மூன்று நாடுகளுக்காக ஒம்பிக்கில் விளையாடிய வீராங்கனை

        உலக சாம்பியன்ஷிப் ஜிம்னாஸ்டிக் போட்டியில் 16 வயதில் களம் இறங்கிய  ஒக்சனா சுஸோவிட்னா 46 ஆவது வயதில் டோக்கியோ ஒலிம்பிக்கில் ஓய்வை அறிவித்தார். 30 வருடங்களாக ஜிம்னாஸ்டிக் போட்டிகளில்  கோலோச்சிய சுஸோவிட்னா ஓய்வு சாதிப்பதற்கு வயது தடை அல்ல என்பதை  எடுத்துக் காட்டியுள்ளார்.

ஒலிம்பிக்கில் கலந்து கொள்ளும் வீரர்களில் அதிகமானோர் ஒரு நாட்டுக்காக பலமுறை கலந்துகொள்வார்கள். உஸ்பெகிஸ்தான் நாட்டில் பிறந்த சுஸோவிட்னா, .விதிவிலக்காக இதுவரை மூன்று நாடுகளுக்காக ஒலிம்பிக் போட்டிகளில் பங்கேற்றுள்ளார்.

ஜிம்னாஸ்டிக் போட்டியில் ரசிகர்களால் கொண்டாடப்படும் 46 வயதான ஒக்சனா சுஸோவிட்னா, டோக்கியோவில் நடைபெற்ற ஒலிம்பிக் போட்டியில் வால்ட் பிரிவில் தோல்வியடைந்ததை அடுத்து தனது ஓய்வை அறிவித்தார். புற்றுநோயில் இருந்து மீண்ட 21 வயது நிரம்பிய இவருடைய மகனும் இப்போட்டியை நேரில் கன்டு ரசித்தார். 16 ஆவது வயதில் உலக சாம்பியன்ஷிப் ஜிம்னாஸ்டிக் போட்டியில் சோவியத் யூனியன் சார்பாக முதன்முதலாக கலந்து கொண்டார் சுஸோவிட்னா. இப்போட்டியில்   மாற்று வீரராகவே கலந்து கொண்டாலும் ஊருக்கு திரும்பி வருகையில் அவருடைய கையில் இரண்டு பதக்கங்கள் இருந்ததன‌. அன்றிலிருந்து கடந்த 30 வருடங்களாக ஜிம்னாஸ்டிக் களத்தில் கோலோச்சிக் கொண்டிருக்கிறார்.

சோவியத் நாடுகள் சிதறுண்டு தனித்தனி நாடாக பிரிந்த போது, 1992 பார்சிலோனா ஒலிம்பிக்கில் முன்னாள் சோவியத் நாடுகள் அனைத்தும் சுதந்திர காமன்வெல்த் நாடுகள் என்ற பெயரில் ஒருங்கிணைந்து ஒலிபிக்கில் போட்டியிட்டன.அப்போது அந்த அணியின் கீழ் விளையாடிய சுஸோவிட்னா, ஜிம்னாஸ்டிக் குழு போட்டியில் தங்கப்பதக்கம் வென்றார்.

சுஸோவிட்னான் மகன் அலிஷர் புற்றுநோயால் பாதிக்கப்பட்டதால் உஸ்பெகிஸ்தானில் சிகிச்சை அளிக்கப் போதுமான வசதி இல்லாத காரணத்தினல் நோய்வாய்ப்பட்ட தன் மகனோடு  2002 ஆம் ஆண்டு ஜேர்மனிக்கு இடம்பெயர்ந்தார்.

ம்கனைன் நோய் தீவிரமடைந்ததால் சர்வதேச போட்டிகளில் பங்கேற்கப் போவதில்லை அறிவித்தார். மகனின் சிகிச்சை செலவிற்கு நிதி திரட்டுவதற்காக மறுபடியும் ஜிம்னாஸ்டிக் களத்தில் கால் பதித்தார்.

 ஜேர்மனியி தங்கி இருந்தபோது 2008 ஆம் ஆண்டு பீஜிங்  ஒலிம்பிக்கில் ஜேர்மனி சார்பாக விளையாடி தனி நபர் பிரிவில் வெள்ளிப்பதக்கம் பெற்றார். அப்போது அவருக்கு  33 வயது. இந்த வயதில் ஜிம்னாஸ்டிக்கில், அதுவும் ஒலிம்பிக் போட்டியில் பதக்கம் வெல்வது சாதாரண விஷயம் இல்லை.

இரண்டு மாதத்திற்கு முன்புதான் அவருடைய மகனும் புற்றுநோயிலிருந்து முழுமையாக குணமாகியிருந்தார். இது அவருக்கு இரட்டிப்பு மகிழ்ச்சியை தந்தது. அந்த மகிழ்ச்சியுடன் டோக்கியோ ஒலிம்பிக்கில் உஸ்பெகிஸ்தான் சார்பாக கலந்து கொண்டார்.

இதுவரை பெற்ற பதக்கங்கள்

ஒலிம்பிக் 1 தங்கம், 1 வெள்ளி

உலக சம்பியன் 3 தங்கம், 4வெள்ளி, 4வெண்கலம்

உலகக்கிண்ணம் 1 தங்கம், 1  வெண்கலம்

ஏசிய கேம்ஸ் 2 தங்கம் 4 வெள்ளி 2 வெண்கலம்

ஏசியன் சம்பியன் ஷிப் 3 வெள்ளி, 1 வெண்கலம்

ஐரோப்பியன் சம்பியன் ஷிப்  1 தங்கம், 1வெள்ளி 1 வெண்கலம்

இஸ்லாமிய  சொலிடரி கேம்ஸ் 1 தங்கம் 

சுஸோவிட்னா பங்குபற்றிய‌ ஒலிம்பிக் போட்டிகள்.

 

1992 பர்சிலோனா [ஸ்பெய்ன்], 1996 அட்லாண்டா [அமெரிக்கா], 2000 சிட்னி [அவுஸ்திரேலியா],2004 ஏதென்ஸ் [கிரீஸ்], 2008 பீஜிங் [ச்சினா],2012 இலண்டன்[இங்கிலாந்து],2016ஜெனீரோ [பிரேஸில்],2020 டோக்கியோ [ஜப்பான்] 

டோக்கியோ ஒலிம்பிக் ஜிம்னாஸ்டிக்கில் பங்குபற்றிய‌ அதிக வயதான வீரராக சுஸோவிட்னா உள்ளார்.