பெனால்ரி என்றால் அச்சப்படும் இங்கிலாந்து வெற்றி பெற்று சாதித்தது.

ரஷ்யாவின் ஸ்பாக்ரக் ஸ்ரேடியத்தில் நடைபெற்ற உலகக்கிண்ண நொக் அவுட் போட்டியில் கொலம்பியாவை எதிர்கொண்ட இங்கிலாந்து பெனால்ரியில் வெற்றி பெற்று காலிறுப் போட்டியில் விளையாடத் தகுதி பெற்றது.

இரண்டு அணி வீரர்களும் மிகவும் மூர்க்கத்தனமாக மோதினர். வெற்றி பெற்று காலிறுதிக்குத் தகுதி பெற வேண்டும் என்ற ஒரே ஒரு குறுக்கோளுடன் மோதியதால் ஃபவுலுக்குப் பஞ்சமில்லாதிருந்தது. கொலம்பிய வீரர்கள் 14 முறையும் இங்கிலாந்து வீரர்கள் 16 முறையும் கோல் அடிக்க முயன்றனர். கொலம்பிய கோல்கீப்பர் மூன்று முறையும் இங்கிலாந்து கோல்கீப்பர் ஐந்து முறையும்  பந்தைத் தடுத்தனர். கோல் எதுவும் இல்லாமல் முதல் பாதி முடிந்தது.

இரண்டாவது பாதி ஆரம்பித்த 57 ஆவது நிமிடத்தில் இங்கிலாந்து கோல் அடித்தது.  இங்கிலாந்துக்கு கோனர் வாய்ப்பு கிடைத்தது.அப்போது கொலம்பிய வீரர் கார்லோஸ் சாஞ்சேஸ்,இங்கிலாந்தின் ஹரி கேனை முறையற்ற வகையில் தடுத்தபோது நடுவர் பெனால்ரி கொடுத்தார். இங்கிலாந்தின் நம்பிக்கை நட்சத்திரம் ஹரி கேன் அதனை கோலாக்கினார். தங்கக் காலணிப் பட்டியலில் முதலிடத்தில் இருக்கும்   ஹரி கேனின் 6 ஆவது கோலாகும்.  இங்கிலாந்து 1-0 என முன்னிலை வகித்தது. பதில் கோல் அடித்து சமப்படுத்த கொலம்பிய வீரர்கள் மேற்கொண்ட முயற்சிகள் அனைத்தும் தோல்வியில் முடிந்தன.

90 நிமிடம் முடிந்து மேலதிக நேரம்  போட்டி தொடர்ந்தது.இங்கிலாந்து ரசிகர்களின் ஆரவாரம் விண்ணைத் தொட்டது. கொலம்பிய ரசிகர்கள் கண்ணீருடன் சோகமாக இருந்தனர். 93 ஆவது  நிமிடத்தில் கொலம்பிய ரசிகர்கள் துள்ளிக் குதித்து உற்சாகமடைந்தனர்.

93 ஆவது நிமிடத்தில் 25 அடி தூரத்திலிருந்து  கொலம்பிய வீரர் யூரிபி அடித்த   ஷாட் வலது புறம் கோல் மேல் மூலையை நோக்கி உள்ளுக்குள் சென்று கொண்டிருந்த போது இங்கிலாந்து கோல் கீப்பர் பிக்ஃபோர்டு அருமையாக எம்பித் தட்டி விட்டார். இதன் விளைவாக கொலம்பியாவுக்குக் கார்னர் வாய்ப்புக் கிடைத்தது கொலம்பிய வீரர் மினா வலுவாக பந்தை முட்ட பந்து தரையில் பட்டு ட்ரிப்பியருக்கும் மேல் எழும்பி கோலுக்குள் சென்றது.  கொலம்பியா அடித்த கோலால்   1-1 என போட்டி சமமானது.

கொலம்பிய ரசிகர்கள் உற்சாகமானார்கள். வெற்றிக்கொண்டாட்டத்தில்  மகிழ்ந்திருந்த இங்கிலாந்து ரசிகர்கள் அதிர்ச்சியடைந்தனர். கடைசி விசில் ஊதும் வரை சந்தோசம் நீடிக்காது வெற்றி பறிக்கப்படலாம் என்பதை இந்தப் போட்டி மீண்டும் ஒரு முறை ஞாபகப்படுத்தியது. மேலதிகமாக வழங்கப்பட்ட  30 நிமிட நேரத்தில் கோல் எதுவும் அடிக்கப்படாமையால்  இரண்டு அணிகளுக்கும் தலா ஐந்து பெனால்ரி வழங்கப்பட்டது.

பெனால்ரி என்றால் இங்கிலாந்துக்கு தொடை நடுக்கம். 1990, 1998, 206 ஆம் ஆண்டுகளில் நடைபெற்ற உலகக்கிண்ணப் போட்டிகளில் பெனால்ரியில் தோல்வியடைந்து இங்கிலாந்து வெளியேறியது. இதனால் இங்கிலாந்து ரசிகர்கள் கலக்கமடைந்தனர். மெக்ஸிகோ ரசிகர்கள் உற்சாகமாகினர்.

1 கொலம்பியாவின் ஃபால்கோ முதல் பெனால்டியை அடித்தார். கோல் 1-0 

1 இங்கிலாந்தின் ஹரி கேன் அடுத்து அடித்தார். கோல் 1-1

2   கொலம்பியாவின் குவாட்ராடோ கோல் அடிக்க 2-1

2 இங்கிலாந்து  ராஷ்போர்ட் அடித்தது கோலானது. 2-2.

3 கொலம்பியாவின் மியூரியல் கோலுக்குள் செலுத்தினார்   3-2.

3 இங்கிலாந்து வீரர் ஜோர்டான் ஹெண்டர்சன் அடித்த பக்கவாட்டு பாத உதையை ஆஸ்பினோ இடது புறம் பாய்ந்து தட்டிவிட கொலம்பியா 3- இங்கிலாந்து 2  கொலம்பியா முன்னிலை பெற்றது. யூரோ கிண்ணப் போட்டியிலும் இவர் பெனால்ரியை கோலாக்கவில்லை. 

