ஆபிரிக்க கிண்ண போட்டியிலிருந்து வெளியேறியது மொராக்கோ

 ரபாத்தில் உள்ள மௌலே எல் ஹசன் மைதானத்தில் புதன்கிழமை நடைபெற்ற கோல் இல்லாத அரையிறுதிப் போட்டியில்   கேமரூனிடம் 3-1 என்ற கோல் கணக்கில் தோல்வியடைந்ததால், மொராக்கோ மகளிர் அணி 2026 மகளிர் ஆப்பிரிக்க கிண்ண  உதைபந்தாட்டப் போட்டியில் இருந்து வெளியேறியது.

ஆட்டத்தின் முதல் 90 நிமிடங்களில் இரு அணிகளாலும் கோல் அடிக்க முடியவில்லை. மொராக்கோ அணி சில நேரங்களில் பந்தைக் கட்டுப்பாட்டில் வைத்திருந்தாலும், ஒழுங்கமைக்கப்பட்ட கமரூனிய பாதுகாப்புக்கு எதிராகத் தங்கள் அழுத்தத்தைத் தெளிவான வாய்ப்புகளாக மாற்றத் திணறியது.

கூடுதல் நேரத்திலும் ஆட்டம் இழுபறியாகவே நீடித்தது. பின்னர் போட்டி பெனால்டி ஷூட்அவுட்டிற்குச் சென்றது. அதில் கமரூன் 3-1 என்ற கோல் கணக்கில் வெற்றி பெற்று, தனது நான்காவது  ஆபிரிக்கக் கிண்ண  இறுதிப் போட்டிக்கு முன்னேறியது.

இந்தத் தோல்வி,   மொராக்கோ பெற்ற தொடர் வெற்றிகளுக்கு முற்றுப்புள்ளி வைத்தது.  போட்டியை நடத்தும் மொராக்கோ அணி, இதற்கு முந்தைய இரண்டு அரையிறுதிப் போட்டிகளிலும் பெனால்டி ஷூட்அவுட் மூலம் வெற்றி பெற்றிருந்தது; 2022-ல் நைஜீரியாவையும், 2024-ல் கானாவையும் தோற்கடித்திருந்தது.

  இந்த ஆண்டுக்கான காலிறுதிப் போட்டியில் தென்னாப்பிரிக்காவை 2-1 என்ற கோல் கணக்கில் வீழ்த்தி அரையிறுதிக்கு முன்னேறியிருந்ததுடன், பிறேஸிலில் நடைபெறும் 2027 மகளிர் உலகக் கிண்ணத் தகுதியையும் ஏற்கனவே உறுதி செய்திருந்தது. இது அந்தத் தொடரில் மொராக்கோவின் தொடர்ச்சியான இரண்டாவது பங்கேற்பாகும்.

மற்றொரு அரையிறுதிப் போட்டியில் தென்னாப்பிரிக்க அணியான மலாவி, அல்ஜீரியாவை 3-1 என்ற கோல் கணக்கில் தோற்கடித்ததைத் தொடர்ந்து, கமரூன் இறுதிப் போட்டியில் மலாவியை எதிர்கொள்ளும்.