பாரதீயஜனதாவுக்கு எதிராக ஒன்று சேர்ந்த தமிழகக் கட்சிகள்

பாரதீய ஜனதாக் கட்சி பதவி  ஏற்ற பின்னர் சத்தம் இல்லாமல் செய்து வரும் காரியங்களால் தமிழ் நாட்டுக்கும் இந்தியாவுக்க்கும் பாதிப்பு ஏற்படும் என  தமிழகத் தலைவர்கள் அஞ்சுகிறார்கள்>

ஒரே நாடு ஒரே தேர்தல், தொகுதி மறுசீரமைப்பி ஆகிய இரண்டு  திட்டங்களை அமுல் படுத்துவதில் பாரதீய ஜனா அரசு முஐப்புக் காட்டி வருகிறது.மத்திய அரசுத் தேர்தலையும்,மாநிலத் தேர்தலையும்  ஒரே நாளில் நடத்த வேண்டும் என்பதில் பாரதீய ஜனதா  பிடிவாதமாக உள்ளது.அதற்காக ஒரு ஆணைக்குழுவை நியமித்து ஒப்புதல் பெற்றுள்ளது.ஆணைக்குழுவில் இருபவர்கள் அனைவரும் அரசாங்கத்தின் நிகழ்ச்சிகளுக்கு ஒத்து ஊதுபவர்கள் என்பது கடந்த கால வரலாறு.

இப்போது தொகுதி மறு சீரமைப்புப்பற்றி  அமித்ஷா உரக்கப் பேசுகிறார். தமிழக எதிர்க் க்டசித் தலைவர்களும்,  மத்திய அரசுக்கு ஆதரவு தெரிவிக்கும் சில  தலைவர்களும் கடும் எதிர்ப்புக் காட்டுகின்றனர்.தமிழக பாரதீய ஜனதா கட்சி, , தமிழ் மாநில காங்கிரஸ், நாம் தமிழர் கட்சி, புதிய தமிழகம், புதிய நீதி கட்சி உள்ளிட்ட ஐந்து கட்சிகளைத் தவிர அனைத்து கட்சி கூட்டத்திற்கு அழைப்பு விடுக்கப்பட்டுள்ள மற்ற அனைத்து கட்சிகளும் கலந்து கொண்டன.

  புதிய நாடாளுமன்றத்தை அமைக்கும்  போதே எம்பிக்களில் எண்ணிக்கை அதிகரிப்பதற்கு   ஏற்ற வாரு கட்டப்பட்டது.தற்போது 543 எம்பிக்களும்,245 , மாநிலங்களவி எம்பிக்களும் உள்ளனர். புதிய பாராளுமன்றத்தில் 888 எம்பிக்களும், 348 மாநிலங்களவை உறுப்பினர்களும்  அமரக்கூடிய வசதி உள்ளது.

தொகுதி மறு சீரமைப்புக்கு எதிராக தமிழகத்தில் அனைத்துக் கட்சிக் கூட்டத்தை முதலமைச்சர் ஸ்டலின் நடத்தினார். அங்கு  சில தீர்மானங்களும் நிற வேற்றப்பட்டன.தொகுதி மறுசீரமைப்பு தொடர்பாக மக்களிடையே விழிப்புணர்வை ஏற்படுத்த நாடாளுமன்ற உறுப்பினர்களை கொண்ட கட்சிகளின் பிரதிநிதிகள் அடங்கிய கூட்டு நடவடிக்கை குழு ஒன்றை அமைத்திடவும் அதற்கான முறையான அழைப்பை மேற்படி கட்சிகளுக்கு அனுப்பி வைக்கவும் இக்கூட்டத்தில் தீர்மானம் நிறைவேற்றப்பட்டது. மேலும் 30 வருடத்திற்கு மறு வரையை தள்ளி வைக்கவும் தீர்மானிக்கப்பட்டது.

 848 தொகுதிகளாக அதிகரித்தால், உத்தரபிரதேசத்தில் 63 தொகுதிகள் கூடுதலாக கிடைக்கும், தமிழ்நாட்டிற்கு 10 தொகுதிகள்தான் கூடுதலாகக் கிடைக்கும். எந்தவகையில் பார்த்தாலும், இந்திய ஜனநாயகத்தை, இந்திய நாடாளுமன்றத்தின் தலைமைப் பொறுப்பை வடவர்கள் எடுத்துக்கொள்ளும் சூழலை உருவாக்கும் நிலைதான் ஏற்படும்.

2026 ஆம் ஆண்டு தொகுதி மறு சீரமைப்பு செய்யப்போவதை பொதுவாக மக்கள் தொகை கணக்கிட்டு தான் செய்வார்கள். மக்கள் தொகையை கட்டுப்படுத்த வேண்டும் என்பது இந்திய நாட்டின் மிக முக்கியமான இலக்கு. அந்த இலக்கில் தமிழ்நாடு வெற்றி பெற்று இருக்கிறது. கடந்த பத்து ஆண்டுகளாக வெற்றிகரமாக குடும்ப கட்டுப்பாடு திட்டங்கள், பெண்கள் கல்வி, மற்றும் சுகாதாரம் முன்னெச்சரிக்கை மூலமாக இதை சாதித்து இருக்கிறது.  இப்போது இருக்கின்ற 543 நாடாளுமன்ற தொகுதிகளில் தொடர்ந்து செய்ய இருப்பதால் மக்கள் தொகை குறைவால் எம்பிக்களின் தொகை குறையும் அபாயம் உள்ளது .29 எம்பிக்கள்  இழப்பு ஏற்படும்.

 நாடாளுமன்ற தொகுதியின் எண்ணிக்கை 848 ஆக ஆக உயர்த்தப்பட்டு தற்போதைய விகிதாச்சாரத்தின்படி மறுசீரமைப்பு செய்யப்பட்டால் தமிழகத்துகு  கூடுதலாக 22 தொகுதிகள் கிடைக்க வேண்டும். ஆனால் தற்போதைய மக்கள் தொகையின் படி மறுசீரமைப்பு செய்தால் 10 தொகுதிகள் தான் கூடுதலாக கிடைக்கும். இதனால் 12 கூடுதல் தொகுதிகளை இழக்க நேரிடும்.இந்த இரண்டு முறைகளில் தமிழகத்துக்கான  பிரதிநிதித்துவம் குறைந்து அதிக மக்கள் தொகை கொண்ட மாநிலங்களுக்கு அதிகமாக பிரதிநிதித்துவம் கிடைக்கும்‌.இதனால் தமிழ்நாட்டின் குரல் நசுக்கப்படும. இது வெறும் உறுப்பினர்களை பற்றிய கவலை இல்லை.   தமிழ்நாட்டின் உரிமை சார்ந்த கவலை.நம் தமிழ்நாடு எதிர்கொள்ள இருக்கின்ற முக்கிய பிரச்சினைகளில் எல்லா அரசியல் கட்சிகள் மற்றும் தலைவர்கள் ஒன்றிணைய வேண்டும் என்ற வேண்டுகோளை உங்கள் எல்லாரும் முன் நான் வைக்கிறேன் என ஸ்டாலின் தெரிவித்துள்ளார்.

 அவர் மேலும் தெரிவிக்கையில்,

இந்த தொகுதி மறு சீரமைப்பு என்பது தமிழ்நாட்டுக்கு மட்டுமல்ல ஒட்டுமொத்த தென்னிந்தியாவுக்கே  அபாயமான செயல். இதுக்குள் நமக்கான கருத்து வேறுபாடும் வரும் நிச்சயம் இருக்காது என நினைக்கிறேன். கூடாது என்று விரும்புகிறேன். இந்திய நாட்டின் அமைப்பின் கூட்டாட்சிக்கும், தென் மாநிலங்களின் அரசியல் உரிமைக்கும் இது அச்சுறுத்தலை ஏற்படுத்துகிறது. இது இந்திய ஜனநாயகத்தில் தமிழ்நாட்டிற்கு கிடைக்கிற அரசியல் பிரதிநிதித்துவ உரிமையில் நேரடியான தாக்குதல். இப்படி சமநிதியற்ற அநீதியான தொகுதி மறு சீரமைப்பு செயல்படுத்தப்பட்டால் இந்திய அரசியலமைப்பில் தமிழ்நாட்டின் குரல் நெரிக்கப்படும் என்று  ஸ்டாலின் தெரிவித்தார்.

அனைத்து கட்சி கூட்டத்தில் உரையாற்றிய தலைவர்கள் அனைவரும் மிகவும் காட்டமாகப் பேசினார்கள். பாரதீயஜனதாவுடன்  இணக்கமாகச் செயற்படும் அன்புமணியும் மிகவும் ஆக்ரோஷமாகக்  கருத்துத் தெரிவித்தார்.

தொகுதி மரு சீரமைப்பால் தமிழகத்தின் தொகுதிகள்  குறைக்கப்பட மாட்டாது என அமித்ஷா தெரிவித்துள்ளார்., தி.மு.க. மட்டுமல்ல, கர்நாடகத்தை ஆளும் காங்கிரஸ் கட்சியின் முதலமைச்சரான சித்தராமைய்யாவும் தெலங்கானா மாநிலத்தின் காங்கிரஸ் முதலமைச்சரான ரேவந்த் ரெட்டியும்கூட அமித் ஷாவின் வாக்குறுதியை சந்தேகத்துடனேயே பார்க்கின்றனர்.