4  கொலம்பியாவின் யூரிபி அடித்த பந்து மேலே கோல் கம்பத்தில் பட்டு வெளியேறியது.  கொலம்பியா 3- இங்கிலாந்து 2.

4 இங்கிலாந்தின் டிரிப்பியர் அடித்த பந்து கோலானது.   3-3 இங்கிலாந்து ரசிகர்கள் திருப்தியடைந்தனர்.

5 கொலம்பியாவின் கார்லோஸ் பாக்கா அடித்த பந்தை  இங்கிலாந்து கோல் கீப்பர் பிக்ஃபோர்டு தடுக்க 3-3. எனும் சமனிலை தொடர்ந்தது.

5 இங்கிலாந்தின் வெற்ரிக்காக எரிக் டயரின்  காலை அனைவரும் உற்று நோக்கினர்.   அது கோலாக வேண்டும் என இங்கிலாந்து ரசிகர்காலௌம் கோல் போகக்கூடாது என கொலம்பிய வீரர்களும் எதிர்பார்த்தனர் இங்கிலாந்தின் எரிக் டயர் தாழ்வாக கோல் நோக்கி அடிக்க kool kiippar ஆஸ்பினோ வலது புறம் பாய்ந்தார். அடித்தார் பந்து அவர் விரல்களில் பட்டு வலையில் தஞ்சமடைந்தது 4-3 எனும் கோல் கணக்கில் இங்கிலாந்து வெற்றி பெற்றது.  இங்கிலாந்து   பெனால்ரியில் வெற்றி பெற்றதை அனைவரும் உற்சாகமாகக் கொண்டாடினர்.

 மெக்ஸிகோ 23 ஃபவூல் செய்ததது. 6 வீரர்களுக்கு மஞ்சள் அட்டை காண்பிக்கப்பட்டது. இங்கிலாந்து 13 ஃபவூல் செய்ததது.2 வீரர்களுக்கு மஞ்சள் அட்டை காண்பிக்கப்பட்டது.

 பெக்கம்,ரூனி வரிசையில் இந்தத் தொடரில் 7  கோல் அடித்த ஹரி கேன்  இங்கிலாந்து ரசிகர்களின் மனதில் இடம் பிடித்துவிட்டார். காலிறுதிப் போட்டியில் சுவீடனுடன் இங்கிலாந்து மோதுகிறது. சுவீடனைச் சந்திக்கிறது.,

1966 ஆம் ஆண்டு சம்பியனான இங்கிலாந்து,இதுவரை நடைபெற்ற  உலகக்கிண்ண    நொக் அவுட் சுற்றுகளில் மிகவும் வலுவான ஐந்து அணிகளிடம் மட்டுமே தோல்வியடைந்துள்ளது.   1970, 1990,2010,  ஜெர்மனியிடம்  2006 ஆம் ஆண்டு போத்துகலிடமும்  1962,  2002, ஆம் ஆண்டுகளில் பிறேஸிலிடமும் 1986, 1998 ஆம் ஆண்டுகளில் ஆஜென்ரீனாவிடமும்.   1954 ஆம் ஆண்டு உருகுவேயிடமும்  நொக் அவுட் சுற்றில் இங்கிலாந்து தோல்வியடைந்தது.

பெல்ஜியத்தை மிரட்டியது ஜப்பான்

உலகக்கிண்ண நொக் அவுட் சுற்றில் ரஷ்யாவின் ரோஸ்டோவ்  அன்ரான் நகரில் பெல்ஜியத்துக்கு எதிராக ஆக்ரோஷமாக விளையாடிய ஜப்பான் 3-2 என்ற கோல்கணக்கில் பரிதாபமாகத்  தோல்வியடைந்தது

ஜி பிரிவில் இடம்பெற்றிருந்த பெல்ஜியம் மூன்று ஆட்டங்களிலும் வென்றது. பனாமாவுடன் 3-0, துனீஷியாவுடன் 5-2, இங்கிலாந்துடன் 1-0   என்ற கோல்கணக்கில் வெற்றி பெற்று இரண்டாவது சுற்றுக்குத் தகுதி பெற்றது.

  எச் பிரிவில் இடம்பெற்றிருந்த ஜப்பான் கொலம்பியாவை 2-1 என வென்றது. செனகலுடன் 2-2 என சமப்படுத்தியது.. போலந்திடம் 1-0 என தோல்வியடைந்தது. கடைசியில் ஃபேர் பிளே அடிப்படையில் செனகலை பின்னுக்கு தள்ளி முன்னேறியது செனகலும் ஜப்பானும் ஒரு போட்டியில் வெற்றிபெற்று, ஒரு  போட்டியில் தோல்வியடிஅந்து, ஒரு போட்டியைச் சமப்படுத்தின. அடித்த கோல்கள்,வங்கிய கோல்கள்,  புள்ளிகள் அனைத்தும் சமமாக இருந்தமையினால் குரந்த மஞ்சள் அட்டைகளைப் பெற்ற ஜப்பான் ஃபேர் பிளே அடிப்படையில் இரண்டாவது சுற்றுக்கு முன்னேறியது. உலகக்கிண்ண வரலாற்றில் ஃபேர் பிளேயில் தகுதி பெற்ற ஒரே ஒரு நாடு ஜப்பான்தான்

ஜப்பானைவிட பலம்வாய்ந்த  ஐரோப்பிய அணியான பெல்ஜியம் இலகுவாக  வென்றுவிடும் என எதிர்பார்க்கப்பட்டது. முதலில் இரண்டு கோல்கள் அடித்ஹ்டு முன்னிலை பெற்ற ஜப்பான் கடசி நிமிடம் வரை பெல்ஜியத்தை மிரட்டியது.

முதல் பாதி நேரம் முடியும் வரை கோல் அடிக்கும் முயற்சிகள் எஅவையும் வெற்றி பெறவில்லை.. இதனால் ஆட்டத்தின் முதல் பாதியில் பெல்ஜியம் - ஜப்பான் அணிகள் 0-0 என சமனிலை வகித்தன.

ஆட்டத்தின் இரண்டாவது பாதியில் ஜப்பான் அணி வீரர்கள் அதிரடியாக ஆடினர். இதனால் ஆட்டத்தின் 48-வது நிமிடத்தில் ஜப்பான் வீரர் ஜெங்கி ஹராகுசி ஒரு கோல் அடித்தார். 52 வது நிமிடத்தில் டகாஷி இனுல் ஒரு கோல் அடிக்க ஜப்பான் 2-0 என முன்னிலை பெற்றது. ஜப்பன் ரசிகர்கள் உற்சாகமாகினர். பெல்ஜிய வீரர்கள் அதிர்ச்சியடைந்தனர்.

பெல்ஜியம் அணியின் ஜேன் வெர்டோகன்  69-வது நிமிடத்தில் ஒரு கோல் அடித்தார்.  அதைத்தொடர்ந்து    74 வது நிமிடத்தில் பெல்ஜியம் வீரர் மரானே பெலானி ஒரு கோல் அடித்தார். இதனால் இரு அணிகளும் 2-2 என்ற கோல் கணக்கில் சமனிலை வகித்தன. வெற்றி பெற்றேயாக வேண்டும் என்ற முனைப்புடன் இரண்டு அணிவீரர்களும் எதிரணியின் கோல்கம்பத்தை முற்றுகையிட்டனர்.

காயம்,நேரவியரம் ஆகியவற்றுக்காக கூடுதலாக நான்கு நிமிடம் வழங்கப்பட்டது.அந்த சந்தர்ப்பத்தில்பெல்ஜியம் வீரர் நாசர் சடி 94வது நிமிடத்தில் ஒரு கோல் அடித்து தனது அணியை வெற்றிக்கு அழைத்து சென்றார்.ஜப்பானை 3-2 என்ற கோல் கணக்கில் வீழ்த்தி பெல்ஜியம் அணி காலிறுதிக்குள் நுழைந்தது தோல்வியடைந்தாலும் இரண்டாவது சுற்றுவரை முன்னேறிய மகிழ்ச்சியுடன் ஜப்பான் வீரர்கள் மைஅதானத்தை விட்டு வெளியேறினர்.

பிறேஸில் வீரர்களுடன் தனி ஒருவனாகப் போராடிய கோல் கீப்பர் கிலர்மோ ஓச்சா

ரஷ்யாவில் நடைபெற்ற உலககிண்ண நொக் அவுட் சுற்றில் மெக்ஸிகோவை எதிர்த்து விளையாடிய பிறேஸில் புதிய சாதனைகளுடன் வெற்றி பெற்று கால் இறுதிப் போட்டியில் விளையாடத் தகுதி பெற்றது. மெக்ஸிக்கோவுக்கு எதிராக பிறேஸில் தோல்வியடைந்ததில்லை.   மூன்று போட்டிகளில்  வெற்றி பெற்று ஒரு போட்டியைச் சமப்படுத்தியதால் ரசிகர்கள் நம்பிக்கையுடன் இருந்தனர்.  

51 ஆவது நிமிடத்தில்  நெய்மர்  முதல் கோல் அடித்தபோது பிறேஸிலின் வெற்றி உறுதிப்படுத்தப்பட்டதாக ரசிகர்கள் நம்பினர் பிறேஸிலுக்காக முதலாவது கோலை நெய்மர் அடித்தால் வெற்ரி நிச்சயம் என்பது வரலாறு. இதனால் வீரர்கலும் ரசிகர்களும் நம்ப்பிக்கையுடன்  இருந்தனர்.  2-0  என்ற கோல்கணக்கில்  பிறேஸில்  வெற்றி பெற்றது.

ஃபிபா உலகக்கிண்ண காலிறுதிக்கு ஐந்து முறை சாம்பியனான பிறேஸில் 16 ஆவது முறையாக நுழைந்து சாதனை புரிந்துள்ளது. ஜேர்மனி மட்டுமே 16 முறை காலிறுதிக்கு நுழைந்துள்ளது. . தற்போது அதை பிரேசில் சமன் செய்துள்ளது.  இதுவரை நடந்துள்ள அனைத்து உலகக்கிண்ணப் போட்டிகளிலும்  பங்கேற்றுள்ள ஒரேஒரு நாடு பிறேஸில். ஜேர்மனி 4 முறை சம்பியனாகியது.  பிரேசில் 5 முறை வெற்றிக் கிண்ணத்தை  முத்தமிட்டது.

பிஒறேஸீலுக்கு எதிரான போட்டியில் மெக்ஸிகோ தோல்வியடைந்தாலும், கடுமையாகப் போராடியது. பிறேஸீல் வீரர்களின் தாக்குதல்களைச் சமாளித்து கோல் கீப்பர் கிலர்மோ ஓச்சா இரண்டு கோல்களை மட்டும் விட்டுக்கொடுத்தார். கோல்கம்பத்தை நோக்கி எட்டு முறை பிறேஸில் வீரர்கள் பந்தை அடித்தனர். சிலவற்றைப் பிடித்து சிலவற்றைத் தட்டி விட்டு அதிக கோல்கள் பெறாமல் காப்பாற்றினார் கோல் கீப்பர் கிலர்மோ ஓச்சா. இந்த உலகக்கிண்ணப் போட்டியில்    ஜேர்மனிக்கு எதிரான ஆட்டத்தில் அவர் 9 கோல்களை தடுத்து நிறுத்திய கீப்பர் கிலர்மோ ஓச்சா  20 கோல்களைத்  தடுத்துள்ளார். உலகக்கிண்ண வரலாற்றில் 7 ஆவது முறையாக நொக் அவுட் சுற்றுடன் மெக்ஸிகோவின் முன்னேற்றம் தடுக்கப்பட்டது.

 5, 15, 26, 29, 32, 52, 64, 67,69 ஆவது நிமிடங்களில் பிறேஸில் வீரர்கள் கோல் அடிக்க மேற்கொண்ட முயற்சிகளை மெக்ஸிகோவின் கோல் கீப்பர் அபாரமாகத் தடுத்தார். இவற்றில் சில பந்துகள் கோல் கம்பங்களை உரசிச் சென்றது. முதல் பாதி ஆட்டம் கோல் இன்றி முடிவுற்றது.

