ரோகித் கோஹ்லி சதம் இந்தியா வெற்றி

  கொழும்பு பிரேமதாசா விளையாட்டு மைதானத்தில் இந்திய  - இலங்கை அணிககுக்கிடையே 31 ஆம் திகதி வியாழக்கிழமை நடைபெற்ற நான்காவது  ஒரு நாள் கிரிக்கெற் போட்டியில் ரோகித் கோஹ்லி  ஆகியோரின் சதத்தால் இந்திய எளிதாக வெற்றி பெற்றது.

 இந்திய அணியில் தொடரை ஏற்கனவே கைப்பற்றி விட்டதால்    . கேதர் ஜாதவ், யுஸ்வேந்திர சாஹல், புவனேஷ்வர்குமார் ஆகியோருக்கு ஓய்வு அளிக்கப்பட்டு மனிஷ் பாண்டே, குல்தீப் யாதவ், ஆகியோருடன் அறுமுக வீரராக ஷர்துல் தாகூர் சேர்க்கப்பட்டார்.. காயமடைந்த இலங்கை அணித்தளிவர் கபுகெதர விலகியதால் மலிங்க தலைமைப் பொறுப்ப  ஏற்றார். சண்டிமால், சமீரா ஆகியோர் நீக்கப்பட்டு இலங்கை அணியில்  ஹசரங்கா,வுடன்  முனவீரா, புஷ்குமாரா ஆகியோர் அறிமுக வீரர்களாக இடம் பிடித்தனர்.

நாணயச்சுழற்சியில் வெற்றி பெற்ற இந்திய அணித் தலைவர் கோஹ்லி துடுப்பட்டத்தைத் தேர்வு செய்தார். முதலில் துடுப்பெடுத்தாடிய இந்தியா 50 ஓவர்களில்  5 விக்கெற்களை  இழந்து  375   ஓட்டங்கள் எடுத்தது. 376  என்ற இமாலய வெற்றி இலக்குடன் களமிறங்கிய  இலங்கை 42.4 ஓவர்களில்  சகல விக்கெற்களையும்  இழந்து 207  ஓட்டங்கள்  எடுத்து ஆட்டமிழந்தது.

   ஆரம்பத்  துடுப்பட்ட வீரராகக் களம் இறங்கிய  தவான் நான்கு ஓட்டங்களில்  வேகப்பந்து வீச்சாளர் பெர்னாண்டோவின் பந்து வீச்சில் ஆட்டமிழந்தார். ஆரம்பத்தில் இந்தியாவுக்கு இலங்கை அதிர்ச்சியளித்தது.அதன் பின்னர் ஆட்டம் முடியும் வரை இந்தியாவின் கையே மேலோங்கியிருந்தது. ரோகித் கோஹ்லி   ஜோடியைப் பிரிக்கமுடியாது இலங்கை வீரர்கள்  திணறினர் கோஹ்லி  தனது 29  ஆவது சதத்தைப் பதிவு செய்தார் 131ஓட்டங்கள் எடுத்த  கோஹ்லி , மலிங்கவின்  பந்து வீச்சில் ஆட்டமிழந்தார். மலிங்க  300  ஆவது  விக்கெற்கைப்பற்றி சாதனை செய்தார்.

இரண்டாவது இணைப்பாட்டமாக விளையாடிய ரோகித் ,கோஹ்லி ஜோடி  219  ஓட்டங்கள் அடித்து அதிக ஓட்டங்கள் அடித்து சாதனை படைத்தது. 2017   ஆம் ஆண்டு கோஹ்லி தவான் ஜோடி இரண்டாவது இணைப்பாட்டத்தில்197ஓட்டங்கள் அடித்தது. முன்னதாக 2009ஆம் ஆண்டு  கம்பீர் டோனி ஜோடி  இரண்டாவது இணைபாட்டத்தில் 188 ஓட்டங்கள்  அடித்தது.

 

ரோகித்துடன் பண்டையா இணைந்தார். ரோகித் சர்மா பவுண்டரி விளாசி தனது 13ஆவது  சதத்தை எட்டிப்பிடித்தார் இலங்கைக்கு  எதிராக ரோகித்தின் நான்காவது சதம் இதுவாகும்.இலங்கைக்கு எதிராக தொடர்ந்து இரண்டு போட்டிகளில் சதம் அடித்த முதலாவது இந்திய வீரர் என்ற சாதனை செய்தார். மத்தியூஸின்   ஓவரில்  பண்டையா 19 ஓட்டங்களிலும், ரோகித் 104  ஓட்டங்களிலும் அடுத்தடுத்து ஆட்டமிழந்தனர்.  லோகேஷ் ராகுல் தனஞ்ஜயவின் சுழலில் சிக்கி ஏழு ஓட்டங்களில் ஆட்டமிழந்தார்.  இவர் தொடர்ந்து மூன்றாவது முறையாக தனஞ்ஜயவிடம் சிக்கினார். 49 ஓட்டங்களில் நான்கு விக்கெற்களை இந்தியா  இழந்தபோது மணிஸ் பண்டேயுடன்  டோனி ஆறாவது விக்கெற்றுக்காக இணைந்தார்.

டோனி பண்டே இணை இலங்கைக்கு நெருக்கடியைக் கொடுத்தது. நிதானமாகவும் பொறுப்பாகவும் இவர்கள் இருவரும் துடுப்பெடுத்தாடி 50 ஓவர்கள் முடிவில் 375 ஓட்டங்களைப் பெற உதவினர். பண்டே  50ஓட்டங்களையும் டோனி  49 ஓட்டங்களையும் அடித்தனர். ஆறாவது இணைப்பாட்டத்தில் இவர்களை இருவரும்  இணைந்து 101 ஓட்டங்கள் அடித்தனர். டோனி 48  ஓட்டங்களுடன் பந்தை எதிர்நோக்கினார். மறு முனையில் பண்டே 49  ஓட்டங்களுடன் இருந்தார். ஓவர் முடிவதற்கு இரண்டு பந்துகள் மீதமிருந்தன டோனி ஒரு ஓட்டம் அடித்து பண்டேக்கு வாய்ப்பளித்தார். டோனிக்கு இது   300 ஆவது ஒருநாள் போட்டி. 2008 ,2012  ஆண்டுகளில் இலங்கைக்கு எதிராக தந்து 100 ஆவது 200  ஆவது போட்டிகளில் விளையாடினார்.

மத்தியூஸ் இரண்டு விக்கெற்களையும் மலிங்க ,பெனார்ண்டோ ஆகியோர் தலா ஒரு விக்கெற்றையும் கைப்பற்றினர்.

இந்தியாவுக்கு எதிரான மூன்று போட்டிகளிலும் தொடர்ச்சியாகத்  தோல்வியடைந்த இலங்கை நான்காவது போட்டியில் 376 என்ற இமாலய இலக்கை இந்தியா நிர்ணயித்தது.  திக்வெல,முனவீர,மென்டிஸ், திரிமானே ஆகியோர் சொற்ப ஓட்டங்களில் ஆட்டமிழந்தனர். மத்தியூஸ் 70 சிரிவர்தன 39  சில்வா 22 ஆகியோர்  ஓட்டங்கள் அடித்து ஆறுதலளித்தனர். ஆறாவது இணைப்பாட்டமாக விளையாடிய மத்தியூஸ் சிரிவர்தன ஜோடி  அதிகபட்சமாக 73 ஓட்டங்கள் அடித்தது. 42.4 ஓவர்களை சகல விக்கெற்களையும் இழந்த இலங்கை  207  ஓட்டங்கள் எடுத்தது.

 பும்பரா பண்டையா குல்தீப் யாதவ் ஆகியோர் தலா இரண்டு விக்கெற்களையும் தாகூர் பட்டேல் ஆகியோர் தலா ஒரு விக்கெற்றையும் கைப்பற்றினர். கோஹ்லி ஆட்டநாயகன் விருதைப் பெற்றார்.  ஐந்தாவது  போட்டி 3 ஆம் திகதி நடைபெறும்.

 

ஒருநாள் போட்டித் தொடரை வென்றது இந்தியா

கண்டி பலேகல்ல மைதானத்தில் 27 ஆம் திகதி  ஞாயிற்றுக்கிழமை இலங்கைக்கு எதிரான மூன்றாவது ஒருநாள் போட்டியை வென்றதன் மூலம் இந்திய அணி தொடரைக் கைப்பற்றியது. ரோஹித்தின் சத்தமும் டோனி ரோஹித் இணையின் நிதானமான துடுப்பாட்டமும் இந்தியாவுக்கு வெற்றியைத் தேடிக்கொடுத்தது. முதல் இரண்டு போட்டிகளிலும் இந்திய வெற்றி பெற்றதால் இலங்கைக்கு கடும் நெருக்கடி தோன்றியது.

நாணயச் சுழற்சியில் வெற்றி பெற்ற இலங்கை முதலில் துடுப்பெடுத்தாடி 50  ஓவர்களில் 9 விக்கெற்களை   இழந்து  217  ஓட்டங்கள் எடுத்தது. பும்ராவின் வேகத்துக்கு ஈடுகொடுக்க முடியாது இலங்கை வீரர்கள் ஆட்டமிழந்தனர். திரிமானே 80,சண்டிமால்  36,சிரிவர்தன 29  ஓட்டங்கள் எடுத்தனர். மூன்றாவது இணைப்பாட்டமாக விளையாடிய சண்டிமால் ,திரிமானே  ஜோடி 72 எடுத்தது. இந்திய வீரர்களின் ஆதிக்கத்தை இலங்கை வீரர்களால் தகர்க்க முடியவில்லை. இலங்கை துடுப்பெடுத்தாடுடியபோது  47 ஆவது ஓவரில்  7 விக்கெற்களை இழந்து 192   ஓட்டங்கள்  எடுத்த போது மழை பெய்தது. 10 ஓவர்கள் பந்து வீசிய பும்ரா  27ஓட்டங்களைக் கொடுத்து முதல் முறையாக 5 விக்கெற்களை வீழ்த்தினார் 2016  ஆம் ஆண்டு  ஸிம்பாப்வேக்கு எதிராக அதிக பட்சமாக நான்கு விக்கெற்களை வீழ்த்தினார்.   நெஹ்ரா, ஹர்பஜன் ,இர்பான் பதான் ஆகியோருக்குப் பின்னர் இலங்கையில் ஐந்து விக்கெற்களை விழ்த்திய வீரராக விளங்குகிறார்.

 இலங்கை நிர்ணயித்த  218 ஓட்டங்கள் என்ற இலகுவான இலக்குடன் களம் இறங்கிய இந்தியா 15.1 ஓவர்களில் நான்கு விக்கெற்களை இழந்து  61 ஓட்டங்கள்  எடுத்ததால் இலங்கை அணி  ரசிகர்கள் உற்சாகமடைந்தனர். நான்காவது இணைப்பாட்டமாக விளையாடிய ரோஹித்தும் டோனியும் நிதானமாகத் துடுப்பெடுத்தாடி இந்தியாவுக்கு வெற்றியைத் தேடிக்கொடுத்தனர். ரோஹித் டோனி  ஆகிய இருவரும் ஆட்டமிழக்காது முறையே 124 ,    67  ஓட்டங்கள் எடுத்தனர். ஆட்ட நாயகன் விருத்தப் பெற்ற ரோஹித் தனது 12 ஆவது சதத்தைப் பதிவு செய்தார். இலங்கை மண்ணில் இவரது முதலாவது சதம் இதுவாகும்.. 

 

இந்தியாவுக்கு எதிராக   1997    ஆம் ஆண்டு இலங்கை அணி ஒருநாள் தொடரை வென்றது.   20  வருடங்களாக இந்தியாவின் கை கேலோங்கு இருக்கிறது. கடைசியாக நடைபெற்ற  10தொடர்களில்  8 தொடர்களை இந்தியா வென்றது. இரண்டு தொடர்கள் சமநிலையில் முடிவடைந்தன.  இலங்கை துடுப்பெடுத்தாடும் போது பும்ரா வீசிய 17 ஆவது ஓவரில் சண்டிமாலின் வலதுகை கட்டை விரலில் காயமேற்பட்டது.மருத்துவ பரிசோதனையின் போது விரலில் முறிவு ஏற்பட்டதாகத் தெரிய வந்துள்ளது. இதனால் இத் தொடரில் இருந்து அவர் விலகுவதாக அறிவிக்கப்பட்டுள்ளது. 

மைதானத்தைநோக்கி தண்ணீர்ப் போத்தல்களையும் வேறுசில பொருட்களையும் எறிந்தனர். இந்திய அணி 44 ஆவது ஓவரில் 4  விக்கெற்களை இழந்து  210  ஓட்டங்கள்  எடுத்தபோது  ஆட்டம் நிறுத்தப்பட்டு ரகளை செய்த ரசிகர்கள் வெளியேற்றப்பட்ட பின் போட்டி  நடைபெற்று இந்திய வெற்றிபெற்றது.

நான்காவது ஒருநாள் போட்டி  எதிர்வரும் 31 திகதி  வியாழக்கிழமை கொழும்பில் நடைபெறும்.

 சூரன்.ஏ.ரவிவர்மா

கட்சிக்கு உரிமை கோரும் தலைவர்கள் நடுத்தெருவில் தொண்டர்கள்

தமிழக அரசியலில் யாராலும்  அசைக்கக் முடியாதா கட்சியான திராவிட முன்னேற்றக் கழகத்தைத்  தனது ஆயுள் உள்ளவரை எதிர்க் கட்சியாக வைத்திருந்த எம்.ஜி.ஆரால் உருவாக்கப்பட்ட அண்ணா திராவிட முன்னேற்றக் கழகம் இன்று மூன்று துண்டாக சிதறிப்போய் இருக்கிறது. கட்சிக்கும் ஆட்சிக்கும் உரிமை கோரி நிர்வாகிகள் போராட்டம் நடத்துகின்றனர். அடுத்து என்ன செய்வதென்று தெரியாமல் தொண்டர்கள் நடுத்தெருவில் நிற்கின்றனர்.  

சசிகலாவால் முதல்வராக்கப்பட்ட எடப்பாடி பழனிச்சாமி, ஜெயலலிதாவின் விசுவாசியான பன்னீர்ச்செல்வம் ஜெயலலிதாவால் விரட்டப்பட்டு சசிகலாவால் அரவணைக்கப்பட்ட தினகரன் ஆகிய மூவரின் தலைமையில் கழகம் துண்டுபட்டுள்ளது. இவர்களின் பதவிப் போட்டியால் அண்ணா திராவிட முன்னேற்றக் கழகமும் அதன் சின்னமாகிய   இரட்டை இலையும் முடக்கப்பட்டுள்ளது.

இரட்டை  இலை இல்லை என்றால் தேர்தலில் வெற்றி பெறமுடியாது என்பது யதார்த்தம். தமிழக அரசு பிரிவுபட்டு நிற்கிறது. மக்களின் அடிப்படைத்தேவைகளைப் பூர்த்தி செய்யாது பதவிக்காகத் தலைவர்கள் அடிபடுகிறார்கள், அமைச்சரும் பொலிஸ் உயர் அதிகாரிகளும் தடை செய்யப்பட்ட குட்காவை விற்பதற்காக இலஞ்சம் பெறுகின்றனர், நீட் தேர்வால் மாணவர்களின் எதிர்காலம் கேள்விக்குறியாகி உள்ளது இந்த நிலையில் மக்களைக் காப்பாற்ற வேண்டிய மத்திய அரசு தமிழக அரசைக் காப்பாற்ற  வியூகம் வகுக்கிறது.

