 |
| ஈக்குவடோர் |
தென்னாபிரிக்காவிலிருந்து ஈக்குவடோர், வடஅமெரிக்காவிலிருந்து ஹொண்டுராஸ் ஆகியன உலகக் கிண்ணப்போட்டியில் ஈ பிரிவில் சுவிட்ஸர் லாந்து, பிரான்ஸ் ஆகியவற்றுடன் மோதவுள்ளன. தரவரிசையில் ஈக்குவடோர் 23ஆவது இடத்திலும், யஹாண்டுராஸ் ஒரு இடம் கீழிறங்கி 43 ஆவது இடத்திலும் உள்ளன.
ஈக்குவடோர்
வெனிசுவெலா, பரகுவே, பெரு, ஆர்ஜென்ரீனா, கொலம்பியா, பொலிவியா, உருகுவே, சிலி ஆகியவற்றுடன் தகுதி காண்போட்டியில் விளையாடியது ஈக்குவடோர். 16 போட்டிகளில் விளையாடிய ஈக்குவடோர் ஏழு போட்டிகளில் வெற்றி பெற்று நான்கு போட்டிகளைச் சமப்படுத்தி ஐந்து போட்டிகளில் தோல்வியடைந்து 25 புள்ளிகளுடன் உலகக் கிண்ணப் போட்டியில் விளையாடத் தகுதி பெற்றது.
ஈக்குவடோர் 20 கோல்கள் அடித்தது. எதிராக 16 கோல்கள் அடிக்கப்பட்டன. 34 மஞ்சள் அட்டைகளும், இரண்டு சிவப்பு அட்டைகளும் ஈக்குவடோருக்கு எதிராகக் காட்டப்பட்டன. பிலிப்கசிடோ ஏழு கோல்களும், கிறிஸ்ரியன் பென்ற்ஸ் நான்கு கோல்களும் அடித்தனர்.
கொலம்பியாவைச் சேர்ந்த ரெனால்டோ ருடா ஈக்குவடோரின் பயிற்சியாளராக உள்ளார். ஹொண்டுராஸுக்கு பயிற்சியாளராக இருந்தபோது கடந்த உலகக் கிண்ணப் போட்டியில் விளையாட ஹொண்டுராஸ் தகுதிபெற்றது. இப்போது யஹாண்டு ராஸுக்கு எதிராக உள்ளார். மான்சிஸ்ரர் யுனைட்டட் கழக வீரரான அன்ரனி யோ வலன்சியா அணித் தலைவராக உள்ளார். ஈக்குவடோர் அணிக்காக 69 போட்டிகளில் விளையாடி ஐந்து கோல்கள் அடித்துள்ளார். பிறீகிக் ஸ்பெஷலிஸ்ற் என அழைக்கப்படும் எடிசொன்ம டெஸ் நம்பிக்கை நட்சத்திரமாக உள்ளார். மான்சிஸ்ரர் சிற்றி கழகத்திலிருந்த இவரை ரஷ்ய கழகம் ஒன்று அதிக விலை கொடுத்து வாங்கியுள்ளது.
அன்ரனியோ வலன்சியா, கிறிஸ்ரியன் நோபோ, பிலிப்கஸிடோ, ஜெபர் சன் மொன்டேரியோ, வால்டர் சுயோவி, செகுண்டோகஸ்ரிலோ ஆகியோர் அணியின் பிரதான வீரர்களாவர். யுலிசஸ்டிலா குரூஸ், அகஸ்ரின்டெல் காடோ, ஜோஸ் பரான்சிஸ்கோ செவ லோஸ் ஆகியோர் முன்னாள் வீரர் களாவர்.
