ஒலிம்பிக்கில் விளையாடாத‌தால் வ‌ருத்தப்படவில்லை ‍ கொலஸ்னிகோவ்

 

 பதக்கம் வெல்லும் கனவு இன்னும் உயிருடன் உள்ளது" , ஒலிம்பிக் போட்டிகளைத் தவறவிட்டதில்  வருத்தப்படவில்லை. இந்த சூழ்நிலையில் எனது கவனம் 'புதிய உலக சாதனைகள்' மீது இருக்கும் என்று  ரஷ்ய ஒலிம்பிக் நீச்சல் வீரர்  கொலஸ்னிகோவ் தெரிவித்தார்.

கிளிமென்ட் கோல்ஸ்னிகோவ் ஒலிம்பிக் பதக்கங்களை வெல்வதில் உறுதியாக இருக்கிறார், ஆனால் அது 2024 இல் பாரிஸ் ஒலிம்பிக்கில் இருக்காது, குறைந்தபட்சம் இப்போதைக்கு இல்லை. உக்ரைனில் ஏற்பட்ட மோதலின் விளைவாக போட்டியாளர்களுக்கு "ஏற்றுக்கொள்ள முடியாத" நிபந்தனைகள் விதிக்கப்பட்டதால், தற்போதைய 50 மீ பேக் ஸ்ட்ரோக் சாதனை படைத்தவர் அடுத்த ஆண்டு விளையாட்டுப் போட்டிகளில் பங்கேற்கப் போவதில்லை என்று உறுதியளித்துள்ளார் என்று அவர் AFP க்கு சமீபத்திய பேட்டியில் தெரிவித்தார்.

ரஷ்யா,அதன் நட்பு நாடான பெலாரஸைச் சேர்ந்த விளையாட்டு வீரர்கள், உக்ரைனுக்கு எதிரான யுத்தத்தை  ஆதரிக்காவிட்டால், குழு நிகழ்வுகளில் இருந்து விலக்கப்பட்ட நடுநிலையாளர்களாக பாரிஸில் போட்டியிட முடியும் என்று சர்வதேச ஒலிம்பிக் கமிட்டி (IOC) இந்த மாதம் அறிவித்தது.

ஐஓசியின் படி, 11 விளையாட்டு வீரர்கள், எட்டு ரஷ்யர்கள் மற்றும் மூன்று பெலாரசியர்கள் மட்டுமே தற்போது மேலே உள்ள அளவுகோல்களை சந்திக்கின்றனர். சுமார் 60 உக்ரைனியர்கள் தகுதி பெற்றுள்ளனர்.

 இந்த சூழ்நிலையில் தனிப்பட்ட முறையில் ஒலிம்பிக்கில் பங்கேற்பது சாத்தியமில்லை என்று முடிவு செய்துள்ளேன்" என்று கூறிய அவர், மற்ற விளையாட்டு வீரர்களில் 'கறுப்பு ஆடு' ஆக விரும்பவில்லை என்று விளக்கினார்.