உள்ளூராட்சி மன்றத் தேர்தல் இலாப - நஷ்ட கணக்கு

 உள்ளூராட்சி மன்றத் தேர்தலுக்கான  முன்னேற்பாடுகள் அனைத்தும்  பூர்த்தியடைந்த நிலையில் செலவுக்குப் பணம்  இல்லை என அரசாங்கம் கைவிரித்துள்ளது. உள்ளூராட்சி  மன்ரத் தேர்தலால் சிலர் இலாபமடைவார்கள்.  பலர் நஷ்டமடைவார்கள்.

மக்கள் விரும்பாத சில சம்பவங்கள்  இலங்கை அரசியலில்   அரங்கேறி உள்ளன. கிணறு வெட்ட பூதம் வந்ததுபோல "கோத்தா  கோ கோம், மகிந்த கோ கோம்  கோஷங்களுக்கிடையில்  ரணில் விக்கிரமசிங்க அரியணையில் ஏறினார். அரசியல் அடிவருடிகளின்  கைங்கரியத்தால் ரணில்,  பிரதமராகி,  பின்னர், ஜனாதிபதியானார். அமைச்சுப் பதவி மீது ஆசை கொண்டவர்களினால் ஜனாதிபதியின் கை ஒங்கி உள்ளது. வாழ்வாதாரப் பிரச்சினையால் மக்கள் சொல்லொணாத் துயரை அனுபவிக்கிரர்கள். இதையெல்லாம் கவனத்தில் எடுக்காதவர்கள்  புதிய அமைச்சரவைப் பட்டியலைத் தயாரித்துள்ளனர்.

உள்ளூராட்சி மன்றத் தேர்தல் நடந்தால் வெற்றி நிச்சயம் என எதிர்க் கட்சிகள் நினைக்கின்றன. தேர்தலில் படு தோல்வி கிடைக்கும் என ஆளும் அரசியல்வாதிகள் நன்கு அறிவார்கள். அரசாங்கத்தின்  முகத்திரையைக் கிப்பதற்கு  பொதுமக்கள் தேர்தலை எதிர்  பார்க்கிறார்கள். உள்ளூராட்சி மன்றத் தேர்தலை ஒத்தி வைக்க முடியாது நடத்தத்தான் வேண்டும்.  ஆனால், தேர்தலை நடத்துவதர்கு பணம் இல்லை என்பதே  முக்கிய காரணமாகும்.

நான்கு வருடங்களுக்கு ஒருமுறை நடத்தப்பட வேண்டிய உள்ளூராட்சி மன்றத் தேர்தல் கடந்த 2018ஆம் ஆண்டு நடத்தப்பட்டது. 2022ஆம் ஆண்டு மாகாண சபைகள் மற்றும் உள்ளூராட்சி அலுவல்கள் இராஜாங்க அமைச்சர் சபைகளின் பதவிக்காலம் மேலும் ஒரு வருடத்திற்கு நீடிக்கப்பட்டுள்ளதாக வர்த்தமானி அறிவித்தல் விடுத்தார். நீட்டிப்புக்கான காரணம் எதுவும் தெரிவிக்கப்படவில்லை. இலங்கை இதுவரை சந்தித்திராத மோசமான பொருளாதார நெருக்கடி நிலவுவதால்     உள்ளூராட்சி மன்றத் தேர்தலில் அரசாங்கம்  படுதோல்வியை சந்திக்கும் என எதிர்பார்க்கப்படுகிறது. சிறிலங்கா பொதுஜன பெரமுனவின் ஆதரவுடன் அரசாங்கம்  இயங்குகிறது. சிறிலங்கா பொதுஜன பெரமுனவுக்கு எதிராக பொது மக்கள் கடும் கொந்தளிப்பில் உள்ளார்கள்.

உள்ளூராட்சி மன்றத் தேர்தல் அறிவிக்கப்பட்ட நாளில் இருந்து அதற்கான தடைகளும்  பின் தொடர்ந்தன. உள்ளூரட்சி மன்றத் தேர்தலுக்கு எதிராக ஒய்வு பெற்ற  இராணுவ அதிகாரி  வழக்குத் தாக்கல் செய்தார். உள்ளூராட்சி மன்றத் தேர்தலுக்கான வைப்புத்தொகையை ஏற்க வேண்டாம் என மாவட்டச் செயலாளர்களுக்கு அறிவுறுத்தப்பட்டது.  பிரச்சனை பூதாகாரமானதால் கட்டுப்பணம் வங்க வேண்டாம் என அனுப்பிய கடிதம்  மீளப் பெறப்பட்டது. துமக்களின் அதிருப்தியை அடுத்து அந்த கடிதம் மீள பெறப்பட்டது. தேர்தலுக்கு 27 மில்லியன் அமெரிக்க டொலர் செலவாகும் என்று மதிப்பிடப்பட்டுள்ளது. தேர்தல்கள் ஆணைக்குழு பலமுறை கோரிக்கை விடுத்தும் நிதி அமைச்சு தேவையான நிதியை வழங்கவில்லை.