2002ஆம் ஆண்டு உலகக் கிண்ணப் போட்டியில் விளையாட முதன் முதலாகத் தகுதிபெற்றது. 2006ஆம் ஆண்டு இரண்டா வது சுற்றுக்கு முன்னேறியது. மூன்றாவது முறை உலகக் கிண்ணப் போட்டியில் விளையாடத் தகுதிபெற்றுள்ளது.
 |
| ஹொண்டுராஸ் |
ஹொண்டுராஸ்
பனாமா, கியூபா, கனடா ஆகியவற்றுடன் மூன்றாவது தகுதிகாண் போட்டியில் விளையாடிய ஹொண் டுராஸ், 11 புள்ளிகளைப் பெற்று நான்காவது தகுதிகாண் போட்டியில விளையாடத் தகுதிபெற்றது. மூன்று போட்டியில் வெற்றி பெற்று இரண்டு போட்டிகளைச் சமப்படுத்தி ஒரு போட்டியில் தோல்வியடைந்தது. ஹொண்டுராஸ் 12 கோல்கள் அடித்தது. எதிராக மூன்று கோல்கள் அடிக்கப்பட்டன. கனடாவுக்கு எதிராக 8-1 என்ற கோல் கணக்கில் வெற்றிபெற்றது.
அமெரிக்கா, மெக்ஸிகோ, பனாமா, கொஸ்ரரிகா, ஜமேக்கா ஆகியவற்றுடன் நான்காவது தகுதிகாண் போட்டியில் விளையாடியது ஹொண்டுராஸ். நான்கு போட்டிகளில் வெற்றிபெற்று மூன்று போட்டிகளைச் சமப்படுத்தி மூன்று போட்டிகளில் தோல்வியடைந்து 15 புள்ளிகளைப் பெற்று உலகக் கிண்ணப் போட்டியில் விளையாடத் தகுதிபெற்றது.ஹொண்டுராஸுக்கு எதிராக 22 மஞ்சள் அட்டைகள் காட்டப்பட்டன. ஜெரிபென்ஸ் ரொன் ஒன்பது கோல்களும், கார்லோ கொஸ்ரி ஏழு கோல்களும் அடித் துள்ளனர்.
கொலம்பயாவைச் சேர்ந்த லூயிஸ் பெர்னாண்டோ சோஸி பயிற்சியாளராக உள்ளார். 2006ஆம் ஆண்டு இவர் ஈக்குவடோர் அணியின் பயிற்சியாளராக இருந்தபோது உலகக் கிண்ணப் போட்டியில் விளையாடத் தகுதிபெற்றது. வில்கன் பிலசியோர் ஹொண்டுராஸின் நம்பிக்கை நட்சத்திரமாக உள்ளார். அணித்தலைவரான கோல் கீப்பர் நொயல்வலராஸ் உள்ளார். 1982ஆம் ஆண்டு முதல்முதலாக உலகக் கிண்ணப் போட்டியில் விளையாடத் தகுதி பெற்றது. 2010ஆம் ஆண்டு தகுதி பெற்ற ஹொண்டுராஸ் தொடர்ந்து இந்த ஆண்டு நடைபெறும் போட்டியிலும் பங்கு பற்ற தகுதிபெற்றுள்ளது. அமரோகுவேரா, பகுரா வில்சன் பலகியயாஸ் ஆகியோர் முன்னாள் வீரர்களாவர்.
தென்னாபிரிக்காவில் நடைபெற்ற உலகக் கிண்ணப் போட்டியில் குழு எச் இல் ஸ்பெய்ன், சிலி, சுவிட்ஸர்லாந்து ஆகியவற்றுடன் ஹொஹாண்டுராஸ் போட்டியிட்டது. ஒரு போட்டியைச் சமப்படுத்தி இரண்டு போட்டிகளில் தோல்வியடைந்து கடைசி இடம்பிடித்து வெளியேறியது. ஹொண்டுராஸ் ஒரு கோல் அடித்தது. எதிராக மூன்று கோல்கள் அடிக்கப்பட்டன.
சுவிட்ஸர்லாந்து, பிரான்ஸ், ஈக்குவடோர், ஹொண்டுராஸ் ஆகிய நாடுகள் உள்ள குழு ஈ யிலிருந்து சுவிட்ஸர்லாந்து, பிரான்ஸ், ஆகியன இரண்டாவது சுற்றுக்குச் செல்லும் வாய்ப்பு உள்ளது.
ரமணி
சுடர் ஒளி 23/02/14
No comments:
Post a Comment