வெள்ளை பவுடர் ஊதி இங்கிலாந்தை அலறவிட்ட ஆப்ரிக்க மந்திரவாதி

உலகமே   உலகக் கிண்ண உதைப்ந்தாட்டத்தை  உற்றுநோக்கி வரும் நிலையில், உலகக்கிண்ணப் போட்டியை  ஜுஜு' மந்திரவாதி  உலுக்கிக்கொண்டு இருக்கிறா உலகக் கிண்ண உதைப்ந்தாட்டத்  திருவிழா என்றாலே மைதானத்தில் நடக்கும் ஆட்டத்தை விட, பார்வையாளர்கள் மத்தியில் நடக்கும் விசித்திரமான சம்பவங்கள் பல நேரங்களில் உலக அளவில் ட்ரெண்டாகிவிடும்.

 "Don't Argue With the Juju" (ஜுஜுவிடம் வம்பு வச்சுக்காதீங்க!) என்ற வாசகத்தோடு, வெள்ளை பவுடரை காற்றில் ஊதி ரசிகர்களை மிரள வைத்த கானா நாட்டின் 'மந்திரவாதி' ஒருவரின் வீடியோவும் புகைப்படங்களும் தற்போது இணையத்தில் காட்டுத்தீயாய் பரவி வருகின்றன.  போஸ்டன் மைதானத்தில் நடந்த இங்கிலாந்து ,கானா  ஆகிய அணிகளுக்கு இடையிலான குரூப் ஸ்டேஜ் போட்டியின் போதுதான் இந்த சுவாரசிய சம்பவம் அரங்கேறியது. போட்டி விறுவிறுப்பாகச் சென்று கொண்டிருந்த நேரத்தில்,பார்வையாளர் மாடத்தில்  இருந்த கானா நாட்டின் தீவிர ரசிகர் ஒருவர், திடீரென விசித்திரமான ஆடை அணிந்து, கைகளில் ஏதோ ஒரு வெள்ளை பவுடரை கொட்டி, அதை மைதானத்தை நோக்கி காற்றில் பலமாக ஊதினார். இதைப் பார்த்த இங்கிலாந்து ரசிகர்கள் அதிர்ச்சியடைந்து, "யார்டா இவன்? மைதானத்துக்குள்ளேயே நமக்கு 'ஜுஜு' (ஆப்பிரிக்க மாந்திரீகம்) வைக்கிறான்! இவன்கிட்ட யாரும் வம்பு வச்சுக்காதீங்க" என சமூக வலைதளங்களில் பதிவிட, அதுவே உலகளாவிய ட்ரெண்டாக மாறியது.

 இந்த வெள்ளை பவுடர் ஆட்டம் வெறும் தற்செயலானது அல்ல, இதன் பின்னணியில் ஒரு பெரிய கதையே இருக்கிறது. கானாவின் புகழ்பெற்ற பாரம்பரிய பூசாரியான 'நானா குவாகு போன்சாம்' (Nana Kwaku Bonsam), இங்கிலாந்து அணியுடன் மோதும் முன்பு பிரிட்டிஷ் ஊடகங்களுக்கு ஒரு பகீர் பேட்டி அளித்திருந்தார். அதில், "இங்கிலாந்து அணியின் கப்டனும், நட்சத்திர ஸ்ட்ரைக்கருமான ஹாரி கேன்  இந்த போட்டியில் கோல் அடிக்க முடியாதபடி நான் ஆன்மீகக் கட்டு (Juju) போட்டுள்ளேன்" என வெளிப்படையாக சவால் விட்டிருந்தார்.

ஆச்சரியம் என்னவென்றால், போட்டியில் இங்கிலாந்து அணி ஆரம்பம் முதலே ஆதிக்கம் செலுத்தியது. கானா கோல் போஸ்ட்டை நோக்கிப் பாய்ந்த பந்துகள் அனைத்தும் ஏனோ கோலாக மாறவில்லை. குறிப்பாக, உலகத்தரம் வாய்ந்த ஹாரி கேனுக்கு மிக எளிதாக கோல் அடிக்கக் கிடைத்த ஒரு பொன்னான வாய்ப்பை, அவரே எதிர்பாராத விதமாக கோல் போஸ்ட்டிற்கு மிக உயரமாக அடித்து பாழாக்கினார். முடிவில், அசுர பலம் கொண்ட இங்கிலாந்து அணியை 0-0 என்ற கணக்கில் சமன் செய்து, கானா அணி மிரட்டலான ஒரு புள்ளியைப் பெற்றது. இதனால், அந்த கானா ரசிகர் காற்றில் ஊதிய வெள்ளை பவுடர் நிஜமாகவே வேலை செய்துவிட்டது என ரசிகர்கள் நம்பத் தொடங்கிவிட்டனர்.  பனாமாவுக்கு எதிரான போட்டியிலும் இதேபோல் பவுடர் ஊதி கானா வென்ற நிலையில், தற்போது இங்கிலாந்தையும் முடக்கியுள்ள இந்த 'ஜுஜு' மந்திரவாதிதான்  தற்போதைய ஹாட் டாபிக்!