நிதியை விடுவிக்காமல் அரசாங்கம் தேர்தலை நடத்த விடாமல் தடுக்கும் என்று அஞ்சிய எதிர்க்கட்சிகள் உள்ளூராட்சி மன்றத் தேர்தலை நடத்த தேர்தல்கள் ஆணைக்குழுவுக்கு உத்தரவிடுமாறு வலியுறுத்தி நீதிமன்றத்திற்கு சென்றன.

“தேர்தலை நடத்தத் தயாராக உள்ளோம்” என்று தேர்தல் ஆணையம் நீதிமன்றங்களுக்குத் தெரிவித்ததையடுத்து, அத்தகைய உத்தரவை வழங்க வேண்டிய அவசியமில்லை என்று உச்ச நீதிமன்றம் கூறியது.

இந்த முடிவை எதிர்க்கட்சிகள் மகிழ்ச்சியுடன் வரவேற்றன. எவ்வாறாயினும், சில நாட்களுக்குப் பின்னர், முன்கூட்டியே பணம் செலுத்தாமல் தேவையான வாக்குச் சீட்டுகளை அச்சிட முடியாது என அரசாங்க அச்சக அதிகாரி கங்கானி லியனகே தெரிவித்ததால், தேர்தலை ஒத்திவைக்க வேண்டியுள்ளதாக தேர்தல் ஆணைக்குழு அறிவிக்க வேண்டியிருந்தது.இதற்கு முன்பு இந்த நடைமுறை இல்லை, தேர்தல் கண்காணிப்பாளர்கள் இந்தத் தடைகளுக்கான பழியை நேரடியாக அரசாங்கத்தின் மீது சுமத்தியுள்ளனர். தேர்தலை குறைமதிப்பிற்கு உட்படுத்த அரசாங்கம் பயன்படுத்தும் பல வழிமுறைகளை இங்கும் காணலாம்.

தேர்தலை நடத்துவதற்கு திறைசேரியில் பணம்  இல்லை என அரசாங்கம்  தெரிவித்துள்ளது. இது ஒரு புதுமையான காரணமாகும். இதர்கு முன்ன்ர  பணக்  கொடுத்துத் தான் த்கேர்தல் வேலைகள் ஆரம்பிக்கப்பட்ட்டதாக வரலாறு இல்லை. தேர்தலை ஒத்தி வைப்பது அல்லது நடத்தாமல் காலம் கடத்துவது வெற்றிக் ரமான நடவடிக்கையாக அரசாங்கத்துக்குத் தோன்றலாம்.

  தேர்தலை நடத்தாத அரசுக்கு எதிராக எதிர்க்கட்சிகள் அரசியல் ரீதியாக போராட்டம் நடத்துவது மேலும் வலுப்பெற வாய்ப்புள்ளது. காவல்துறையினரின் போராட்டங்களின் எதிர்வினைகள் நாளுக்கு நாள் கடுமையாக அதிகரித்து வருகின்றன. அரசாங்கத்தின் அடக்குமுறை மற்றும் தேர்தலை நடத்த மறுப்பது குறித்து சர்வதேச ஊடகங்களில் வெளியான செய்திகள் சாதகமாக இல்லை. சர்வதேச ஊடகங்களில் பல செய்திகள் “வங்குரோத்து இலங்கை தேர்தலை ஒத்திவைக்கிறது” என்று தலைப்புச் செய்தியாக வெளியானது. தொடர்ந்து பின்னடைவைச் சந்தித்து வரும் சர்வதேச நாணய நிதியம் தனது கடனை வழங்குவதற்காக அரசாங்கம்  காத்திருக்கிறது.   தேர்தல் ஊசலாடுவதர்கு இதுவும்  ஒரு காரணமாக இருக்கலாம்.

இந்த நிலையில் உள்ளூராட்சி சபைத் தேர்தலை நடத்துவதற்கு அரசாங்கம்  உறுதியளிக்க வெண்டும்.  அதற்குரிய பணத்தை ஜனாதிபதி ரணில்  கண்டு பிடிக்க வேண்டும்.    அரசுக்கும் இடையே உள்ள நம்பிக்கையை மீட்டெடுக்கும் வகையில், சுதந்திரமான மற்றும் நியாயமான தேர்தலை நடத்த, தேர்தல் கமிஷனுக்கு அரசு தீவிரமாக துணை நிற்க வேண்டும். மார்ச் 3-ம் தேதி புதிய தேதியை அறிவிக்கும் என்று தேர்தல் ஆணையம் கூறியுள்ளது. தேசிய நலன் கருதி இந்த தேதி உண்மையில் தேர்தல் நடைபெறும் தேதியாக இருக்க வேண்டும். சுதந்திரமான மற்றும் நியாயமான தேர்தல் என்ற ஜனநாயகத்தின் அடிப்படையை நிலைநாட்டுவதன் மூலம் அரசாங்கத்தின் ஜனநாயக நற்சான்றிதழ்களை மீட்டெடுப்பது, இலங்கையில் தனது ஒற்றுமை மற்றும் பணத்தை முதலீடு செய்வதற்கான சர்வதேச சமூகத்தின் நம்பிக்கையை அதிகரிக்க உதவும்.