இரண்டாவது பாதியில் 51வது நிமிடம் வில்லியன் அடித்த பந்து கோல் கீப்பரை தாண்டி சென்றது. இதை அருகில் இருந்த ஜீசஸ் தவற விட, வாய்ப்புக்காக காத்திருந்த நெய்மர் பந்தை வலைக்குள் தள்ளி கோல் அடித்தார். பிறேஸீல் 1-0 என முன்னிலை பெற்றது. நெய்மர் கோல் அடித்த போட்டிகளில் பிரேசில் தோற்றது இல்லை என்பதால்இ சக வீரர்கள் கூடுதல் வேகத்துடன் செயல்பட்டனர்.

  71வது நிமிடம் மெக்சிகோவின் லாயுன் நெய்மரை 'பவுல்' செய்ததால் நெய்மர் வலியால் துடித்தார். இதனால் 2014 தொடரைப் போல நெய்மர் பாதியில் வெ ளியேறி விடுவாரோ என ரசிகர்கள் பயந்தனர். நல்லவேளையாக சிகிச்சைக்குப் பின் மீண்டும் களம் புகுந்தார்

86வது நிமிடத்தில் பிலிப் கூட்டினியோ வெளியேற அவருக்குப் பதிலாக   ஃபர்மினோ களமிறங்கினார்.. போட்டியின் 88வது நிமிடம் மின்னல் வேகத்தில் பந்தை கொண்டு சென்ற நெய்மர், சக வீரர் பெர்மினோவிடம் 'பாஸ்' செய்தார். இதை அவர் அப்படியே கோலாக மாற்ற  பிரேசில் வெற்றி (2-0) உறுதியானது.  

கடைசியாக மோதிய ஐந்து உலககிண்ணத் தொடரில் மெக்ஸிகோவுக்கு பிறேஸில் ஒரு கோல் கூட விட்டுக்கொடுத்தது இல்லை. அதேநேரம் 13 கோல் அடித்துள்ளனர்.

உலகக்கிண்ந்த் தொடரில் அதிக கோல் அடித்த ஜேர்மனியை  முந்தி  முதலிடம் பிடித்தது பிறேஸில். ஜேர்மனி 226கோல்கள் அடித்தது பிறேஸில் இதுவரை 228 கோல்கள் அடித்ஹ்டுள்ளது.

  மெக்சிகோவுக்கு எதிராக ஒரு கோல் அடித்த நெய்மர்  உலகக்கிண்ணப் போட்டியில் 38 முறை முயற்சி செய்து  6வது கோல் பதிவு செய்தார். முன்னாள் வீரர்கள் ராபர்டோ ரிவலினோ (6), ரெபேட்டோ (6) .ஆகியோரின் எண்ணிக்கையை சமப்படுத்ஹ்டினார். எண்ணிக்கையை சமன் செய்தார்.

அர்ஜென்டினாவின் மெஸ்சி 67, போர்ச்சுகலின் ரொனால்டோ 74 முயற்சிகளில் தான்  முதல் 6 கோல்கள் அடித்தனர்.

பிறேஸில்  அணிக்காக கடைசியாக விளையாடிய 19 போட்டிகளில் நெய்மர் 20 கோல்கள் அடித்தார். 11 கோல்கள் அடிக்க சக வீரர்களுக்கு உதவியாக இருந்தார். ஒட்டுமொத்தமாக 89 போட்டியில் 57 கோல்கள் அடித்த நெய்மர், 35 கோல் அடிக்க உதவினார்.

பிறேஸிலின்  நட்சத்திர வீரர் நெய்மரை  'பவுல்' செய்வதில் எதிரணிகள் அதிக அக்கறை காட்டுகின்றன. சமீபத்தில் தான் வலது கால் காயத்தில் இருந்து மீண்டார். தற்போது    4 போட்டிகளில்  விளையாடிய நெய்மரை 21 முறை இடித்து தள்ளினர். 

குரோஷியாவின் வெற்றிக் கொண்டாட்டம்

உலகக்கிண்ண உதைபந்தாட்டப் போட்டியின் நொக் அவுட் சுற்றில் குரோஷிய கோல்கீப்பர் சுபாசிச்தான் பெனால்ரிகளைத் தடுத்தாட்கொண்டமையால் 3-2 என்ற கோல்கனக்கில் வெற்றி பெற்ற குரோஷியா கால் இறுதிப்  போட்டியில் விளையாடத் தகுதி பெற்றது. போட்டி ஆரம்பிது  நான்கு நிமிடங்களில் இரண்டு அணிகளும் தலா ஒரு கோல் அடித்ததால் போட்டி  சூடு பிடித்தது

.

டென்மார்க்குக்காக மத்தியாஸ் ஸாங்கா ஜோர்கென்சன்  1 ஆவது நிமிடத்தில் முதல் கோலை அடிக்க, 4 ஆவது நிமிடத்தில் குரேஷிய வீரர் மரியோ மண்ட்சூகிக் பதிலடி கொடுத்துச் சமன் செய்தார். பரபரத் தொடக்கம் இறுதி வரைக் காக்கப்பட்டது. இரண்டு அணி வீரர்களும் கோல் அடித்து  முன்னிலை பெறுவதற்கு முயற்சித்ததால் தடுப்பாட்டத்தில் கவனம் செலுத்தவில்லை.  நிர்ணயிக்கப்பட்ட 90 நிமிடங்களில் வெற்றிக் கோல் அடிக்கப்படாமையால் மேலதிகமாக 30  நிமிடம் வழங்கப்பட்டது.

  30 நிமிட நேர ஆட்டத்தின் இரண்டாவது பாதியில் குரோஷியாவுக்கு பெனால்ரி வாய்ப்பு கிடைத்தது. மோட்ரிச்  அடித்த பந்து டென்மார்க் கோல் கீப்பர் காஸ்பர் ஷ்மீச்செலுக்கு சற்று நெருக்கமாகச் சென்றதால் தடுக்கப்பட்டது.  . யூரோ 2008-ல் காலிறுதியில் துருக்கியிடம் பெனால்டியில்தான் தோற்றது குரேஷியா.மீண்டும் அதே போன்ற நிலை ஏற்படுமோ என்ற அச்சம் ரசிகர்கள் மத்தியில் ஏற்பட்டது. மேலதிக 30 நிமிடத்திலும் வெற்றிக் கோல் அடிக்கப்படாமையால்   இரண்டு அணிகளுக்கும் தலா ஐந்து பெனால்ரி வழங்கப்பட்டது.

