எதியோப்பிய ஓட்டப்பந்தய வீராங்கனைக்குத் தடை

  

2023 ஆம் ஆண்டு  உலக சம்பியன்ஷிப் போட்டிகளில் பெண்கள் 1,500 மீற்ற‌ர் ஓட்டத்தில் வெள்ளிப் பதக்கம் வென்ற எத்தியோப்பியாவின் டிரிபே வெல்டேஜி, கடந்த ஆண்டு ஊக்கமருந்து சோதனை மாதிரியை சேகரிக்கும் முயற்சிக்கு இணங்கத் தவறியதில் "அலட்சியம்" காட்டியதாகத் தெரிவித்த  விளையாட்டுக்கான நடுவர் நீதிமன்றம் அவருக்கு இரண்டு ஆண்டுகள் தடை விதித்துள்ளது.

உலக தடகளம் நான்கு ஆண்டு தடையை விரும்பியது, ஆனால் வெல்டேஜியின் விதிகளை மீறியது வேண்டுமென்றே அல்ல என்பதை ஏற்றுக்கொண்டு  விளையாட்டுக்கான நடுவர் நீதிமன்றம் தடையை குறைத்தது. இரண்டு ஆண்டு தடை ஜூன் 2027 இல் முடிவடைகிறது, அப்போது வெல்டேஜிக்கு 25 வயது இருக்கும், இதன் பொருள் அவர் லொஸ் ஏஞ்சல்ஸில் நடைபெறும் 2028 கோடைகால ஒலிம்பிக்கிற்கு தகுதி பெறலாம். 

ஓகஸ்ட் மாதம் எத்தியோப்பிய தீர்ப்பாயத்தால் வெல்டேஜி ஆரம்பத்தில் விடுவிக்கப்பட்டார், மேலும் அடுத்த மாதம் டோக்கியோவில் நடைபெறும் உலக சம்பியன்ஷிப்பின் தொடக்க நாளில் அவர் பந்தயத்தில் பங்கேற்கவிருந்தார். உலக தடகளம் ஆட்சேபித்ததால், அதற்கு முந்தைய நாள் அவர் போட்டியிட தகுதியற்றவர் என்று தீர்ப்பளிக்கப்பட்டது.

பெப்ரவரி 2025 இல் போதைப்பொருள் சோதனையாளர்கள் வெல்டேஜியின் வீட்டிற்கு சென்றதாகவும்  வெல்டேஜியின் கணவர் அவர் தூங்கிக்கொண்டிருப்பதாகக் கூறியதாகவும், சோதனை ஊழியர்கள் மாதிரி இல்லாமல் செல்லும் வரை அதன் பிறகு என்ன நடந்தது என்பது குறித்து சாட்சிகள் உடன்படவில்லை என்றும்  விளையாட்டுக்கான நடுவர் நீதிமன்றம்   தனது அறிக்கையில் தெரிவித்துள்ளது.

மொழித் தடைகள் இருப்பதையும், “சில தொழில்நுட்ப மற்றும் சிறந்த நடைமுறை புறப்பாடுகள் நிகழ்ந்தன” என்பதையும் அதன் நடுவர் ஏற்றுக்கொண்டதாகவும், ஆனால் “(வெல்டேஜியின்) திறமையும் அனுபவமும் கொண்ட ஒரு தடகள வீரர், வருகையின் நேரத்தைப் பொருட்படுத்தாமல் இணங்க வேண்டிய கட்டாயம் இருப்பதை அறிந்திருக்க வேண்டும்” என்றும் விளையாட்டுக்கான நடுவர் நீதிமன்றம்  கூறியது.

  

பாகிஸ்தான் கிறிக்கெற் வீரர்கள் நீக்கப்பட மாட்டார்கள்

  

இந்தியாவுடனான அரசியல் பதற்ற‌ங்கள் காரணமாக பாகிஸ்தான் கிறிக்கெற்  வீரர்கள் புறக்கணிக்கப்படலாம் என்ற தகவல்கள் இருந்தபோதிலும்,  ஹாட்ரிக் அணிக்கான தேர்வில் பாகிஸ்தான் வீரர்கள்  புறக்கணிக்கப்பட மாட்டார்கள் என  இங்கிலாந்து , வேல்ஸ் கிறிக்கெற் சபைகள் செவ்வாயன்று தெரிவித்தன.

எட்டு அணிகளைக் கொண்ட போட்டியின் நான்கு இந்திய உரிமையாளர்களான மான்செஸ்டர் சூப்பர் ஜெயண்ட்ஸ், எம்ஐ லண்டன், சதர்ன் பிரேவ் , சன்ரைசர்ஸ் லீட்ஸ் ஆகியவை அடுத்த மாத ஏலத்திற்கு பாகிஸ்தான் வீரர்களை பரிசீலிக்கவில்லை என்று பிபிசி கடந்த வாரம் செய்தி வெளியிட்டது.

  63 ஆண்கள்  நான்கு பெண்கள் உட்பட  மொத்தம் 67 பாகிஸ்தான் வீரர்கள்  - தேர்வுக்கு தங்களை சமர்ப்பித்துள்ளனர்.

"இங்கிலாந்து , வேல்ஸ்  கிறிக்கெற் சபைகளும், , ஹாட்ரிக் அணியில் உள்ள எட்டு அணிகளும் ஹாட்ரிக் அணியை உள்ளடக்கிய, வரவேற்கத்தக்க ,திறந்த போட்டியாக தொடர்ந்து வைத்திருப்பதை உறுதி செய்வதற்கான தங்கள் உறுதிப்பாட்டை மீண்டும் உறுதிப்படுத்துகின்றன," என்று  அறிக்கையில் தெரிவித்துள்ளது.

இரு நாடுகளுக்கும் இடையிலான ராஜதந்திர பதட்டங்கள் காரணமாக 2009 முதல் பாகிஸ்தானைச் சேர்ந்த வீரர்கள் லாபகரமான இந்தியன் பிரீமியர் லீக்கில் (ஐபிஎல்) இடம்பெறவில்லை.

பல ஐபிஎல் உரிமையாளர்கள் இப்போது பல்வேறு நாடுகளில் அணிகளை சொந்தமாகக் கொண்டுள்ளதால், பாகிஸ்தான் கிறிக்கெற்  வீரர்கள் பல்வேறு லீக்குகளில் பங்கேற்கும் வாய்ப்புகள் மேலும் குறையும் அபாயத்தில் உள்ளன. மார்ச் 11, 12 ஆம் திகதிகளில் இலண்டனில் வீரர்கள் ஏலத்தில் எடுக்கப்படுவார்கள். 

ரி20 உலகக் கிண்ணத் தொடரில் புதிய சாதனைகள்

 இந்தியா,இலங்கை ஆகியன இணைந்து நடத்தும் ரி20 உலகக்கிண்ணப் போட்டிகளில் புதிய சாதனைகள் பல நிலை நாட்டப்பட்டுள்ளன. வீரர்களின், சாதனைகளும், அணிகளின் சாதனைகளும்  வரலாற்றில் பதியப்பட்டுள்ளன. 

இங்கிலாந்து கப்டன் ஹரி புரூக் நிகழ்த்திய  மாபெரும் சாதனை 

 இலங்கையில் உள்ள பல்லகல்லே மைதானத்தில்   இங்கிலாந்து ,  பாகிஸ்தான் ஆகிய அணிகள் பலப்பரீட்சை நடத்தின. இந்த போட்டியில்   விளையாடிய இங்கிலாந்து அணி பாகிஸ்தான் அணியின் பந்துவீச்சை மிகச்சிறப்பாக எதிர் கொண்டு   2 விக்கெற் வித்தியாசத்தில் வெற்றி பெற்று அரையிறுதி சுற்றுக்கான வாய்ப்பையும் உறுதி செய்தது. ‍  இங்கிலாந்து அணி சார்பாக அதிகபட்சமாக அந்த அணியின் கப்டனான ஹாரி புரூக் 100  ஓட்டங்கள் அடித்து  ரி20 உலகக் கிண்ண வரலாற்றில்  சதம் அடித்த கப்டன்  என்ற புதிய சாதனையை நிகழ்த்தினார். இதற்கு முன்னதாக ரி20  உலகக் கிண்ணத் தொடரில்  கப்டனாக அதிக ஓட்டங்கள் அடித்த வீரராக கிரிஸ் கைல்ஸ்  98  ஓட்டங்கள் எடுத்ததே அதிகபட்சமாக இருந்தது.

 கிரிஸ்  கைல்ஸின்   சாதனையை முறியடித்த சிம்ரன் ஹெட்மயர்

உலகக்கிண்ண ரி20 போட்டியில்  இலங்கையையும், அவுஸ்திரேலியாவையும் தோற்கடித்து அதிர்ச்சியளித்த ஸிம்பாப்வே  மேற்கு இந்தியாவுடனான போட்டியில்தோல்வியடைந்தது. இந்தப் போட்டியில்  மேற்கு இந்திய அணி வீரரான     சிம்ரன் ஹெட்மயர் மூன்றாவது வீரராக களமிறங்கி  34 பந்துகளை சந்தித்து 7 பவுண்டரி  ,  7 சிக்சர்கள் அடங்கலாக  85 ஓட்டங்கள் அடித்தார்.

 ரி20 உலகக் கிண்ணப்  போட்டிகளில் அதிவேகமாக அரைசதம் அடித்த வெஸ்ட் இண்டீஸ் வீரராக கிரிஸ் கைல்ஸ் 20 பந்துகளில் அரைசதம் அடித்து முதல் இடத்தில் இருந்தார்.  சிம்ரன் ஹெட்மயர் 19 பந்துகளில் அரைசதம் கடந்து ரி20 உலகக் கிண்ணத்தில்  மேற்கு  இந்தியா சார்பாக  அதிவேக அரைசதம் அடித்த வீரராக மாறியுள்ளார்.

 மலிங்கவின் சாதனையை காலி செய்த  ஜஸ்ப்ரீத் பும்ரா 

 தென்னாபிரிக்கா அணிக்கு எதிராக   இந்திய இந்திய பந்துவீச்சாளர்கள்  ஓட்டங் களை வாரி வழங்கிய வேளையில் ஜஸ்ப்ரீத் பும்ரா மட்டும் மிகவும் கட்டுக்கோப்பாக பந்துவீசி 4 ஓவர்களில்   15 ஓட்டங்களை மட்டுமே விட்டுக்கொடுத்து 3 விக்கெட்டுகளை கைப்பற்றி அசத்தினார்.

