முன்னணி வீராங்கனைகளின் கிளர்ச்சியைத் தொடர்ந்து பிரான்ஸ் பெண்கள் அணியின் உதைபந்தாட்ட பயிற்சியாளர் டயக்ரே பதவி நீக்கம் செய்யப்பட்டுள்ளார் , பிரெஞ்சு கால்பந்து கூட்டமைப்பு (FFF) வியாழக்கிழமை அறிவித்தது.
48 வயதான அவர் 2024 வரை ஒப்பந்தத்தில் இருந்தார், ஆனால் கப்டன்
வெண்டி ரெனார்ட் கடந்த மாதம் அவர் அணிக்காக இனி விளையாடப் போவதில்லை என்று அறிவித்த
பின்னர் கடுமையான அழுத்தத்திற்கு ஆளானார், சக நட்சத்திரங்களான காடிடியாடோ டியானி ,மேரி-ஆன்டோனெட்
கட்டோடோஆகியோரும் டயக்ரேயின் கீழ் விளையாடப் போவதில்லை என அறிவித்தனர்.
ஆஸ்திரேலியா நியூசிலாந்து
ஆகிய நாடுகளில் நடைபெறும் உலகக் கிண்ணப் போட்டிக்கு
நான்கு மாதங்களுக்கு முன்னதாகவேபயிற்சியாளர் நீக்கப்பட்டுள்ளார். தர வரிசையில் ஐந்தாவது இடத்தில் உள்ள பிரான்ஸ் அணி பிரதான அணியாகக்
கணிக்கப்பட்டுள்ளது.
142 போட்டிகளில் விளையாடிய லியோன் டிஃபெண்டர் ரெனார்ட், உலகின்
சிறந்த வீரர்களில் ஒருவராக பரவலாகக் கருதப்படுகிறார், கடந்த மாதம் உலகக் கிண்ணப் போட்டியில்
விளையாடப்போவதில்லை என அறிவித்தார்
பாரிஸ் செயின்ட்-ஜெர்மைன் ஃபார்வர்ட் டயானி, பிரெஞ்சு லீக்கில்
அதிக கோல் அடித்தவர், ரெனார்ட்டைப் போலவே கடந்த ஆண்டு பலோன் டி'ஓருக்கு பரிந்துரைக்கப்பட்டார்,
அவரது PSG அணி வீரர் , அவரும் கிளர்ச்சி செய்தார்.
"நாங்கள் திரும்பிச் செல்ல முடியாத நிலையை அடைந்துள்ளோம்.
பெண்களால் அதைச் சமாளிக்க முடியாது,” என்று கடந்த வார இறுதியில் ஒளிபரப்பு நிறுவனமான
TF1 இடம் டயானி கூறினார், ஆனால் டயக்கரை நீக்கியதால், அந்த நட்சத்திரங்கள் மீண்டும்
விளையாடும் சந்தர்ப்பம் ஏற்பட்டுள்ளது.
டயக்ரே AFP இடம் புதனன்று "அவமானகரமான ஊடக வெடிப்புக்கு"
பலியாகிவிட்டதாகவும், "எனது வேலையைச் செய்வதற்கும், எல்லாவற்றிற்கும் மேலாக, அடுத்த
உலகக் கோப்பையில் பிரான்ஸைப் பெருமைப்படுத்துவதற்கும் முழு உறுதியுடன் இருப்பதாகவும்"
கூறினார்.
அடுத்த ஆண்டு பாரிஸில் நடைபெறவுள்ள ஒலிம்பிக் போட்டிகள் வரை டயகரே நீடிப்பார் என்ற நம்பிக்கை இருந்தது.
No comments:
Post a Comment