டென்மார்க் அடித்த முதல் பெனால்ரியை குரோஷியா கோல் கீப்பர் தடுத்தார். அடுத்து குரோஷியா அடித்த பெனால்ரியையும்டென்மார்க் கோல் கீப்பர் தடுத்ததால் பரபரப்பு ஏற்பட்டது.

  இரண்டாவது வாய்ப்பை டென்மார்க் கோலாக மாற்றியது. இதனால் 1-0 என முன்னிலை வகித்தது. குரோஷியா இரண்டாவது வாய்ப்பை கோலாக் மாற்றியதால் 1-1 என சமநிலை அடைந்தது.

டென்மார்க் மூன்றாவது வாய்ப்பை கோலாக மாற்றியதால் 2-1 என முன்னிலை பெற்றது. குரோஷியாவும் அடுத்த வாய்ப்பை கோலாக மாற்றியது. இதனால் இரு அணிகளும் 2-2 என சமநிலை பெற்றன.

டென்மார்க் அணியின் 4வது வாய்ப்பை குரோஷிய அணி கோல் கீப்பர் அபாரமாக தடுத்தார்.  குரோஷியா அணியின் 4வது வாய்ப்பையும் கோல் கீப்பர் தடுத்ததால் சமநிலை நீடித்தது.

டென்மாக் வீரர்களான கிறிஸ்டியன் எரிக்சன், போல் லாஸோஷீனி, நிகோலய் ஜோர்ஜ்கென்சன் ஆகியோர் அடித்த பெனால்ரிகளைகுரோஷிய கோல் கீப்பர் டானியல் சுபாசிச் தடுத்தார்.

குரேஷியாவின் மிலன் படேலி, ஜோஸிப் பிவாரிச் ஆகியோரின்  பெனால்ரிகளை டென்மாக் கோல்கீப்பர் ஷ்மெய்ச்சல் பிவாரிச் தடுத்தார்.

டென்மாக்கின் ஐந்தாவது பெனால்ரியும் தடுக்கப்பட்டது. 2-2 என்ற சமனிலை நீடித்தது.

  குரேஷியாவின் இவான்  ஐந்தாவ்து பெனாரிடியை அடிக்கத் தயாரானபோது பதற்றம் அதிகரித்தது.அது கோலானதும் கொரூஷியார்களின் மகிழ்ச்சிக் கொண்டாட்டம் உச்சத்தை அடைந்தது.கால் இறுதிப் போட்டியில்ரஷ்யாவும் குரோஷியாவும் மோதுகின்றன.

ஸ்பெய்னை வெளியேற்றிய ரஷ்ய கோல்கீப்பர் அகின்ஃபீவ்

ரஷ்யாவில் நகரில் நடந்த லீக் போட்டியில் பலம் வாய்ந்த  ஸ்பெய்னை பனால்ரியில்  வென்றதன் மூலம் முதன் முதலாக கால் இறுதிப்  போட்டியில் விளையாடும் தகுதியைப் பெற்றது ரஷ்யா.  உலகக்கிண்ணப் போட்டியை நடத்தும் நாடு என்ற அந்தஸ்துடன் உலகக்கிண்னத் தொடரில் விளையாடுவதற்கு ரஷ்யா தகுதி பெற்றது. ஸ்பெய்ன்,எகிப்து,சவூதி அரேபியா ஆகியவற்றுடன் ஏ பிரிவில் ரஷ்யா இடம் பிடித்தது. பலமான ஸ்பெய்ன், எகிப்து ஆகியவற்றுக்கு எதிராக விளையாடும் ரஷ்யாவின் இரண்டாம் சுற்று வாய்ப்பு சந்தேகத்துடன் நோக்கப்பட்டது.

லீக் சுற்றில் சவூதியுடனான முதல் போட்டியை அதிரடியாக 5-0 என்ற கோல் கணக்குடனும். எகிப்துடனான போட்டியை 3-1 என்றகோல் கணக்குடனும்   வெற்றியுடன் முடித்தது ரஷ்யா.  போத்துகலுடனான போட்டியை 3-3 , மொராக்கோவுடன் 2-2 என சமப்படுத்திய ஸ்பெய்ன் .1-0 எனும் கோல் அடிப்படையில் ஈரானை வென்றது.

2014 ஆம் ஆண்டு நடைபெற்ற உலகக்கிண்ணப் போட்டியில் விளையாடிய ரஷ்யாவும் ஸ்பெய்னும் முதல் சுற்றுடன் வெளியேறின. முதன் முதலாக கால் இருதிப் போட்டியில் விளையாடும் முனைப்பில் விளையாடிய ரஷ்யா வெற்றி பெற்றது. . 1986 ஆம் ஆண்டு ஒன்ருபட்ட சோவியதாகக் களம் இறங்கி கால் இறுதிப் போட்டியில் விளையாடியபின் தனி நாடான ரஷ்யா இப்பொழுதுதான் கால் இறுதிப் போட்டிக்கு முன்னேறியது.

ஸ்பெய்னுக்கு பிறீகிக் வாய்ப்பு கிடைத்தது.  அந்தரத்தில் வந்த பந்தை ரமோஸ் கோலாக்க முயற்சிக்க இக்னாஷேவிச் அவரை முரட்டுத்தனமாகத்தள்ளினார். அப்போது இக்னாஷேவிச்சின் காலில் பட்ட பந்து கோல் கம்பத்தினுள் சென்று ஓன் கோலானது. . 11 ஆவது நிமிடத்தில் 1-0 என ரஷ்யா முன்னிலை பெற்றது.