அவர் எடுத்த இந்த 3 விக்கெட்டுகளில் ஒரு விக்கெட்டை கிளீன் போல்டாக எடுத்தார். தென்னாப்பிரிக்க அணியின் துவக்க வீரரான குவிண்டன் டி காக்கின் விக்கெட்டை அவர் போல்டு மூலம் வீழ்த்தினார். இதன்மூலம் சர்வதேச ரி20 போட்டிகளில் முன்னாள் இலங்கை வீரரான லசித் மலிங்கவின் மாபெரும் சாதனை ஒன்றினை முறியடித்துள்ளார்.

இதுவரை சர்வதேச ரி20 போட்டிகளில் அதிக விக்கெட்டுகளை போல்ட் வகையில் வீழ்த்திய வேகப்பந்து வீச்சாளராக இலங்கை அணியின் முன்னாள் வீரரான லசித் மலிங்க முதலிடத்தில் இருந்தார். சர்வதேச  ரி20 போட்டிகளில் அவர் 43 முறை கிளீன் போல்ட் மூலம் விக்கெட் எடுத்துள்ளார் குவிண்டன் டி காக்கின் விக்கெட்டை எடுத்ததன் மூலம் 44 முறை சர்வதேச ரி 20 போட்டிகளில் போல்ட் மூலம் விக்கெட் எடுத்து அதிகமுறை போல்ட் மூலம் விக்கெட் எடுத்த வேகப்பந்து வீச்சாளராக லசித் மலிங்கவின் சாதனையை பின்னுக்கு தள்ளி முதலிடம் பிடித்துள்ளார்   பும்ரா.

 

ரமணி

1/3/26 

விளையாட்டை உயிர்ப்புடன் வைத்திருக்க போராடும் இளைஞர்கள்

 

 காஸா என்றதும் தாக்குதல்,  குண்டு வெடிப்பு,மரணம், அவலம் போராட்டம் என்பனதான்  மனதில் வந்து போகும்.ஆனால், இத்தனை துன்பங்களுக்க்கு மத்தியில் விளையாட்டை உயிர்ப்புடன் வைத்திருப்பதற்கு அங்குள்ளவர்கள்  போராடுவது  வெளி உலகத்துக்குத் தெரிவதில்லை.

  போர் நிறுத்தம் இருந்தபோதிலும், கான் யூனிஸில் உள்ள குழந்தைகள் அகதிகள் கூடாரங்களுக்கு மத்தியில் மணல் நிறைந்த தற்காலிக மைதானங்களில் கராட்டை பயிற்சி செய்கிறார்கள், விளையாட்டை மீள்தன்மை   உளவியல் நிவாரணத்திற்கான ஒரு கருவியாகப் பயன்படுத்துகிறார்கள்.

காஸாவில்  தற்காப்புக் கலைகளுக்கான பாரம்பரிய சூழல்   அகற்றப்பட்டுள்ளது. 2023 ஆம் ஆண்டு மோதல் அதிகரித்ததிலிருந்து, பெரும்பாலான சிறப்பு அரங்குகள் , கிளப்கள் அழிக்கப்பட்டன. காஸா முழுவதும்  விளையாட்டு வசதிகள் முறையாக அழிக்கப்பட்டதாகவும், இதன் விளைவாக முறையான நடவடிக்கைகள் முற்றிலுமாக நிறுத்தப்பட்டதாகவும் பாலஸ்தீன  உதைபந்தாட்டச் சங்கத் தலைவரும் பாலஸ்தீன ஒலிம்பிக் கமிட்டியின் தலைவருமான ஜிப்ரில் ராஜூப், தெரிவித்தார்.

 தனியார் பயிற்சி மையங்களின் அழிவு  காரணமாக கடற்கரைகள், இடப்பெயர்ச்சி முகாம்கள் போன்ற வெளிப்புற சூழல்களுக்கு  பயிற்சிகளை  வேண்டிய கட்டாயத்தை பயிற்சியாளர் கலீல் ஷல்கா உட்பட பலருக்கு, ஏற்படுத்தியுள்ளது.

பயிற்சி அமர்வுகள் தற்போது குறிப்பிடத்தக்க வளக் கட்டுப்பாடுகளின் கீழ் நடத்தப்படுகின்றன. உடல் பயிற்சிகளும்,  தற்காப்பு பயிற்சிகளும்  மணலில் செய்யப்படுகின்றன, இது ஒழுங்குமுறை விளையாட்டு தரைக்கு கட்டாய மாற்றாக செயல்படுகிறது. அத்தியாவசிய உபகரணங்கள் இல்லாதது விளையாட்டு வீரர்களின் உடையால் மேலும் நிரூபிக்கப்படுகிறது; பலருக்கு அதிகாரப்பூர்வ சீருடைகள் இல்லை, விதிமுறைகளைப் பொறுத்து அல்ல, கிடைக்கும் தன்மையைப் பொறுத்து பொருந்தாத வெள்ளை அல்லது நீல நிற ஆடைகளை அணிகிறார்கள்.

கடவைகள் தொடர்ந்து மூடப்படுவது இந்த சிரமங்களை அதிகப்படுத்தியுள்ளது. மருத்துவம், உணவுப் பொருட்கள் போதுமான அளவில் கிடைக்காதது பரவலான ஊட்டச்சத்து குறைபாட்டிற்கு வழிவகுத்துள்ளதாகவும், இது பயிற்சியாளர்கள், மாணவர்கள் ஆகிய இருவரின் உடல் உறுதியையும் பாதித்துள்ளதாகவும் பயிற்சியாளர் ஷல்கா எடுத்துரைத்தார்.

உடல் தகுதிக்கு அப்பால், இடம்பெயர்ந்த இளைஞர்களிடையே மனரீதியான அதிர்ச்சியை நிவர்த்தி செய்வதற்கான ஒரு வழிமுறையாக இந்த அமர்வுகள் செயல்படுகின்றன. தடகள வீரர் யாஸ்மின் கலீல் ஷல்கா போன்ற பங்கேற்பாளர்கள் முந்தைய சான்றிதழ்கள் ,உபகரணங்கள் போன்றவற்றை  இழந்த போதிலும் பயிற்சியை மீண்டும் தொடங்கியுள்ளனர். இந்த அணிகளை சீர்திருத்துவதன் முதன்மை நோக்கம், போருக்குப் பிந்தைய நெருக்கடியின் சூழ்நிலையிலிருந்து குழந்தைகளை விலக்கி வைக்கும் ஒரு கட்டமைக்கப்பட்ட சூழலை வழங்குவதாகும்.

முறையான போட்டி இடைநிறுத்தப்பட்டிருந்தாலும், விளையாட்டு வீரர்கள் கறுப்பு பெல்ட் தரப்படுத்தல் , அர்ப்பணிப்புள்ள கிளப்புகளின் மறுகட்டமைப்பு உள்ளிட்ட நீண்டகால இலக்குகளை பராமரிக்கின்றனர். நிலையான வசதிகளில் பயணிக்கவோ அல்லது போட்டியிடவோ முடியாத இந்த விளையாட்டு வீரர்களின் நிலைமையைப் பார்வையிடுமாறு உள்ளூர் விளையாட்டு சமூகம் தொடர்ந்து அழைப்பு விடுத்து வருகிறது.

 

ரமணி

15/2/26

 

 

 

 

 

 

 

 

கால் இல்லாதவர்களின் உதைபந்தாட்ட அணி

உதைபந்தாட்டத்துக்கு கால்தான் மிக மிக அவசியமானது. கால்  இல்லாதவர்களின் உதைபந்தாட்ட அணியை உருவாக்கி ஆச்சரியப்படுத்தியுள்ளது பாலஸ்தீனம்.

காஸா பகுதியில் இஸ்ரேலிய துப்பாக்கிச் சூட்டில் கைகால்களை இழந்த பாலஸ்தீனியர்களைக் கொண்ட ஒரு  உதை பந்தாட்ட  அணி, அதன் வீரர்களுக்கு புதிய உத்வேகத்தை அளிக்கிறது.

13 முதல் 42 வயதுக்குட்பட்ட வீரர்கள் எட்டு அணிகளுக்கு இடையேயான விளையாட்டுகளை விளையாடுகிறார்கள். பெரும்பாலானவர்களுக்கு ஒரு கால் மட்டுமே உள்ளது, அவர்கள் ஊன்றுகோலில் விளையாடுகிறார்கள்.

“நான் பெரும்பாலும் வீட்டில் உட்கார்ந்திருந்தேன், சோகமாக இருந்தேன். இப்போது எனக்கு மகிழ்ச்சியாக இருக்கிறது, நண்பர்கள் உள்ளனர், நாங்கள் விளையாடுகிறோம்,” என்று 13 வயதான இப்ராஹிம் கட்டாப் கூறினார், அவர் 2014 ஆம் ஆண்டு இஸ்ரேலுக்கும் காசாவிற்கும் இடையிலான போரின் போது தனது வீட்டிற்கு வெளியே உதைப்ந்தாட்டம் விளையாடிக் கொண்டிருந்தபோது இஸ்ரேலிய ஏவுகணை தாக்கியதில் இடது காலை இழந்தார்.

“அவர் எப்போதும் விரக்தியில் இருந்தார்,  “அவர் தனது பெரும்பாலான நேரத்தை டேப்லெட்டில் விளையாடுவதில் செலவிட்டார்.”இப்போது அவர் கால்பந்து அணியில் சேர்ந்த பிறகு, அவருக்கு நம்பிக்கை இருப்பதை நான் காண்கிறேன்,” என்று அவரது தந்தை கலீத் கூறினார்.  

 கடந்த ஆண்டு இங்கிலாந்து ,துருக்கி ஆகிய நாடுகளைச் சேர்ந்த கை இழந்த அணிகளுக்கு இடையேயான போட்டிக்குப் பிறகு இந்த யோசனையைக் கொண்டு வந்த பாலஸ்தீன பாராலிம்பிக் குழுவின் உறுப்பினரான ஃபுவாட் அபு கலியான்,  இந்த அணியை நிறுவினார். ஐந்து மாதங்களுக்குள், சுமார் 16 வீரர்கள் பதிவு செய்தனர்.

"துண்டிக்கப்பட்ட கால்கள் உள்ளவர்களை முன்வரச் செய்வது கடினமாக இருந்தது. இப்போதெல்லாம் அவர்கள் உடற்பயிற்சி நேரங்களைப் பற்றி கேட்க எங்களை அழைக்கிறார்கள்," என்று அபு கல்யூன் கூறினார்.