ஜெயலலிதாவின் மரணத்தில் இருக்கும் மர்ம முடிச்சு அவிழ்க்கப்பட வேண்டும் என தர்ம யுத்தம் நடத்திய பன்னீர், தனது எதிரியான எடப்படியுடன் கைகோர்த்துள்ளார்.  தமிழக பொறுப்பு ஆளுநர் வித்தா சாகர் ராவ் பிரிந்திருந்த தலைவர்களின் கைகளைப்   பிடித்து இணைத்திருக்கிறார். அடுத்த நிமிடம் பிரதமர் மோடி வாழ்த்துத் தெரிவிக்கிறார். பிரிந்திருந்தவர்கள் இணைந்ததில் எனது பங்களிப்பு எதுவும் இல்லை என மத்திய அரசு கூறுகிறது. அதனை நம்ப யாரும் தயாராக இல்லை.கட்சியில் இருந்த சகோதரர்கள் சிலகாலம் பிரிந்திருந்து மீண்டும் இணைந்ததாகச் சொல்கிறார்கள். ஆனால், இந்த இணைப்பு அப்படியான ஒரு தோற்றத்தை ஏற்படுத்தவில்லை. ஏதோ ஒரு ஒப்பந்தத்தின் மூலம் இரண்டு கட்சிகள் இணைந்திருப்பது என்பதே உண்மை.

ஜெயலலிதாவின் மரணத்துக்கான உண்மையான காரணத்தைக் கண்டறிய சிபிஐ விசாரணை வேண்டும், சசிகலாவைக் கட்சியில் இருந்து வெளியேற்ற   வேண்டும் என்ற இரண்டு முக்கிய கோரிக்கைகளும் நிறைவேற்றப்படவில்லை ஜெயலலிதாவின் மரணத்துக்குரிய காரணத்தைக் கண்டறிய விசாரணைக் கமிஷன் மைக்கப்படும் சசிகலாவையும் அவரது குடும்பத்தையும் கட்சியில் இருந்து தூக்கி ஏறிய நடவடிக்கை எடுக்கப்படும் என எடப்பாடி உத்தரவாதம் கொடுத்துள்ளார். பன்னீரைத் திருப்திப்படுத்த துணை முதல்வர்பதவி  உருவாக்கப்பட்டுள்ளது. பன்னீரின் அணியைச்சேர்ந்த மஃபாண்டியராஜனுக்கு அமைச்சுப் பதவி கொடுக்கப்பட்டுள்ளது. எடப்பாடியை எதிர்க்கும் தினகரனின் ஆதரவாளர்களிடம் இருந்த கூடுதல் அமைச்சுப் பதவி பறிக்கப்பட்டுள்ளது. பதவிகளை எதிர்பர்க்காது  இணைந்திருந்தால் அது நியாயமான இணைப்பாக இருந்திருக்கும்.

எடப்படியும்  பன்னீரும் இனைந்ததை விரும்பாத தினகரன் போர்க்கொடி உயர்த்தி உள்ளார். தனக்கு ஆ தரவான 19 சட்டசபை உறுப்பினர்களை  ஓரிடத்தில் சகல வசதிகளையும் கொடுத்து தங்க வைத்துள்ளார். அண்ணா திராவிட  முன்னேற்றக் கழகத்தின் இரட்டை இலைச்சின்னத்தில் போட்டியுட்டு வெற்றிபெற்ற சிறுகட்சிகளின் தலைவர்களான தமீம் அன்சாரி,தனியரசு,கருணாஸ் ஆகியோரும் இந்த இணைப்பை விரும்பவில்லை 19 உறுப்பினர்களுடன் மேலும் இருவர் இணைந்துள்ளனர். இவை எல்லாம்  குதிரை  பேரத்துக்கான முன்னேற்பாடு இதனைத் தடுக்க வேண்டிய மத்திய அரசு வேடிக்கை பார்க்கிறது.

தமிழக முதலமைச்சரான எடப்பாடி மீது நம்பிக்கை இல்லை என தினகரனின் ஆதரவாளர்களான 19சட்டசபை உறுப்பினர்களும் தனித்தனியாக தமிழக  பொறுப்பு ஆளுநரிடம் கடிதம் கொடுத்துள்ளனர். எடப்படியும் பன்னீரும் இனைந்தாலும் அறுதிப்பெரும்பன்மையை தமிழக அரசு இழந்துவிட்டது.  அறுதிப்பெரும்பான்மைக்கு 117 உறுப்பினர்களின் ஆதரவு தேவை இப்போது 113 பேர் மட்டுமே உள்ளனர். நம்பிக்கை  இல்லாப்பிரேரணைக்கு உத்தரவிடக்கோரி திராவிட முன்னேற்றக் கழகமும் ஆளுனருக்குக்  கடிதம் அனுப்பி உள்ளது. தமிழகம் வந்திருக்கும் ஆளுனர் என்ன்ன செய்யப்போகிறார் என்பதை அனைவரும் உற்று நோக்கிக் கொண்டிருக்கின்றனர். ஆட்சியைக் கைப்பற்றுவதற்காக எடப்படியும் பன்னீரும் பாரதீய ஜனதாவுடன் சேர்ந்து சதி செய்யும் என  தமிழக அரசியல்வாதிகள் நம்புகின்றனர். தமிழக அரசைக் காப்பாற்றும் நடவடிக்கையை முன்னெடுக்கும் என்பதி எதுவித சந்தேகமும் இல்லை.