38 ஆவது நிமிடத்தில் கிடைத்த பெனால்ரிவாய்ப்பை சரியாகப்பயன் படுத்திய ரஷ்யா கோல் அடித்ததால் 1-1 என சமநிலையானது. பெனால்ரிக்குக் காரணமான ஸ்பெய்ன் வீரர் ஜெரார்ட் பிகே சர்வதேச போட்டிகளில் இருந்து ஓய்வு பெறுவதாக போட்டி முடிந்ததும் அறிவித்தார்.

ஸ்பெய்னும் ரஷ்யாவும் தலா ஒரு கோல்  அடித்த நிலையில் போட்டி முடிவடைந்ததால் மேலதிகமாக30 நிமிடங்கள் வழங்கப்பட்டது.   அப்போதும் வெற்றிக் கோல் அடிக்கப்படாமையால் வெற்றியை முடிவு செய்ய இரண்டு அனிகளுக்கும் தலா ஐந்து பெனால்ரி வழங்கப்பட்டது.

ஸ்பெயினின் வீரர்கள் வசம் 70% பந்து இருந்தது. ஆனாலும் அவர்களால் கோல் அடிக்க முடியவில்லை.  மேலதிக 30 நிமிடங்களில் ரஷ்யா சுமார் 5% மட்டுமே பந்தை வசப்படுத்தியது.

ஸ்பெயினின் அணித்தலைவர் முதலில் பெனால்ரியை அடிக்க  விருப்பம் தெரிவித்தார்.

இனியெஸ்டா முதலாவது பெனால்ரியை  கோலாக்கினார். 1-0 என ஸ்பெய்ன் முன்னிலை பெற்றது.

ரஷ்யாவின் ஸ்மோலோவ் முதல் பெனால்ரிய கோலாக்க 1-1 என சமமானது.

ஸ்பெயினின் பிகே கோல் அடிக்க 2-1 என ஸ்பெய்ன் முன்னிலை பெற்றது.

ஓன் கோல் அடித்து ஸ்பெயினை முன்னிலைப்  படுத்திய இக்னோஷேவிச் கோல் அடிக்க 2-2 என ரஷ்யா சமப்படுத்தியது.

மூன்றாவது பெனால்ரியை ஸ்பெயினின் கோக்கோ அடிக்க,  ரஷ்யாவின் கோல் கீப்பர் அகின்ஃபீவ் அதனைத் தடுத்தார்.  ரஷ்ய  ர்சிகர்களின் உற்சாகக்குரலால் மைதானம் அதிர்ந்தது. 2-2 என்ற சமநிலை தொடர்ந்தது

.

ரஷ்யாவின் கோலோ பெனால்ரி அடிக்கத் தயாரான போது, அது கோலாகக்கூடாது என ஸ்பெய்ன் ரசிகர்களும், கோல் அடித்து முன்னிலை பெற வேண்டும் என ரஷ்ய வீரர்களும் பிரார்த்தித்தனர். கோலோ கோலடிக்க மைதானம் மீண்டும் அதிர்ந்தது. 3-2 என ரஷ்யா முன்னைலை பெற்றது

.ரோமோஸின் பெனால்ரி கோலாக 3-3 என போட்டி சமமானது.

ரஷ்ய வீரர் செரிஷேவ் நேர்த்தியாகக் கோல் அடித்தார். 4-3 என ரஷ்யா முன்னிலைபெற்றது.

அஸ்பாஸ் பெனால்ரி அடிக்கத் தயாரானபோது ஒட்டு மொத்தக் கவனமும் அவர் மீது விழுந்தது. அஸ்பாஸ் ஓடிச்சென்று பந்தை அடித்தார். ரஷ்ய கோல்கீப்பர் அகின்ஃபீவ் வலது பக்கமாகப் பாய்ந்தார். பந்து அவருக்கு இடது பக்கமாகச் சென்றது. கண் இமைக்கும் நேரத்தில் தனது இடதுகாலை  அகின்ஃபீவ்  உயர்த்தினார்  அப்போதுஅவருடைய அதிர்ஷ்டம், ஸ்பெயினின் துயரம் காலில் பட்ட பந்து வெளியே போனது. 4-3 கோல் என ரஷ்யா முன்னிலை பெற்றதால் ஐந்தாவது பெனால்ரி கைவிடப்பட்டது. 25 முறை கோல் அடிப்பதற்கு ஸ்பெய்ன் முயற்சித்தது.

உதைபந்தாட்டப் போட்டியை நடத்தும் நாட்டுக்கு எதிராக பெனால்ரியில் தோல்வியடையும் துயர சம்பவம் இம்முறையும் தொடர்ந்தது.

 1934 ஆம் ஆண்டு இத்தாலியில் நடந்த உலகக்கிண்னப் போட்டியில் இத்தாலியிடம்  பெனால்ரியில் தோல்வியடைந்தது. தென்.கொரியா, இங்கிலாந்து  ஆகியவற்றிடமும்  பெனால்ரியில் ஸ்பெய்ன் தோல்வியடைந்தது. அலகக்கிண்ணம் ,ஐரோப்பிய சம்பியன் போட்டி ஆகியவற்ரில் நடத்தும் நாடுகளிடம் நொக்  அவுட் சுற்ரில்  பெனால்ரியில் தோல்வியடைந்த துயரம் இன்று வரை தொடர்கிறது.

உருகுவேயின் பலத்தால் வெளியேறியது போத்துகல்

ரஷ்யாவின் சோச்சி  நகரில் நடைபெற்ற லீக் போட்டியில் போத்துகலும் உருகுவேயும் மோதின.  ரொனால்டோ என்ற நட்சத்திரத்தை மட்டுமே போத்துகல் நம்பி இருந்தது. சுவாரஸ்,கவானி ஆகியவர்களுடன் பலமான அணியாக உருகுவே களம் இறங்கியது. உருகுவேயின் பலமான ஆட்டத்துக்கு ஈடுகொடுக்க முடியாத போத்துகல் 2-1 என்ர கோல்கணக்கில் தோல்வியடைந்து முதல் சுற்றுடன் வெளியேறியது.

உருகுவேயும் போத்துகலும் லீக் போட்டியில் தோல்வியடையாமல்  இரண்டாவது சுற்றுக்கு முன்னேறின. எகிப்தையும் சவூதியையும் 1-0 என்ற கோல்கணக்கில் வென்ற உருகுவே, ரஷ்யாவை 3-0 என்ற கோல் கணக்கில் வென்றது. உருகுவேக்கு எதிராக கோல் அடிக்கப்படவில்லை.

