அன்புமணி சுறுசுறுப்பாகச் செயற்படவில்லை. அதிக அதிகாரங்கள்  இருந்தும் அன்புமணியால்  பெரிய அளவிலான வெற்றிகளைப் பெற முடியவில்லை.

டாக்டர் ராமதாஸ் இருந்தபோது கட்சி  எப்படி ஆக்ரோஷமாக இருந்ததோ, அதே அளவிலான செயல்பாடுகள் அன்புமணி தலைமையில் இல்லை என்பது டாக்டர் ராமதாஸுக்கு ஏமாற்றத்தைக் கொடுத்ததாக தெரிகிறது

பாட்டாளி மக்கள் கட்சித்  தலைவராக இருந்து வந்த ஜி.கே.மணியை அந்தப் பொறுப்பிலிருந்து நீக்கி அவரை கெளரவத் தலைவராக மாற்றியபோதும் கூட கட்சிக்குள்முணுமுணுப்பு  எழுந்தது.  அன்புமணி ராமதாஸ் தலைவரான பிறகு பாமக அடுத்தடுத்து பல தோல்விகளை சந்தது.  கட்சியின் வாக்கு வங்கியும் சரிந்ததால், தங்களைத் தேடி கூட்டணி கட்சிகள் வந்த நிலை மாறி, தாங்கள் வெற்றி பெற பெரிய கட்சிகளின் கூட்டணியைத்  தேடி போக வேண்டிய நிலை உருவானது.

கடந்த நாடாளுமன்றத்  தேர்தலில் அதிமுகவுடன் கூட்டணி வைக்க ராமதாஸ் தொடர்ந்து வலியுறுத்தினார். ஆனால் பாஜக பக்கம் போக வேண்டும் என்பதில் பிடிவாதமாக அன்புமணி இருந்தார். இவர்கள் இருவருக்கும் இடையேயான குழப்பம் காரணமாக தான் நடந்து முடிந்த நாடாளுமன்ற தேர்தலிலும் அதிமுக கூட்டணியில் இணைய போவதாக முடிவு செய்து, தொகுதி பங்கீடு பேச்சுவார்த்தை அனைத்தும்   இறுதி செய்ய போகும் கட்டத்தில் கடைசி நிமிடத்தில் பாஜக கூட்டணிக்கு, பாமக செல்ல வேண்டிய நிலை ஏற்பட்டதாக சொல்லப்படுகிறது.

பாரதீயஜனதாக்  கூட்டணிக்குச் சென்ற  பிறகு எதிர்பார்த்த படி பெரிய அளவில் முன்னேற்றம், பலன்கள் எதுவும் கட்சிக்கு ஏற்படாததால் டாக்டர் ராமதாஸ் கடும் அதிருப்தி  அடைந்தார்.

 இந்த நிலையில்தான் வருகிற சட்டசபைத் தேர்தலில்  அதிமுக., கூட்டணிக்கு திரும்ப ராமதாஸ் முடிவு செய்துள்ளதாகவும், இதற்கு அன்புமணி ராமதாஸ் ஒப்புக் கொள்ளாமல் போனதே இந்த மோதலுக்கு காரணம் என்றும் சொல்லப்படுகிறது. அது மட்டுமல்ல, தற்போது ராமதாஸின் பேரனான முகுந்தனுக்கு கட்சியில் மாநில இளைஞரணி தலைவர் பதவி கொடுத்தால் கட்சி மெல்ல மெல்ல முகுந்தனின் பக்கம் சென்று விடும். இதனால் அன்புமணியின்  பதவிக்கு சிக்கல் ஏற்பட்டு விடலாம் என்பதாலும் முகுந்தனை கட்சியில் முன்னிலைபடுத்துவதை அன்புமணி  விரும்பவில்லை.

தற்போது அடங்கி இருக்கும் தந்தைக்கும், மகனுக்குமான  பிரச்சனை தேர்தல் நெருங்குகையில்  பூகம்பமாக வெடித்துக் கிளம்பும் அபாயம் உள்ளது. 

ரமணி

5.1.25