சூரன்.ஏ.ரவிவர்மா

 

தோல்வியை வெற்றியாக்கியது இந்தியா

இந்தியா இலங்கை  ஆகியவற்றுக்கிடையே கண்டியில் நடைபெற்ற இரண்டாவது ஒரு நாள் போட்டியில் டக்வெர்த் லீவிஸ் முறைப்படி மூன்று விக்கெட்களால் இந்தியா வெற்றி பெற்றது.  நாணயச் சுழற்சியில் வெற்றி பெற்ற இந்திய அணித் தலைவர் துடுப்பட்டத்தைத் தேர்வு செய்தார். முதலில் துடுப்பெடுத்தாடிய இலங்கை முதலில் துடுப்பெடுத்தாடிய இலங்கை அணி  50   ஓவர்களில் 8  விக்கெட்களை இழந்து  236  ஓட்டங்கள் எடுத்தது. மழை  பெய்ததால்   1 மணி 15   நிமிடம் தாமதமாக போட்டி ஆரம்பமானது 47  ஓவர்களில்  231  ஓட்டங்கள் அடித்தால் வெற்றி என இந்திய அணிக்கு இலக்கு நிர்ணயிக்கப்பட்டது. 44.2  ஓவர்களில்  7 விக்கெட்களை இழந்து 131 ஓட்டங்கள் அடித்து வெற்றி பெற்றது. டோனி, புவனேஸ்வர்  ஆகிய இருவரும் பொறுமையாக விளையாடி  இந்தியாவுக்கு வெற்றியைப்பெற்றுக் கொடுத்தனர்.

 ஆரம்பத் துடுப்பாட்ட வீரர்களாகக் களம் இறங்கிய டிக்வெல, குணதிலக ஆகிய இருவரும் நிதானமாக ஆடினர். டிக்வெல31,ஓட்டங்களிலும்  குணதிலக 19  ஓட்டங்களிலும் ஆட்டமிழந்தனர். அடுத்து களம் இறங்கிய வீரர்கள் குறைந்த ஓட்டங்களில் ஆட்டம் இழந்தனர்.இலங்கை அணி  5 விக்கெட்களை இழந்து 121 ஓட்டங்கள் எடுத்தபோது ஆறாவது இணையாகக் களம் இறங்கிய கபுகெதர, சிரிவர்தன ஆகிய இருவரும் 91  ஓட்டங்கள் அடித்து ஓட்ட எண்ணிகையை அதிகரித்தனர்.  கபுகெதர 58, ஓட்டங்களிலும்  சிரிவர்தன  40 ஓட்டங்களிலும் ஆட்டமிழந்ததும் இலங்கையின் வேகம் தடைப்பட்டது. இலங்கை அணி  50   ஓவர்களில் 8  விக்கெட்களை இழந்து  236  ஓட்டங்கள் எடுத்தது. பும்பரா  4 விக்கெட்களும்  சாகல் 2 விக்கெட்களும்  பட்டேல் யாதவ் ஆகியோர் தலா ஒரு  விக்கெற்றையும் கைப்பற்றினர்.

