இரண்டாவது போட்டியிலும் மும்பை தோற்றது

ஐபிஎல் தொடரில் 9-வது லீக் ஆட்டத்தில் மும்பை ராஜஸ்தான் அணிகள் மோதின. நானயச் சுழற்சியில் வென்ற ரோகித் பந்து வீச்சை தேர்வு செய்தார்.

ராஜஸ்தான் ராயல்ஸ் துடுப்பெடுத்தாடியது. இரண்டாவ‌து ஓவரில்  ஜேஸ்வால்  ஒரு ஓட்டம் எடுத்து ஆட்டமிழந்தார்.    மும்பை இந்தியன்ஸ் அணியின் 4-வது ஓவரை பாசில் தம்பி வீசினார். அந்த ஓவரில் 3 சிக்சர் மட்டும் 2 பவுண்டரிகளை விளாசினார் பட்லர்.

ராஜஸ்தான் அணி 48 ஓட்டங்கள் எடுத்திருந்த நிலையில் படிக்கல் 7 ஓட்டங்களில்  வெளியேறினார்.  பட்லருடன் சாம்சன் ஜோடி சேர்ந்து ஆடினார். இருவரும் மும்பை இந்தியன்ஸ் பந்து வீச்சை நாலாபுறமும் விளாசினார். சாம்சன் 30 ஓட்டங்கள் எடுத்திருந்த போது பொல்லார்ட் பந்து வீச்சில்மெளியேறினார்.

அடுத்து வந்த ஹெட்மயர் அவரது பங்குக்கு 3 சிக்சர் 3 பவுண்டரிகளை விளாசிய அவர் 35 ஓட்டங்கள் எடுத்திருந்த போது பும்ரா பந்தில் வெளியேறினார். ஒரு பக்கம் அதிரடியாக விளையாடிய பட்லர் ஐபிஎல்-ல் தனது 2-வது சதத்தை பதிவு செய்தார். அவர் 100 ஓட்டங்கள் எடுத்து பும்ரா பந்தில் விக்கெட்டை இழந்தார்.  ஒரேஞ்சு தொப்பியை பட்லர் தன்வசமாக்கினார்.       

மும்பை அணிக்கு எதிரான ஆட்டத்தில் ராஜஸ்தான் அணியின் அதிரடி ஆட்டக்காரர் பட்லர் ஐபிஎல் தொடரில் தனது 2-வது சதத்தை பதிவு செய்துள்ளார்.

அடுத்த வந்த வீரர்கள் அஸ்வின் 1, சைனி 2, பராக் 5 ஓட்டங்கள் என அடுத்தடுத்து விக்கெட்டுகளை இழக்க 20 ஓவர் முடிவில் ராஜஸ்தான் அணி 8 விக்கெட்டுகளை இழந்து 193 ஓட்டங்கள் குவித்தது. மும்பை அணி தரப்பில் பும்ரா, மில்ஸ் தலா 3 விக்கெட்டுகள் எடுத்தனர்.

பட்லர் அதிரடி சதம் - மும்பைக்கு 194 ஓட்ட‌ இலக்கை நிர்ணயித்தது ராஜஸ்தான்.

194 ஓட்டங்கள் எடுத்தால் வெற்றி என்ற இலக்குடன் களமிறங்கிய மும்பை அணி, 20 ஓவர் முடிவில் 8 விக்கெட் இழப்பிற்கு 170 ஓட்டங்களே எடுத்தது.

23 ஓட்டங்களால்  ராஜஸ்தான் அணி வெற்றி பெற்றது. மும்பை அணியில் அதிகபட்சமாக திலக் வர்மா 61 ஓட்டங்கள் எடுத்தார். இஷான் கிஷன் 54 ஓட்டங்கள் சேர்த்தார். ராஜஸ்தான் தரப்பில் நவ்தீப் சைனி, யுஸ்வேந்திர சாகல் தலா 2 விக்கெட்களை எடுத்தனர்.