Sunday, February 23, 2014

ஒளி அரசி


இல்லத்தரசியின் தோழியான ஒளி அரசியின் மாசி மாத  இதழ் காதலர் தின ஸ்பெஷல் என்ற அட்டைப்பட வாசகத்துடன் வெளிவந்துள்ளது. நல்லதொரு குடும்பம் என்ற இலக்கை இல்லத்தரசிகளின் ஆதரவுடன்தான் அடையமுடியும். இல்லறத்தை இனிதாக்கும் பெண் அர்ப் பணிப்புடன் செயற்படும்போது  நல்ல தொரு குடும்பம்  என்ற இலக்கை அடையலாம் என்ற ஆசிரியர் தலையங்கம் பெண்களுக்குப் பெருமை சேர்க்கிறது.

நட்சத்திர இல்லத்தரசியாக ஜொலிக்கிறார் யாழ். மாவட்ட மேலதிக அரசாங்க அதிபர் திருமதி ரூபனி வரதலிங்கம். இம்மாத முஸ்லிம் மங்கையாக சம்மாந்துறை அல்-மர்ஜான் முஸ்லிம் மகளிர் கல்லூரி அதிபர் ஹாஜியானி ஹபீறா சலிம் திகழ்கிறார்.
குடும்பத்தின் குலவிளக்கு பெண், ரொமான்ஸ் இரகசியங்கள், உள்ளத்தை உருக்கும் உண்மைச்சம் பவம் வளர்இளம் பராயத்தைக் கடந்த பெண்களுக்கான மருத்துவக் கவனிப்புப் பற்றிய ஆலோசனையை டாக்டர் எஸ். அருள் ராமலிங்கம் வழங்கியுள்ளார். உளத்தூய்மை அழகை வெளிப்படுத்தும், அசாதாரண வெற்றியின் பின்னணிகள் பற்றி வெற்றியாளர் வாபன் ஷர்மா வின் அனுபவம், பெண்கல்வியின் முக்கியத்துவம், வீட்டுப் பராமரிப்பைச் சீராக்கும் வழிகள்,  விலை கொடுத்து வாங்கும் நோய்கள் போன்ற ஆக்கபூர்வமான கட்டுரைகள் இந்த இதழை அலங்கரிக்கின்றன.

நல்லதொரு குடும்பம் கட்டுரை போட்டியில் பரிசுபெற்ற கட்டுரை இல்லத்தரசியின் சுயதொழில் வழி காட்டல், சமையல் குறிப்பு, பாரதீ குறும்பட விமர்சனம், காலத்தால் அழியாத தெய்வீகக்காதல், அம்காபதி அமராவதி காதல், பொதிகை மணம்,  மனைவி தேடிக் கொடுத்த காதலி, தொடர்கதை,  விளையாட்டு, ஈ.மெயிலைக் கண்டு தமிழின் விவரம் என்பனவும் ஒளி அரசிக்கு சிறப்புச் சேர்க்கிறது.
பெப்ரவரி மாதம் பிறந்த சிறுவரின் அழகிய வண்ணப்படம், புதுமணத்தம்பதிகளின் வாழ்த்தும் மணக்கோலப் படங்கள் என்பவற்றை இலவசமாகப் பிரசுரிப்பதன்  மூலம் ஒளி அரசி பெருமைப்படுகிறாள். சிறுவர்களுக்கான கணித, புதிர்ப்போட்டிகள் என்பனவற்றுடன் சமய அறிவு விருத்திக்கான பரிசுப் போட்டிகளும் ஒளி அரசியில் உள்ளன.
ஊர்மிளா
 சுடர் ஒளி 16/02/14



No comments: