பாரிஸ் ஒலிம்பிக்குக்கு 400,000 புதிய டிக்கெட்டுகள்

  பாரிஸில் அடுத்த ஆண்டு  நடைபெற  உள்ள  ஒலிம்பிக் ,பாராலிம்பிக்ஸிற்கான 400,000 கூடுதல் டிக்கெட்டுகளை மாத இறுதியில் வெளிடப்படும் என  ஒலிம்பிக் கமிட்டி அரிவித்துள்ளது.

அதிகாரப்பூர்வ டிக்கெட் இணையதளத்தில் நவம்பர் 30 ஆம் திக‌தி காலை 10 மணிக்கு விற்பனை தொடங்கும் என்றும், சர்ஃபிங் தவிர அனைத்து விளையாட்டுகளுக்கும் அனைத்து விலை வகைகளிலும் இருக்கைகள் கிடைக்கும் என்றும் ஏற்பாட்டாளர்கள் தெரிவித்தனர். லாட்டரி இல்லாமல் முதலில் வருபவருக்கே முன்னுரிமை என்ற அடிப்படையில் டிக்கெட்டுகள் விற்கப்படும்.

பெரும்பாலான டிக்கெட்டுகள் ஒலிம்பிக் விளையாட்டு நிகழ்வுகளுக்கானவை, தொடக்க மற்றும் நிறைவு விழாக்களுக்கான டிக்கெட்டுகளும் கிடைக்கின்றன என்று அமைப்பாளர்கள் தெரிவித்தனர்.

புதிய ஒதுக்கீட்டில் மூன்றில் ஒரு பங்கு டிக்கெட்டுகள் 50 யூரோக்களுக்கு ($55) கீழ் விற்கப்படும். மிக விலையுயர்ந்த ஒலிம்பிக் டிக்கெட்டுகள் தொடக்க விழாவிற்கு 2,700 யூரோக்கள் ($2,900) ஆகும். மலிவான டிக்கெட்டுகள் 24 யூரோக்கள் ($26).

ஒலிம்பிக்கிற்கான 10 மில்லியன் டிக்கெட்டுகளில் 7.2 மில்லியன் டிக்கெட்டுகள் ஏற்கனவே விற்றுவிட்டதாகவும், அடுத்த ஆண்டு மேலும் டிக்கெட்டுகள் வெளியிடப்படும் என்றும் ஏற்பாட்டாளர்கள் தெரிவித்தனர்.

பாராலிம்பிக் போட்டிகளுக்கான விற்பனை விவரம் வெளியிடப்படவில்லை. அவற்றில் 2.8 மில்லியனை விற்பனை செய்ய அமைப்பாளர்கள் இலக்கு வைத்துள்ளனர்.