 |
| சுவிட்ஸர்லாந்து |
உலகக் கிண்ண உதைபந்தாட்டப் போட்டியில் விளையாடுவதற்குத் தகுதி பெற்ற சுவிட்ஸர்லாந்து, பிரான்ஸ், ஈக்குவடோர், ஹொண்டூராஸ் ஆகியன குழு ஈயில் இடம்பிடித்துள்ளன. சுவிட்ஸர்லாந்து, பிரான்ஸ் ஆகிய இரண்டு நாடுகளும் ஐரோப்பய கண்டத்திலிருந்து தகுதி பெற்றுள்ளன. தரவரிசையில் சுவிட்ஸர்லாந்து எட்டாவது இடத்திலும், பிரான்ஸ் 20ஆவது இடத்திலும் உள்ளன.
சுவிட்ஸர்லாந்து
சுவிட்ஸர்லாந்து, ஐஸ்லாந்து, ஸ்லோவேனியா, நோர்வே, அல்பேனியா, சைப்பிரஸ் ஆகியன, குழு ஈ யில் தகுதி காண்போட்டியில் விளையாடின. சுவிட்ஸர்லாந்து ஏழு போட்டிகளில் வெற்றிபெற்று மூன்று போட்டிகளை சமப்படுத்தியது. சுவிட்ஸர்லாந்து 17 கோல்கள் அடித்தது. எதிரணிகள் ஆறு கோல்கள் அடித்தன. ஏழு போட்டிகளில் சுவிட்ஸர்லாந்துக்கு எதிராக விளையாடிய அணிகள் கோல் அடிக்க வில்லை. 24 புள்ளிகளுடன் முதலிடம் பிடித்து உலகக் கிண்ண உதைபந்தாட்டப் போட்டியில் விளையாடுவதற்குத் தகுதி பெற்ற சுவிட்ஸர்லாந்துக்கு எதிராக 19 மஞ்சள் அட்டைகள் காண்பிக்கப்பட்டன.
பிரபல்யமான முன்களவீரரான ஒட்மர் ஹிற்ஸிபில்ட் சுவிஸ் அணியின் பயிற்சியாளராக உள்ளார். ஜேர்மன் கழகத்தின் பயிற்சியாளராக இருந்தபோது தனது அணியை இரண்டு முறை ஐரோப்பய சம்பியனாக்கினார். 2008ஆம் ஆண்டு சுவிஸ் அணியின் பயிற்சியாளராகப் பொறுப் பேற்றார்.
துருக்கிய வம்சாவளியைச் சேர்ந்த கோகான் இன்லெர் அணித் தலைவராக உள்ளார். 29 வயதான இவர், மிகச் சிறந்த மத்தியகள வீரராவார். ஆறு அடி நான்கு அங்குல உயரமான டீகோபெனக் லியோ கோல் கீப்பராக இருப்பது சுவிஸ் அணிக்குச் சாதகமானது.
பபியன் ஐகரி மூன்று கோல்களும், மரியோ கவரனோவிச், எக்ஸேன்டன் ஐகிரி ஆகியோர் தலா இரண்டு கோல்களும் அடித்துள்ளனர். பொஸ்னியா, கொசாவோ, நாட்டைச் சேர்ந்த பலர் சுவிஸ் அணியில் உள்ளனர்.
1934ஆம் ஆண்டு முதல் முதல் உலகக் கிண்ண உதைபந்தாட்டப் போட்டியில் விளையாடிய சுவிஸ், 10ஆவது தடவையாக தகுதிபெற்றுள்ளது. 1934/38/54ஆம் ஆண்டு களில் கால் இறுதிவரை முன்னேறியது. 2009ஆம் ஆண்டு 17 வயதுக்குட்பட்ட போட்டியில் சம்பியன் அதே ஆண்டு பீச்சொக்கரில் இறுதிப்போட்டிவரை முன்னேறி தோல்வியடைந்தது. அலெக் சாண்டர் பெரி, ஹரீபன், சபு, ஜொகான் வொகெல், ஹகன், யகிள் ஆகியோர் சுவிஸ் அணியின் முன்னாள் வீரர்களாவர்.
தென்னாபிரிக்காவில் நடைபெற்ற உலகக் கிண்ணப் போட்டியில் குழு எச்சில் ஸ்பெய்ன், சிலி, ஹொண்டூராஸ் ஆகியவற்றுடன் மோதியது. மூன்று போட்டிகளில் விளையாடிய சுவிஸ், ஒரு வெற்றி ஒரு தோல்வி ஒரு போட்டியை சமநிலையில் முடித்து நான்காம் இடம்பிடித்தது. சுவிஸின் அந்த ஒரேயயாரு வெற்றி சரித்திரப் பிரசித்திப்பெற்ற வெற்றியாக அமைந்தது. உலக சம்பியனான ஸ்பெய்னை 1-0 கோல் கணக்கில் வீழ்த்தியது.