கடந்த வெள்ளிக்கிழமையன்று செய்தியாளர்களிடம் "தொகுதி மறுவரையறை தென்னிந்திய மாநிலங்களில் எம்மாதிரி தாக்கத்தை ஏற்படுத்தும் என்பது குறித்து அமித் ஷா தெளிவுபடுத்தவில்லை.

மறுவரையறையால் தென் மாநிலங்களில் தொகுதிகளின் எண்ணிக்கை குறையாது என்கிறாரே தவிர, தென்னிந்தியாவிலும் வட இந்தியாவிலும் எவ்வளவு இடங்கள் அதிகரிக்கும் என்பதைச் சொல்லவில்லை. எந்த அடிப்படையில் அதிகரிக்கும்?" எனக் கேள்வியெழுப்பினார் ரேவந்த் ரெட்டி.

அதேபோல, கர்நாடக முதலமைச்சர் சித்தராமைய்யாவும் அமித் ஷா தென் மாநிலங்களுக்கு அளித்த வாக்குறுதி நம்பத்தகுந்ததல்ல எனக் குறிப்பிட்டிருக்கிறார்.

  முதல்வர் ஸ்டாலின் அனைத்துக் கட்சி கூட்டத்தை கூட்டினார். இந்த கூட்டத்தில் அதிமுக, காங்கிரஸ், விசிக, மதிமுக உள்ளிட்ட 58 கட்சிகள் பங்கேற்றன. கூட்டத்தில் அனைத்து கட்சிகளும் ஒரே நிலைப்பாட்டில் தொகுதி எண்ணிக்கை மறுவரையறையை எதிர்த்தன. இந்த விவகாரத்தை கையாள்வது தொடர்பாக அரசுக்கு ஆலோசனைகளை வழங்கினர்.

அதிமுக சார்பில் கலந்துகொண்ட அக்கட்சியின் அமைப்புச் செயலாளரும் முன்னாள் அமைச்சருமான ஜெயக்குமார், “நாடாளுமன்றத்தில் தமிழ்நாட்டின் 7.2% என்ற தற்போதைய பிரதிநிதித்துவம் குறைக்கப்படக் கூடாது என்று தீர்மானத்தில் சேர்க்க வேண்டும். முதல்வர் கொண்டு வந்த தீர்மானத்துக்கு அதிமுக முழு ஆதரவு அளிக்கிறது” என்று கூறினார்.

பாமக தலைவர் அன்புமணி ராமதாஸ் பேசிய போது, “தொகுதி மறு சீரமைப்பு பற்றிய விழிப்புணர்வை அதிகப்படுத்திடவும், அடுத்தடுத்த போராட்ட செயல் திட்டங்களை வகுக்கவும் நமது முதலமைச்சர் மற்ற மாநிலங்களுக்கு நேரில் சென்று ஒருங்கிணைக்க வேண்டும். அதேபோல, சாதிவாரி கணக்கெடுப்பை நடத்த நடவடிக்கை எடுக்க வேண்டும்” என்றார்.

ஒவ்வொரு மக்கள் தொகை கணக்கெடுப்புக்குப் பிறகும், மக்களவைத் தொகுதிகளை மறுவரையறை செய்ய வேண்டுமென இந்திய அரசமைப்புச் சட்டம் கூறுகிறது. அதன்படி இந்தியாவில் மூன்று முறை தொகுதிகள் மறுசீரமைக்கப்பட்டிருக்கின்றன.

கடைசியாக 1971ஆம் ஆண்டின் மக்கள் தொகை கணக்கெடுப்பை அடிப்படையாக வைத்து, 1973ல் தொகுதிகள் மறுசீரமைக்கப்பட்டன. இதற்குப் பிறகு 1975ல் நெருக்கடி நிலை அமல்படுத்தப்பட்டு, மக்கள் தொகை கட்டுப்பாட்டுத் திட்டங்கள் தீவிரமாக செயல்படுத்தப்பட்டன. இதனால், மக்கள் தொகை நிலைபெறும்வரை தொகுதி மறுவரையறையை நிறுத்திவைக்கத் தீர்மானிக்கப்பட்டது. ஆகவே, அடுத்த 25 ஆண்டுகளுக்கு தொகுதி மறுவரையறை செய்யாமல் இருக்கும் வகையில் அரசமைப்புச் சட்டம் திருத்தப்பட்டது.

2001ல் இந்த 25 ஆண்டு கால வரையறை முடிவுக்கு வந்தது. இதனால் 2002ல் அடல் பிஹாரி வாஜ்பாயி பிரதமராக இருந்தபோது, தொகுதி மறுவரையறை மேலும் 25 ஆண்டுகளுக்கு தள்ளிப்போடப்பட்டது. ஆகவே, 2026க்குப் பிறகு நடக்கும் முதல் மக்கள் தொகை கணக்கெடுப்பை அடிப்படையாக வைத்து, தொகுதிகளை மறுவரையறை செய்ய வேண்டும்.

மக்கள் தொகை கணக்கெடுப்பு வழக்கம்போல நடந்திருந்தால், 2026ஆம் ஆண்டுக்குப் பிந்தைய மக்கள் தொகை கணக்கெடுப்பு 2031ஆம் ஆண்டில்தான் நடந்திருக்கும். ஆனால், 2021ஆம் ஆண்டில் மக்கள் தொகை கணக்கெடுப்பு நடத்தப்படாததால், அந்தக் கணக்கெடுப்பு 2026ஆம் ஆண்டுக்குப் பிறகு நடந்தால், அதன் அடிப்படையில் அடுத்த சில ஆண்டுகளிலேயே தொகுதிகளை மறுவரையறை செய்யலாம்.

இந்தப் பின்னணியில்தான் 2026-ஐ ஒட்டி தொகுதி மறுவரையறை நடந்தால், அது தமிழ்நாட்டைக் கடுமையாக பாதிக்கும் என தி.மு.க. உள்ளிட்ட கட்சிகள் கருதுகின்றன. ஆகவேதான், நாடாளுமன்றத் தொகுதிகளின் எண்ணிக்கை அதிகரிக்கப்பட்டால், தற்போதுள்ள விகிதாச்சாரத்திலேயே தொகுதிகளின் எண்ணிக்கையை அதிகரிக்க வேண்டுமென அவை கோருகின்றன.

மத்திய அரசுக்கு எதிராக தமிழ‌கத்தின் குரல் ஓங்கி ஒலிக்கத் தொடங்கை உள்ளது.

 

ரமணி

9/3/25    

சம்பியன் கிண்ண இறுதிப் போட்டியில் இந்தியா நியூஸிலாந்து மோதல்

 

 இந்தியா , நியூசிலாந்து அணிகள் மோத உள்ள,  ஐசிசி சம்பியன்ஸ்  கிண்ண இறுதிப்போட்டி வரும் ஞாயிற்றுக்கிழமை துபாயில் நடைபெற உள்ளது.

 இரண்டு அணிகளும் இதே மைதானத்தில் லீக் சுற்றில் மோதியதால், மைதானத்தில் சூழல் எப்படி இருக்கும் என இரண்டு அணிகளும் அறிந்திருக்கின்றன. இதனால், போட்டி கடும் சவால் நிறைந்ததாக இருக்கும். இந்தியாவை  விட  நியூசிலாந்து அணி வலுவாக  இருப்பதாக விமர்சகர்கள்  கூறுகிறார்கள்.

இந்தியாவுக்கு கடும் நெருக்கடி கொடுக்கக்கூடிய அணியாக நியூஸிலாந்து உள்ளது.  இடது கை சுழற்பந்து வீச்சாளர் மிட்செல் சாண்ட்னர் தலைமையிலான அந்த அணியில் மைக்கேல் பிரேஸ்வெல், க்ளென் பிலிப்ஸ் ,ரச்சின் ரவீந்திர ஆகிய மூன்று சுழற்பந்து வீச்சாளர்கள் இடம்பெற்றுள்ளனர். எனவே சுழற்பந்து வீச்சில் உள்ள பன்முகத்தன்மையின் அடிப்படையில் வலுவாக உள்ளனர். லீக் சுற்று போட்டியில் அவர்களின் பந்துவீச்சை இந்திய வீரர்கள் சமாளித்தாலும், இறுதிப்போட்டி கடும் சவாலாக  இருக்கும்.

 : நியூசிலாந்து அணி களத்தில் ஃபீல்டிங் மூலம் மட்டுமே 30/ 40   ஓட்டங்களை  சேமிக்கும் திறன் கொண்டுள்ளது.   அட்டகாசமான கேட்சுகள் அதிர்ச்சியளிப்பதாக உள்ளன.  சாண்ட்னர், வில் யங் , மைக்கேல் பிரேஸ்வெல் போன்றவர்கள் சிறந்த பீல்டர்களாக திகழ்கின்றனர். கூடுதலாக எதிரணி வீரர்களையும், ரசிகர்களையும் ஆச்சரியப்படுத்தக் கூடிய க்ளென் பிலிப்ஸ்ம் நியூசிலாந்து அணியில் இருக்கிறார். அவர் தனது விதிவிலக்கான பீல்டிங் மூலம் ஆட்டத்தின் போக்கை மாற்ற முடியும். சுழற்பந்து வீச்சாளர்கள் செயல்படும் போது, அவர்களின் சிறந்த ஃபீல்டர்கள் அனைவரும் வளையத்தில் இருப்பதால், அவர்கள்  ஒற்றை ஓட்டத்தை  நிறுத்துவதன் மூலம் அழுத்தத்தை அதிகரிக்கின்றனர்.  

