போலியான ஒலிம்பிக் தீபத்துடன் ஓடிய நிர்வாண இளைஞன் ஒருவன் கைது செய்யப்பட்டான். லண்டன் 2012 ஒலிம்பிக் போட்டிகள் தொடங்குவதற்கு இன்னமும் 14 நாட்களே உள்ள நிலையில் பிரித்தானியாவில் ஒலிம்பிக் தீபத்தை ஏந்திச் செல்லும் 70 நாள் அஞ்சலோட்ட நிகழ்வின் 53 ஆவது நாளைய ஒலிம்பிக் தீபம் ஏந்தல் நிகழ்வு இடம் பெற்றுக் கொண்டிருந்தபோது எதிர்பாராத விதமாக இளைஞரொருவர் நிர்வாணக் கோலத்தில் போலியான ஒலிம்பிக் தீபமொன்றைத் தனது கையிலேந்திய வண்ணம் ஓடியதால் பார்வையாளர்களிடையே பெரும் பரபரப்பு காணப்பட்டது.
ஒக்ஸ்போட் ஷயர் நகரத்தின் ஊடாக சென்று கொண்டிருந்த அந்த ஒலிம்பிக் தீப அஞ்சலோட்ட நிகழ்வைக் கண்டுகளித்துக் கொண்டிருந்த நூற்றுக்கணக்கான பார்வையாளர்கள் அந்தப் பரட்டைத் தலை நிர்வாண மனிதன் அங்கு குழப்பம் விளைவித்ததை நேரில் அவதானித்துக் கொண்டிருந்தனர். ஹென்லி நகர் வாசியொருவர் இதுபற்றி கூறுகையில்,
சனக் கூட்டத்திலிருந்து வெளியே வந்த நிர்வாண இளைஞன் போலியான தீபத்தை ஏந்தியபடி ஓடிக்கொண்டிருந்தான் என்றார்.
சுற்றுச் சூழல் விஞ்ஞானியான அன்ட்ரூ ரின்ஸ் லீ தெரிவிக்கையில், அந்த இளைஞன் எங்கிருந்தும் வரவில்லை. தருணத்தை எதிர்ப்பார்த்து காத்திருந்த அவன் தான் நினைத்ததைச் சாதித்து விட்டானென்றே கூற வேண்டும் என்றார்.
மெட்ரோநியூஸ்13/07/12
No comments:
Post a Comment