உலகக் கிண்ண உதைப்ந்தாட்டத் தொடரின் குரூப் கே பிரிவு லீக் ஆட்டத்தில், அறிமுக அணியான உஸ்பெகிஸ்தானை 3-1 என்ற கோல் கணக்கில் வீழ்த்தி கொலம்பியா அணி தனது உலகக் கோப்பை கணக்கை கம்பீரமாகத் தொடங்கியுள்ளது.
மெக்சிகோவின் புகழ்பெற்ற அஸ்டெகா மைதானத்தில் புதன்கிழமை நடைபெற்ற இப்போட்டியில் கொலம்பியா மற்றும் உஸ்பெகிஸ்தான் அணிகள் மோதின. கடந்த 2022 உலகக் கோப்பைக்குத் தகுதி பெறத் தவறியது கொலம்பியா. 41வது நிமிடத்தில் கொலம்பியாவின் நட்சத்திர விங்கர் லூயிஸ் டயஸ் கொடுத்த அருமையான பாஸைப் பெற்றுக்கொண்ட டேனியல் முனோஸ் லாவகமாக ஒரு கோல் அடித்து அணியை 1-0 என முன்னிலை பெறச் செய்தார். 60வது நிமிடத்தில் உஸ்பெகிஸ்தான் அணி தங்களது வரலாற்றுச் சிறப்புமிக்க முதல் உலகக் கிண்ணக் கோலை அடித்தது. ஷோமுரோடோவ் அடித்த பந்தை கொலம்பியா கோல்கீப்பர் தடுத்த போது, ரீபவுண்ட் ஆன பந்தை அப்பாஸ்பெக் ஃபைசுல்லேவ் தலையால் முட்டி கோலாக்கி ஆட்டத்தை 1-1 என சமன் செய்தார். இது உலகக் கோப்பை வரலாற்றில் உஸ்பெகிஸ்தான் நாடு பதிவு செய்த முதல் கோலாகும்.
உஸ்பெகிஸ்தானின் மகிழ்ச்சி 5 நிமிடங்கள் மட்டுமே நீடித்தது. ஆட்டத்தின் 65வது நிமிடத்தில் லிவர்பூல் விங்கரான லூயிஸ் டயஸ், பந்தை லாவகமாக வளைத்து கோல் போஸ்ட்டிற்குள் தள்ளி கொலம்பியாவை மீண்டும் 2-1 என முன்னிலை பெறச் செய்தார். உலகக் கிண்ண வரலாற்றில் லூயிஸ் டயஸ் அடிக்கும் முதல் கோல் இதுவாகும்.
ஆட்டத்தின் கூடுதல் நேரத்தில் மாற்று வீரராகக் களமிறங்கிய ஜமிண்டன் காம்பாஸ் தலையால் முட்டி ஒரு கோல் அடிக்க, கொலம்பியா 3-1 என்ற கணக்கில் அபார வெற்றி பெற்றது.
No comments:
Post a Comment