 லீக் சுற்றில் முதலில் ஸ்பெயினைச் சந்தித்த போத்துகல் 3 -3 என்ர கோல்கணக்கில் சமப்படுத்தியது. 1-0 என்ர கோல்கணக்கில் மொராக்கோவை வென்றது. ஈரானுடனான போட்டி போத்துகலுக்கு ஈடாட்டம் கொடுத்தது. ஈரானை போத்துகல் வென்றுவிடும் என ஒட்டு மொத்த ரசிகர்களும் நம்பிக்கொண்டு இருந்தனர்.  1-1 என்ற கோல்கணக்கில் போத்ஹ்டுகலுக்கு எதிரான போட்டியை ஈரான் சமப்படுத்தியதால் ரசிகர்கள் ஆச்ச்சரியமடைந்தனர்.

போத்துகலுக்கும் உருகுவேக்கும் இடயிலான போட்டியின் 7 ஆவது நிமிடத்தில் கவானி கோல் அடிக்க உருகுவே முன்னிலை பெற்றது.பதில் கோல் அடிக்க போத்துகல் முயற்சி செய்தது. அதன் முயற்சிகள் அனைத்தும் உருகுவேயின் பலமான தடுப்பரணைத் தாண்டி செல்ல முடியவில்லை. 

55 ஆவது நிமிடத்தில் போத்துகல் வீரர் பீபே கோல் அடிக்க 1-1 என சமநிலையானது. 62 ஆவது நிமிடத்தில் கவானி கோல் அடிக்க 2-1 என உருகுவே முன்னிலை பெற்றது.  கோல் அடிப்பதற்காக இறுதிவரை போராடிய  போத்துகல் தோல்வியுடன் வெளியேறியது. 

உருகுவே வீரர்கள் வசம் 30% தான் பந்து இருந்தது. போத்துகல் கோல் அடிப்பதற்காக 20 முறை முயற்சி செய்தது.

  2006 ஆம் ஆண்டு முதல் உலகக்கிண்ணப் போட்டியின் நொக் அவுட் சுற்றில் மெஸ்ஸியும் ரொனால்டோவும் கோல் அடித்ததில்லை. அதேவேளை மற்றைய வீரர்கள் கோல் அடிக்க உதவவில்லை என்பது கசப்பான புள்ளி விபரம்.

ஆட்ட நாயகன் எடின்சன் கவானி,   இந்த உலகக்கிண்ணப் போட்டியில் தனது கோல் கணக்கை 3ஆக உயர்த்தியுள்ளார். மொத்தமாக 45 கோல்களை சர்வதேச போட்டிகளில் அடித்துள்ளார் உருகுவே முதல் முறையாக உலகக்கிண்ண வரலாற்றில்  முதல் 4 போட்டிகளை வென்றுள்ளது.

அதிர்ஷ்டமில்லாத ஆர்ஜென்ரீனா

ரஷ்யாவில் நடைபெறும் உலகக்கிண்ண லீக்  போட்டியில் ஆர்ஜென்ரீனாவும் பிரான்ஸும் கஸான் நகரில் ஆர்ஜென்ரீனாவின் மெஸ்ஸி, பிரான்ஸின் கிரிஸ்மான் ஆகியோருக்கு இடையிலான போட்டியாகவும் இது அமைந்தது.  2014  ஆம் ஆண்டு தங்கக் காலணியையும் ஐந்து முறை ஃபிபாவின் விருதையும் வென்ற மெஸ்சியின் மீது  மிகுந்த எதிர்பார்ப்பு இருந்தது. பரபரப்புக்குப் பஞ்சமில்லாத போட்டியில் 4-3 என்ற கோல் கணக்கில் பிரான்ஸ் வெற்றி பெற்றது.

பீலே, மரடோனா ஆகியோருடன் ஒப்பிட்டுப் பேசப்படுபவர் மெஸ்ஸி. மெஸ்ஸியின் தலமையிலான் ஆர்ஜென்ரீனா கோபா அமெரிக இறுதிப் போட்டியிலும், 2014 உலகக்கிண்ண இறுதிப் போட்டியில் தோல்வியடைந்ததால் தன்னை நிரூபிக்க வேண்டிய நிலையில் இருந்தார். கிரின்மானின் நிலை  இதற்கு எதிர்மாறாக இருந்தது. பிரான்ஸ் ஒரு முறை சம்பியனாகியது. இம்முறை பிரான்ஸ் சாதிக்கும் என்ற எதிர்பார்ப்பு எழவில்லை.

லீக் சுற்றில் டி பிரிவில் இடம் பெற்ற ஆர்ஜென்ரீனா முதல் போட்டியை   அறிமுக அணியான ஐஸ்லாந்துக்கு எதிராக 1-1 என வெற்றி தோல்வியின்றி முடித்தது. செய்தது. இந்த ஆட்டத்தில் மெஸ்ஸி, பெனால்டி கிக் வாய்ப்பை தவறவிட்டது கடும் விமர்சனத்துக்கு ஆளானது. இதைத் தொடர்ந்து குரோஷியாவுக்கு எதிரான போட்டியில்  3-0 என படுதோல்வி கண்டது.

எனினும் கடைசி லீக் போட்டியில்  நைஜீரியாவை 2-1 என்ற கோல் கணக்கில் வீழ்த்தியதன் மூலம் தனது பிரிவில் 4 புள்ளிகளுடன் 2-வது இடம் பிடித்து நாக் அவுட் சுற்றுக்கு தகுதி பெற்றது.

 நைஜீரியா அணிக்கு எதிரான போட்டியில்  மெஸ்ஸியும் மார்கஸ் ரோஜோவும் கோல் அடித்தனர். லீக் சுற்றில் 3  போட்டிகளில் 5 கோல்களை வாங்கியுள்ளது அர்ஜென்டினா. அதிலும் குரோஷியாவுக்கு எதிராக மட்டும் 3 கோல்களை பெற்றது.