இந்தியாவைப் போலவே, நியூசிலாந்து அணியும் சூழ்நிலைக்கு ஏற்ற துடுப்பாட்ட  வரிசையைக் கொண்டுள்ளது. லீக் போடிட்யில் அவர்கள் சிறப்பாக செயல்படவில்லை என்றாலும், கம்பேக் கொடுக்கும் திறன் கொண்டுள்ளனர். ரச்சின், யங் மற்றும் கேன் வில்லியம்சன் ஆகியோரை உள்ளடக்கிய டாப் ஆர்டர் விரைவான தொடக்கத்தை வழங்குவதோடு மட்டுமல்லாமல், மிடில் ஆர்டருக்கு ஒரு அடித்தளத்தை உருவாக்கி தருகின்றனர். பெரும்பாலான அணிகள் இந்தியாவின் சுழற்பந்து வீச்சாளர்களை எதிர்த்துப் போராடுவதில் சிரமப்பட்டாலும், டாம் லாதம், டேரில் மிட்செல் மற்றும் பிலிப்ஸ் போன்றவர்கள் சிறந்து விளங்குகின்றனர்.

  இந்தியாவும் சளைத்ததல்ல 2013 சம்பியன்ஸ் தொடரில் டோனி தலைமையில்  இறுதிப் போட்டியில் விளையாடிய  இந்தியா கோப்பையையும் வென்றதுசம்பியனது. 2017 சம்பியன்ஸ் கிண்ணப் போட்டியில்  விராட் கோலி தலைமையிலிறுதிப் போட்டிக்குச் சென்ற   இந்திய அணிபாகிஸ்தானிடம் தோற்றது. தற்போது ரோகித் சர்மா தலைமையில் இறுதிப் போட்டிக்குச் சென்றுள்ளது.

ச‌ம்பியன்ஸ் கிண்ண   வரலாற்றில் தொடர்ந்து  மூன்று தொடர்களில் (2013, 2017, 2025)  இறுதிப்போட்டிக்குச் சென்ற  பெற்ற முதல் அணி என்ற ஹட்ரிக் உலக சாதனையை இந்தியா படைத்துள்ளது

 2023 டெஸ்ட் சம்பியன்ஷிப்  இறுதிப் போட்டிக்குத்  தகுதிப் பெற்ற இந்தியா அடுத்ததாக நடைபெற்ற 2023 உலகக்கோப்பை,   2024 இல் ரி20 உலகக் கோப்பை ஆகியவற்றில்  இந்திய சம்பியன் பட்டத்தை வென்றது.

  தற்போது நடைபெறும் சம்பியன்ஸ் டிராபி  இறுதிப் போட்டிக்கும்  இந்தியா தகுதி பெற்றுள்ளது.  கடைசியாக நடைபெற்ற 4 ஐசிசி தொடர்களிலும் இந்திய அணி  இறுதிப் போட்டிக்குத்  தகுதி பெற்றுள்ளது.   ஐசிசி தொடர்களில் தொடர்ச்சியாக இறுதிப் போட்டிக்குத் தகுதி பெற்ற முதல் அணி என்ற   சாதனையை இந்தியா படைத்துள்ளது.

 இதற்கு முன் 1975 – 1983 காலகட்டங்களில் மேற்கு இந்தியா , 2000 – 2003 காலகட்டங்களில் இந்தியா, 2019 – 2021 காலகட்டங்களில் நியூசிலாந்து அணிகள் தலா 3 இறுதிப் போட்டிக்குத் தொடர்ந்து தகுதி பெற்றதே முந்தைய சாதனை. இதிலிருந்து மற்ற அணிகளை காட்டிலும் இந்திய ஐசிசி தொடர்களில் நன்றாக செயல்படுவது தெரிகிறது.

கோலி,ரோஹித் ஆகியோருக்கு கடைசி சம்பியன்  தொடர் என்பதால் கூடுதல் கவனம் பெற்றுள்ளது

 

ரமணி

9/3/25

சம்பியன்கிண்ணம்25,பாகிஸ்தான்,துபாய்,விளையாட்டு,கிறிக்கெற்,தமிழன்,இந்தியா,,நியூஸிலாந்து,

சம்பியன் கிண்ண இறுதிப் போட்டியில் இந்தியா

  துபாயில் நடைபெற்ற சம்பியன் கிண்ண அரை இறுதிப் போட்டியில் அவுஸ்திரேலியாவை எதிர்த்து விளையாடிய இந்தியா வெற்றி பெற்று இறுதிப் போட்டியில் விளையாடத் தகுதி பெற்றது.

நாணயச் சுழற்சியில் வெற்றி பெற்ற அவுஸ்திரேலியா முதலில் துடுப்பெடுத்தாடி அவுஸ்திரேலிய அணி 49.3 ஓவர்களில் சகல விக்கெற்களையும் இழந்து 264 ஓட்டங்கள் எடுத்தது. 48.1 ஓவர்களில் 6 விக்கெற்களை இழந்த இந்தியா 267 ஓட்டங்கள் எடுத்து வெற்றி பெற்றது.   

இந்திய அணியில் மாற்றம் செய்யப்படவில்லை. அவுஸ்திரேலிய அணியில் ஷார்ட், ஸ்பென்சர் ஜான்சனுக்கு பதில் கூப்பர் கொனாலி, தன்வீர் சங்கா இடம் பெற்றனர். நாணயச் சுழற்சியில் வென்ற கப்டன் ஸ்டீவ் ஸ்மித் துடுப்பாட்டத்தைத்  தேர்வு செய்தார்.

அவுஸ்திரேலிய அணிக்கு துவக்கத்தில் அதிர்ச்சி கொடுத்தார் ஷமி. இவரது 'வேகத்தில்' கூப்பர் கொனாலி ஓட்டம் எடுக்காமல் வெளியேறினார். பின் டிராவிஸ் ஹெட் அதிரடியில் இறங்கினார். . ஹர்திக் பாண்ட்யா ஓவரில் ஒரு பவுண்டரி சிக்சர் அடித்தார். ஷமி ஓவரில் 'ஹட்ரிக்' பவுண்டரி விளாசினார். குல்தீப் பந்தையும் சிக்சருக்கு அனுப்பினார்.

இந்த சமயத்தில் 'சுழல் மாயாவி' வருண் சக்ரவர்த்தி திருப்புமுனை ஏற்படுத்தினார். இவரது முதல் ஓவரின் 2வது பந்தை அவசரப்பட்டு துாக்கி அடித்தார் ஹெட். 'லாங்-ஆன்' திசையில் இருந்து முன்னோக்கி 3.81 வினாடியில் 23 மீ., ஓடி வந்த சுப்மன் கில், கலக்கல் 'கேட்ச்' பிடிக்க, ஹெட்  39 ஓட்டங்களுடன் வெளியேறினார். 'கேட்ச்' பிடித்த அதே வேகத்தில் பந்தை எறிந்தார் கில். இது சர்ச்சையானது. சிறிது நேரம் பந்தை கையில் வைத்திருக்க வேண்டும் என கில்லை அம்பயர்கள் எச்சரித்தனர்.

 இந்தியாவின் வில்லனான ஹெட், விரைவில் நடையை கட்டியதால், இந்திய ரசிகர்கள் நிம்மதி அடைந்தனர்.  கப்டன் ஸ்மித், லபுசேன் சேர்ந்து பொறுமையாக விளையாடின.

 29 ஓட்டங்கள் எடுத்த  லபுசேன் ர‌விந்திர ஜடேஜாவின் வலையில்  சிக்கினார். ஸ்மித் 68 பந்தில் அரைசதம் எட்டினார். ஜோஷ் இங்லிஸ் 11 ஓட்டங்களில் ஜடேஜாவின்  பந்தில் ஆட்டமிழந்தார்.  மீண்டும் பந்துவீச வந்த ஷமி  73 ஓட்டங்களில்  ஸ்மித்தை  போல்டாக்கினார். அவுஸ்திரேலியாவுக்காகப் போராடிய அலெக்ஸ் கேரி 61 ஓட்டங்களில் ரன் அவுட் ஆனார். ஆஸ்திரேலிய அணி 49.3 ஓவர்களில் சகல விக்கெற்களையும்  இழந்து 264 ஓட்டங்கள் எடுத்தது.

சுலப இலக்கை விரட்டிய இந்திய அணி துவக்கத்தில் திணறியது. சுப்மன் கில் 8 மட்டும் அடித்தார். இரண்டு முறை 'கேட்ச்' வாய்ப்பில் இருந்து தப்பிய கப்டன் ரோஹித் 28 ஓட்டங்கள் மட்டும் அடித்தார்.   கோலி, ஸ்ரேயாஸ் சேர்ந்து அசத்தினர்.   கோலி 53 பந்தில், ஒருநாள் அரங்கில் 74வது அரைசதம் எட்டினார். ஸ்ரேயாஸ் 45, அக்சர், 27  ஓட்டங்கள்  எடுத்தனர். ஒருபக்கம் விக்கெட் சரிந்தாலும் மறுபக்கம் 'சேஸ் கிங்' கோலி அசராமல் ஆடினார். இவர், 84  ஓட்டங்களில் ஆட்டமிழந்தார்.

கடைசி கட்டத்தில் ராகுல், ஹர்திக் பாண்ட்யா மிரட்டினர். ஜாம்பா ஓவரில் வரிசையாக இரண்டு இமாலய சிக்சர் விளாசிய பாண்ட்யா பதட்டத்தை தணித்தார். பாண்ட்யா 28  ஓட்டங்கள் அடித்தனர். மேக்ஸ்வெல் பந்தை சிக்சருக்கு பறக்கவிட்ட ராகுல், வெற்றியை உறுதி செய்தார். இந்திய அணி 48.1 ஓவரில் 6 விக்கெட்டுக்கு 267 ரன் எடுத்து வெற்றி பெற்றது. ராகுல் (42), ஜடேஜா (2) ஆட்டமிழக்காது  இருந்தனர்.