இந்தியாவின் ஆரம்பத் துடுப்பாட்ட வீரர்களான  தவான், ரோஹித் சர்மா ஆகிய இருவரும் மிரட்டினர். இருவரும் இணைந்து  109   ஓட்டங்கள் எடுத்தனர். ரோஹித் சர்மா 54  ஓட்டங்களிலும்  தவான் 49 ஓட்டங்களிலும் ஆட்டமிழந்தனர். ரோஹித் சர்மா 43 பந்துகளில் அரைசதமடித்தார் ஒருநாள் போட்டியில் இவர் அடித்த அதி வேக அரைசதம் இதுவாகும். இந்தியா இலகுவாக வெற்றி பெற்றுவிடும் என நினைத்திருந்த வேளையில் 18 ஆவது ஓவரை வீசிய தனஞ்ஜெய, இந்திய அணிக்கு வில்லனாக மாறினார். முதலாவது மூன்றாவது ஐந்தாவது பந்தில்  முறையே கேதர் யாதவ், [1]கோஹ்லி[4] ராகுல் [1]ஆகிய மூவரும் விக்கெற்றைப் பறிகொடுத்தனர். 10  ஓட்டங்களில் 5 ஐந்து விக்கெற்களை இந்தியா இழந்தது. 

 தனஞ்ஜெயவின் 20  ஆவது ஓவரில் பொறுப்பற்ற  முறையில் விளையாடிய பண்டையா ஓட்டம் எடுக்காது ஆட்டமிழந்தார்.பட்டேல் நான்கு ஓட்டங்களுடன் வெளியேறினார். இந்தியா   7    விக்கெற்களை இழந்து 131    ஓட்டங்களை எடுத்தபோது எழாவது விக்கெற் இணையாக டோனியும் புவனேஸ்வரும் களம் இறங்கினர். 22 ஓட்டங்களில் 7 விக்கெற்களை இழந்து இந்தியா தவித்துக் கொண்டிருந்தது. இலங்கை ரசிகர்களின் வெற்றி முழக்கம் அரங்கை அதிர வைத்தது. தோல்வியை நோக்கிச்சென்று கொண்டிருந்த இந்தியாவை டோனியும்  புவனேஸ்வரும் இணைந்து வெற்றிப் பாதையை  நோக்கித் திருப்பினர்.மிக நிதனமாகவும்  பொறுமையாகவும்  விளையாடியதால் 44.2  ஓவர்களில் இந்தியா வெற்றி இலக்கை அடைந்தது.100  இவர்கள் இருவரும்  இணைந்து  100 ஓட்டங்களைப் பெற்றனர்.

டோனி 45 ஓட்டங்களையும்   புவனேஸ்வர்     53  ஓட்டங்களையும் பெற்றனர். ஐந்து ஒருநாள் போட்டிகளில் இரண்டில் வெற்றி பெற்று இந்தியா முன்னிலையில் உள்ளது. தான் மீதான விமர்சனங்களுக்கு டோனி பதிலளித்துள்ளார். ஒருநாள் போட்டியில்  புவனேஸ்வர் தனது முதலாவது அரைசதத்தைப்  பதிவு  செய்துள்ளார். டெஸ்ட் ஒருநாள் போட்டியில் ஒன்பதாவது வீரராகக்  களம் இறங்கி  அரை  சதம் அடித்த இரண்டாவது வீரராக புவனேஸ்வர் விளங்குகிறார்.  டோனி 29   ஓட்டங்கள் எடுத்திருந்தபோது  பெர்னாண்டோ வீசிய பந்து டோனியின் கால்களுக்கிடையில் சிக்கி விக்கெற்றில் பட்டது  பெயில்ஸ் விழாததால் அவர் தப்பினார். இப்போட்டியின் போது 99 ஆவது  ஸ்டம்பிங் செய்த  டோனி,சங்ககாரவின் சாதனையை சமன் செய்தார். சங்ககார  400  ஆவது போட்டியிலும் டோனி 298  ஆவது போட்டியிலும் இச்சாதனையைச் செய்தனர்.

நான்காவது ஒருநாள் போட்டியில் விளையாடிய தனஞ்ஜெய  10  ஓவர்கள் பந்து வீசி  54  ஓட்டங்களைக் கொடுத்து 6 விக்கெட்களை வீழ்த்தி அட்ட நாயகன் விருதைப் பெற்றார்.

 மூன்றாவது ஒருநாள் போட்டி எதிர்வரும் 27 ஆம் திகதி கண்டியில் நடைபெறும்.