டோக்கியோ ஒலிம்பிக்கில் பங்கு பற்றும் பிஜி நாட்டு வீரர்கள், சரக்கு விமானத்தில் ஜப்பானுக்குச் சென்றனர். கொரோனா காரணமாக பசுபிக் தீவு நாடுகளின் விமானப் போக்கு வரத்து நெருக்கடியில் உள்ளது. அதன் காரணமாக உறைய வைக்கப்பட்ட மீன், உட்பட மற்றும் பல பொருட்களுடன் ஒலிம்பிக் வீரர்கள் பயணம் செய்தனர்.
றியோ 2016 ஒலிம்பிக்கில் அறிமுகமான றக்பி செவன் போட்டியிலும் கடந்த வாரம் பசுபிக் றக்பி செவன் போட்டியிலும் தங்கம் வென்ற வீரர்களும் இந்த சரக்கு விமானத்தில் ஜப்பானுக்குச் சென்றனர். அவுஸ்திரேலியாவில் நடைபெற்ற றக்பி இறுதிப் போட்டியில் தங்கம் வென்ற பிஜி வீரர்கள் அங்கிருந்து ஜப்பான் செல்வதற்கு ஏற்பாடு செய்யப்பட்டது. விமானம் கிடைக்காமையினால் அவர்கள் பிஜிக்குச் சென்று மற்றைய வீரர்களுடன் இணைந்தனர்.தடகளம், ரெனிஸ்,கோல்ஃப் போன்ற போட்டிகளில் விளையாடும் வீரர்கள் முன்னதாக சென்றுவிட்டனர்
கொரோனா தொற்று காரணமாக பசிபிக் நாடுகளுக்கான வணிக
பயணிகள் விமானங்கள் பற்றாக்குறையாகிவிட்டன. பிஜி அணிக்கு டோக்கியோவுக்கு பயணம் ஏற்பாடு
செய்வது ஒரு "தளவாட சவால்" என்று பிஜி விளையாட்டு மற்றும் தேசிய ஒலிம்பிக்
குழுவின் தலைமை நிர்வாகி லோரெய்ன் மார் தெரிவித்தார்.
சுமார் 51 விளையாட்டு வீரர்களும், அதிகாரிகளும், பிஜியின் பிரதான சர்வதேச விமான நிலையமான
நாடியில் புறப்பட்டனர். இது வழக்கமாக திட்டமிடப்பட்ட சரக்கு விமானமாகும், இது பயணிகளுக்கு
ஓரளவு திறன் கொண்டது. இது விளையாட்டு வீரர்களுக்குப் பழக்கமில்லாத
பயணமாகும்.
பிஜி ஒலிம்பிக் அணியில் ஒரு டிராக் அண்ட் ஃபீல்ட் தடகள வீரர், இரண்டு நீச்சல் வீரர்கள், ஒரு டேபிள் டென்னிஸ் வீராங்கனை, தற்போது ஜப்பானில் வசிக்கும் ஒரு ஜூடோ போட்டியாளர் ஆகியோர் உள்ளனர். ஜப்பானில் இருந்து விளையாட்டு வீரர்கள் வெளியேறுவதைக் கையாள்வதும் ஒரு சவால் என்றார் பிஜியின் விளையாட்டுக் குழுத்தலைவர் மார். ஐ.ஓ.சி விளையாட்டு வீரர்கள் தங்கள் போட்டிகள் முடிந்த 48 மணி நேரத்திற்குள் ஒலிம்பிக் கிராமத்தை விட்டு வெளியேற வேண்டும். ஏழு போட்டிகள் முடிந்ததும், வெளியேற்றப்பட்ட அல்லது பிற விளையாட்டு வீரர்களையும் ஏற்றிச் செல்லக்கூடிய ஃபிஜிக்கு ஜூலை 29 அன்று டோக்கியோவிலிருந்து நாடிக்கு ஒரு விமானம் முன்பதிவு செய்யப்பட்டுள்ளது. மற்றொரு விமானம் ஆகஸ்ட் 10 அன்று முன்பதிவு செய்யப்படுகிறது. விமானங்களை உடனடியாகப் பெற முடியாத விளையாட்டு வீரர்கள் ஒலிம்பிக் கிராமத்தில் தங்குவதற்கு ஐ.ஓ.சி அனுமதி வழங்கும் என மார் நம்புகிறார்.
பசிபிக் தீவு நாடுகளில் ஒன்றான சமோவா,
கோரோனா தொற்று காரணமாக ஏற்கனவே தனது மூன்று பழுத்தூக்கும் வீரர்களை விலக்கிக்கொண்டுள்ளது. வெளிநாட்டைச் சேர்ந்த
எட்டு சமோவான் விளையாட்டு வீரர்கள் போட்டியிடுவார்கள்
என அரிவிக்கப்பட்டுள்ளது. அவுஸ்திரேலியாவை
தளமாகக் கொண்ட இரண்டு குத்துச்சண்டை வீரர்கள், நியூசிலாந்தை தளமாகக் கொண்ட நான்கு படகு
வலிக்கும் வீரர்கள் , அமெரிக்காவை தளமாகக்
கொண்ட ஒரு தட தடகள வீரர், ஜப்பானை தளமாகக்
கொண்ட ஜூடோகா ஆகியோர் ஒலிம்பிக்கில் பங்குபற்றுவார்கள்
என அறிவிக்கப்பட்டுள்ளது.
பசுபிக் தீவுகளில் உள்ள நாடுகளில் ஒன்றான டோங்கா ஆறு போட்டியாளர்களை அனுப்புகிறது. அவர்களில் இருவரைத் தவிர மற்றையவர்கள் வெளிநாடுகளில் உள்ளனர். ரியோ விளையாட்டுகளின் தொடக்க விழாவில் டோங்கன் மேலங்கி இல்லாது கொடியை ஏந்திச் சென்றதற்காக “நிர்வாண டோங்கன்” எனப் பெயரெடுத்த பிடா ட ஃபடோஃபுவாவும் அடங்குவார்.