உதைபந்தாட்டம் இளைஞர்களின் விருப்பமான விளையாட்டு, எனவே முதலில் அது பொழுதுபோக்கு, இரண்டாவது... (அது) ஒரு வகையான உளவியல் ஆதரவு, ”என்று அவர் ராய்ட்டர்ஸிடம் கூறினார்.

போட்டியின் போது ஒரு வீரர் எடை போடும்போது உடைந்து போகும் வழக்கமான ஊன்றுகோல்களை மாற்றுவதற்கு அணியில் இன்னும் உறுதியான ஊன்றுகோல்கள் இல்லை என்று அணியின் பயிற்சியாளர் கலீத் அல்-மபூ கூறினார்.

காஸா-இஸ்ரேல் எல்லையில் சமீபத்தில் நடந்த போராட்டங்களின் போது இஸ்ரேலிய துப்பாக்கிச் சூட்டில் காயமடைந்த 54 பாலஸ்தீனியர்களில் சிலர் அணியில் சேர விருப்பம் தெரிவித்துள்ளனர். 

சிலம்பு

15/2/26 

அறிவாலயத்தில் பிரேமலதா ராகுலுக்கு செக் வைத்த ஸ்டாலின்

 

 

கருணாநிதி காலத்தில் நழுவிய பழம் ஸ்டாலினின் கையில் விழுந்தது.

பனையூர் பக்கம் யாரும் செல்லாததால் தனிமரமான விஜய்

வாக்கு வங்கி இல்லாத கட்சிகளுக்கு தூண்டில் போடும் தலைவர்கள்.

காங்கிரஸின் முடிவுக்காக  ஆவலுடன் காத்திருக்கும் தவெக 

 

தமிழக அரசியல் களம் திடீரென பரபரப்பாகி உள்ளது.  எந்தப் பக்கம் சிக்னல் போடுவதென முடிவெடுக்காது காலத்தைக் கடத்தி வந்த பிரேமலதா அறிவாலயத்தில் தஞ்சமடைந்துள்ளார். எடப்பாடியுடனும், விஜயுடனும் பகிரங்கமாக டீல் பேசிய பிரேமலதா டெல்லியில் பாரதீய ஜனதாவுடனும் தொடர்பில் இருப்பதாக ஒப்புதல் வாக்குமூலம் கொடுத்தார். நல்ல காலம் பிறக்கும், நல்ல காலம் பிறக்கும் என குடுகுடுப்பைக் காரன் போல டம்பம் அடித்த பிரேமலதாவை திமுக எப்படி வளைத்தது எனத் தெரியாமல் விமர்சகர்கள்   அதிர்ச்சிய்ல் உறைந்துள்ளனர்.

விஜயகாந்த் காலத்தில் 8 சத வீத வாக்கு வங்கியுடன் அச்சுறுத்திய கட்சி இன்றுஒரு சத வீதத்தைத் தாண்டுமா என சந்தேகமாக  உள்ளது. ஆனாலும், அந்தக் கட்சுக்கு மவுசு கூடிக்கொண்டே சென்றது.

முதல்வர் பதவியை கருணாநிதி தக்கவைக்க போராடிய தேர்தல். கருணாநிதியுடம்  இருந்து முதல்வர் பதவியைப் பறிக்க போராடிய தேர்தல். விஜயகாந்துடன்  பேச்சுவார்த்தை வெற்ரி பெற்றதால் பழம் நழுவி பாலில் விழும் என பூடகமாக அரி வெளியிட்டன் கருணாநிதி நிம்மதியாக  உறங்கினார். ஆனால், வைகோவும் வேறு சில தலவர்களும் விஜயகாந்தை முதலமைச்சர் வேட்பாலராக்கி மூன்றாவது அணியை அறிவித்தனர்.அதனால் 1 .1 சதவீத வாக்குகளால் திகும தோல்வியடைந்தது. அப்படி ஒரு நிலை வரக்கூடாது எகக் கணக்கும் போட்ட ஸ்டாலின் கச்சிதமாகக் கணக்குப் போட்டு பிரேமலதாவை அறிவாலயத்துக்கு  வரவழைத்தார். 

 திமுவுடன்   தேமுதிக இணைந்துள்ளதன் மூலம் திமுக கூட்டணி வலுப்பெற்றுள்ளது. தமிழ்நாட்டின் அனைத்து தொகுதிகளிலுமே சொல்லிக்கொள்ளும்படியான வாக்கு வங்கி வைத்துள்ள தேமுதிக, பல தொகுதிகளில் கட்சிகளின் வெற்றி தோல்வியை நிர்ணயிக்கும், என்பதை உணர்ந்தே கூட்டணியில் தேமுதிகவை ஸ்டாலின் சேர்த்துள்ளார்.  கடந்த 2021  ஆம் ஆண்டு நடைபெற்ற சட்டசபை தேர்தலில் 39 தொகுதிகளில் 5,000க்கும் குறைவான வாக்கு வித்தியாசத்தில் தான் வென்றது திமுக. அதேபோல, குறைந்த வாக்கு வித்தியாசத்திலேயே 17 தொகுதிகளில் வெற்றி வாய்ப்பை இழந்தது. தேமுதிகவின் வருகையால் இதுபோன்ற மிக சொற்ப எண்ணிக்கையிலான தோல்வியை தவிர்க்க முடியும் என திமுக கணக்கு போட்டுள்ளதாகத் தெரிகிறது.

 தேர்தல் அரசியலைப் பொறுத்தவரை பெறக்கூடிய ஒவ்வொரு வாக்கும் முக்கியம். அதேபோல, எதிர்க்கட்சிக்குச் செல்ல வாய்ப்புள்ள ஒவ்வொரு வாக்கையும் தடுப்பதும் முக்கியம். தமது கட்சிக்கு கிடைக்க வேண்டிய  வாக்கு , எதிர்க்கட்சிக்கு சென்றால், அந்தக் கட்சிக்கும் தமக்குமான வாக்கு வித்தியாசம் 2 ஆகிவிடும். அதனால் தான் தேர்தல் சமயத்தில் சிறு சிறு   கட்சிகளைக் கூட பொருட்படுத்தி ஆதரவை திரட்டி வருகின்றன அரசியல் கட்சிகள். திமுக கூட்டணியில் காங்கிரஸ், விசிக, மதிமுக, கம்யூனிஸ்ட், மார்க்சிஸ்ட், கொமதேக என பல கட்சிகள் இருக்கும் நிலையிலும் அக்கட்சி தமது கூட்டணியை மேலும் வலுப்படுத்தும் முயற்சியில் தொடர்ந்து ஈடுபட்டு வருகிறது.  மிகக் குறுகிய வாக்கு வித்தியாசத்தில் வெற்றி பெற்றவர்களில் துரைமுருகனும் ஒருவர். குறுகிய வாக்கு வித்தியாசத்தில் தோல்வியுற்றவர்களில் மக்கள் நீதி மய்யம் கட்சியின் கமல்ஹாசனும்  ஒருவர்.

தமிழ் சினிமாவின் தவிர்க்க முடியாத மற்றும் மரியாதை மிக்க நட்சத்திரமாக இருந்த விஜயகாந்த், கடந்த 2005ம் ஆண்டு தேசிய முற்போக்கு திராவிட கழகம் எனும் கட்சியை தொடங்கினார். மாநிலம் முழுவதும் சூறாவளி பயணத்தை மேற்கொண்ட அவர், அதிமுக, திமுக ஆகிய இரண்டு கட்சிகளையும்  க‌டுமையாக விமர்சித்து பேசினார். 2006 தேர்தலில் நிலவிய மும்முனைப் போட்டியில் மொத்தமுள்ள 234 தொகுதிகளில் 232 தொகுதிகளில் வேட்பாளர்களை களமிறக்கினார். ஆனால், விஜயகாந்த் மட்டுமே விருதாச்சலம் தொகுதியிலிருந்து வெற்றி பெற்று சட்டப்பேரவைக்கு சென்றார். அதேநேரம், 8.38 சதவிகித வாக்குகளை பெற்று கவனத்தை ஈர்த்தார். அந்த தேர்தலில் 39.91 சதவிகித வாக்குகளை பெற்ற அதிமுக வெறும் 4.84 சதவிகித வாக்குகள் வித்தியாசத்தில் திமுகவிடம் ஆட்சியை இழந்தது குறிப்பிடத்தக்கது. அதாவது அந்த தேர்தலில் தேமுதிக பெற்ற வாக்குகள் தான், வெற்றி தோல்வியையே தீர்மானித்தது.

கட்சியின் கட்டமைப்பை மேலும் வலுப்படுத்தும் விதமாக 2009ம் ஆண்டு நாடாளுமன்ற தேர்தலிலும், 39 மக்களவை தொகுதிகளிலும் தேமுதிக தனித்து போட்டியிட்டது. ஒரு தொகுதியில் கூட வெற்றி பெறாவிட்டாலும், 10.3 சதவிகித வாக்குகளை பெற்று திமுக, அதிமுமவிற்கு சவால் விடுக்கும் வகையிலான வலுவான தலைவராக விஜயகாந்த் உருவெடுத்தார். அடுத்த தேர்தலில் வெற்றி தோல்வியை தீர்மானிக்கும் சக்தியாக அவர் இருப்பார் என்ற கருத்தும் மாநிலம் முழுவதும் பேசுபொருளானது.

விஜயகாந்தின் பலத்தை உணர்ந்த ஜெயலலிதா ஆட்சியை கைப்பற்ற வேண்டும் என்ற தீர்மானத்துடன் தேமுதிகவுடன் கூட்டணி அமைத்தார். அந்த தேர்தலில் 41 தொகுதிகளில் போட்டியிட்ட விஜயகாந்த் கட்சி, 29 இடங்களில் வென்றது. திமுகவின் படுதோல்வியால் தேமுதிகவிற்கு எதிர்க்கட்சி அந்தஸ்தும் கிடைத்தது. அந்த மிகப்பெரும் வெற்றியே தேமுதிகவின் சரிவின் தொடக்கமாகவும் அமைந்தது. சட்டமன்றத்திலேயே அதிமுகவுடன் கருத்து மோதலில் ஈடுபட்டு, கூட்டணியில் இருந்து வெளியேறினார்.

தனித்து போட்டியிட்ட வரை சுமார் 10 சதவிகித வாக்குகளை பெற்று வந்த தேமுதிக, 2014ம் ஆண்டு நாடாளுமன்ற தேர்தலில் பாஜகவுடன் கூட்டணி அமைத்து 14 தொகுதிகளில் போட்டியிட்டது. இதனால் ஒரே அடியாக கட்சியின் வாக்கு சதவிகிதம் சுமார் 5 சதவிகிதமாக வீழ்ச்சி கண்டது.  போட்டியிட்ட ஒரு தொகுதியில் கூட விஜயகாந்த் கட்சியால் வெற்றி பெறமுடியவில்லை

கடந்த 2016ம் ஆண்டு தேர்தலில் மீண்டும் ஆட்சி அமைக்கும் முனைப்பில் இருந்த கருணாநிதி, பழம் நழுவி (தேமுதிக) பாலில் விழும் (திமுக கூட்டணி) என நம்பிக்கை தெரிவித்தார். ஆனால், யாரும் எதிர்பாராத விதமாக மதிமுக, கம்யூனிஸ்ட்கள் மற்றும் விசிக போன்ற கட்சிகளுடன் சேர்ந்து விஜயகாந்த் மக்கள் நல கூட்டணி என்பதை அமைத்தார். பெரும் தாக்கத்தை ஏற்படுத்துவார் என எதிர்பார்க்கப்பட்ட நிலையில், விஜயகாந்திற்கே டெபாசிட் கூட கிடைக்கவில்லை. தேமுதிகவின் வாக்கு சதவிகிதம் வெறும் 2.4 சதவிகிதமாக பாதாளத்திற்கு சென்றது. ஆனால் இந்த கூட்டணி பிரித்த வாக்ககுகள் மூலம் அதிமுக மீண்டும் வென்று ஆட்சியை கைப்பற்றியது குறிப்பிடத்தக்கது.

விஜயகாந்தின்  உடல் நிலை மோசமடைந்ததால் மனைவி பிரேமலதாவின் பிடிக்குள் கட்சி சென்றது. அவரின் கடுமையான நடவடிக்ககளும், பெருத்த  எதிர்பார்ப்பும் கட்சியைச்  சீரழித்தது. ஆனாலும், விஜயகாந்தின் ரசிகர்களான தொண்டர்கள்  இன்றும் முனைப்புடன் இருக்கிறார்கள்.  அடுத்த தேர்தலில் அவர்கள் மாற்றாத்தை ஏற்படுத்துவார்கள் என்ற நம்பிக்கை பிரேமலதாவிடம் உள்ளது.

  திமுக - தேமுதிக கூட்டணியால் திமுகவில் ஏற்கனவே இணைந்து செயல்பட்டு வரும் பல முக்கியமான முன்னாள் தேமுதிக புள்ளிகள் கலவரமடைந்துள்ளார்களாம். கட்சியில் தங்களுக்கு இருந்து வரும் முக்கியத்துவம் குறையும் அல்லது பறிபோகும் என்ற அச்சம் அவர்களுக்கு எழுந்துள்ளதாம்.

ஜெயலலிதா - விஜயகாந்த் இடையே மோதல் ஏற்பட்டு அதிமுக கூட்டணியிலிருந்து தேமுதிக பிரிந்த பின்னர் தேமுதிகவில் எம்எல்ஏக்களாக இருந்த பலர் அங்கிருந்து விலகி அதிமுக பக்கம் போனார்கள். அதன் பின்னர் பல முக்கியத் தலைவர்கள் படிப்படியாக விலகிச் சென்றார்கள். விஜயகாந்த்துக்கு நிழலாக இருந்த பலரும் அப்படி விலகிப் போனார்கள். அவர்களில் முக்கியமானவர்கள் வி.சி. சந்திரகுமார், எஸ்.ஆர். பார்த்திபன் ஆகியோர் தற்போது திமுகவில் உள்ளனர்.

இந்த இருவரில் வி.சி. சந்திரகுமார் ஈரோடு கிழக்கு சட்டசபைத் தொகுதியில் எம்எல்ஏவாக உள்ளார். எஸ்.ஆர். பார்த்திபன் சேலம் மக்களவைத் தொகுதியில் போட்டியிட்டு திமுக எம்.பியாக இருந்தவர். இவர்கள் தவிர வேறு சிலரும் கூட தேமுதிகவிலிருந்து விலகி திமுகவில் இணைந்தனர். இந்த நிலையில் தற்போது தேமுதிகவே திமுக கூட்டணிக்கு வந்திருப்பதால் இவர்களுக்கு திமுகவில் முக்கியத்துவம் குறையுமா என்ற கேள்வி எழுந்துள்ளது.

தேமுதிகவை விட்டு வெளியேறி திமுகவில் இணைந்தவர்களை, அக்கட்சியின் தொண்டர்கள் துரோகிகள் என்று விமர்சிப்பது வழக்கம். பிரேமலதா விஜயகாந்த்தும் கூட அப்படித்தான் விமர்சிப்பார். இப்போது இரு கட்சிகளும் ஒரே மேடையில் அமரும்போது, மேடையில் பழைய தோழர்களுடன் கைகுலுக்க வேண்டிய கட்டாயம் ஏற்படும். இது உள்ளூர் மட்டத்திலான அரசியலில் அவர்களுக்கு ஒருவித நெருக்கடியைத் தரும் என்று எதிர்பார்க்கப்படுகிறது.

அதேசமயம், தற்போது திமுக வலுவாக உள்ள சட்டசபைத் தொகுதிகளை நிச்சயம் தேமுதிகவுக்குத் தராது என்றும் எதிர்பார்க்கப்படுகிறது. அதிகபட்சம் விஜயகாந்த் போட்டியிட்டு வென்ற விருத்தாச்சலம், ரிஷிவந்தியம் உள்பட ஒற்றை இலக்கத்தில்தான் தேமுதிகவுக்கு திமுக சீட்டுகளை ஒதுக்கக் கூடும் என்பதால் ஈரோட்டைச் சேர்ந்த சந்திரகுமார், எஸ்.ஆர். பார்த்திபன் போன்றோருக்குப் பிரச்சினை வர வாய்ப்பில்லை என்று கருதப்படுகிறது.

தலைவர்கள் மட்டத்தில் கூட்டணி ஏற்பட்டாலும், அடிமட்டத் தொண்டர்களிடையே ஒற்றுமை ஏற்படுவது சவாலான காரியம். காரணம், மறைந்த கலைஞர் உயிருடன் இருந்தபோது விஜயகாந்த் அதிமுக கூட்டணியில் இணைந்தபோது நடிகர் வடிவேலு, திமுக மேடையில் விஜயகாந்த்தை மிகக் கடுமையாக விமர்சித்துப் பேசியதை இன்று வரை தேமுதிகவினர் மறக்கவில்லை. விஜயகாந்த்தை குடிகாரன் என்றெல்லாம் கடுமையாக  பேசியிருந்தார் வடிவேலு. அந்தத் தேர்தலில்தான் எதிர்க்கட்சித் தலைவரானார் விஜயகாந்த்.

திமுக - தேமுதிக இடையிலான மோதல் நாடறிந்தது. மிகக் கடுமையான சொல்லாடல்களை இரு தரப்புமே பரஸ்பரம் பரிமாறிக் கொண்டுள்ளன. தனது கல்யாண மண்டபத்தை இடித்தது திமுக தான் என்று கடுமையாக குற்றம் சாட்டிப் பேசியவர் விஜயகாந்த். இந்த நிலையில் இரு கட்சிகளும் கூட்டணியாக இணைந்திருப்பது சில காலத்திற்கு உறுத்தலாகத்தான் இருக்கும். ஆனால் அரசியலில் எல்லாமே சகஜம் என்பதற்கேற்ப இந்தக் கூட்டணியும் போகப் போக இயல்பாகி விடும் என்று எதிர்பார்க்கலாம்.

திமுகவின் பாசறையில் தேமுதிக  இணிஅந்ததால் காங்கிரஸின் குரலில் மாற்றம் ஏற்பட்டுள்ளது.   விருதுநகர் மாவட்டம் சிவகாசியில்  மாணிக்கம் தாகூர் பத்திரிகையாளர்களை சந்தித்தார். அப்போது அவரிடம் பல்வேறு கேள்விகள் கேட்கப்பட்டது. அதற்கு அவர்பதிலளித்தார். அப்போது, ‛‛திமுக கூட்டணியில் தேமுதிக வந்து சேர்ந்துள்ளது. இதை எப்படி பார்க்கிறீர்கள்?'' என்று கேள்வி கேட்கப்பட்டது. அதற்கு மாணிக்கம் தாகூர், ‛‛மகிழ்ச்சியான செய்தி.. எந்தவொரு கட்சி கூட்டணியில் வந்து சேர்ந்தாலும் சரி.. அது மகிழ்ச்சியாக தான் இருக்கும். தமிழ்நாடு காங்கிரஸ் கமிட்டி தலைவர் அதனை வரவேற்றுள்ளார். தமிழக காங்கிரஸ் சார்பில் நானும் அதனை வரவேற்கிறேன்'' என்றார் இதையடுத்து, ‛‛திமுக கூட்டணியில் தேமுதிக உள்ளே வந்ததால் காங்கிரஸ் வெளியே போய்விடும் என்ற கருத்து இருக்கிறதே'' என்ற கேள்வி முன்வைக்கப்பட்டுள்ளது. இதற்கு மாணிக்கம் தாகூர், ‛‛இது பொய்யான கருத்து என்று நினைக்கிறேன் என்றார்.

ஆட்சியில் பங்கு  வேண்டும் எனக் கடுமையாகக்குரல் எழுப்பிய மாணிக்கம் தாகூர்ரின் குரல் அடங்கி விட்டது. காங்கிரஸின்  மிரட்டலுக்குப் பதிலளிக்காது மெளனமாக இருந்த ஸ்டாலின்  நகர்த்தியகாய் காங்கிரஸின்  வாயை அடைத்து விட்டது.

பிரேமலதாவின் வருகையை எதிர்பார்த்துக் காத்திருந்த தமிழக பாரதீய ஜனதா கலவரமடைந்துள்ளது. திமுகவுடன் கேப்டன் உருவாக்கிய தேமுதிக இணைந்ததை ஒருபோதும் கேப்டன் விஜயகாந்த் ஆன்மா மன்னிக்காது என்று தமிழக பாஜக விமர்சனம் செய்துள்ளது.

