உலகக்கிண்ண உதைபந்தாட்ட போட்டிக்குத் தயாராகும் வட அமெரிக்கா

 வட அமெரிக்க நாடுகளான அமெரிக்கா,கனடா, மெக்ஸிகோ ஆகியன இணைந்து  2026  ஆம் ஆண்டு உல‌கக்கிண்ண உதைந்தாட்டப் போட்டியை நடத்துவதற்காக ஏற்பாடுகளை ஆரம்பித்துள்ளன.

 அமெரிக்காவில் 2026  ஆம் ஆன்டு நடைபெறும் உலகக் கிண்ணப் போட்டி நடைபெறும் இடங்களை  பீபாவின் பிரதிநிதிகள் கடந்த வாரம் பார்வையிட்டனர்.  ஒன்பது நாள் சுற்றுப்பயணம் 2022 ஆம் ஆண்டின் முற்பகுதியில் முடிவடையும் ஒரு தேர்வு செயல்முறையின் ஒரு பகுதியாகும்.

பீபாவின் பிரதிநிதிகள் பாஸ்டன், நாஷ்வில்லி, அட்லாண்டா, ஆர்லாண்டோ, வாஷிங்டன் டிசி, பால்டிமோர், நியூயார்க்-நியூ ஜெர்சி, பிலடெல்பியா, மியாமி ஆகிய நகரங்கலுக்குச் சென்று ஆய்வு செய்தனர்.

இந்த குழுவுக்கு ஃபிஃபா துணைத் தலைவர் மற்றும் வட, மத்திய அமெரிக்கா மற்றும் கரீபியன் சங்க உதைந்தாட்ட  தலைவர் விக்டர் மொன்டாக்லியானி  ஆகியோர் இடம் பெற்றனர். மீதமிள்ள இடங்கள் நவம்பர் இறுதியில் பார்வையிடப்படும் என்று பீபா தெரிவித்துள்ளது.

தூதுக்குழுவினர் நகர மற்றும் அரங்க அதிகாரிகளுடனும், உதைபந்தாட்ட‌ கிளப்புகள் மற்றும் பிற விளையாட்டு அமைப்புகளுடனும் பேசினார். இட மேலாண்மை, உள்கட்டமைப்பு, நிலைத்தன்மை மற்றும் வணிக, சட்ட மற்றும் மரபு விஷயங்கள் பற்றி கலந்துரையாடப்பட்டது.

அதிகாரிகள்  பிலடெல்பியாவில் உள்ள லிங்கன் ஃபைனான்சியல் ஃபீல்டிற்கு சென்றனர். 69,796 இருக்கைகள் கொண்ட அரங்கிற்கு வெளியே ரசிகர்களை அவர்களை உற்சாகமாக  வரவேற்றதாக உள்ளூர் ஊடகங்கள் செய்தி வெளியிட்டன.