இந்திய அணிக்கு நேற்றும் 'டாஸ்' ராசி இல்லை. ஒருநாள் போட்டிகளில் தொடர்ந்து 14வது முறையாக 'டாஸ்' வெல்ல தவறியது. ரோகித் தலைமையில் 11 முறை (2023 நவ.- 2025, மார்ச்) 'டாஸ்' வெல்லவில்லை. அதிக முறை 'டாஸ்' வெல்ல தவறிய கப்டன் பட்டியலில் ரோகித் (11) இரண்டாவது இடத்தை நெதர்லாந்தின் பீட்டர் போரன் (11, 2011 மார்ச்-2013 ஆக.) உடன் பகிர்ந்து கொண்டார் முதலிடத்தில் வெஸ்ட் இண்டீசின் லாரா (12, 1998 அக்.-1999 மே) உள்ளார்.

* ஐ.சி.சி., உலக கோப்பை, சாம்பியன்ஸ் டிராபியின் 'நாக்-அவுட்' போட்டியில் இந்தியா, ஆஸ்திரேலியா 7வது முறையாக நேற்று மோதின. இதில் 6 முறை இந்தியா 'டாஸ்' இழந்தது. 2003ல் ஜோகனஸ்பர்க்கில் நடந்த உலக கோப்பை பைனலில் மட்டும் 'டாஸ்' வென்றது.

ஐ.சி.சி., தொடரில் (ஒருநாள் போட்டி) அறிமுகமான இளம் அவுதிரேலிய வீரர்கள் பட்டியலில் நான்காவது இடம் பெற்றார் ஸ்பின்னர், ஆல்-ரவுண்டர் கூப்பர் கொனாலி (21 ஆண்டு, 194 நாள்). முதல் 3 இடங்களில் ஆன்ட்ரூ ஜெசர்ஸ் (20 ஆண்டு, 225 நாள், எதிர், இந்தியா, 1987), பாண்டிங் (21 ஆண்டு, 66 நாள், எதிர், கென்யா, 1996), வாட்சன் (21 ஆண்டு, 90 நாள், எதிர் நியூசி., 2002) உள்ளனர்.

ஜடேஜாவுக்கு என்ன பிரச்னை

ஜடேஜா பந்துவீசிய போது (18.1 வது ஓவர்) அவரது இடது கையில் கட்டியிருந்த பெரிய 'டேப்'பை அகற்ற சொன்னார் அம்பயர் இல்லிங்வொர்த். இதை ஏற்று அகற்றினார். கிரிக்கெட் விதிமுறைப்படி கீப்பர் தவிர மற்ற வீரர்கள் அம்பயர் அனுமதி இல்லாமல் கையில் எதையும் அணியக் கூடாது. பின் ஸ்மித் அடித்த பந்தை தடுத்த போது ஜடேஜாவுக்கு காயம் ஏற்பட்டது. இதையடுத்து மீண்டும் 'டேப்' அணிந்து கொள்ள அம்பயர் அனுமதி அளித்தார்.

அக்சர் காயம்

அக்சர் பந்தில் (15.4வது ஓவர்) ஒரு எடுத்தார் ஸ்மித். இதை தடுத்து, பந்தை எறிய முயன்ற போது அக்சரின் கழுத்து பகுதியில் வலி ஏற்பட்டது. 'பிசியோதெரபிஸ்ட்' சிகிச்சை அளித்தார். இதிலிருந்து விரைவாக மீண்டு பந்துவீசினார்.

கோலி 161 'கேட்ச்'

ஒருநாள் அரங்கில் அதிக 'கேட்ச்' பிடித்த பீல்டர் பட்டியலில் இரண்டாவது இடத்திற்கு முன்னேறினார் கோலி (161 கேட்ச், 301 போட்டி). நேற்று 2 கேட்ச் பிடித்த இவர், அவுஸ்திரேலியாவின் பொண்டிங்கை (160, 375 போட்டி) முந்தினார். முதலிடத்தில் ஜெயவர்தனா (இலங்கை, 218, 448 போட்டி) உள்ளார்.

* ஆஸ்திரேலியாவுக்கு எதிராக நேற்று 50வது ஒருநாள் போட்டியில் பங்கேற்றார் கோலி. சச்சின் (71), தோனிக்கு (55) அடுத்து இம்லைகல்லை எட்டிய மூன்றாவது இந்திய வீரரானார்.

'சேஸ் மாஸ்டர்' 8,000

* நேற்று அரைசதம் விளாசிய கோலி, ஒருநாள் அரங்கில் 'சேஸ்' செய்யும் போது 8000 ரன் (159 இன்னிங்ஸ்) எட்டிய உலகின் 2வது வீரரானார். சராசரி 64.54 வைத்துள்ள ஒரே வீரர் இவர் தான். முதலிடத்தில் சச்சின் (8,720 ரன், சராசரி 42.33, 232 இன்னிங்ஸ்)) உள்ளார்.

நழுவிய கைகள்   '

ஆஸ்திரேலிய பீல்டிங் எடுபடவில்லை. ஜாம்பா பந்தில் 51 ரன்னில் கோலி கொடுத்த 'கேட்ச்சை' மேக்ஸ்வெல் கோட்டைவிட்டார். இதை பயன்படுத்தி 84 ரன் எடுத்தார். ரோகித் சர்மா (13, 14) அடித்த பந்தை கொனாலி, லபுசேன் நழுவவிட்டனர். 

முதல் கப்டன் 

ஐ.சி.சி., நடத்தும் டெஸ்ட் சாம்பியன்ஷிப் (2023), ஒருநாள் உலக கோப்பை (2023), 'டி-20' உலக கோப்பை (2024), சாம்பியன்ஸ் டிராபி (2025) என நான்கு தொடர்களிலும் பைனலுக்கு முன்னேறிய முதல் கேப்டன் என்ற பெருமை பெற்றார் இந்தியாவின் ரோகித் சர்மா. 

மூன்றாவது முறை

 சாம்பியன்ஸ் டிராபி 'நாக் அவுட்' போட்டிகளில் மூன்றாவது முறையாக இந்திய அணி, ஆஸ்திரேலியாவை வென்றது. கடந்த 1998ல் காலிறுதி (44 ரன் வித்தியாசம், தாஹா), 2000ல் காலிறுதியை (20 ரன், நைரோபி), தொடர்ந்து நேற்று அரையிறுதியில் (4 விக்., துபாய்) இந்தியா வெற்றி பெற்றது.

அஷ்வின் சொன்னது நடந்தது

அவுஸ்திரேலிய அணிக்கு எதிரான அரையிறுதி குறித்து இந்திய அணியின் முன்னாள் சுழற்பந்து வீச்சாளர் அஷ்வின் கூறுகையில்,''புதிய பந்தில் பவுலிங் செய்ய வருண் சக்ரவர்த்திக்கு வாய்ப்பு தர வேண்டும். இவரது பந்தை டிராவிஸ் ஹெட் துாக்கி அடிப்பார். விரைவில் அவுட்டாவார்,' என்றார். இவர் சொன்னது அப்படியே நேற்று நடந்தது.

போட்டியின் 9வது ஓவரை வீசினார் வருண். முதல் பந்தில் ஸ்மித் ஒரு ரன் எடுத்தார். அடுத்த பந்தை ஹெட், துாக்கி அடிக்க, சுப்மன் கில் கேட்ச் செய்து அசத்தினார்.

* இதையடுத்து, ஒருநாள் அரங்கில் முதல் 10 ஓவருக்குள், ஹெட்டை அவுட்டாக்கிய முதல் பவுலர் ஆனார் வருண்.

ஐந்தாவது முறை

சாம்பியன்ஸ் டிராபி தொடர் பைனலுக்கு இந்தியா, ஐந்தாவது முறையாக முன்னேறியது. இதில் 2002, 2013ல் கோப்பை வென்றது. 2000, 2017ல் இரண்டாவது இடம் பிடித்தது. 

சரியான பதிலடி

ஐ.சி.சி., 'நாக் அவுட்' போட்டியில் கடைசியாக இந்திய அணி 2011, உலக கோப்பை (50 ஓவர்) காலிறுதியில், ஆஸ்திரேலியாவை வென்றது. இதன் பின், 2015, உலக கோப்பை அரையிறுதி, 2023, உலக கோப்பை பைனல், 2023ல் உலக டெஸ்ட் சாம்பியன்ஷிப் பைனல் என அனைத்திலுஅவுஸ்திரேலியாவிடம் தோற்றது.

தொடர்ச்சியான தொல்விக்கு ஒரு வழியாக நேற்று முற்றுப்புள்ளி வைத்தது இந்தியா. சாம்பியன்ஸ் டிராபி அரையிறுதியில் ஆஸ்திரேலியாவை வீழ்த்தி, சரியான பதிலடி கொடுத்தது.

 சச்சினை முந்தினார்

ஐ.சி.சி., ஒருநாள் தொடரில் (உலக கோப்பை, சாம்பியன்ஸ் டிராபி) அதிக அரைசதம் அடித்த இந்திய வீரர்களில் சச்சினை (23) முந்தினார் கோலி. இவர் 24 அரைசதம் அடித்துள்ளார். ரோகித் (18) 3வது இடத்தில் உள்ளார்.

