உலகப் பிரசித்தி பெற்ற ஸ்டோன் ஹென்ஜ் இன் மர்மம் துலங்கியது.

உலகம் முழுவதும் விடைதெரியாத ஏராளமான மர்மங்கள் உள்ளன. அவற்றில் மிக முக்கியமானதும், வருடம் தோறும் ஏராளமான சுற்றுலா பயணிகள் வருகை தருவதுமான தெற்கு இங்கிலாந்தில் உள்ள ஸ்டோன் ஹென்ஜ் பிரசித்தி பெற்றது.

இங்கிலாந்தின் புதிய கற்காலத்தை (Neolithic) சேர்ந்ததாகக் கருதப்படும் இதன் காலம் பற்றி இன்னும் விவாதங்கள் இருப்பினும், பெரும்பாலான தொல்லியல் ஆய்வாளர்கள் இந்த அமைப்பு கி.மு 2500 க்கும், கி.மு 2000 க்கும் இடைப்பட்ட காலத்தில் உருவாக்கப்பட்டிருக்கலாம் என கருதுகிறார்கள்.

இன்றுவரை ஆய்வாளர்கள் மத்தியில் இந்த பிரம்மாண்ட கற்தூண்கள் என்ன காரணத்திற்காக கட்டப்பட்டது? எவ்வாறு கட்டப்பட்டது? இந்த பிரம்மாண்ட கற்பாறைகள் (Boulders) எங்கிருந்து கொண்டுவரப்பட்டன?  என்பன போன்ற கேள்விகளுக்கு,  விடை கிடைக்காமல் உள்ளது. இது குறித்து ஆய்வாளர்கள் பல்வேறு விதமான விளக்கங்களை கூறி வருகிறார்கள். 

மேலே உள்ள கேள்விகளுக்கு இதுவரையில் சரியான பதில் கிடைக்கவில்லை என்றாலும் கடைசியாக இந்த பிரம்மாண்ட கற்பாறைகள் எங்கிருந்து கொண்டு வரப்பட்டன என்ற கேள்விக்கு விடை கிடைத்து விட்டதாக ஆய்வாளர்கள் கூறியுள்ளனர். 

ஒரு சிலர் இந்த பிரம்மாண்டமான ஸ்டோன் ஹெஞ்சை கட்டியவர்கள் வேற்றுக்கிரகவாசிகள் என்றும், அவர்கள் பூமியோடு தொடர்பு கொள்வதற்காக இதை கட்டினார்கள் என்றும் கூறிவருகிறார்கள். வேறு சிலரோ இங்கிருந்த மக்கள் தற்பொழுது இருக்கும் மனிதர்களை விடவும் அறிவில் சிறந்தவர்களாக விளங்கினார்கள். அவர்கள்தான் இந்த பிரம்மாண்டமான ஸ்டோன் ஹெஞ்சை அமைத்தார்கள். அவர்கள் இதன் மூலமாக வேற்று கிரக வாசிகளை தொடர்பு கொண்டார்கள் என்றும் கூறிவருகிறார்கள்.

 சர்சென்ஸ் (Sarsens) எனப்படும் இந்த பிரம்மாண்டமான கற்பாறைகள் வரலாற்றுக்கு முந்தைய செயல்பாடுகள் நடைபெற்றதாகக் கருதப்படும் வில்ட்ஷைர் (Wiltshire) அருகே வெஸ்ட் உட்ஸ் (West Woods) பகுதியிலிருந்து இந்த பிரம்மாண்ட சர்சென்ஸ் கற்பாறைகள் கொண்டு வரப்பட்டிருக்கும் என்று கூறியுள்ளனர். வெஸ்ட் உட்ஸ் பகுதியில் இருந்து 25 கிலோமீட்டர் தொலைவில் கிடைக்கப்பெற்ற கற்பாறைகள் ஸ்டோன் ஹெஞ்ச் கட்டப் பயன்படுத்தப்பட்ட கற்பாறைகளோடு ஒத்துப்போவதாக விஞ்ஞானிகள் கூறியுள்ளனர்.

வெஸ்ட் உட்ஸ் அருகே கண்டுபிடிக்கப்பட்ட இந்த கற்பாறைகள் ஸ்டோன் ஹெஞ்ச் பகுதியில் இருந்து 15 மைல் தொலைவில் உள்ளது. முன்னர் இந்த கற்பாறைகள் மேற்கு லண்டனில் உள்ள மார்ல்பரோ டவுன்ஸ் (Marlborough Downs) பகுதியில் இருந்து கொண்டு வரப்பட்டு இருக்கலாம் என்று முன்னர் கருதப்பட்டது.