பிரான்ஸ்
உலகக் கிண்ண தகுதிகாண் போட்டியில் இரண்டாம் இடம் பிடித்ததனால் பிளே ஓவ் போட்டியில் விளையாடி உலகக் கிண்ணப் போட்டியில் விளையாடுவதற்குத் தகுதி பெற்றது பிரான்ஸ்.
ஸ்பெய்ன், பிரான்ஸ், பின்லாந்து ஜோர்ஜியா, பெரலாஸ் ஆகியன குழு ஐயின் தகுதிபெற போட்டியிட்டன. ஐந்து போட்டிகளில் வெற்றி பெற்று இரண்டு போட்டிகளைச் சமப்படுத்தி ஒரு போட்டியில் தோல்வியடைந்த பிரான்ஸ், 17 புள்ளிகளுடன் இரண்டாம் இடத்தைப் பிடித்தது. பிரான்ஸ் 15 கோல்கள் அடித்தது. எதிராக ஆறு கோல்கள் அடிக்கப்பட்டன.
பிளேஓவ் போட்டியில் உக்ரைனும், பிரான்ஸும் சந்தித்தன. முதலாவது போட்டியில் இரண்டு கோல்கள் அடித்த உக்ரைன் வெற்றிபெற்றது. பிரான்ஸ் கோல் அடிக்கவில்லை. முதல்போட்டி முடிவு பிரான்ஸுக்கு சிக்கலை ஏற்படுத்தியது. இரண்டாவது போட்டியில் பிரான்ஸ் மூன்று கோல்கள் அடித்தது. உக்ரைன் ஒரு கோல் கூட அடிக்கவில்லை. இரண்டு நாடுகளும் தலா ஒரு போட்டியில் வெற்றிபெற்றாலும் அதிக கோல்கள் அடித்த பிரான்ஸ் பிரேஸிலுக்குச் செல்லத் தகுதிபெற்றது. 16 மஞ்சள் அட்டைகளும் ஒரு சிவப்பு அட்டையும் பிரான்ஸுக்கு எதிராகக் காட்டப்பட்டன.
1998ஆம் ஆண்டு உலகக் கிண்ணத்தைப் பெற்ற பிரான்ஸ் அணித்தலைவர் டிடிர்டெஸ் சாம்ஸ் அணியின் பயிற்சியாளராக உள்ளார். ஹுகோலியோரில் தலைவராகவுள்ளார். பிராங்ரிபெரி நான்கு கோல்களும், ஒலிவர் இரண்டு கோல்களும் அடித்துள்ளனர். பிராங்ரிபெரியின் மீது மிகுந்த எதிர்பார்ப்பு உள்ளது. மேஸி, ரொனால்டோ, ஆகியோருடன் பலொன் டி ஓ விருதுருக்கு பரிந்துரைக்கப்பட்டவர்.எரினல் கடி, யயாஹான், கபே, ரெமி, சமிர் நஸ்ரி (மான் சிஸ் சிற்றி) பற்றி ஈவரா (மான்சிஸ்ர் யுனைட்டட்) மமடு ஐகோ (லிவர்பூல்) ஆகிய வீரர்கள் கைகொடுப்பார்கள் என ரசிகர்கள் எதிர்பார்க்கின்றனர்.
1998ஆம் ஆண்டு ஒலிம்பிக் சம்பயன் 2001, 2003ஆம் ஆண்டுகளில் கொன் படறேசன் சம்பியன், 2007ஆம் ஆண்டு 17 வயதுக்குப்பட்ட போட்டியிலும், 2005ஆம் ஆண்டு பீச் சொக்கரினும் சம்பியனானது. ஐஸ்ட் பொஸ்ரெளி, மைக்கல் பிளட்டின், ஸினெடிஸினன் ஆகியோர் பரான்ஸ் அணியின் முன்னாள் வீரர்களாவர்.
தென்னாபிரிக்காவில் 2010ஆம் ஆண்டு நடைபெற்ற உலகக் கிண்ணப் போட்டியில் ஏ பிரிவில் மெக்ஸிகோ, உருகுவே, தென்னாபிரிக்கா ஆகியவற்றுடன் விளையாடியது. ஒரு போட்டியை சமப்படுத்தி, இரண்டு போட்டிகளில் தோல்வி கண்டது. கடந்த உலகக் கிண்ணப் போட்டியில் தென்னாபிரிக்காவிடம் பெற்ற தோல்வியிலிருந்து மீள வேண்டிய நிலையில் உள்ளது பிரான்ஸ்.
ரமணி
சுடர் ஒளி 16/02/14
No comments:
Post a Comment