69 அரைசதம்

ஒருநாள் அரங்கில் சேஸ் செய்த போட்டிகளில் அதிக அரைசதம் அடித்த வீரர்களில் சச்சினுடன் (242 போட்டி, 69 அரைசதம்) இணைந்து முதலிடம் பிடித்தார் கோலி. இவர் 170 போட்டியில் 69 அரைசதம் அடித்தார். இந்தியாவின் ரோகித் (158ல் 53), தென் ஆப்ரிக்காவின் காலிஸ் (158ல் 50) அடுத்த இரு இடத்தில் உள்ளனர்.

735

சம்பியன்ஸ் டிராபி தொடரில் அதிக ரன் எடுத்த இந்திய வீரர் ஆனார் கோலி. இவர் 17 போட்டியில் 735 எடுத்துள்ளார். தவான் (701), கங்குலி (665) அடுத்து உள்ளனர்.

நேற்று 33  ஓட்டங் எடுத்த போது, ஒருநாள் அரங்கில் 2000  ஓட்டங்கள் என்ற மைல்கல்லை எட்டினார் இந்தியாவின் ராகுல். இவர் 84 போட்டியில் 2009  ஓட்டங்கள் எடுத்துள்ளார்.

கருப்பு பட்டை

இந்திய உள்ளூர் கிரிக்கெட் ஜாம்பவான் பத்மாகர் ஷிவல்கர் 84. சுழற்பந்து வீச்சாளரான இவர், மும்பை அணிக்காக 124 முதல் தர போட்டிகளில் பங்கேற்று 589 விக்கெட் சாய்த்தார். பிஷன் சிங் பேடி உள்ளிட்டோர் ஆதிக்கத்தால், கடைசி வரை இந்திய அணியில் பத்மாகர் இடம் பெற முடியவில்லை. வயது மூப்பு காரணமாக நேற்று காலமானார். இவருக்கு அஞ்சலி செலுத்தும் வகையில் இந்திய அணி வீரர்கள் கையில் கருப்பு பட்டை அணிந்து விளையாடினர்.

நான்காவது 'சேஸ்'

துபாயில் நடந்த ஒருநாள் போட்டிகளில் முதலில் பேட் செய்து 250 ரன்னுக்கும் மேல் எடுத்த அணிகள் 12ல் வென்றன. 3ல் தான் தோற்றன. நேற்று ஆஸ்திரேலியாவின் 264 ஓட்டங்கள் என்ற இலக்கை இந்தியா வெற்றிகரமான சேஸ் செய்து அசத்தியது.

உலக டெஸ்ட் சம்பியன்ஷிப் , ஒருநாள் உலகக் கோப்பை ,ரி20 உலகக் கோப்பை 2024, சம்பியன்ஸ் டிராபி 2025 ஆகிய நான்கு இறுதிப் போட்டிகளில் அணிய வழிநடத்திய கப்டன் என்ற பெருமை பெற்றார் ரோஹித்

   

இந்தியச் சுழலில் சிக்கிய நியூஸிலாந்து

துபாயில் நடந்த ச‌ம்பியன்ஸ்  கிண்ண லீக்  போட்டியில் நியூசிலாந்தை  எதிர்கொண்ட இந்தியா 44 ஓட்டங்களால் வெற்றி பெற்றது. 

  இந்திய அணியில் ஹர்ஷித் ராணாவுக்குப் பதிலாக  வருண் சக்ரவர்த்தி வாய்ப்பு பெற்றார்.  நான்கு 'ஸ்பின்னர்களுடன் இந்தியா களம் புகுந்தது.   நாணயச் சுழற்சியில் வெற்றி பெற்ற நியூஸிலாந்து பந்து வீச்சைத் தேர்வு  செய்தது.

இந்திய அணி 50 ஓவரில் 9 விக்கெட்களை இழந்து  249 ஓட்டங்கள் எடுத்தது. நியூசிலாந்து அணி 45.3 ஓவர்களில்  சகல விக்கெற்களையும் இழந்து 205 ஓட்டங்கள் எடுத்தது.

  இந்திய அணி  ஆரம்பத்தில் திக்குமுக்கடியது.  மாட் ஹென்றி 'வேகத்தில்'  2  ஓட்டங்கள் எடுத்த சுப்மன் கில்   எல்.பி.டபிள்யு. முறையில் ஆட்டமிழந்தார். ஆனார். ஜேமிசன் பந்தில் கப்டன் ரோஹித் சர்மா 15 ஓட்டங்களுடன் வெளியேறினார். 11 ஓட்டங்கள் எடுத்த் கொலியும் பவிலியன் திரும்ப‌ கோலியும் (11) விரைவில் வெளியேற,  7 ஓவர்களில் 3 விக்கெட்களை இழந்த இந்தியா 30 ஓட்டங்கள் எடுத்தது.

 ஸ்ரேயாஸ், அக்சர் படேல் ஜோடி  நான்காவது விக்கெட்டுக்கு 98 ஓட்டங்கள் எடுத்து நம்பிக்கையளித்தது. 42 ஓட்டங்களுடன் அக்சர் படேல் ஆட்டமிழந்தார்.  ஓட்ட எண்ணீக்கையை உயர்த்துவதற்காக அதிரடியாக விளையாடிய  ஸ்ரேயாஸ் ஆட்டமிழந்தார் நம்பிக்கையுடன்  நின்ற ராகுல் 23 ஓட்டங்களில் வெளியேறினார். 

 கடைசிக் கட்டத்தில் ஹர்திக் பாண்ட்யா அதிரடியில் இறங்கினார்.    ஜடேஜா, 16  பாண்ட்யா 45,   ஷமியை  5 ஓட்டங்களில் ஆட்டமிழந்தனர். இந்தியா 50 ஓவர்களில் சகல விக்கெற்களையும் இழந்து 249 ஓட்டங்கள் எடுத்தது.ஹென்றி 5 விக்கெற்களை வீழ்த்தினார்.

250 ஓட்டங்கள் அடித்து வெற்றி பெறும்  கனவில்  களம் இறங்கிய நியூஸிலாந்து இந்தியாவின் சுழலில் சிக்கி தோல்வியடைந்தது. ரவிந்திரா 6,  ' வில் யங் 22 ,டேரில் மிட்சல் 17  ஓட்டங்களில் வெளியேறினர். 26 ஓவர்களில் 3 விக்கெற்களி இழந்த நியூஸிலாந்து 104 ஓட்டங்கள்  அடித்தது.

  வில்லியம்சன், லதாம் ஆகிய இருவரும்  சிறிது நேரம் போராடினர்.  வில்லியம்சன், 77 பந்துகளில்  ஒருநாள் அரங்கில் 47வது அரைசதத்தை  எட்டினார். லதாம் 14,   கிளன் பிலிப்ஸ் 12, பிரேஸ்வெல் 2 ஓட்டங்களில் நடையைக் கட்டினர்.  அக்சர் படேல் பந்தில் வில்லியம்சன்   81 ஓட்டங்களுடன் வெளியேற இந்தியாவின் வெற்றி உறுதியானது.  ஹென்றியை 2 ஓட்டங்களில் வெளியேற்றிய  வெளியேற்றிய வருண், தனது 5வது விக்கெட்டை பெற்றார். நியூசிலாந்து அணி 45.3 ஓவர்களில் சகல விக்கெற்களையும் இழந்து 205 ஓட்டங்கள் எடுத்து தோல்வியடைந்தது

  ஒருநாள் போட்டிகளில் தொடர்ந்து 13வது முறையாக 'டாஸ்' வெல்ல தவறியது. ரோகித் தலைமையில் மட்டும் 10 முறை (2023 நவ.- 2025, மார்ச்) 'டாஸ்' வெல்லவில்லை. அதிக முறை 'டாஸ்' வெல்ல தவறிய கேப்டன் பட்டியலில் ரோகித் (10) மூன்றாவது இடம் பிடித்தார். முதல் இரு இடங்களில் வெஸ்ட் இண்டீசின் லாரா (12, 1998 அக்.-1999 மே), நெதர்லாந்தின் பீட்டர் போரன் (11, 2011 மார்ச்-2013 ஆக.) உள்ளனர்.

'சூப்பர்மேன்' பிலிப்ஸ்

தனது 300வது ஒருநாள் போட்டியில் நேற்று களமிறங்கிய கோலி, மாட் ஹென்றி வீசிய பந்தை (6.4வது ஓவர்) அடித்தார். இதை 'பேக்வார்ட் பாய்ன்ட்' திசையில் நின்ற கிளன் பிலிப்ஸ் அந்தரத்தில் பறந்து, வலது கையை நீட்டி அற்புதமாக பிடிக்க, அதிர்ச்சியில் வெளியேறினார் கோலி (11). இந்த 'கேட்ச்சை' 0.62 வினாடி நேரத்தில் கணித்து கச்சிதமாக பிடித்தார் பிலிப்ஸ். ஜான்டி ரோட்ஸ் போன்ற இவரது 'சூப்பர்மேன்' சாகசத்தை பார்த்து, துபாய் அரங்கில் இருந்த கோலி மனைவி அனுஷ்கா, ரசிகர்கள் அதிர்ச்சியில் உறைந்தனர்.

* பின் ஹென்றி வீசிய பவுன்சரை (45.5வது ஓவர்) ஜடேஜா (16) அடிக்க, அனுபவ வில்லியம்சன் பறந்து 'கேட்ச்' பிடித்து அசத்தினார்.