தேமுதிக கட்சி திமுகவுடன் கூட்டணி அமைத்துள்ள முடிவை விமர்சித்து, தமிழக பாரதிய ஜனதா கட்சி இன்று அதிரடியான அறிக்கை ஒன்றை வெளியிட்டுள்ளது. அதில், மறைந்த தலைவர் விஜயகாந்தின் கொள்கைகளுக்கு மாறாக தேமுதிக செயல்படுவதாகக் குற்றம் சாட்டப்பட்டுள்ளது.

இது குறித்து பாஜக வெளியிட்ட எக்ஸ் தள பதிவில், 'தன் வாழ்நாள் முழுவதும் தீய சக்தி திமுகவை எதிர்த்து மக்கள் பணியாற்றியவர் விஜயகாந்த். அதனால், விஜயகாந்த் அவர்களுக்கும், அவர் உருவாக்கிய தேமுதிக-விற்கும் கொடுமைகளையும், அவமானங்களையும் மட்டுமே வழங்கியது திமுக. அத்தகைய மக்கள் விரோத திமுகவுடன் இன்று கேப்டன் உருவாக்கிய இயக்கம் இணைந்ததை, ஒருபோதும் கேப்டனின் ஆன்மா மன்னிக்காது' என்ற பதிவை வெளியிட்டுள்ளது. 

திமுக மற்றும் தேமுதிக இடையிலான இந்தக் கூட்டணி, தமிழக அரசியலில் பெரும் விவாதத்தை ஏற்படுத்தியுள்ள நிலையில், பாஜகவின் இந்த விமர்சனம் அரசியல் வட்டாரத்தில் மேலும் சூட்டைக் கிளப்பியுள்ளது.

அதிமுகவில் இருந்து பலர் வருகிறார்கள். பன்னீர் வருகிறார், தினகரன் வருகிறேர், பிரேமலதா வருகிறார்  என விஜயை  சிலர் உசுப்பினார்கள். எந்த  ஒரு அரசியல் தலைவரும்  விஜயை ஏறெடுத்தும் பார்க்கவில்லை.  பனையூர் கூடாரம் தர்போதைக்கு காலியாவே உள்ளது.    பிரேமலதவின் வண்டு அரிவாலய்த்தில் தஞ்சமடைந்துள்ளது. காங்கிரஸ் வருகிறது  என்ற பூச்சாண்டியும் பலிக்கவில்லை.

தலைவர்களின் அலப்பறைகள் தேர்தல் முடிவில் வெட்ட வெளிச்ச்மாகி விடும்.

 

ரமணி

22/2/26

  

ரி20 உலகக்கிண்ண சாதனைகள் வேதனைகள்

ரி20 உலகக்கிண்ணப் போட்டிகள்  இந்தியாவிலும், இலங்கையிலும் நடைபெறுகின்றன. இந்தத் தொடரில் பல சாதனைகள் நிலை நாட்டப்பட்டுள்ளன. அதே வேளை மிகவும் எதிர் பார்க்கப்பட்ட வீரர்கள் ஏமாற்றிய சம்பவங்களும் நடைபெற்றுள்ளன.

  ஹர்டிக் பாண்டியாவின்  அசத்தல் சாதனை

இந்திய கிறிக்கெற் அணியின் நட்சத்திர வேகப்பந்து வீச்சு ஆல்ரவுண்டரான ஹர்திக் பாண்டியா   நெதர்லாந்து அணிக்கு எதிரான போட்டியில் விளையாடியதன் மூலம் ரி20 கிரிக்கெட் போட்டிகளில் மாபெரும் வரலாற்று சாதனை ஒன்றினை நிகழ்த்தியுள்ளார்.   ஹர்திக் பாண்டியா 21 பந்துகளை சந்தித்து 3 சிக்ஸர்களுடன் 30 ஓட்டங்கள் அடித்தார்.    பந்துவீச்சிலும் 3 ஓவர்கள் வீசி 40  ஓட்டங்களை விட்டுக்கொடுத்து ஒரு விக்கெட்டை கைப்பற்றி அசத்தியிருந்தார். அவர் இந்த போட்டியில் அடித்த 30  ஓட்டங் கள் மூலம் ஆறாவது சர்வதேச வீரராகவும், முதல் இந்திய வீரராகவும் ஒரு மாபெரும் சாதனையை ரி20 கிறிக்கெற் போட்டிகளில் நிகழ்த்தியுள்ளார்.  ஒட்டுமொத்தமாக ரி 20 கிறிக்கெற் போட்டிகளில் 6000+  ஓட்டங் , 200+ விக்கெட்டுகள் எடுத்த முதல் இந்திய வீரராக அவர் சாதனையை நிகழ்த்தியுள்ளார். ஏற்கனவே சர்வதேச அளவில் கைரன் பொலார்ட், ஆண்ட்ரே ரசல், ஷாகிப் அல் ஹசன், முகமது நபி, டுவைன் பிராவோ ஆகியோர் இந்த சாதனையை நிகழ்த்தியிருந்த வேளையில் ஆறாவது வீரராக  ஹர்திக் பாண்டியா இந்த சாதனை பட்டியலில் இணைந்துள்ளார்.

 அர்ஷ்தீப் சிங்கின்   சாதனையை சமன் செய்த வருண் சக்கரவர்த்தி 

 சர்வதேச ரி20 கிறிக்கெற்  போட்டிகளுக்கான பந்துவீச்சாளர்கள் தரவரிசை பட்டியலில் முதலிடத்தில் இருக்கும் தமிழகத்தை சேர்ந்த வருண் சக்கரவர்த்தி தொடர்ந்து தனது சிறப்பான செயல்பாட்டை வெளிப்படுத்தி வருகிறார். 

நெதர்லாந்து அணிக்கு எதிராக நடைபெற்ற போட்டியில்  நான்கு ஓவர்கள் பந்துவீசிய வருண் சக்கரவர்த்தி வெறும் 14  ஓட்டங்களை மட்டுமே விட்டுக் கொடுத்து மூன்று விக்கெட்டை கைப்பற்றி அசத்தினார். இந்த உலகக் கிண்ணத்  தொடரில் பெரும்பாலும் பந்துவீச்சாளர்கள் ஒரு போட்டியில் சிறப்பாக விளையாடினாலும் அடுத்த போட்டியில் ஓட்டங்களை விட்டுக் கொடுக்கின்றனர். ‍ - ஆனால் வருண் சக்கரவர்த்தியை   கட்டுக்கோப்புடன் பந்துவீசி வருகிறார். இந்நிலையில் நேற்று பெற்ற நெதர்லாந்து அணிக்கு எதிரான போட்டியில் விளையாடி மூன்று விக்கெட்டுகளை எடுத்ததன் மூலம் இந்திய அணியின் நட்சத்திர வேகப்பந்து வீச்சாளரான அர்ஷ்தீப் சிங்கின் சாதனை ஒன்றினையும் அவர் சமன் செய்துள்ளார்.

 அர்ஷ்தீப் சிங் கடந்த ஜூன் 2024 முதல் டிசம்பர் 2025 ஆம் திக‌தி வரை இந்திய அணிக்காக விளையாடிய 17 ஆட்டங்களில் தொடர்ந்து அனைத்து போட்டியிலும் குறைந்தது ஒரு விக்கெட்டையாவது வீழ்த்தியிருந்தார். அந்த சாதனையை தற்போது வருண் சக்கரவர்த்தியும் சமன் செய்துள்ளார். -

 கடந்த 2025 செப்டம்பர் மாதத்திற்கு பிறகு வருண் சக்கரவர்த்தி விளையாடிய 17 ஆட்டங்களில் அனைத்து போட்டியிலுமே குறைந்தது ஒரு விக்கெட்டையாவது கைப்பற்றியுள்ளார். கடைசியாக நடைபெற்ற 17 போட்டிகளிலும் தொடர்ச்சியாக விக்கெட் வீழ்த்தியுள்ள அவர் அடுத்த போட்டியிலும் விக்கெட் எடுக்கும் பட்சத்தில் அர்ஷ்தீப் சிங்கின் அந்த சாதனையை முறியடிக்கவும் வாய்ப்புள்ளது.

டக் அவுட்டி ஹட்ரிக்  அபிஷேக்  சர்மா வேதனை 

 குரூப் ஏ சுற்றில் இந்திய அணி இன்று   ஸ்கொட்லாந்து அணியுடன் மோதியது. இந்த போட்டியில் டாஸ் வென்ற இந்திய அணி கப்டன் சூர்யகுமார் யாதவ் முதலில் பேட்டிங்கைத் தேர்வு செய்தார். இதையடுத்து, ஆட்டத்தை அபிஷேக் சர்மா - இஷான்கிஷன் தொடங்கினார். இந்த தொடரில் இதுவரை ஆடிய 2 போட்டிகளிலுமே டக் அவுட்டாகிய அபிஷேக் சர்மா இந்த போட்டியில் சிறப்பாக ஆடுவார் என்று எதிர்பார்க்கப்பட்ட நிலையில், அவர் ஆர்யன் தத் வீசிய ஆட்டத்தின் முதல் ஓவரின் 4வது பந்திலே போல்டானார்.

இதன்மூலம், இந்த ரி20 உலகக்  கிண்ணத்தில் அபிஷேக் சர்மா தான் ஆடிய 3 போட்டிகளிலுமே டக் அவுட்டாகியுள்ளார். இந்த தொடரில் மிகப்பெரிய  தாக்கத்தை ஏற்படுத்துவார் என்று எதிர்பார்க்கப்பட்ட அபிஷேக் சர்மா ஹட்ரிக் டக் அவுட்டாகியிருப்பது மிகப்பெரிய ஏமாற்றத்தை ரசிகர்கள் மத்தியில் ஏற்படுத்தியுள்ளது.அபிஷேக் சர்மா கடைசியாக ஆடிய 9 ஆட்டங்களில் 5 முறை டக் அவுட்டாகியுள்ளார். இதே நிலையில் இவர் நீடித்தால் அணியில் தொடர்ந்து நீடிப்பது சவாலாக மாறிவிடும்.

