ஆடு படம் போட்டு மெஸ்ஸியை பாராட்டுவது ஏன்?

உலக கோப்பை கால்பந்து இறுதிப்போட்டியில் அர்ஜெண்டினா அணி வெற்றி பெற்ற நிலையில், இந்த வெற்றி காரணமான மெஸ்ஸியை அனைவரும் ஆடு படம் போட்டு பாராட்டி வருகின்றனர்.

கட்டாரில் நடைபெற்ற உலகக் கோப்பை தொடரின் இறுதிப் போட்டியில் ஆர்ஜென்ரீனா அணி சாம்பியன் பட்டம் வென்றது. இதன் மூலம் உலகின் தலைசிறந்த வீரர்களில் ஒருவரான மெஸ்ஸியின்  உலகக் கிண்ண  கனவு நனவாகியுள்ளது . ஏழு முறை பாலன் டி ஆர் விருது, உட்பட     அனைத்து கிண்ணங்களையும் தூக்கி முகர்ந்த  மெஸ்ஸிக்கு உலகக் கிண்ணம்  என்பது எட்டாக்கனியாக இருந்துவந்தது. அதைத் தனது 35ஆவது வயதில் வென்று வரலாற்றில் இடம் பிடித்துள்ளார் மெஸ்ஸி.

இறுதிப்போட்டியில் 2 கோல்கள் அடித்து அணியின் வெற்றிக்கு முக்கிய காரணமாக மெஸ்ஸி இருந்தார் என்பதும் கூடுதல் சிறப்பு. மேலும், உலகக் கோப்பையில் 5 போட்டிகளில் ஆட்டநாயகன் விருது வென்ற ஒரே வீரர் என்ற மகத்தான சாதனையை மெஸ்ஸி படைத்தார். இதன் மூலம், கத்தார் உலகக் கோப்பையில் சிறந்த வீரருக்கான தங்கப் பந்து   விருதையும் அவர் வென்றார். 2014-ஐ தொடர்ந்து இரண்டாவது முறை த்ங்கப் பந்து விருதை வென்றார்.

இந்நிலையில் சமூகவலைதளங்களில் மெஸ்ஸிக்கு வாழ்த்து தெரிவிக்கும் அனைவரும், #Messi🐐என பதிவிடுகின்றனர். இது ஏன் என புதிதாக கால்பந்து பார்க்கும் அனைவரும் மண்டையை பிய்த்து கொண்டிருக்கின்றனர்.சமகாலம் மட்டுமின்றி வரலாற்றில் மிகச் சிறந்தவர் என்பதை குறிக்கும் Greatest Of All Time-ன்  சுருக்கமே GOAT என சமூகவலைதளங்களில் அழைக்கப்படுகிறது. அந்த GOAT   என்ற சொல் ஆங்கிலத்தில் ஆடு என பொருள்படுவதால் ஆடு 🐐 படம் பயன்படுத்தி அவரை வாழ்த்துகின்றனர்.