* இத்தொடரில் நியூசிலாந்து அணி 96.0 சதவீத 'கேட்ச்' பிடித்து முதலிடத்தில் உள்ளது. ஒரு கேட்ச் மட்டுமே நழுவவிட்டது.

ஒருநாள் அரங்கில்   தனது மந்தமான அரைசதத்தை எட்டினார் ஸ்ரேயாஸ் (75 பந்தில்). இதற்கு முன் 74 பந்தில் (எதிர், வெ,இ., 2022, ஆமதாபாத்) அரைசதம் அடித்திருந்தார்.

ஷமியை தாக்கிய பந்து

ஹென்றி பந்தை (49.5வது ஓவர்) அடித்த ஷமி 2வது ஓட்டத்துக்கு ஓடினார். அப்போது நியூசிலாந்து பீல்டர் எறிந்த பந்து ஷமியின் முதுகில் பலமாக தாக்கியது. சிறிது நேரம் 'பிசியோதெரபிஸ்ட்' சிகிச்சை அளித்தார். பின் சகஜ நிலைக்கு திரும்பினார் ஷமி.

ஹென்றி 5 விக்.

  5 விக்கெட் வீழ்த்திய மாட் ஹென்றி (5/42), சம்பியன்ஸ் தொடரில் சிறந்த பந்துவீச்சை பதிவு செய்த இரண்டாவது நியூசிலாந்து வீரரானார். முதலிடத்தில் ஜேக்கப் ஓரம் (5/36, எதிர், அமெரிக்கா, 2004) உள்ளார்.

                                                  கோலி '300'

நியூசிலாந்துக்கு எதிராக களமிறங்கிய விராத் கோலி, ஒருநாள் அரங்கில் 300வது போட்டியில் விளையாடிய 7வது இந்திய வீரரானார். இதுவரை 300 போட்டியில், 51 சதம் உட்பட 14,096 ஓட்டங்கள்  குவித்துள்ளார். ஏற்கனவே இந்தியாவின் சச்சின் (463 போட்டி), டோனி (350), டிராவிட் (344), முகமது அசார் (334), கங்குலி (311), யுவராஜ் சிங் (304) இம்மைல்கல்லை எட்டினர்.

* சர்வதேச கிரிக்கெட் அரங்கில் 300 ஒருநாள், 100 டெஸ்ட், 100 'ரி-20' போட்டிகளில் விளையாடிய முதல் வீரரானார் கோலி. இதுவரை இவர், 300 ஒருநாள், 123 டெஸ்ட், 125 சர்வதேச 'ரி-20'ல் பங்கேற்றுள்ளார்.

முதல் வெற்றி

சம்பியன்ஸ்  தொடரில் அரங்கில் இந்திய அணி, நியூசிலாந்துக்கு எதிராக முதல் வெற்றியை பதிவு செய்தது. இதுவரை 2 முறை மோதின. இதில் நியூசிலாந்து (2000, நைரோபி), இந்தியா (2025, துபாய்) தலா ஒரு போட்டியில் வெற்றி பெற்றன.

5 விக்கெட்

சுழலில் அசத்திய வருண் சக்ரவர்த்தி (5 விக்கெட், 42 ஓட்டங்கள் , 10 ஓவர்) சம்பியன்ஸ் தொடரில் சிறந்த பந்துவீச்சை பதிவு செய்த இந்திய பவுலர்கள் பட்டியலில் 2வது இடம் பிடித்தார். முதலிடத்தில் ரவிந்திர ஜடேஜா (5 விக்கெட், 36 ரன், எதிர்: வெஸ்ட் இண்டீஸ், லண்டன், 2013) உள்ளார்.

* சம்பியன்ஸ்தொடரில்  அறிமுகமான முதல் போட்டியில் சிறந்த பந்துவீச்சை பதிவு செய்த 2வது பவுலரானார் வருண். முதலிடத்தில் அவுஸ்திரேலியாவின் ஹேசல்வுட் (6/52, எதிர்: நியூசிலாந்து, 2017) உள்ளார்.

* இது, ஒருநாள் போட்டியில் வருண் சக்ரவர்த்தியின் சிறந்த பந்துவீச்சானது. இதற்கு முன், கட்டாக்கில் (2025, பிப். 9) நடந்த இங்கிலாந்துக்கு எதிரான போட்டியில் ஒரு விக்கெட் வீழ்த்தி, 54 ஓட்டங்கள் விட்டுக்கொடுத்தார்.

ஜூன்மாதம் பதவியில் இருந்து இராஜினாமா செய்கிறார் பாக்

 

 சர்வதேச ஒலிம்பிக் கமிட்டித் தலைவர் தலைவர் தாமஸ் பாக் ஜூன்  மாதம் 23  ஆம்   பதவி  விலகுகிறார். அவர் இராஜினாமா செய்வதை ஏற்க சர்வதேச ஒலிம்பிக் கமிட்டியின்   நிர்வாகக் குழு  புதன்கிழமை ஒப்புக்கொண்டது.

புதிய ஐஓசி தலைவரிடம் ஒப்படைப்பு அதே நாளில் நடைபெறும், இது ஒலிம்பிக் தினமாகவும் அங்கீகரிக்கப்படுகிறது. புதிய தலைவர் மார்ச் 20, 2025 அன்று கிரேக்கத்தின் கோஸ்டா நவரினோவில் தேர்ந்தெடுக்கப்படுவார்.

2024 ஒலிம்பிக் போட்டிகளின் போது பரிஸில் நடந்த ஐஓசி அமர்வில், ஐஓசி உறுப்பினர்கள் அவரைப் பதவியில் இருக்குமாறு    கோரிக்கை விடுத்த போதிலும்,  தலைவர்  பதவியில் நீடிக்கப் போவதில்லை என்று அறிவித்ததைத் தொடர்ந்து, பாக் இந்த வாரம் ஐஓசி நிர்வாகக் குழுவிடம் தனது இராஜினாமாவை சமர்ப்பித்தார்.

1976 ஆம் ஆண்டு மாண்ட்ரீலில் நடந்த ஒலிம்பிக்கில் ஃபாயில் ஃபென்சிங்கில் தங்கப் பதக்கம் வென்ற பாக், 2013  ஆம் ஆண்டு  செப்டம்பர் 10 ஆம் திகதி   சர்வதேச ஒலிம்பிக் கமிட்டியின்  ஒன்பதாவது தலைவராகத் தேர்ந்தெடுக்கப்பட்டார்., 2021 ஆம் ஆண்டு  மார்ச் 10 ஆம் திகதி  இரண்டாவது முறை  நான்கு ஆண்டு காலத்திற்கு தலைவராக மீண்டும் தேர்ந்தெடுக்கப்பட்டார்.   

மோடியை எதிர்க்கத் தயங்கும் விஜய் ஸ்டாலினுக்கு எதிராகச் சீறிப் பாய்கிறார்.

  மோடியை எதிர்க்கத்  தயங்கும்  விஜய்

ஸ்டாலினுக்கு எதிராகச் சீறிப் பாய்கிறார்.

தமிழ்நாட்டு அரசியலின்  புதிய வரவான  தமிழக வெற்றிக் கழகத்தின் இரண்டாவது ஆண்டு விழா   மாமல்லபுரம் அருகே உள்ள பூஞ்சேரியில்  கிராமத்தில் நட்சத்திர விடுதியில்  நடைபெற்றது.அரசியல் வியூக வகுப்பாளரான பிரஷாந்த் கிஷோருடன் இணைந்து மேடையில் தோன்றினார் விஜய். விடுதலைச் சிறுத்தைகள் கட்சியில் இருந்து  வெளியேறிய ஆதவ் அர்ஜுனாவும் விஜயுடன்  இணைந்தார். விஜயின் நிழலாகக் கருதப்பட்ட புஸ்ஸி ஆனந்  ஓரமாக நடந்தார். 

 நடிகர் விஜய்க்கு சினிமாவில் மிகுந்த செல்வாக்கு உள்ளது. அரசியலிலும் அதே செல்வாக்கு இருப்பதை   வெளிக்காட்டவே இது போன்ற எழுச்சிகள் உதவுகின்றன. .

தனது வீட்டிலிருந்து கிளம்பி விழா நடக்கும் இடத்திற்கு புறப்பட்டு மாமல்லபுரம் நோக்கி வந்த விஜய்க்கு வழிநெடுகிலும் ரசிகர்கள் உற்சாக வெள்ளத்தில் வரவேற்பு அளித்தனர். ஏற்றுக்கொண்ட விஜய் ரசிகர்களுக்கு கை அசைத்து கொண்டே வந்தார்.

விழா மேடைக்கு விஜய் வந்ததும், அவருக்கு கட்சி பொதுச் செயலாளர் புஸ்ஸி ஆனந்த் விஜய்க்கு மலர்க்கொத்து கொடுத்து வரவேற்றார். அதன் பிறகு பிரஷாந்த் கிஷோருடன், இணைந்து மேடையில் இருந்தபடி தொண்டர்களைப் பார்த்து கையசைத்தார் விஜய். 

  இந்திய மதிய அரசுக்கும், தமிழக அரசுக்கும் எதிரான  ,கெட் அவுட் என்ற ஹேஷ்டேக் இயக்கத்தை விஜய் கையெழுத்துப் போட்டுத் தொடங்கி வைத்தார்.

