அவுஸ்திரேலிய ஓபன்னில் ரஷ்யா, பெலாரஸ் கொடிகளுக்கு தடை

 இந்த ஆண்டின் முதல் கிராண்ட்ஸ்லாம் போட்டியில்   ரஷ்யா ,பெலாரஸின் கொடிகள் அவுஸ்திரேலிய ஓபன் மைதானத்தில்  தடை செய்யப்பட்டன.

பொதுவாக, மெல்போர்ன் பூங்காவில் நடைபெறும் போட்டிகளின் போது கொடிகள் காட்டப்படலாம். ஆனால் டென்னிஸ் அவுஸ்திரேலியா கிட்டத்தட்ட ஒரு வருடத்திற்கு முன்பு தொடங்கிய உக்ரைன் படையெடுப்பில் ஈடுபட்ட இரு நாடுகளுக்கும் அந்தக் கொள்கையை மாற்றியது.

திங்கள்கிழமை நடைபெற்ற முதல் சுற்றில் கோர்ட் 14 இல் உக்ரைன் வீராங்கனை கேடரினா பைண்டல் 7௫, 6௭ (8), 6௧ என்ற செட் கணக்கில் ரஷ்ய வீராங்கனை கமிலா ரக்கிமோவாவை வீழ்த்தியபோது ரஷ்யக் கொடி ஒன்று காட்டப்பட்டது.ராட் லாவர் அரினாவில் மார்கோஸ் ஜிரோனை 6-0, 6௧, 6௨ என்ற செட் கணக்கில்  ரஷ்ய வீரர் டேனியல் மெட்வடேவ் வீழ்த்தினார்.

உக்ரைனில் நடந்த போரின் காரணமாக கடந்த ஆண்டு விம்பிள்டன் ,பில்லி ஜீன் கிங் கோப்பை மற்றும் டேவிஸ் கோப்பை போன்ற குழு நிகழ்வுகளில் ரஷ்யா ,ம் பெலாரஸ் ஆகிய நாடுகளின் விளையாட்டு வீரர்கள் போட்டியிட தடை விதிக்கப்பட்டது . கடந்த ஆண்டு பெப்ரவரியில் பெலாரஸின் உதவியுடன் ரஷ்யா படையெடுத்தது.

ரஷ்ய மற்றும் பெலாரஷ்ய வீரர்கள் மற்ற மூன்று கிராண்ட்ஸ்லாம் போட்டிகளில் நுழைய அனுமதிக்கப்படுகிறார்கள், ஆனால் "நடுநிலை" விளையாட்டு வீரர்களாக உள்ளனர், எனவே அவர்களின் தேசிய இனங்கள் நிகழ்வுக்கான அதிகாரப்பூர்வ அட்டவணைகள் அல்லது முடிவுகளில் அங்கீகரிக்கப்படவில்லை மற்றும் அவர்களின் நாடுகளின் கொடிகள் தொலைக் காட்சி நேரலையில் காட்டப்படமாட்டாது.