 

கலக்கியது கானா தடுமாறியது இங்கிலாந்து

  உலகக்  கிண்ண  குரூப் L போட்டியில்  கானாவை எதிர்த்து விளையாடிய இங்கிலாந்து  0-0 என்ற கோல் கணக்கில் சமன் செய்தது. 

  நடப்பு உலகக் கோப்பை கால்பந்து போட்டியில் குரோஷியாவுக்கு எதிரான ஆட்டத்தில் சிறப்பான தாக்குதல் ஆட்டத்தை வெளிப்படுத்தி அபார வெற்றி பெற்ற இங்கிலாந்து அணி மிகுந்த உற்சாகத்தில் இருந்தது. ஆனால், கானாவுக்கு எதிரான லீக் ஆட்டம் அவர்களுக்கு எளிதாக அமையவில்லை. உலகக் கிண்ணத்தின்   கடினமான யதார்த்தத்தை இங்கிலாந்து அணிக்கு உணர்த்திய ஒரு கடுமையான சோதனையாகவே இந்தப் போட்டி அமைந்தது. முந்தைய ஆட்டத்தில் குரோஷியா அணி இங்கிலாந்தின் மீது அழுத்தத்தை செலுத்த தீவிரமாக முயன்றது. இது இங்கிலாந்து வீரர்களுக்கு சாதகமாக அமைந்து எளிதாக கோல் அடிக்க வழிவகுத்தது. ஆனால் கானா அணியோ முற்றிலும் மாறுபட்ட வியூகத்தைக் கையாண்டது. அவர்கள் பின்வாங்கி தற்காப்பதில் மட்டுமே தீவிர கவனம் செலுத்தினர். பயிற்சியாளர் தாமஸ் துஷெலின் இங்கிலாந்து அணி நீண்ட நேரம் பந்தை தன் வசம் வைத்திருக்க கானா அனுமதித்தாலும், கோல் பகுதிக்குள் அவர்களை ஊடுருவ விடாமல் மிகச் சிறப்பாக தடுத்தது  இத்தகைய நெருக்கடியான சூழ்நிலைகளில் ஆட்டத்தின் போக்கை மாற்றி கோனாவின் கோல் அரணை உடைக்கும் ஆட்டம் இங்கிலாந்து வீரர்களிடம் தென்படவில்லை. துரதிர்ஷ்டவசமாக இந்த ஆட்டத்தில் இங்கிலாந்து வீரர்களால் கோல் அடிக்க முடியல்லை. 

  உலகத் தரவரிசையில் 64-வது இடத்தில் உள்ள கானா அணி, முன்னணி அணியான குரோஷியாவை விட இங்கிலாந்திற்கு மிரள வைக்கும் சவாலை அளித்தது. இந்த வலுவான தற்காப்பு வியூகத்தை முறியடிப்பதற்கான மாற்றுத் திட்டங்கள் இங்கிலாந்திடம் இல்லாததே இந்த ஏமாற்றத்திற்கு முக்கியக் காரணமாக அமைந்தது என   விமர்சகர்கள் கருதுகின்றனர். 

இரண்டு போட்டிகளில் இருந்து இங்கிலாந்தும் கானாவும் தற்போது தலா நான்கு புள்ளிகளுடன் சமநிலையில் உள்ளன. கோல் வித்தியாசத்தின் அடிப்படையில் இங்கிலாந்து 'L' பிரிவில் முன்னிலை வகிக்கிறது. 