ஒரே ஆண்டில் ரி20 போட்டிகளில் அதிக முறை டக் அவுட்டான வீரர் என்ற பட்டியலில் அபிஷேக் சர்மா 2வது இடத்தில் உள்ளார். அவர் இந்தாண்டு மட்டும் 5 முறை ஆட்டமிழந்துள்ளார். முதலிடத்தில் சையும் அயூப் 6 முறை  அவுட்டாகி முதலிடத்தில் உள்ளார். 2வது இடத்தில் சலோம்வாங், குஷல் புர்டல், தர்மகேசுமா, பர்வேஸ் ஹொசைன் ஆகியோருடன் அபிஷேக் சர்மாவும் உள்ளார்

 

 பாகிஸ்தான் வீரர்  ப‌ர்ஹான் சதத்தில் சாதனை 

நமீபியாவுக்கு எதிரான லீக் போட்டியில் சதம் அடித்த பாகிஸ்தான் வீரர்  புதிய சாதனையை நிலை நாட்டி உள்ளார்.

 இந்த போட்டியில்  பாகிஸ்தான் அணி சார்பாக துவக்க வீரராக விளையாடிய சாஹிப்சாதா ஃபார்ஹான் 58 பந்துகளை சந்தித்து 11 பவுண்டரி, 4 சிக்ஸர் என 100  ஓட்டங்  அடித்து ஆட்டம் இழக்காமல் களத்தில் இருந்தார். அவர் அடித்த இந்த சதத்தின் மூலம் இரண்டாவது பாகிஸ்தான் வீரராக மாபெரும் சாதனை ஒன்றினையும் நிகழ்த்தியுள்ளார்.

ரி20 உலக  கிண்ண வரலாற்றில் சதமடித்த ஒரே ஒரு பாகிஸ்தான் வீரர் என்ற சாதனையை அகமது செஷாத் தன்வசம் வைத்திருந்தார். அவருக்கு அடுத்து தற்போது ஃபர்ஹான் இந்த போட்டியில் அடித்த சதம் மூலம் உலகக்   கிண்ண  ரி20 ஆட்டத்தில் சதம் அடித்த இரண்டாவது பாகிஸ்தான் என்ற சாதனையை நிகழ்த்தியுள்ளார்.

 சர்வதேச ரி20 உலகக் கிண்ணத்தில்  சதமடித்த ஆறாவது ஆசிய வீரராகவும் இவர் தனது பெயரை பதிவு செய்துள்ளது குறிப்பிடத்தக்கது.  2026 ஆம் ஆண்டு  ரி20 உலகக் கிண்ணத் தொடரில்  இலங்கை அணியை சேர்ந்த பதும் நிசங்க, கனடா அணியை சேர்ந்த யுவ்ராஜ் சாம்ரா ஆகியோரும் சதமடித்துள்ளனர். 

ரமணி

22/2/26  

குளிர்கால ஒலிம்பிக்கில் உக்ரைனிய வீரர் தகுதி நீக்கம்

  ரஷ்யாவுடனான போரில் கொல்லப்பட்ட உக்ரேனிய விளையாட்டு வீரர்களை சித்தரிக்கும் தலைக்கவசத்தைப் பயன்படுத்தியதற்காக, உக்ரைனின் எலும்புக்கூடு பந்தய வீரர் விளாடிஸ்லாவ் ஹெராஸ்கெவிச் வியாழக்கிழமை மிலானோ கோர்டினா குளிர்கால விளையாட்டுப் போட்டிகளில் இருந்து தகுதி நீக்கம் செய்யப்பட்டதாக சர்வதேச ஒலிம்பிக் குழு தெரிவித்துள்ளது.

ஐஓசி தலைவர் கிறிஸ்டி கோவென்ட்ரியுடன் அதிகாலையில் நடந்த சந்திப்பிற்குப் பிறகு, அவர் தகுதி நீக்கம் செய்யப்பட்டதாக அவருக்குத் தெரிவிக்கப்பட்டது.

இந்த முடிவை எதிர்த்து விளையாட்டுக்கான நடுவர் நீதிமன்றத்தில் மேல்முறையீடு செய்யப்போவதாக அவரது குழு தெரிவித்துள்ளது.

இந்த முட்டுக்கட்டையை நீக்குவதற்கான கடைசி முயற்சியாக, தடகள வீரரை நேரில் சந்திக்க விரும்புவதாக கோவென்ட்ரி செய்தியாளர்களிடம் கூறினார்.

யாழக்கிழமை விளையாட்டுப் போட்டி தொடங்குவதற்கு முன்பும், அதன் முடிவிற்குப் பிறகும், இறந்த சக வீரர்களின் 24 படங்களை சித்தரிக்கும் "நினைவுத் தலைக்கவசத்தை" காட்சிப்படுத்துவதற்கான வாய்ப்பை ஐ.ஓ.சி அவருக்கு வழங்கியது, அதே நேரத்தில் போட்டியிடும் போது அவர் ஒரு கறுப்பு கைப்பட்டையை அணியவும் அனுமதித்தது.

"நான் பந்தயத்தில் இருந்து தகுதி நீக்கம் செய்யப்பட்டேன். எனது ஒலிம்பிக் தருணத்தை நான் பெறமாட்டேன்," என்று ஹெராஸ்கெவிச் கூறினார்.

 

அவுஸ்திரேலியாவை வெளியேற்றியது மழை

  

ரி20 உலகக் கிண்ணத் தொடரில்  ஒரு போட்டி மீதம் இருக்கையில் லீக் சுற்றில் இருந்ட்து அவுஸ்திரேலியா வெளியேறியது.

 இதுவரை நடந்த மூன்று போட்டிகளில் அவுஸ்திரேலியா ஒரு வெற்றியை மட்டுமே பெற்றுள்ளது.ஸிம்பாப்வே தனது இரண்டு போட்டிகளிலும் வெற்றி பெற்றுள்ளது. அவுஸ்திரேலியா இரண்டு புள்ளிகளையு, , ஸிம்பாப்வே 4  புள்ளிகளையும் பெற்றன. ஸிம்பாப்வே, அயர்லாந்து ஆகியவற்றுக்கிடையேயான இன்றைய போட்டி மழைகாரணமகக் கைவிடப்பட்டதால்  இரண்டு அணிகளுக்கும் தலா  ஒரு புள்ளி கொடுக்கப்பட்டது. ஸிம்பாப்வே 5 புள்ளிகளுடன் சூப்பர் 8 க்குள் நுழைந்துள்ளது.ஓமானுடனான போட்டியில்  அவுஸ்திரேலியா வெற்றி பெற்றால் 4 புள்ளிகள் மட்டுமே கிடைக்கும்.

ரி 20 உலகக் கிண்ணப் போட்டியில் ஸிம்பாப்வே சூப்பர் 8 கட்டத்தை எட்டுவது இதுவே முதல் முறை. 2024 ஆம் ஆண்டு உலகக் கிண்ண வடிவம் மாற்றப்பட்டதிலிருந்து, ஸிம்பாப்வே குரூப் ஸ்டேஜை கடந்து செல்வது இதுவே முதல் முறை. இருப்பினும், டி20 உலகக் கோப்பையில் ஸிம்பாப்வே குழு கட்டத்தைத் தாண்டி முன்னேறுவது இது இரண்டாவது முறை மட்டுமே. 2022 ஆம் ஆண்டில்  டைசி 12 இடங்களை எட்டியது. ஆனால் வடிவமைப்பு மாற்றத்திற்குப் பிறகு இது ஸிம்பாப்வேயின்  முதல் சூப்பர் 8 ஆகும்.

2026 ரி20 உலகக்  கிண்ணத்தில் குரூப் நிலையிலேயே அவுஸ்திரேலியா வெளியேற்றப்பட்டது. முன்னதாக, 2009 உலகக் கிண்ணத்தில்  அவுஸ்திரேலியா குரூப் சுற்றிலேயேவெளியேறியது. .     இந்தியா, இலங்கை, ஸிம்பாப்வே, மேற்கிந்திய தீவுகள், இங்கிலாந்து, தென்னாப்பிரிக்கா,  நியூசிலாந்து ஆகிய ஏழு  அணிகள் சூப்பர் 8க்குத் தகுதி பெற்றூள்ளன.

  

உலகக்கிண்ணத்தில் இருந்து வெளியேறுகிறது அவுஸ்திரேலியா?

 

கிறிக்கெற் உலகின் அசுரமாகிய அவுஸ்திரேலியாவுக்கு ரி20 உலகக்கிண்ணம் கைக்கு எட்டாத நிலையில் உள்ளது. மூன்று போட்டிகளில் விளையாடிய அவுஸ்திரேலியா அயர்லாந்துடனான போட்டியில் மட்டும் வெற்றி பெற்றது.இலங்கையிடமும் ஸிம்பாப்வேயிடமும் தோல்வியடைந்த அவுஸ்திரேலியா  2 புள்ளிகளுடன் மூன்றாஅவ்து இடத்தில் உள்ளது.

கணித ரீதியாக அடுத்த கட்டத்திற்கான வேட்டையில் அவுஸ்திரேலியா இருந்தாலும் அது  அதன் விதி இந்தக் குழுவில் உள்ள பிற முடிவுகளைப் பொறுத்துள்ளது. அவுஸ்திரேலியாவுக்கு ஒரே ஒரு போட்டி மட்டுமே உள்ளது. ஓமானுக்கு எதிரான போட்டியில் அதிக ரன் ரேட்டுடன் வெற்றி பெற வேண்டும்.

ஸிம்பாப்வே  4 புள்ளிகளுடன் இரண்டாவது இடத்திலும், அவுஸ்திரேலியா 2 புள்ளிகளுடன் மூன்றாவ‌து இடத்திலும் உள்ளன.

இலங்கை,அயர்லாந்து ஆகிய இரண்டு நாடுகளுடன் ஸிம்பாப்வே மோத உள்ளது.இஅவ்ற்றில் ஏதாவது ஒரு போட்டியில் ஸிம்பாப்வே   வெற்றி  பெற்றால் அவுஸ்திரேலியாவின் கதை கந்தலாகிவிடும். ஸிம்பாப்வேயுடனான போட்டியில் அயர்லாந்து வெற்றி பெற்றால் 4 புள்ளிகள்  பெற்று விடும்.

  சூப்பர் எட்டுக்கு முன்னேற அவுஸ்திரேலியா இப்போது மற்ற முடிவுகளை நம்பியிருக்க வேண்டும். செவ்வாய்க்கிழமை ஸிம்பாப்வே அயர்லாந்தை வீழ்த்தினால், அவுஸ்திரேலிய அணி போட்டியில் இருந்து வெளியேற்றப்படும்.

அவுஸ்திரேலியா ஓமானுக்கு எதிரான  போட்டியில் வெற்றி பெற்று,  இலங்கை,அயர்லாந்து ஆகியவற்றுக்கு எதிரான போட்டிகளில் ஸிம்பாப்வே   தோல்வியடைந்தால் மட்டுமே அவுஸ்திரேலியா உயிர்ப்புடன்  இருக்கும்.

   அயர்லாந்தை விட சிறந்த ஓட்ட விகிதம் அவுஸ்திரேலியாவுக்குத்  தேவைப்படும்.

2009  ஆம் ஆண்டு உலகக் கிண்ணத்தில்   குழு C இல் இலங்கை ,மேற்கிந்தியத் தீவுகள் ஆகியவற்றுக்கு எதிரான  எதிரான போட்டிகளில் அவுஸ்திரேலியா தோல்வியடைந்து போட்டியிலிருந்து வெளியேற்றப்பட்டது.

  

அவுஸ்திரேலியாவை வீழ்த்தியது ஸிம்பாப்வே

  கொழும்பு பிரேமதாசா மைதானத்தில் நடைபெற்ற  உலகக்கிண  குரூப் பி பிரிவு லீக் போட்டியில்  பலம்வாய்ந்த அவுஸ்திரேலிய அணியை 23 ஓட்டங்கள்  வித்தியாசத்தில் வீழ்த்தி ஸிம்பாப்வே அணி வரலாற்று வெற்றியைப் பதிவு செய்துள்ளது. கடந்த 2007 ஆம் ஆண்டு ரி20 உலகக் கிண்ணத்தைல் அவுஸ்திரேலியாவுக்கு அதிர்ச்சி வைத்தியம் அளித்த ஸிம்பாப்வே, மீண்டும் ஒருமுறை அதே சாதனையை நிகழ்த்திக் காட்டியுள்ளது. 

 முதலில் துடுப்பெடுத்தாடிய ஸிம்பாப்வே அணிக்கு தொடக்க ஆட்டக்காரர் பிரையன் பென்னட் நிதானமான ஆட்டத்தை வெளிப்படுத்தினார். மறுமுனையில் அதிரடியாக ஆடிய டாடிவானாஷே மருமானி 21 பந்துகளில் 35 , பர்ல்,30 பந்துகளில் 35 ரன்கள் ஓட்டங்கள் எடுத்தனர்.

இறுதிக் கட்டத்தில் களமிறங்கிய கப்டன் சிக்கந்தர் ராசா, 13 பந்துகளில்  25  ஓட்டங்கள் அடித்தார். பிரையன் பென்னட் 56 பந்துகளில் 64 ஓட்டங்கள்  குவித்து இறுதிவரை ஆட்டமிழக்காமல் இருந்தார். இதனால் ஸிம்பாப்வே அணி நிர்ணயிக்கப்பட்ட 20 ஓவர்களில் 2 விக்கெட் இழப்பிற்கு 169  ஓட்டங்கள் என்ற சவாலான ஸ்கோரை எட்டியது.

170 ரனோட்டங்கள் எடுத்தால் வெற்றி என்ற இலக்குடன் களமிறங்கிய அவுஸ்திரேலிய அணிக்கு ஆரம்பமே அதிர்ச்சியாக இருந்தது. தொடக்க வீரர் ஜோஷ் இங்கிலிஸ் 8 ஓட்டங்களில் ஆட்டமிழந்தார். அவரைத் தொடர்ந்து கேமரூன் கிரீன் , டிம் டேவிட் ஆகியோர் டக் அவுட்டானார்கள். க‌ப்டன் டிராவிஸ் ஹெட்டும் 17 ஓட்டங்களில் ஆஸ்திரேலியா   3.2  ஓவர்களில் 4 விக்கெற்களை இழந்து 29 ஓட்டங்கள் எடுத்தது. 4,3 ஓவர்களில் 5 ஆவது விக்கெற்றைஇழந்து 106 ஓட்டங்கள் எடுத்தது.

  மேட் ரென்ஷா,  கிளென் மேக்ஸ்வெல் ஜோடி போராடியது. இந்த ஜோடி ஐந்தாவது விக்கெட்டிற்கு 77  ஓட்டங்கள் அடித்து ஆட்டமிழ்ந்தா ஓட்டங்களில் ஆட்டமிழக்க, தனி ஆளாகப் போராடிய மேட் ரென்ஷா 44 பந்துகளில் 65 ஓட்டங்கள் குவித்து ஆட்டமிழந்தார். மக்ஸ்வெல் 31 ஓட்டங்கள் எடுத்தார் ஏனையோர் ஒற்றை இலக்கத்தில் ஆட்டமிழந்தனர். அவுஸ்திரேலிய அணி 19.3 ஓவர்களில்  சகல விக்க்கெற்களையும் இழந்து 146 ஓட்டங்கள் எடுத்தது.

ஸிம்பாப்வேயின்ல் வேகப்பந்து வீச்சாளர் பிளெஸ்சிங் முசரபானி  4 ஓவர்கள் வீசி   17  ஓட்டங்கள் மட்டுமே கொடுத்து 4 முக்கிய விக்கெட்டுகளை வீழ்த்தினார். அவருக்குத் துணையாக பிராட் எவன்ஸ் 3 விக்கெட்டுகளைக் கைப்பற்றினார்.

ஸிம்பாப்வேயின் வெற்றி குரூப் பி பிரிவில் பெரும் திருப்பத்தை ஏற்படுத்தியுள்ளது. ஸிம்பாப்வே அணியின் இந்த வரலாற்று வெற்றி, தொடரை மேலும் சுவாரஸ்யமாக்கியுள்ளது. அவுஸ்திரேலிய அணியால் சூப்பர் 8 சுற்றுக்கு செல்ல முடியுமா? என்ற கேள்வி எழுந்துள்ளது. இலங்கையும், ஸிம்பாப்வேயும் தலா 4 புள்ளிகளுடன்  முதல் இரண்டு இடங்களில் உள்ளன.

 

நேபாளத்துக்கு எதிரான போட்டியில் 10 விக்கெற்களால் வெற்றி பெற்றது இத்தாலி

 

 ரி20 உலகக் கிண்ணப் போட்டியில் இத்தாலி அணி தனது முதல் வெற்றியைப் பதிவு செய்து வரலாற்றுச் சாதனை படைத்துள்ளது. தனது இரண்டாவது லீக் ஆட்டத்தில் நேபாளத்தை 10 விக்கெட் வித்தியாசத்தில் வீழ்த்தி, இத்தாலி வரலாற்று வெற்றியை எட்டியது. மோஸ்கா சகோதரர்களின் அசைக்க முடியாத பார்ட்னர்ஷிப் , சுழற்பந்து வீச்சாளர்களின் ஆதிக்கம் இந்த வெற்றிக்கு அடித்தளம் அமைத்தன.

முதலில் துடுப்ப்பெடுத்தாடிய ` செய்த நேபாள அணி, இத்தாலியின் கட்டுக்கோப்பான சுழற்பந்து வீச்சால் 123 ஓட்டங்கள் எடுத்தது. பென் மனேண்டி 9 ஓட்டங்கள் கொடுத்து 2 விக்கெட்டுகளையும், கிரிஷன் கழுகாமகே 18 ஓட்டங் ஓட்டங்கள் கொடுத்து 2 விக்கெற்களையும் வீழ்த்தினார்.

124 ஓட்டங்கள் என்ற இலக்குடன் களமிறங்கிய இத்தாலி, ஆரம்பம் முதலே ஆக்ரோஷமாக செயல்பட்டது. மோஸ்கா சகோதரர்களான அந்தோனி , ஜஸ்டின், இருவரும் ஆட்டமிழக்காமல் 124 ஓட்டங்கள் அடித்து 12.4 ஒவர்களில் வெற்றியைப் பெற்றுக் கொடுத்தனர்.

இளைய சகோதரரான ஜஸ்டின் மோஸ்கா 44 பந்துகளில் 3 சிக்ஸர், 5 பவுண்டரிகளுடன் 60 ஓட்டங்களும், மூத்த சகோதரர் அந்தோனி மோஸ்கா, 32 பந்துகளில் 6 சிக்ஸர், 3 பவுண்டரிகளுடன் 62 ஓட்டங்களும் எடுத்தனர்.

ரி20 உலகக் கிண்ண வரலாற்றில் 10 விக்கெட் வித்தியாசத்தில் வெற்றி பெற்ற அணிகளின் பட்டியலில் இத்தாலியும் இணைந்துள்ளது. ரி20 உலகக் கிண்ணத்தில் 10 விக்கெட் வித்தியாசத்தில் வெற்றி பெற்ற அணிகள் விவரம் பின்வருமாறு:

அவுஸ்திரேலியா , தென்னாப்பிரிக்கா, ஓமான், பாகிஸ்தான், இங்கிலாந்து [2 முறை] ,நியூஸிலாந்து, இத்தாலி

விஜய் விரித்த வலையால் தடுமாறுகிறது தமிழக காங்கிரஸ்

 

தனித்து விடப்பட்ட மூத்த அரசியல்வாதி டாக்டர் ராமதாஸ்

மகனை மத்திய அமைச்சராக்க முயற்சி செய்யும் பிரேமலதா

விஜயுடன் கூட்டணி சேர  பெரிய கட்சிகள் ஆர்வம் காட்டவில்லை.

காங்கிரஸின் முடிவுக்கு காத்திருக்கும் திமுக‌

உயர் நீதிமன்றத் தீர்ப்பு  அரசியல் ரீதியாக விஜய்க்கு மிகப்பெரிய பின்னடைவு 

தமிழக தேர்தல்களம் நாளுக்கு நாள்  மாறிக்கொண்டே செல்கிறது. திமுகவுடனும், அதிமுகவுடனும்   பேரம் பேசுகிறார் பிரேமலதா. தமிழக அரசியலில் கிங் மேக்கராக வலம் வந்த டாக்டர் ராமதாஸை சேர்க்க பெரிய கட்சிகள் எவையும் விரும்பவில்லை. திமுகவுடன் மிக நெருக்கமாக ஒட்டி உறவாடிய காங்கிரஸ் பதவி ஆசையால் தடுமாறுகிறது.

