எலினா ஸ்விடோலினா அவரது கணவன் கேல் மான்ஃபில்ஸ் ஜோடி செவ்வாயன்று நடந்த போட்டியில் கேடரினா சினியாகோவா ,ஹென்றி பேட்டன் ஜோடியை 5-4 (6), 4-5 (3) (10-8) என்ற கணக்கில் வீழ்த்தி, கலப்பு இரட்டையர் அரையிறுதிக்கு முன்னேனர்.
செப்டம்பர் 1-ஆம் திகதி 40 வயதை எட்டவிருக்கும் மான்ஃபில்ஸ், 2016-ஆம் ஆண்டு யு.எஸ். ஓபன் அரையிறுதிக்கு முன்னேறினார். அவரை விட எட்டு வயது இளையவரான ஸ்விடோலினா, 2019-ஆம் ஆண்டு ஃபிளஷிங் மெடோஸில் இறுதி நான்கு சுற்றுக்கு முன்னேறினார்.
ஆண்கள் மற்றும் பெண்கள் இரட்டையர் பிரிவுகளில் முதல் தரவரிசையில் உள்ள வீரர்களைக் கொண்ட ஒரு அணியை வீழ்த்திய பிறகு, இப்போது இது மற்றொரு அரையிறுதிப் போட்டியாகும் — அதுவும் எதிர்பாராத ஒன்று.
பிரான்சைச் சேர்ந்த மான்ஃபில்ஸுக்கு ஒற்றையர் போட்டிக்கு வைல்டு கார்டு வழங்கப்பட்டது. அவருக்கும், உக்ரைனைச் சேர்ந்த ஸ்விடோலினாவுக்கும் கலப்புப் போட்டியில் பங்கேற்க வைல்டு கார்டுகள் வழங்கப்பட்டன. அவர்கள் 2021-ல் திருமணம் செய்துகொண்டனர், அடுத்த ஆண்டு அவர்களின் மகள் ஸ்காய் பிறந்தார்.
நியூயார்க்கில் தாங்கள் களத்தில் இருப்போமா என்பதில் முதலில் அவர்களுக்கு உறுதியாகத் தெரியாததால், திங்கட்கிழமை வரை தங்கள் தந்திரோபாயங்களில் கூட பயிற்சி செய்யாமல், எந்த எதிர்பார்ப்பும் இல்லாமல் நுழைந்ததாக ஸ்விடோலினா கூறினார்.
"அதாவது, நாங்கள் வீட்டிலோ அல்லது போட்டிகளிலோ ஒன்றாக நிறைய பயிற்சி செய்கிறோம். நேற்றுதான் இரட்டையர் ஆட்டத்திற்காக சில விஷயங்களில் பயிற்சி செய்தோம்," என்று ஸ்விடோலினா கூறினார்.
