2023 சாதனை நாயகன் பட் கம்மின்ஸ்

அவுஸ்திரேலிய கிறிக்கெற்  கப்டன் பட் கம்மின்ஸ், 2023 ஆம் ஆண்டு ஐந்து சதனைகளுடன் பெருமை மிக்க  கப்ட்டனாகத்  திகழ்கிறார்.

சர்வதேச கிரிக்கெட் தொடர்களான உலக டெஸ்ட் சம்பியன்ஷிப், ஒருநாள் போட்டி உலகக்கோப்பை வெல்வது என்பது ஒவ்வொரு கப்டனின் பெரிய கனவு. அந்த இரண்டையும் ஒரே ஆண்டில் வென்று மிகப் பெரும் பெருமைகளை பெற்று இருக்கிறார் பட் கம்மின்ஸ்.

2021 - 2023 காலகட்டத்திற்கான உலக டெஸ்ட் சம்பியன்ஷிப் இறுதிப் போட்டியில் இந்தியா - ஆஸ்திரேலியா அணிகள் மோதின. அந்தப் போட்டியில் இந்திய அணி மோசமாக ஆடியது. பட் கம்மின்ஸ் தலைமையில் அவுஸ்திரேலிய அணி சிறப்பாக செயல்பட்டு போட்டியில் வென்று கோப்பையை வென்றது.

இந்தியாவில் நடைபெற்ற 2023 ஒருநாள் போட்டி உலகக்கோப்பையை   இறுதிப் போட்டியிலும் இந்திய அணியை வீழ்த்தி அவுஸ்திரேலியா கோப்பையை வென்றது  பட் கம்மின்ஸ் கப்டனாக அணியை பதற்றம் இல்லாமல் வழிநடத்தினார்.

உலகின் முக்கிய டெஸ்ட் தொடராக பார்க்கப்படும் இங்கிலாந்து ‍ அவுஸ்திரேலியா அணிகள் மோதும் பாரம்பரியமிக்க ஆஷஸ் டெஸ்ட் தொடரை சமன் செய்து கோப்பையை தக்க வைத்த பெருமைக்குரியவராகிறார்  கப்டன்  பட் கம்மின்ஸ். 

இந்தியாவில் நடைபெறும் ஐபிஎல் தொடரில் பெரிய தொகைக்கு தேர்வு செய்யப்பட வேண்டும் என்பது கிறிக்கெற் வீரர்களின் கனவு.     பட் கம்மின்ஸ் 20.25 கோடிக்கு ஏலத்தில் தேர்வு செய்யப்பட்டார்.

அஸ்திரேலிய அணி ஆண்டின் இறுதியில் ஆடும் டெஸ்ட் போட்டி பாக்ஸிங் டெஸ்ட் என வர்ணிக்கப்படுகிறது. புத்தாண்டை ஒட்டி நடைபெறும் இந்தப் போட்டியில் வெற்றி பெறுவது என்பது அவுஸ்திரேலிய அணிக்கு பெரிய கெள‌ரவமாக உள்ளது. 2023 ஆண்டின் இறுதியில் பாகிஸ்தான் அணிக்கு எதிரான பாக்ஸிங் டெஸ்ட்டில் பட் கம்மின்ஸ் சிறப்பாக செயல்பட்டு அவுஸ்திரேலிய அணியை வெற்றி பெற வைத்ததோடு ஆட்டநாயகன் விருதையும் வென்றார்.

இத்தனை பெருமைகளையும் தாய் பார்க்கவில்லை என்ற கவலை பட் கம்மின்ஸுக்கு இருக்கிறது.  2023 ஆம் ஆண்டு அவரது தாய் மரணமானார்