பிரம்மாண்டமாக எழுந்து நிற்கும் இந்த ஸ்டோன் ஹெஞ்ச் கற்பாறைகள் கிட்டத்தட்ட 7 மீற்றர் (23 அடி) உயரமும் 30 டன் எடையும் கொண்டவை. இதனால் இத்தனை பெரிய பிரம்மாண்டமான கற்கள் எங்கிருந்து கொண்டு வரப்பட்டிருக்கும் என்று நீண்ட காலமாக ஆய்வாளர்களிடையே பெரிய தேடுதல் இருந்தது.

1958 ஆம் ஆண்டு ஸ்டோன் ஹெஞ்ச் பகுதிகளில் அகழ்வாய்வு மேற்கொண்ட போது ஸ்டோன் ஹெஞ்சிலிருந்து சிறிய பகுதியை துளையிட்டு எடுத்தனர். ஆனால் அந்த கற்துண்டு காணாமல் போனது.

இந்தச் சிறிய கற்துண்டை அந்த குழுவில் இடம்பெற்றிருந்த ராபர்ட் என்பவர் தன்னோடு எடுத்துச் சென்றுவிட்டார். இந்த சிறிய கற்துண்டு தான் தற்பொழுது ஸ்டோன் ஹெஞ்ச் மர்மத்தை விளக்கியுள்ளது. ஆம், ராபர்ட் கடந்த வருடம் தன்னிடமிருந்த ஸ்டோன் ஹெஞ்சின் சிறிய கற்துண்டை திருப்பி அளித்தார். ஆய்வாளர்கள் ஸ்டோன் ஹெஞ்ச் பகுதியில் NDT பரிசோதனை நடத்தி ராபர்ட் திருப்பி அளித்த துண்டுதான் ஸ்டோன் ஹெஞ்சில் இருந்து எடுக்கப்பட்டது என்பதை உறுதி செய்தனர்.

அதனை ஆய்வாளர்கள் தொடர்ந்து பல கட்ட பரிசோதனைகளுக்கு உட்படுத்தி அந்த  சிறிய கல்லின் வேதி பிணைப்பை ஆய்வு செய்தனர். அந்த வேதிப்பிணைப்பு வெஸ்ட் உட்ஸ் பகுதியில் இருந்த கற்பாறைகளோடு ஒத்துப்போனது. இதைத் தொடர்ந்துதான் ஆய்வாளர்கள் ஒரு முடிவுக்கு வந்தார்கள்.

ஸ்டோன்ஹெஞ்சின் மர்மம் இறுதியாக ஆராய்ச்சியாளர்களால் அவிழ்க்கப்பட்டுள்ளது.இது ஒரு மாபெரும் சூரிய நாட்காட்டியாகும், இது இங்கிலாந்தை பண்டைய எகிப்துடன் இணைக்கக்கூடும்.

போர்ன்மவுத் பல்கலைக்கழகத்தைச் சேர்ந்த பேராசிரியர் திமோதி டார்வில், மக்கள் நாட்கள், வாரங்கள் மற்றும் மாதங்களைக் கண்காணிக்க உதவும் வகையில் 365.25 நாட்களைக் கொண்ட சூரிய வருடத்தின் அடிப்படையில் இந்த தளம் உருவாக்கப்பட்டது என்று முடிவு செய்தார்.   

"கிமு 3000க்குப் பிறகு பல நூற்றாண்டுகளில் கிழக்கு மத்தியதரைக் கடலில் இத்தகைய சூரிய நாட்காட்டி உருவாக்கப்பட்டது மற்றும் கிமு 2700 இல் சிவில் நாட்காட்டியாக எகிப்தில் ஏற்றுக்கொள்ளப்பட்டது மற்றும் கிமு 2600 இல் பழைய இராச்சியத்தின் தொடக்கத்தில் பரவலாகப் பயன்படுத்தப்பட்டது," என்று அவர் கூறினார்.

ஸ்டோன்ஹெஞ்சால் கண்காணிக்கப்பட்ட நாட்காட்டி இந்த கலாச்சாரங்களில் ஒன்றின் தாக்கத்தை ஏற்படுத்தியிருக்கலாம்.