தமிழகத்தில்  நான்கு முனைப் போட்டி நிலவுகிறது. திமுக கூட்டணி, அதிமுக கூட்டணி, நாம் தமிழர், தவெக ஆகியவை களத்தில் உள்ளன. திமுக கூட்டணியில் காங்கிரஸ், விடுதலைச் சிறுத்தைகள், மதிமுக, கம்யூனிஸ்ட், மார்க்சிஸ்ட், இந்திய யூனியன் முஸ்லீம் லீக், மனிதநேய மக்கள் கட்சி, கொங்குநாடு மக்கள் தேசிய கட்சி, தமிழக வாழ்வுரிமைக் கட்சி, மக்கள் நீதி மய்யம் ஆகியவை இடம் பெற்றுள்ளன.

 அதிமுக கூட்டணியில்  பாஜக, பாமக (அன்புமணி), அமமுக, தமிழ் மாநில காங்கிரஸ், தமிழக மக்கள் முன்னேற்றக் கழகம், புரட்சி பாரதம், புதிய நீதி கட்சி, இந்திய ஜனநாயக கட்சி உள்ளிட்டவை உள்ளன.

 பிரேமலதாவும், ராமதாஸும்  தங்கள் கூட்டணி நிலைப்பாட்டை இன்னமும் அறிவிக்கவில்லை. இதில் பாமக ராமதாஸை பொருத்தமட்டில் கட்சியே யாரிடம் இருக்கிறது என்பதில் வழக்கு நடந்து வருகிறது. மாம்பழச்சின்னம் யாருக்கு இருக்கிறது என அதிகாரப்பூர்வ அறிவிப்பு வரவில்லை. அதற்கிடையில் அன்புமணியை , அடப்பாடி அரவணைத்துள்ளார். ஒற்றுமையாக இருந்த போதே வ்ற்றி பெறாத அன்புமணி கட்சி இரண்டானபின்னர் வெற்ற்றியடைவார் என எஅடப்பாடி நம்புகிறார்.

அன்புமணி அதிமுகவுக்குச் சென்றதால் ராமதாஸ் திமுகவுக்குத் தூது விட்டார். அங்கு அவரது பரம வைரியான திருமாவளவன் சிம்மாசனம் போட்டு உட்கார்ந்து இருக்கிறார். விஜயின் பனையூரையும் எட்டிப்பார்த்தார் ராமதாஸ். ப‌னையூர் கதவும் திறக்கப்படவில்லை.

விஜயகாந்தின் தலைமையில் பலமாக  இருந்த கட்சி ஜெயலலைதாவினால் சின்னாபின்னமாக்கப்பட்டது. வாக்கு வங்கி சொல்லும்படியாக  இல்லை.கடந்த கால தேர்தக்ல்களில் மிக மோசமாகத் தோல்வியடைந்ததால் முரசு சின்னம் பறிபோய்விட்டது. தமிழகத்தேர்தலில் ஏழு  தொகுதிகளில் வெற்றி பெற்றால் மட்டுமே  மீண்டும் முரசு சின்னம் கிடைக்கும். இதை எல்லாம் கணக்குப் பார்த்து 14 தொகுதிகளையும் ஒரு ரஜ்யசபா பதவியையும் கேட்கிறார் பிரேமலதா. மகனை அமைச்சரக்க வேண்டும் எனவும்  கோரியுள்ளார். ஐந்து தொகுதிதான் என எடப்பாடி அடித்துச் சொல்லி விட்டார். ஏழு தொகுதிகளுக்கும் ஒரு எம்பி பதவிக்கும் திமுக  ஒப்புக் கொண்டுள்ளது. அதிகமான தொகுதிகளும், அட்சியில் பங்கும் என விஜய் சொல்லியுள்ளார்.  விஜயின் பக்கம் செல்வதற்கு பிரேமலதா விரும்பவிரும்பவில்லை.

  குறைந்தபட்சம் 10 தொகுதிகளையாவது கேட்டு பெறலாம் என தேமுதிக பேச்சுவார்த்தை நடத்துகிறதாம்.   பிரேமலதா, விஜய பிரபாகரன், சுதீஷ், பார்த்தசாரதி, மோகன்ராஜ், வெங்கடேசன், நல்லதம்பி, சுபா, இளங்கோவன், கிருஷ்ணமூர்த்தி ஆகிய 10 பேர் கட்டாயம் போட்டியிடுகிறார்களாம்.   இந்த 10 பேரில் விஜயகாந்த் குடும்பத்தில் இருந்து 3 பேர் போட்டியிடுகிறார்கள். மற்ற 7 பேரில் யாரையும் விட்டுக் கொடுக்க முடியாத நிலையில் தேமுதிக உள்ளது. விஜயகாந்த் இருந்த போதே அவருக்கு சிலர் துரோகம் செய்துவிட்டு தங்களுக்கு தோதுபட்ட கட்சிகளில் இணைந்துவிட்டார்கள். ஆனால் இவர்கள் எல்லாம் இன்னமும் விஜயகாந்த் விசுவாசிகளாக தேமுதிகவின் நம்பிக்கை நட்சத்திரங்களாக இருப்பதால் அவர்கள் அனைவருக்கும் சீட் கொடுக்க வேண்டிய கட்டாயத்தில் தேமுதிக இருப்பதால்தான் சீட் எண்ணிக்கை விஷயத்தில் பிரேமலதாவால் இறங்கி வர முடியவில்லை என்கிறார்கள்.

விஜயின் பக்கத்துக்குப் போகலாம் என ராகுலுக்கு நெருக்கமான டில்லிப் பிரமுகர்கள் விரும்புகிறார்கள்.தமிழக காங்கிரஸ் தலைவர்கள் சிலர் இதற்கு தலை ஆட்டுகிறார்கள். திமுகவுடன்  கூட்டணி இருப்பதால் நாடாளுமன்றத்திலும் ராகுலைப் பாதுகாக்க முடிகிறது. காங்கிரஸின் முடிவுக்காக ஸ்டாலின்  பொறுமையாக இருக்கிறார். வெளியேறினால்  கூட்டணிக் கட்சிகளுக்கு அதிக தொகுதிகளை ஒதுக்கும் முடிவில் ஸ்டாலின்  இருக்கிறார்.

இதேவேளை தீயசக்தி, தூயசக்தி என சவால் விட்ட விஜய்க்கு உச்ச நீதிமன்றம் குட்டு வைத்துள்ளது.வருமான வரித்துறை விதித்த  1.5 கோடி  ரூபா அபராதம் செல்லும் என்று சென்னை உயர்நீதிமன்றத்தின் தீர்ப்பு, அரசியல் ரீதியாக விஜய்க்கு மிகப்பெரிய பின்னடைவு  ஏற்பட்டுள்ளது .புலி படத்தில் நடித்ததற்கு வாங்கிய  1.5 கோடி  ரூபா  சம்பளத்தை கணக்கில் காட்டாமல் வரி ஏய்ப்பு செய்ததாக விஜய் மீது வழக்கு பதிவு செய்யப்பட்டது. இதையடுத்து வரி ஏய்ப்பு செய்ததாக விஜய்க்கு வருமான வரித்துறை தரப்பில்  1.5 கோடி  ரூபா அபராதம் விதிக்கப்பட்டது. 2022 ஜூன் 30ல் பிறப்பிக்கப்பட்ட உத்தரவை எதிர்த்து சென்னை உயர்நீதிமன்றத்தில் விஜய் வழக்கு தொடர்ந்தார்.

ஆவணங்களை வருமான வரித்துறையினர் ஆய்வு செய்த போது  1.5 கோடி  ரூபா வருமானத்தை கணக்கில் காட்டாதது கண்டுபிடிக்கப்பட்டது. இதன்பின் விஜய் தொடர்ந்து வழக்கின் விசாரணையின் போது வருமான வரித்துறை தரப்பில் பதில் மனு தாக்கல் செய்யப்பட்டது. அப்போது விஜய் தரப்பில் கால தாமதமாக அபராதம் விதிக்கப்பட்டதாக வாதிடப்பட்டது. இறுதியாக விஜய்க்கு விதிக்கப்பட்ட 1.5 கோடி  ரூபா அபராதம் செல்லும் என்று தீர்ப்பளித்த சென்னை உயர்நீதிமன்றன், விஜய்யின் மனுவை தள்ளுபடி செய்து உத்தரவிட்டது. இது அரசியல் தளத்தில் விஜய்க்கு மிகப்பெரிய பின்னடைவாக மாறியுள்ளது.

அரசியலுக்கு வந்த பின் சினிமாவின் உச்சத்தை விட்டுவிட்டு வந்துள்ளேன் என்ற ஒரு பில்டப் இருந்தது. தற்போது நீதிமன்றம் அளித்துள்ள தீர்ப்பு அரசியல் கட்சித் தலைவருக்கு எதிராக அளிக்கப்பட்ட தீர்ப்பாகவே கருதப்படும். இதனால் விஜய் கூறி வந்த தூயசக்தி என்ற பிம்பம் உடைக்கப்பட்டு, விஜய் ஒரு மாயசக்தி என்று விமர்சனங்கள் வைக்கப்படும்.

 இது அரசியல்வாதி விஜய்க்கு மிகப்பெரிய பின்னடைவு. பொது வாழ்க்கையில் ஈடுபடுவோர் தங்களை தூய்மையானவர்களாக வைத்துக் கொள்ள வேண்டும். தூய சக்தி என்றால் நாம் அதனை நிரூபிக்க வேண்டும். விஜய் மீது அரசை ஏமாற்றிய குற்றம் நிரூபிக்கப்பட்டுள்ளது. இதன் காரணமாகவே அபராதம் விதிக்கப்பட்டிருக்கிறது. அதேபோல் விஜய்யின் வீட்டில் நடந்த ரெய்டு அடிப்படையில், வருமானத்தை மறைத்ததும் கண்டுபிடிக்கப்பட்டுள்ளது.

தனால் கறுப்புப் பணம் என்ற விமர்சனத்தை முன் வைத்து வரும் அதிமுக இன்னும் அதிகமாக தாக்கும். அதேபோல் விஜய் வெறும் வாய் சொல் வீரர் என்ற திமுகவின் வாதம் எடுபட தொடங்கும். அரசியலுக்கு வந்த பின் விஜய் இந்த வழக்கை வாபஸ் பெற்றிருக்க வேண்டும். இந்த விவகாரத்தை திமுக கையில் எடுக்கும் இதனை எதிர்த்து விஜய் மேல்முறையீடு செய்வார் என்றும் எதிர்பார்க்கப்படுகிறது.

நீதிமன்றத்தால் தண்டிக்கப்பட்ட அரசியல்வாதி என்ற பிம்பம் விஜய் மீது படிந்துள்ளது.

 

ரமணி

8/2/26