பிரான்ஸ்  லீக் சுற்றில்இரண்டு போட்டிகளில் வெற்றி பெற்று,  ஒரு போட்டியைச் சமப்படுத்தியது. 7 புள்ளிகள் பெற்று சி பிரிவில் முதலிடம் பிடித்து அசத்தியிருந்தது. அவுஸ்திரேலியாவுக்கு எதிராக 2-1 என்ற கோல் கணக்கிலும்  பெருக்கு எதிராகல் 1-0 என்ற கோல் கணக்கிலும் வெற்றி பெற்ற பிரான்ஸ்  டென்மார்க் அணிக்கு எதிரான கடைசி ஆட்டத்தை கோல்களின்றி சமப்படுத்தியது.  லீக் சுற்றில்  தோல்வியடையாது   நொக் அவுட் சுற்றுக்கு முன்னேறியது  பிரான்ஸ்.

லீக் சுற்றின் 3 போட்டிகளிலும்  3 கோல்கள் மட்டுமே அடித்துள்ளது. அதிலும் ஒரு கோல் எதிரணி வீரரால் அடிக்கப்பட்ட ஓன் கோல்.இ மற்றொன்று பெனால்டியில் கிடைத்தது. அதேவேளையில் தற்காப்பு ஆட்ட வியூகத்தில் சிறப்பாக செயல்பட்டுள்ள பிரான்ஸ் ஒரு கோலை மட்டுமே வாங்கி உள்ளது. இந்த கோலும் பெனால்டி கிக் வாய்ப்பில் எதிரணியினரால் அடிக்கப்பட்டதுதான். 1998-ல் சாம்பியன் பட்டம் வென்ற போதும் பிரான்ஸ் அணி இதுபோன்று தற்காப்பு ஆட்டத்தில் அதீத பலத்துடன் காணப்பட்டது.

8 ஆவது  நிமிடத்தில் கிளியான் மாபேவை, பாக்ஸ் பகுதிக்கு வெளியே அர்ஜென்டினா வீரர் ஜேவியர் மஸ்செரேனோ தள்ளிவிட்டார். இதனால் பிரான்ஸ் அணிக்கு ஃப்ரீ கிக் வாய்ப்பு கிடைத்தது. இதில் இலக்கை நோக்கி அன்டோனி கிரீஸ்மான் அடித்த பந்து கோல் போஸ்டில் பட்டு விலகிச் சென்று ஏமாற்றம் அளித்தது.

11 ஆவது நிமிடத்தில் பெனால்டி பகுதிக்குள் வைத்து பிரான்ஸ் வீரர் கிளியான் மாபேவை ஆர்ஜென்ரீனாவின் மார்கஸ் ரோஜோ தள்ளினார் செய்தார். இதனால் பிரான்ஸ் அணிக்கு பெனால்டி கிக் வாய்ப்பு வழங்கப்பட்டது. இதை பயன்படுத்தி கீரிஸ்மான் கோல் அடிக்க பிரான்ஸ் அணி 1-0 என முன்னிலை பெற்றது.

 21 ஆவது நிமிடத்தில் ஃப்ரீ கிக் மூலம் பால் போக்பா, பாக்ஸ் பகுதிக்கு வெளியே இருந்து அடித்த பந்து கோல்கம்பத்துக்கு மேலாகச் சென்றது.

22 ஆவது நிமிடத்தில் ஆர்ஜென்ரீனாவின் எவர் பனேகா அடித்த பந்து தடுக்கப்பட்டது.

40 ஆவது நிமிடத்தில் அர்ஜென்டினா பதிலடி கொடுத்தது. எவர் பனேகா உதவியுடன் பந்தை பெற்ற ஏஞ்சல் டி மரியாஇ பாக்ஸ் பகுதிக்கு வெளியில் 35 யார்டு தூரத்தில் இருந்து வலுவாக அடித்த ஷாட்இ உயரமாக கர்லிங் முறையில் சுழன்றபடி கோல்கம்பத்தின் வலது ஓரமாக கோல் வலையை துளைத்தது. இதனால் முதல் பாதி ஆட்டம் 1-1 என சமநிலையை அடைந்தது.

48 ஆவது நிமிடத்தில் கப்ரியல் மெர்காடோகோல் அடித்தார். ஆர்ஜென்ரீனா 2-1 என முன்னிலை பெற்றது.

 57 ஆவது நிமிடத்தில் பெஞ்சமின் பவார்ட் கோல் அடிக்க 2-2 என சமமானது.

64 , 68 ஆவது நிமிடங்களில்  கிளியான் மாபே  இரண்டு கோல்கள் அடிக்க  4-2 என பிரான் முன்னிலை பெற்றது.

நிர்ணயிக்கப்பட்ட 90 நிமிடங்களில் அர்ஜென்டினா அணியால் மேற்கொண்டு கோல் அடிக்க முடியாமல் போனது.

  காயங்களுக்கு இழப்பீடாக 4 நிமிடங்கள் வழங்கப்பட்டது. இதில் 3-வது நிமிடத்தில் லயோனல் மெஸ்ஸி உதவியுடன் பந்தை பெற்ற அர்ஜென்டினாவின் அகுரோ தலையால் முட்டி கோலாக்கினார்.

ஆட்ட நேர முடிவில் 4-3 என்ற கோல் கணக்கில் வெற்றி பெற்ற பிரான்ஸ் கால் இறுதிக்கு முன்னேறியது.

உலகக்கிண்ண வரலாற்றில் ஒரு போட்டியில்  இரண்டு கோல்கள் அடித்த இளம் வீரர் என்ற சாதனையில் பிறேஸில் ஜாம்பவான் பீலேவுக்கு அடுத்த இடத்தைப் பிடித்தார் பிரான்ஸின் வீரர் மாப்பே.

1958 ஆம் ஆண்டு நடந்த உலகக்கிண்ண இறுதிப் போட்டியில் 17 வயதான பீலே அடுத்தடுத்து இரண்டு கோல்கள் அடித்தார். 60 வருடங்களுக்குப் பின்னர் 19 வயதான ஒரு போட்டியில் இரண்டு கோல்கள் இரண்டாவது வீரர் என்ற சாதனையை படைத்தார்.