ஸ்டோன்ஹெஞ்ச் தளம் கோடைகால சங்கிராந்தியின் சூரிய உதயம் மற்றும் குளிர்கால சங்கிராந்தியின் சூரிய அஸ்தமனத்தின் திசையில் சீரமைக்கப்பட்டுள்ளது, இது ஒரு வகையான நாட்காட்டி என்று நீண்ட காலமாக மக்களைத் தூண்டுகிறது, பேராசிரியர் டார்வில் கூறினார்.ஸ்டோன்ஹெஞ்சின் வெளிப்புற அமைப்பு - 30 நிமிர்ந்த சர்சென் கற்களின் வட்டம் - கிமு 2,500 இல் கட்டப்பட்டது. 

பேராசிரியர் டார்வில் கற்களை ஆய்வு செய்து மற்ற காலண்டர்களுடன் ஒப்பிடுவதன் மூலம் இந்த அறிவை உருவாக்கினார்."முன்மொழியப்பட்ட காலண்டர் மிகவும் நேரடியான வழியில் செயல்படுகிறது," என்று அவர் கூறினார். 

 

"சார்சன் வட்டத்தில் உள்ள 30 கற்களில் ஒவ்வொன்றும் ஒரு மாதத்திற்குள் ஒரு நாளைக் குறிக்கிறது, அது 10 நாட்களில் ஒவ்வொன்றும் மூன்று வாரங்களாகப் பிரிக்கப்படுகிறது."

வட்டத்தில் உள்ள தனித்துவமான கற்கள் ஒவ்வொரு வாரத்தின் தொடக்கத்தையும் குறிக்கின்றன, மேலும் வடிவமைப்பு ஒவ்வொரு நான்கு வருடங்களுக்கும் ஒரு லீப் நாளை பிரதிபலிக்கிறது - சார்சன் வட்டத்திற்கு வெளியே நான்கு நிலையக் கற்களால் குறிக்கப்படுகிறது, அவற்றில் இரண்டு மட்டுமே எஞ்சியுள்ளன.

நாட்காட்டியில் சூரிய ஆண்டுடன் ஒத்திசைக்க ஐந்து நாள் மாதம் செருகப்பட்டது - தளத்தின் மையத்தில் உள்ள ஐந்து ட்ரிலிதான்களால் குறிக்கப்படுகிறது.

ஒரு டிரிலிதான் என்பது இரண்டு பெரிய செங்குத்து கற்களைக் கொண்ட ஒரு அமைப்பாகும், இது மேலே கிடைமட்டமாக அமைக்கப்பட்ட மூன்றாவது கல்லால் அடையாளப்படுத்தப்பட்டுள்ளது.

சூரியனுடன் கலண்டரின் சீரமைப்பு என்பது கோடை மற்றும் குளிர்கால சங்கிராந்திகளின் போது சூரியன் தவறான இடத்தில் இருக்கும் என்பதால் நாட்களை எண்ணுவதில் ஏதேனும் பிழைகள் எளிதில் கவனிக்கப்படும்.

  ஸ்டோன் ஹெஞ்ச் அமைந்துள்ள பகுதியிலிருந்து 40 நிமிட பயணத்தில் அமைந்துள்ள வெஸ்ட் உட்ஸ் பகுதியில் இருந்துதான் இந்த ஸ்டோன் ஹெஞ்ச்-கான பிரம்மாண்ட பாறைகள் கொண்டுவரப்பட்டுள்ளது என்று கூறியுள்ளார்கள்.

ஒருவழியாக ஸ்டோன் ஹெஞ்ச் அமைப்பதற்கான பிரம்மாண்டமான கற்களை எங்கிருந்து கொண்டு வரப்பட்டது என்பதை ஆய்வாளர்கள் கண்டறிந்துள்ளார்கள். ஆனால் இத்தனை பிரம்மாண்டமான கற்கள் அங்கிருந்து எவ்வாறு வெட்டி எடுத்து வரப்பட்டது?

 

இந்த ஸ்டோன் ஹெஞ்ச்-ஐ கட்டியவர்கள் யார்?

எந்த விதமான தொழில் நுட்பத்தை பயன்படுத்தி இத்தனை பிரம்மாண்டமான கல் மேடைகளை அமைத்தார்கள்?

இந்த கல் மேடைகள் என்ன காரணத்திற்காக அமைக்கப்பட்டன?

இந்தக் கல் மேடைகள் அமைக்கப்பட்டதன் அவசியம் என்ன?? என்பதற்கான விடை இன்றுவரை உறுதியாகத் தெரியவில்லை. எதிர் காலத்தில் இதற்கான விடை கிடைக்கலாம் என்று நம்புவோம்.