கூடவே மும்மொழிக் கொள்கைக்கு எதிராகவும், பெண்கள் பாதுகாப்பை வலியுறுத்தியும் சில அம்சங்கள் அதில் இடம்பெற்றிருந்தன. விஜய் சில நொடிகள் அந்த பேனரை உன்னிப்பாக பார்த்துவிட்டு கையெழுத்திட்டார். பிரசாந்த் கிஷோரைக் கையெழுத்திடுமாரு ஆனந்த் புஸ்லி பேனையைக் கொடுத்தார். அவர் மறுத்துவிட்டார்.

திராவிட முன்னேற்றக் கழகம் ஆரம்பித்து வைத்த "கோ பாக் மோடி" ஹேஷ்டேக்  இயக்கத்தை அப்படியே திருப்பி விட்டார் விஜய்.

இது வெறும் கெட் அவுட் தான்.கெட் அவுட் மோடி அல்லது கெட் அவுட் ஸ்டாலின் எனப் பதிந்திருந்தால்  இன்னும் கொஞ்சம் வீரியமாக       இருந்திருக்கும். ஸ்டாலினையும் உதயநிதியையும் மிகவும் காட்டமாக விமர்சிக்கும் விஜய், மோடியை விமர்சிக்கத் தயங்குகிறார்.

ஆண்டு விழாக் கூட்டம் தள்ளு  முள்ளுடன் ஆரம்பமாகியது. தொண்டர்களை நிரைப் படுத்துவதற்காக பாதுகாப்பு உத்தியோகத்தர் ஒருவர் காதுக்குள் விசில் ஊதியதால் அவர்கள் பெரிதும் சிரமப்பட்டனர்.

 செய்தி சேகரிக்கச் சென்ற  சில செய்தியாளர்கள் மீது விஜயின் பாதுகாவலர்கள்  திடீர் தாக்குதல் நடத்தியதால் பரபரப்பு ஏற்பட்டது. ஒரு செய்தியாளரின் வயிற்றில் ஓங்கிக் குத்தி கெட்ட வார்த்தையில்   திட்டியதாக கூறப்படுகிறது. இதில் நிலை குலைந்த அந்த செய்தியாளரை அம்புலன்ஸில் ஏற்றி அனுப்பி வைத்தனர்.

தாக்குதல் நடத்திய பாதுகாவலர்கள்   விழா அரங்குக்குள் புகுந்து கதவுகளையும் மூடிக் கொண்டனர். இதனால் செய்தியாளர்கள் அனைவரும் திரண்டு கடுமையாக வாதிட்டனர். இதையடுத்து அங்கு வந்த கட்சி நிர்வாகிகளும், பிற  பாதுகாவலர்களும்  மன்னிப்பு கேட்டனர். செய்தியாளர்கள் என்று தெரியாததாலும்,  அவர்கள் வேற்று மொழிக்காரர்கள் என்பதால் மொழி தெரியாமல் தாக்கி விட்டதாகவும் அவர்கள் கூறினர்.

கிடாக்குழி மாரியம்மாளின் பாடலுடன் நிகழ்ச்சி தொடங்கியது. 'விஜய் தம்பியை இதுவரை சினிமாவில்தான் பார்த்திருக்கிறேன். இப்போதுதான் நேரில் பார்க்கிறேன். எனக்கு கையும் ஓடவில்லை. காலும் ஓடவில்லை. அற்புதமான தலைவரை, அழகான தலைவரை நாம் தேர்ந்தெடுக்க வேண்டும்.' என விஜய்யை குளிர்விக்கும் வகையில் பேசி, 'தலைவர் விஜய் வாழ்க, தமிழக வெற்றிக்கழகம் வளர்க' என பாட நிர்வாகிகளும் குஷியாகிவிட்டார்கள்.

விஜயின்  பேச்சைக் கேட்க அனைவரும் ஆர்வமாக  இருந்தனர். அவரது  உரை மிக நீண்டதாக இருக்கும் என எதிர்பாக்கப்பட்ட போது, சுருகமாகப் ஏசி முடித்தார்.தன்னுடைய நிலைப்பாட்டைத் தெளிவாகக்கூறிய விஜய் தனைப் பற்றிய விமர்சனங்களுக்கும்  பதிலடி கொடுத்தார்.

  மும்மொழிக் கொள்கையை தங்களின் கட்சி எதிர்ப்பதாகவும் தெரிவித்துள்ளார். ப‌னையூர் பண்ணையார் என விஜயைதிமுகவினரும்,அ திமுகவினரும்   விமர்சித்து வந்ததற்கு பதிலளித்த விஜய், " தவெக கட்சியில் இருப்பவர்கள் அனைவரும் சாதாரண குடும்பத்தில் இருந்து வந்தனர்கள் என ஒரு குற்றச்சாட்டு முன் வைக்கப்படுகிறது. இது சாமானியர்களுக்கான கட்சி என்பதால் சாதாரண குடும்பத்தில் இருந்து வந்தவர்கள் தான் இதில் இருப்பார்கள். இது ஒன்றும் பண்ணையார்கள் கட்சி கிடையாது. முன்பெல்லாம் பண்ணையார்கள் தான் பதவியில் இருப்பார்கள். ஆனால் இப்போது பதவிக்கு வந்த உடனேயே அனைவரும் பண்ணையார் ஆகி விடுகிறார்கள். அதனால் அவர்களுக்கு சாதாரண  கட்சிகள் பதவிக்கு வருவதை ஏற்றுக் கொள்ள முடியவில்லை" என தன் மீதான விமர்சனத்தை எதிர்க்கட்சிகள் பக்கமே திருப்பி விட்டுள்ளார்.

 திமுக, பாஜக., வை தான் விமர்சிக்கவோ, அவர்கள் பற்றி குற்றச்சாட்டுக்களை முன் வைக்கவோ விஜய் விரும்பவில்லை என்பதையே இது காட்டுகிறது. சுருக்கமாக மக்களுக்கு எல்லாம் தெரியும் என முடித்து விட்டார்.

 மொழித் திணிப்பு குறித்து அவர் பேசியபோது இந்தி என்ற வார்த்தையைப் பயன்படுத்தவில்லை. அதாவது இந்தித் திணிப்பு என்ற வார்த்தையை அவர் பயன்படுத்தவில்லை. மாறாக எந்த மொழியையும் திணிக்காதீங்க என்று மட்டுமே சொன்னார். 

 நடிகர் விஜய் தமிழ்நாட்டின் புதிய நம்பிக்கை. அவருக்கு எல்லாமே தெரியும். அவர் சாதிப்பார். அடுத்த ஆண்டு தமிழக வெற்றிக் கழகம் ஆட்சியில் இருக்கும் என்று தேர்தல் வியூக வகுப்பாளர் பிரஷாந்த் கிஷோர் கூறியுள்ளார்.

விஜய்க்கு உதவ நான் வரவில்லை. எந்த உதவியும் விஜய்க்கு தேவையில்லை. விஜய்க்கு எல்லாமே தெரியும். அவரே சாதிக்க முடியும். சாதிப்பார். அவர் இன்னும் ஒரு தலைவர் இல்லை. அவர் தமிழ்நாட்டின் புதிய நம்பிக்கை. அதனால்தான் நான் இங்கு வந்துள்ளேன். புதிய அரசியல் சகாப்தத்தை விஜய் தொடங்கி வைத்துள்ளார். மாற்றத்திற்கான நேரம் இது. விஜய் தலைமையில் தவெக இந்த மாற்றத்தை, நம்பிக்கையை பிரதிபலிக்கிறது.

தமிழ்நாட்டு மக்களின் வாழ்க்கையை முழுமையாக மாற்றப் போகிறார் விஜய் அதை அவரிடம் பேசும்போது நான் உணர்ந்து கொண்டேன். அனைத்து சமூகங்களின் நலனுக்காக, சமத்துவத்திற்காக நிறைய திட்டங்களை வைத்துள்ளார் விஜய். அதனால்தான் விஜய்க்கு உதவி செய்ய நான் வந்துள்ளேன். அடுத்த ஆண்டு தவெக வெல்லும்போது, இங்கு நடைபெறும் நன்றி அறிவிப்பு விழாவில் நான் தமிழில் பேசுவேன்  என பிரசாந்த் கிஷோர் கூறினார். 

கடன் வாங்கி ஊழல் செய்கிறார்கள். எங்கள் தலைவரை நடிகர் எனக் கூறிவிட்டு எங்கள் தலைவரை போல பேண்ட் சட்டை போட்டு நடிக்கிறார்கள்.' என ஆதவ்வும் தன் பங்குக்கு திமுக மீது பாய்ந்தார். 'வாரிசு அரசியலை நீங்கள் அவ்வளவு சீரியசாக நினைக்கவில்லை. ஆனால், யோசித்துப் பாருங்கள். கபில்தேவ், கவாஸ்கர் போன்றோரின் மகன்கள் மட்டுமே கிரிக்கெட் ஆட வேண்டுமெனில் சச்சினும் டோனியும் கிரிக்கெட் ஆடியிருக்க முடியுமா?' என உதயநிதியைதாக்கிப் பேசினார்.

 

நடிகராகவும், அரசியல்வாதியாகவும் பருணமிக்கும் விஜயைச் செதுக்கியவர்களி ஒருவரான புஸ்லி ஆனந்த்தின் மீது எந்த  ஊடக வெளிச்சமும்பரவவில்லை.