 

கானா வீரர் துருக்கியில் மரணம்

உலகக்கிண்ண  உதைபந்தாட்டப் போட்டியில் கானா அணியின்  தேசிய வீரரும்,, முன்னாள் பிரீமியர் லீக் வீரருமான கிறிஸ்டியன் அட்சு, துருக்கி  நிலநடுக்கத்திற்குப் பிறகு கிட்டத்தட்ட இரண்டு வாரங்களுக்குப் பிறகு அவரது வீட்டின் இடிபாடுகளில் இறந்து கிடந்தார்.31 வயதான அவர் ப‌ப்ரவரி 6 பேரழிவு காரணமாக காணாமல் போனார்.

"  கிறிஸ்டியன் அட்சுவின் உடல்   மீட்கப்பட்டது என்பதை அனைத்து நலம் விரும்பிகளுக்கும் நான் மிகவும் கனத்த இதயத்துடன் அறிவிக்க வேண்டும்" என்று அட்சுவின் முகவர் நானா செச்செரே ட்விட்டரில் உறுதிப்படுத்தினார் .

அட்சு கானாவுக்காக 65 போட்டிகளில் விளையாடி ஒன்பது கோல்களை அடித்தார்  2014 ஆம் ஆண்டு  உலகக் கிண்ணப் போட்டியில் விளையாடினார்.அவர் 2015 ஆப்பிரிக்கா கோப்பை நேஷன்ஸில் போட்டியின் வீரராக தேர்ந்தெடுக்கப்பட்டார், அங்கு பிளாக் ஸ்டார்ஸ் இரண்டாம் இடத்தைப் பிடித்தது. அவர் ஐந்து வருட காலப்பகுதியில் பிரீமியர் லீக் அணிக்காக 121 போட்டிகளில் விளையாடினார்.

அட்சு தனது மனைவி மேரி-கிளேர் ரூபியோ அட்சு மற்றும் அவர்களது மூன்று குழந்தைகளை விட்டுச் செல்கிறார்.

உலகக்கிண்ண தோல்வியின் எதிரொலி மூன்று பயிற்சியாளர்கள் இராஜினாமா

 உலகக்கிண்ண உதைபந்தாட்டப் போட்டியில்  நொக் அவுட் சுற்றுக்கு தகுதி பெறத் தவறியதால்  பெல்ஜியம்,கானா,மெக்ஸிகோ ஆகிய அணிகளின் பயிற்சியாளர்கள் இராஜினாமாச் செய்துள்ளனர்.

கானா பயிற்சியாளர்  ஓட்டோ அடோ ,  தென் கொரியாவுக்கு எதிரான  போட்டியில் வெற்றி பெற்றதால்   கானா ரசிகர்கள் அடோமீது நம்பிக்கை வைத்தனர்.   தகுதிச் சுற்றில் நைஜீரியாவை வீழ்த்தி   உலகக் கிண்ணப் போட்டிக்கு கானா தகுதி பெற்றது.  உலகக் கிண்ணப் போட்டியில்  இதுவரை விளையாடிய சிறந்த கானா அணி இதுவாகும்.
பெல்ஜியத்தின் பயிற்சியாளர்  ராபர்டோ மார்டினெஸ் பயிற்சியாளராகத் தொடரப்போவதில்லை என அறிவித்துள்ளார்.  2016 ஆம் ஆண்டு முதல் மார்டினெஸ் பயிற்சியாளராகப் பணியாற்றினார்.   2016 யூரோவில் காலிறுதி, 2018 உலகக் கிண்ணப் போட்டியில்  3 வது இடம் மற்றும் 2020 யூரோவில் காலிறுதி என அணியை முன்னேற்றினார்..
கானா பயிற்சியாளர் ஓட்டோ அடோ, ஒரு மோசமான குழு நிலைக்குப் பிறகு தலைமைப் பயிற்சியாளர் பதவியை இராஜினாமா செய்தார், இது அவரது  உருகுவேக்கு எதிரான போட்டியில் மிக  மோசமாகச் செயற்பட்டது.

பதவியைத் தொடருவதா அல்லது விலகுவதா என்ற மனநிலையில்  உள்ள பயிற்சியாளர்களின் பட்டியல் ஃபெலிக்ஸ் சான்செஸ் (கத்தார்), கார்லோஸ் குய்ரோஸ் (ஈரான்), ராப் பேஜ் (வேல்ஸ்), காஸ்பர் ஹ்ஜுல்மண்ட் (டென்மார்க்), டியாகோ அலோன்சோ (உருகுவே), டிராகன் ஸ்டோஜ்கோவிக் (சேர்பியா), , ஹன்சி ஃபிளிக் (ஜேர்மனி) .