விஜயின் கட்சியில் இணைந்த  நடிகை ரஞ்சனா நாச்சியார் பேசுகையில்

தமிழக வெற்றிக் கழகத்தில் தளபதி விஜய் அவர்களின் தலைமையில் நான் இணைகிறேன். இனி என் கொள்கைகளும் கோட்பாடுகளும் தளபதி அவர்களின் வழியில் இருக்கும் என்பதை எல்லோருக்கும் தெரிவித்துக் கொள்கிறேன் என நடிகை ரஞ்சனா நாச்சியார் தெரிவித்துள்ளார்

மத்திய அரசு அறிவித்த புதிய கல்விக் கொள்கை தமிழ்நாட்டில் பல்வேறு சர்ச்சைகளை கிளப்பி உள்ளது. அதாவது புதிய கல்விக் கொள்கையை ஏற்றால்தான் தமிழகத்திற்கு நிதியை தருவோம் என்ற மத்திய கல்வி அமைச்சர் தர்மேந்திர பிரதானின் பேச்சுக்கு பல்வேறு கட்சித் தலைவர்களும் கண்டனம் தெரிவித்து இந்தி திணிப்பை ஒருபோதும் ஏற்க மாட்டோம் எனவும் வலியுறுத்தி வருகின்றனர். அந்த வரிசையில் பாஜகவில் கலை கலாசார பிரிவு மாநில செயலாளராக பணிபுரிந்து வந்த, நடிகை ரஞ்சனா நாச்சியார் இந்தி திணிப்புக்கு எதிர்ப்பு தெரிவித்து நேற்று பாஜகவில் இருந்து விலகுவதாக அறிவித்திருந்தார். மேலும் இது குறித்து விளக்கம் அளித்து அறிக்கை ஒன்றையும் வெளியிட்டிருந்தார்

தமிழக வெற்றி கழகத்தில் தளபதி விஜய் அவர்களின் தலைமையில் நான் இணைகிறேன். இனி என் கொள்கைகளும் கோட்பாடுகளும் தளபதி அவர்களின் வழியில் இருக்கும் என்பதை எல்லோருக்கும் தெரிவித்துக் கொள்கிறேன்  என்றார்.

 ஆண்டுவிழாவில்  விஜய்  ஆற்றிய  உரைக்கு  தமிழக அரசியல் வாதிகள் அனைவரும் கடும் கண்டனம் தெரிவித்துள்ளனர்.

 விஜயின் அரசியல் மாநாடு அட்டகாசமாக நடந்தது.வாகாளர்களின்    நாடித்துடிப்பு தேர்தலின்  பின்னரே தெரியவரும். 

ரமணி.

2/3/25   

சாதனை வீரர் ரச்சின் ரவீந்திரா அதிரடி சதம்

 ராவல்பிண்டியில் நடைபெற்ற ச‌ம்பியன்ஸ் கிண்ணத் தொடரில் பங்களாதேஷுக்கு எதிரான லீக் போட்டியில் 5 விக்கெற்  வித்தியாசத்தில்  வெற்றி பெற்ற நியூசிலாந்து  அரை இறுதியில் விளையாடத் தகுதி பெற்றது.

நாமயச் சுழற்சியில் வெற்றி பெற்ற நியூஸிலாந்து பந்து வீச்சைத் தேர்வு செய்தது.  தேர்வு செய்தது. முதலில் துடுப்பெடுத்தாடிய பங்களாதேஷ் 50 ஓவர்களில் 9 விக்கெற்களை இழந்து 236 ஓட்டங்கள் எடுத்தது. 237 எனும்  வெற்ரி இலக்குடன் களம் இறங்கிய நியூஸிலாந்து 46.1  ஓவர்களில் 5 விக்கெற்களை இழந்து 240 ஓட்டங்கள் எடுத்தது. 

பங்களாதேஷ் அணியின் ஆரம்பத் துடுப்பாட்ட வீரர்களான கப்டன் நஜ்முல்ஷான்டோ, தன்ஜித் ஜோடி  சிறப்பாக விளையாடியது. பிரேஸ்வெல் பந்துவீச்சில் 24 ஓட்டங்கள் எடுத்த தன்ஜித்  ஆட்டமிழந்தார். மெஹிதி ஹசன் 13 ஓட்டங்களில் ஆட்டமிழந்தபோது  20 ஓவர்களில் 2 விக்கெற்களை இழந்து 97 ஓட்டங்கள் எடுத்து நல்ல நிலையில் இருந்தது.

நியூஸிலாந்து வீரர்களின் பந்து வீச்சுக்குத் தாக்குப் பிடிக்க முடியாததால் 21 ஓட்டங்களில் அடுத்தடுத்து  முன்று விக்கெற்கள் வீழ்ந்தன.

 பந்தில் தவ்ஹித் 7,   முஷ்பிகுர் ரகிமும் 2 ,  மகமதுல்லா 4  ஒட்டங்கள் மட்டும் எடுத்து ஆட்டமிழந்தனர்.  5 விக்கெற்களை இழந்த பங்களாதேஷ் 118  ஓட்டங்கள் எடுத்துத் திணறியது.மட்டும் எடுத்து அவுட்டானார். வங்கதேசம் 118/5 என திணறியது

 அரைசதம் அடித்து நம்பிக்கையளித்த ஷான்டோ, 77  ஓட்டங்களில் ஆட்டமிழக்க  ரிஷாத், ஜாக்கர் ஜோடி இணைந்து அணியை மீட்க போராடியது.

 ரிஷாத் 26 ஜாக்கர், 45 ஓட்டங்களில்  ரன் அவுட்டானதும் பங்களாதேஷ் அடங்கிவிட்டது. வபங்களாதேஷ் 50 ஓவர்களில் 9 விக்கெற்களை இழந்து 236 ஓட்டங்கள் எடுத்தது.   நியூசிலாந்தின் பிரேஸ்வெல் அதிகபட்சம் 4 விக்கெற்களை வீழ்த்தினார்.

237 எனும் இலகுவான இலக்கை விரட்டிய நியூஸிலாந்துக்கு  பங்களாதேஷ் அதிர்ச்சியளித்தது. கடந்த போட்டியில் சதம் அடித்த யங்டக் அவுட்டானார். டஸ்கின்   பெரிதும் எதிர்பார்க்கப்பட்ட வில்லியம்சன் 5  ஓட்டங்களுடன் நடையைக் கட்டினார்.   ரச்சின் ரவிந்திரா, கான்வே இணைந்தனர். கான்வே 30 ஓட்டங்களில் ஆட்டமிழக்க ரச்சின் உறுதியாக நின்றார். 95வது பந்தில் ஒருநாள் அரங்கில் நான்காவது சதம் எட்டிய‌ ரச்சின் 112 ஓட்டங்களில் , ரிஷாத் பந்தில் ஆட்டமிழந்தார்.55 ஓட்டங்கள் அடித்த லதாம் ரன்  அவுட்டானார். லதாம் (55) ரன் அவுட்டானார். நியூசிலாந்து   46.1 ஓவர்களில் 5 விக்கெற்களை இழந்து 240 ஓட்டங்கள் எடுத்து வெற்றி பெற்றது.

2023 ஆம் ஆண்டு உலகக் கிண்ணப் போட்டியில் அறிமுகமான  ரச்சின் ரவிந்திரா  3 சதங்கள் அடித்தார்.2025 ஆம் ஆண்டு  ச‌ம்பியன்ஸ் டிராபி கிண்ணத் தொடரில் அறிமுகமான  ரச்சின் ரவிந்திரா மீண்டும் சதத்துடன் ஆரம்பித்துள்ளார்.

11 இன்னிங்ஸ்களில்4 சதங்கள் அடித்த ரச்சின்   ஐ.சி.சி., தொடரில் அதிக சதம் அடித்த நியூசிலாந்து வீரர் ஆனார், 34  போட்டிகளில் விளையாடிய  வில்லியம்சன்  35 போட்டிகளில் விளையாடிய நாதன் ஆஷ்லே ஆகியோர் தலா 3சதங்கள் அடித்தனர்.

ஐ.சி.சி., தொடர்களில் ஒரு போட்டியில் 4 அல்லது அதற்கும் மேல் என விக்கெட் வீழ்த்திய 4வது நியூசிலாந்து வீரரானார் பிரேஸ்வேல். முன்னதாக வெட்டோரி இரண்டு முறையும்,  சான்ட்னர், பால் வைஸ்மேன் ஆகியோர் தலா ஒரு முறையும் 4 விக்கெற்களை எடுத்தனர்.

'ஏ' பிரிவில் இந்தியா, நியூசிலாந்து அணிகள் இரண்டு வெற்றி பெற்று, அரையிறுதிக்கு முன்னேறின. இரண்டு போட்டிகளில் தோல்வியடைந்த நடப்பு சம்பியன் பாகிஸ்தான், பங்களாதேஷ் ஆகியவை வெளியேறின. சம்பியன் தொடரை நடத்தும் பாகிஸ்தான் அணி, அரையிறுதிக்கு கூட செல்லாதது ரசிகர்களுக்கு அதிர்ச்சியாக  உள்ளது. 

  30 ஓட்டங்கள் எடுத்த போது, ஒருநாள் அரங்கில் 1000 ஓட்டங்கள் என்ற மைல்கல்லை எட்டினார் நியூசிலாந்தின் ரச்சின் ரவிந்திரா. இவர், 30 போட்டிகளில் 1082 ஓட்டங்கள் எடுத்தார்.

* நியூசிலாந்தின் பிலிப்ஸ் 4  ஓட்டங் எடுத்த போது, ஒருநாள் அரங்கில் 1000 ஓட்டங்கள் என்ற இலங்கை எட்டினார்.

 பாகிஸ்தான்,பங்களாதேஷ் ,நியூஸிலாந்து,விளையாட்டு,சம்பியன்கிண்ணம் 25,கிறிக்கெற்,விளையாட்டு,சாதனை